ភ្នំពេញ៖ នៅវេលាម៉ោង២រសៀលថ្ងៃទី១៣ ខែមិថុនា ឆ្នាំ២០២៥នេះ ក្រសួងព័ត៌មានបានអញ្ជើញ​ម្ចាស់ស្ថានីយ​ទូរទស្សន៍ទាំងអស់ ចូលរួមកិច្ចប្រជុំស្តីពីការចាក់ផ្សាយខ្សែភាពយន្តនិងវីដេអូថៃនៅតាមបណ្តាស្ថានីយទូរទស្សន៍ កំពុងដំណើរការផ្សាយ​នៅព្រះរាជាណាចក្រកម្ពុជា នៅសាលប្រជុំព្រះវិហារទីស្តីការក្រសួង។ កិច្ចប្រជុំនេះបានធ្វើឡើងបន្ទាប់ពីក្រសួងបានជូនដំណឹងកាលពីថ្ងៃទី១២ ខែមិថុនា ដល់​ម្ចាស់ស្ថានីយទូរ​ទស្សន៍ថា ចាប់ពីម៉ោង ១២យប់ ថ្ងៃទី១២ ខែមិថុនា ឆ្នាំ២០២៥ នេះតទៅ សូមស្ថានីយទូរទស្សន៍​ទាំងអស់នៅកម្ពុជាបញ្ឈប់​ការ​ចាក់ផ្សាយ ខ្សែភាពយន្តថៃគ្រប់​ប្រភេទនៅលើកញ្ចក់ទូរទស្សន៍របស់ខ្លួន។ ដោយឡែកនៅព្រឹកថ្ងៃទី១៣ ខែមិថុនានេះក្រសួងវប្បធម៌ និង​វិចិត្រសិល្បៈបានជូនដំណឹងដល់ម្ចាស់ក្រុមហ៊ុន ចែកចាយភាពយន្ត និងម្ចាស់រោងភាពយន្តទាំងអស់ថា ចាប់ពីម៉ោង១២ថ្ងៃត្រង់ ថ្ងៃទី១៣ ខែមិថុនា ឆ្នាំ២០២៥ នេះតទៅ សូមគ្រប់ក្រុមហ៊ុនចែកចាយភាពយន្ត និងរោងភាពយន្តទាំងអស់ក្នុងព្រះរាជាណាចក្រកម្ពុជា បញ្ឈប់ការ​នាំចូល និងបញ្ឈប់ការចាក់បញ្ចាំងភាពយន្តថៃ នៅតាមរោងភាពយន្តរបស់ខ្លួន និងនៅតាម ទីតាំងផ្សេងទៀត​ជាកំហិត។ ដោយឡែកសហព័ន្ធប្រដាល់គុណខ្មែរប្រាប់ស្ថានីយទូរទស្សន៍ទាំងអស់ឱ្យបញ្ឈប់ការចាប់គូរាល់កីទ្បាករ កីទ្បាការិនី​ជនជាតិថៃ ចាប់ពីថ្ងៃទី១៣ ខែមិថុនាតទៅ។បន្ទាប់ពីទទួល​សេចក្តីណែនាំនេះ​ស្ថានីយទូរទស្សន៍មួយចំនួន​ក៏បានប្រកាសអនុវត្តភា្លមៗផងដែរ៕ដោយ៖ម៉ាដេប៉ូ

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា៖ «យប់មិញខ្ញុំបានចេញសារមួយហើយ ព្រឹកនេះខ្ញុំនិយាយក្នុងនាមប្រធានបក្សកាន់អំណាចទៅកាន់រាជរដ្ឋាភិបាលបន្ថែមទៀត។ ក្នុងករណីភាគីថៃមិនព្រមបើកច្រកព្រំដែនដែលខ្លួនបិទជាឯកតោភាគី កម្ពុជាត្រូវធ្វើ៖ បើថៃមិនធ្វើការដោះស្រាយច្រកព្រំដែនឲ្យវិលមករកភាពប្រក្រតីវិញ យើងគ្មានជម្រើសក្រៅពីធ្វើការទាំងអស់នេះទេ។ ខ្ញុំសូមអំពាវបងប្អូនជនរួមជាតិ សូមកុំធ្វើអំពើជ្រុលនិយមដូចជាបាតុកម្មប្រឆាំងស្ថានទូតថៃ ក្រុមហ៊ុនថៃ និងជនជាតិថៃនៅកម្ពុជា និងសូមកុំស្អប់ខ្ពើមប្រកាន់ពូជសាសន៍ ចំពោះជនជាតិថៃដែលភាគច្រើនលើសលប់ជាមនុស្សល្អ។ មានតែក្រុមជ្រុលនិយម និងយោធាមួយចំនួនប៉ុណ្ណោះ ដែលបង្ករឿងជាមួយកម្ពុជា ព្រោះជាទម្លាប់រដ្ឋាភិបាលថៃ មិនអាចគ្រប់គ្រងកងទ័ពបានដូចប្រទេសយើងនោះទេ»៕ ដោយ ៖ វណ្ណលុក

(ភ្នំពេញ)៖ ការប្រកួតប្រជែងសរសេរសំបុត្រថ្នាក់ជាតិលើកទី៤ ឆ្នាំ២០២៥ក្រោមប្រធានបទ «ស្រមៃថាអ្នកគឺជាមហាសមុទ្រ ចូរសរសេរសំបុត្រទៅនរណាម្នាក់ដោយពន្យល់ពីមូលហេតុ និងរបៀបដែលពួកគេគួរថែរក្សាអ្នកឱ្យបានល្អ» រកឃើញជ័យលាភីចំនួន ៣រូប ក្នុងនោះ ជ័យលាភីលេខ១ សិស្សឈ្មោះ ប៉ូ មុនីណាតាលី មកពីសាលាអន្តរជាតិ ស៊ី អាយ អេ ហ្វឺសត៍ ភ្នំពេញ ជ័យលាភីលេខ២ សិស្សឈ្មោះ ភោគ បុញ្ញតា មកពីសាលា បញ្ញាសាស្រ្តអន្តរជាតិ សាខាទី៣ ខេត្តកណ្តាលនិងជ័យលាភីលេខ៣ សិស្សឈ្មោះ ស្រឿង ស្រីគីម មកពីវិទ្យាល័យតាមាង ខេត្តកំពង់ចាម ។ ពិធីប្រគល់ជ័យលាភីនេះ ធ្វើឡើងនៅទីស្តីការក្រសួង កាលពីព្រឹកថ្ងៃទី១២ ខែមិថុនា ឆ្នាំ២០២៥ ក្រោមអធិបតីភាព ឯកឧត្តម ឯក វណ្ណឌី រដ្ឋលេខាធិការក្រសួងប្រៃសណីយ៍និងទូរគមនាគមន៍ និងដោយមានការអញ្ជើញចូលរួមពី មន្ត្រីរាជការនៃក្រសួង តំណាងប្រតិបត្តិករប្រៃសណីយ៍ លោកគ្រូ អ្នកគ្រូ អាណាព្យាបាលសិស្ស សរុបប្រមាណ ៣០០នាក់។ ឯកឧត្តម ឯក វណ្ណឌី បានកោតសរសើរ…

(ខេត្តព្រះវិហារ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន នាព្រឹកថ្ងៃទី១២ ខែមិថុនា ឆ្នាំ២០២៥ បានអញ្ជើញដឹកនាំគណប្រតិភូក្រសួង ចុះជួបសំណេះសំណាល សួរសុខទុក្ខ និងប្រគល់អំណោយ ជូនដល់កងទ័ពដែលស្ថិតនៅខេត្តព្រះវិហារ។ ថ្លែងក្នុងពិធីនោះ ឯកឧត្តមបណ្ឌិត អ៊ាង សុផល្លែទ ក៏បានពាំនាំនូវប្រសាសន៍ផ្តាំផ្ញើសាកសួរសុខទុក្ខពី សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដោយសម្តែងនូវការគោរពកោតសរសើរ ដោយស្មោះអស់ពីដួងចិត្ត ចំពោះការលះបង់គ្រប់បែបយ៉ាង របស់កងទ័ពកម្ពុជាក្នុងបុព្វហេតុរក្សាការពារ បូរណភាពទឹកដី និងប្រជាពលរដ្ឋ ដែលជាចំណែកមួយយ៉ាងធំធេង បាននាំមកនូវសុខសន្តិភាព។ ឯកឧត្តមបណ្ឌិត អ៊ាង សុផល្លែត បានមានប្រសាសន៍ថា ក្រុមគ្រួសារបរិស្ថានចាត់ទុកថា បងប្អូនទាំងអស់ដែលកំពុងឈរជើងនៅសមរភូមិ គឺជាបងប្អូនបង្កើតសាច់ឈាមតែមួយ ទោះបីជាមិនកើតពីផ្ទៃម្តាយតែមួយ ប៉ុន្តែយើងកើតជាកូនខ្មែរតែមួយ ជាតិតែមួយ សុខទុក្ខរបស់ បងប្អូនគឺជាសុខទុក្ខរស់យើងទាំងអស់គ្នាជាមហាគ្រួសារខ្មែរ ។ ជាមួយគ្នានេះ…

សម្តេចតេជោ ហ៊ុន សែន ប្រធានព្រឹទ្ធសភា បានលើកឡើងពីសកម្មភាពតាមទំនើងចិត្តរបស់ថៃ។សម្ដេចគូសរំលេចថា​បើបានជាជ្រុលរបៀបនេះទៅហើយ សម្ដេចសូមជូនយោបល់ទៅរាជរដ្ឋាភិបាលថា ក្រៅពីបញ្ហាប្តឹងទៅតុលាការ​យុត្តិធម៌​អន្តរជាតិ (ICJ) កម្ពុជាគួរពិចារណាបញ្ឈប់ការចាក់ផ្សាយខ្សែភាពយន្តថៃលើកញ្ចក់​ទូរទស្សន៍កម្ពុជាទាំងអស់ និងអាច​ឈានទៅបញ្ឈប់ការនាំទំនិញថៃមកប្រើក្នុងកម្ពុជាផងដែរ។ ​សម្ដេចតេជោ ហ៊ុន សែន បានសរសេរលើបណ្ដាញទំនាក់ទំនងសង្គមហ្វេសប៊ុកផ្លូវការរបស់សម្ដេចនៅរាត្រីថ្ងៃទី១២ ខែមិថុនា ឆ្នាំ២០២៥នេះថា​កន្លងមកក្រុមជ្រុលនិយមថៃដោយមានការគាំទ្រពីពួកយោធាដែលនិយមសង្រ្គាមបាន​គំរាម​មកកម្ពុជាថា នឹងកាត់ភ្លើង,កាត់អ៊ីនធឺណិត។ កាត់ភ្លើងអី បើកម្ពុជាមិនប្រើភ្លើងថៃផង។ កាត់អ៊ីនធឺណិតអី បើកម្ពុជាមាន​អ៊ីនធឺណិ​តប្រើគ្រប់គ្រាន់ហើយនោះ។ សម្តេចតេជោហ៊ុន សែន បន្តថា”ខ្ញុំតែងបានអំពាវនាវកុំឱ្យបញ្ហារីករាលដាលពីបញ្ហាជម្លោះយោធានៅតំបន់មួយ រីករាល​ដាលដល់កន្លែង​ផ្សេង​ទៀត និងកុំរីករាលដាលដល់វិស័យផ្សេងទៀត។ តែពេលនេះវាបានរីករួចស្រេច​ទៅហើយ​ដូចជា ការបិទព្រំដែន​ជាឯកតោភាគី បន្ថយចំនួនថ្ងៃស្នាក់នៅ ជាឯកតោភាគី និងការគំរាមកាត់ភ្លើង កាត់អ៊ីនធឺណិត ការរាយ​លួសបន្លាតាម​ច្រកព្រំដែនខ្លះដោយធ្វើតាមទំនើងចិត្ត។បើបានជាជ្រុលរបៀបនេះទៅហើយ ខ្ញុំសូមជូនយោបល់​ទៅរាជ​រដ្ឋាភិបាលថា ក្រៅពីបញ្ហាប្តឹងទៅតុលាការយុត្តិធម៌អន្តរជាតិ (ICJ) កម្ពុជាគួរពិចារណាបញ្ឈប់ការចាក់ផ្សាយខ្សែ​ភាពយន្ត​ថៃលើកញ្ចក់​ទូរទស្សន៍កម្ពុជាទាំងអស់ និងអាចឈានទៅបញ្ឈប់ការនាំទំនិញថៃមកប្រើក្នុងកម្ពុជាផងដែរ។ សម្ដេចតេជោ ហ៊ុន សែន សង្កត់ធ្ងន់ថា “កម្ពុជាមិនគួរខ្លាចថៃបណ្តេញពលករខ្មែរត្រឡប់មកប្រទេសវិញនោះទេ ព្រោះរឿង​នេះយើងក៏លំបាក ថៃខ្លួនឯងក៏លំបាក ដោយសារក្រុមហ៊ុនថៃ ខ្វះកម្លាំងពលកម្មដែលធ្វើឲ្យសេដ្ឋកិច្ចថៃរង​ផលប៉ះពាល់​មួយផ្នែកផងដែរ។ រឿងទាំងនេះសុទ្ធតែជាផ្តល់មតិសម្រាប់ការពិចារណា តែរឿង គួរធ្វើភ្លាមគឺបញ្ឈប់​ការចាក់បញ្ចាំង​ខ្សែភាព​យន្តថៃលើកញ្ចក់​ទូរទស្សន៍កម្ពុជា”។ សូមជម្រាបថា សាររបស់សម្តេចតេជោ ហ៊ុន សែន បង្ហោះឡើងបន្ទាប់ពី…