-
ថៃនឹងឧបត្ថមថវិកាដល់វត្ត ក្រោយសង្ឃកាត់បន្ថយចង្ហាន់ដោយសារកូវីដ
បាងកក៖ ដោយសារតែជំងឺកូវីដ ព្រះសង្ឃថៃ បានកាត់បន្ថយចង្ហាន់ជាអតិបរមាក្នុងអំឡុងពេលនៃការរាតត្បាតដោយជំងឺកូវីដ១៩។ នេះគឺជាលទ្ធផលនៃការសិក្សាស្រាវជ្រាវរបស់ថៃលើវត្តចំនួន៤ម៉ឺនវត្តនិងព្រះសង្ឃចំនួន៣០ម៉ឺនអង្គនៅទូទាំងប្រទេស។ ផលប៉ះពាល់ភាគច្រើនចំពោះវត្ត និងព្រះសង្ឃគឺ ការចំណាយលើថ្លៃទឹក និង ថ្លៃអគ្គិសនី និងការចំណាយទូទៅត្បិតអីចំនួនអ្នកធ្វើបុណ្យនៅវត្តធ្លាក់ចុះជាគំហុកដែលធ្វើឱ្យប៉ះពាល់ខ្លាំងដល់ព្រះសង្ឃ។ហេតុដូចនេះ ហើយបានជាគណៈរដ្ឋមន្ត្រីថៃនៅថ្ងៃទី១៤ ខែឧសភានេះ ប្រកាសពីគម្រោងប្រគេនមូលនិធីសង្គ្រោះដល់ព្រះសង្ឃនៅតាមអារាមដែលប្រឈមនឹងការដាច់ចង្ហាន់ដោយសារតែជំងឺកូវីដ១៩។ បើទោះបីមិនទាន់បញ្ជាក់ពីជំនួយមែន ប៉ុន្តែគណៈរដ្ឋមន្ត្រីថៃបានប៉ាន់ស្មានថា ព្រះសង្ឃ១អង្គអាចនឹងទទួលបានបច្ច័យ១០០បាត(12700រៀល)ក្នុងមួយថ្ងៃ ហើយថវិកានេះ នឹងត្រូវផ្តល់តាមរយៈការរិយាល័យសាសនាជាតិ៕
-
រដ្ឋមន្ត្រីពាណិជ្ជកម្ម៖ ការពង្រីកពាណិជ្ជកម្មសេរីល្អជាង ប្រព័ន្ធអនុគ្រោះពន្ធដែលងាយបាត់បង់
លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅថ្ងៃទី១៣ ខែឧសភា បានលើកឡើងថា ពាណិជ្ជកម្មដែលផ្អែកលើកិច្ចព្រមព្រៀងពាណិជ្ជកម្មសេរី មានលក្ខណៈអចិន្ត្រៃយ៍ ហើយល្អជាងពឹងផ្អែកលើការអនុគ្រោះពាណិជ្ជកម្មក្នុងលក្ខណៈទ្វេភាគី ដែលអាចនឹងងាយបាត់បង់ទៅវិញ។ ការបញ្ជាក់យ៉ាងដូចនេះ គឺធ្វើឡើងក្នុងកិច្ចប្រជុំផ្ទៃក្នុងរបស់ក្រសួងនៅថ្ងៃទី១៣ ខែឧសភាដើម្បីវាយតម្លៃការចរចាបង្កើតកិច្ចព្រមព្រៀងពាណិជ្ជកម្មសេរីជាមួយប្រទេសមហាអំណាចសេដ្ឋកិច្ចទាំង៨។ មហាអំណាចទាំង៨រួមមាន៖ ចិន ចក្រភពអង់គ្លេស សាធារណរដ្ឋកូរ៉េ សហភាពសេដ្ឋកិច្ចអឺរ៉ាស៊ា (EAEU) អាមេរិក ជប៉ុន ម៉ុងហ្គោលី និងឥណ្ឌា។ លោករដ្ឋមន្ត្រីមិនបានបញ្ជាក់លំអិតលើភាពប្រសើរនៃពាណីជ្ជកម្មសេរី និងប្រព័ន្ធអនុគ្រោះពន្ធឡើយ ដោយលោក បានអះអាងថា ការរៀបចំបង្កើតកិច្ចព្រមព្រៀងពាណិជ្ជកម្មសេរីជាមួយប្រទេសដៃគូ ជាការងារចម្បងដែលរាជរដ្ឋាភិបាលបានប្រគល់ជូនមកក្រសួងពាណិជ្ជកម្ម ដើម្បីពង្រឹងភាពប្រកួតប្រជែង និងធ្វើពិពិធកម្មសេដ្ឋកិច្ច-ពាណិជ្ជកម្មរបស់កម្ពុជា ត្បិតអីការងារនេះគឺពង្រីកនិងបើកច្រកចូលទីផ្សារសម្រាប់ការនាំចេញឲ្យកាន់តែធំទូលាយថែមទៀត។ កម្ពុជាបានបញ្ចប់ការចរចាកិច្ចព្រមព្រៀងពាណិជ្ជកម្មសេរីកម្ពុជា-ចិនលើកទី២រួចហើយរងចាំវគ្គបន្តទៀត។ បន្ថែមពីនេះ ការបង្កើតកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងការពិភាក្សាជាមួយនឹងសហភាពសេដ្ឋកិច្ចអឺរ៉ាស៊ីក៏កំពុងបន្ត។ ក្រៅពីនោះ នៅមិនទាន់មានលទ្ធផលនោះទេ៕
-
រដ្ឋមន្ត្រីពាណិជ្ជកម្ម៖ ការពង្រីកពាណិជ្ជកម្មសេរីល្អជាង ប្រព័ន្ធអនុគ្រោះពន្ធដែលងាយបាត់បង់
លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅថ្ងៃទី១៣ ខែឧសភា បានលើកឡើងថា ពាណិជ្ជកម្មដែលផ្អែកលើកិច្ចព្រមព្រៀងពាណិជ្ជកម្មសេរី មានលក្ខណៈអចិន្ត្រៃយ៍ ហើយល្អជាងពឹងផ្អែកលើការអនុគ្រោះពាណិជ្ជកម្មក្នុងលក្ខណៈទ្វេភាគី ដែលអាចនឹងងាយបាត់បង់ទៅវិញ។ ការបញ្ជាក់យ៉ាងដូចនេះ គឺធ្វើឡើងក្នុងកិច្ចប្រជុំផ្ទៃក្នុងរបស់ក្រសួងនៅថ្ងៃទី១៣ ខែឧសភាដើម្បីវាយតម្លៃការចរចាបង្កើតកិច្ចព្រមព្រៀងពាណិជ្ជកម្មសេរីជាមួយប្រទេសមហាអំណាចសេដ្ឋកិច្ចទាំង៨។ មហាអំណាចទាំង៨រួមមាន៖ ចិន ចក្រភពអង់គ្លេស សាធារណរដ្ឋកូរ៉េ សហភាពសេដ្ឋកិច្ចអឺរ៉ាស៊ា (EAEU) អាមេរិក ជប៉ុន ម៉ុងហ្គោលី និងឥណ្ឌា។ លោករដ្ឋមន្ត្រីមិនបានបញ្ជាក់លំអិតលើភាពប្រសើរនៃពាណីជ្ជកម្មសេរី និងប្រព័ន្ធអនុគ្រោះពន្ធឡើយ ដោយលោក បានអះអាងថា ការរៀបចំបង្កើតកិច្ចព្រមព្រៀងពាណិជ្ជកម្មសេរីជាមួយប្រទេសដៃគូ ជាការងារចម្បងដែលរាជរដ្ឋាភិបាលបានប្រគល់ជូនមកក្រសួងពាណិជ្ជកម្ម ដើម្បីពង្រឹងភាពប្រកួតប្រជែង និងធ្វើពិពិធកម្មសេដ្ឋកិច្ច-ពាណិជ្ជកម្មរបស់កម្ពុជា ត្បិតអីការងារនេះគឺពង្រីកនិងបើកច្រកចូលទីផ្សារសម្រាប់ការនាំចេញឲ្យកាន់តែធំទូលាយថែមទៀត។ កម្ពុជាបានបញ្ចប់ការចរចាកិច្ចព្រមព្រៀងពាណិជ្ជកម្មសេរីកម្ពុជា-ចិនលើកទី២រួចហើយរងចាំវគ្គបន្តទៀត។ បន្ថែមពីនេះ ការបង្កើតកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងការពិភាក្សាជាមួយនឹងសហភាពសេដ្ឋកិច្ចអឺរ៉ាស៊ីក៏កំពុងបន្ត។ ក្រៅពីនោះ នៅមិនទាន់មានលទ្ធផលនោះទេ៕
-
កម្ពុជាស្នើឲ្យ7-Elevenប្រើប្រាស់បុគ្គលិកខ្មែរឱ្យបានច្រើន និងដាក់លក់ផលិតផលខ្មែរឱ្យបាន ៥០%
ឯកអគ្គរាជទូតខ្មែរលោក អ៊ូក សោភ័ណ ប្រចាំក្រុងបាងកក ក្នុងជំនួបជាមួយអនុប្រធានជាន់ខ្ពស់ក្រុមហ៊ុន CP ALL Plc. និងជាអគ្គនាយកក្រុមហ៊ុន CP ALL (Cambodia) Co., Ltd កាលពីថ្ងៃទី១១ ខែឧសភា បានស្នើឲ្យក្រុមហ៊ុននេះ គោរពពាក្យសន្យា ដោយប្រើប្រាស់បុគ្គលិកខ្មែរឱ្យបានច្រើន និងដាក់លក់ផលិតផលខ្មែរឱ្យបាន ៥០%។ ជាការឆ្លើយតបនឹងសំណើនេះ ប្រធានក្រុមហ៊ុន CP ALL (Cambodia) បានគូសបញ្ជាក់ពីការប្តេជ្ញាចិត្តរបស់ក្រុមហ៊ុន ក្នុងការអនុវត្តពាក្យសន្យាខាងលើ និងបានស្នើសុំស្ថានទូតកម្ពុជា ជួយសម្របសម្រួលផ្តល់ព័ត៌មានអំពីផលិតផលខ្មែរ ជាពិសេសអាហារកែច្នៃ និងអាហារក្រៀម ដើម្បីក្រុមហ៊ុនសិក្សា និងដាក់បញ្ចូលក្នុងបញ្ជីមុខទំនិញសម្រាប់លក់នៅក្នុងសាខាដំបូង ដែលគ្រោងនឹងបើកនៅចុងឆ្នាំនេះ។ ក្នុងជំនួបនេះ លោក អ៊ូក សោភ័ណ្ឌបានសម្តែងការអបអរចំពោះក្រុមហ៊ុន CP ALL ដែលបានទទួលសិទ្ធិធ្វើអាជីវកម្មហ្វ្រេនឆាយពីក្រុមហ៊ុន 7-Eleven Inc. នៅជប៉ុន និងសហរដ្ឋអាមេរិក។ សូមជម្រាបជូនថាហាងទំនិញ 7-Eleven បានចុះកិច្ចព្រមព្រៀងមួយក្នុងការអនុញ្ញាតសិទ្ធិអាជីវកម្មនៅក្នុងប្រទេសប្រទេសកម្ពុជាតាមរយៈក្រុមហ៊ុន CP All ដែលជាបុត្រសម្ព័ន្ធរបស់ក្រុមហ៊ុន CP Group។ ហាងទំនិញទីមួយរបស់ 7-Eleven…
-
សមាគមគ្រឹះស្ថានឧត្តមសិក្សា ប្រាប់ថាមិនអាចចុះថ្លៃសិក្សាតាមការស្នើសុំឡើយ
សមាគមគ្រឹះស្ថានឧត្តមសិក្សាកម្ពុជា បញ្ជាក់ប្រាប់អាណាព្យាបាលសិស្សានៅសាលាឯកជនទាំងអស់ថា សាលារបស់ពួកគេមិនអាចចុះថ្លៃសិក្សាជូនតាមការស្នើសុំបានទេ។ សមាគមគ្រឹះស្ថានកម្ពុជានៅថ្ងៃទី១២ ឧសភានេះបានពន្យល់ពីមូលហេតុថា ធនាគារជាតិមិនព្រមអន្តរាគមន៍ដល់គ្រឹះស្ថានហិរញ្ញវត្ថុដើម្បីបន្ថយអត្រាការប្រាក់តាមសំណើរបស់ខ្លួននោះទេ ហើយតម្លៃអគ្គិសនីក៏ព្រមបញ្ចុះថ្លៃដែរ។ នេះគឺជាការគូសបញ្ជាក់របស់សមាគមគ្រឹះស្ថានសិក្សា ក្រោយសំណើរបស់ខ្លួនទៅកាន់ធនាគារ និងអគ្គិសនីកម្ពុជាបរាជ័យ។ កាលពីថ្ងៃទី២៤ ខែមេសា សមាគមគ្រឹះស្ថានឧត្តមសិក្សាកម្ពុជា បានធ្វើសំណើមួយទៅលោក ជា ចាន់តូ ទេសាភិបាលធនាគារជាតិនៃកម្ពុជាដោយសុំអន្តរាគមន៍លើធនាគារ និងស្ថាប័នហិរញ្ញវត្ថុកាត់បន្ថយអត្រាការប្រាក់៣០ភាគរយដោយបង់តែការប្រាក់ ហើយពន្យារពេលបង់ប្រាក់ដើមក្នុងរយៈពេល១ឆ្នាំដល់សាលាឯកជនទាំងឡាយណាដែលកំពុងជាប់បំណុល ហើយក៏ស្នើសុំកម្ចីបន្ថែមដើម្បីបន្តនិរន្តរភាព។ ប៉ុន្តែសំណើនេះបរាជ័យ។ មួយវិញទៀតដើម្បីកាត់បន្ថយតម្លៃអគ្គិសនី កាលនៅថ្ងៃទី៥ ខែឧសភានេះ សមាគមគ្រឹះស្ថានឧត្តមសិក្សាកម្ពុជាក៏បានស្នើទៅកាន់អគ្គិសនីកម្ពុជាឱ្យបញ្ចុះថ្លៃមកត្រឹម ៦១០រៀល ក្នុង១គីឡូវ៉ាត់ម៉ោង ដូចសាលារៀន មន្ទីរពេទ្យ និងមណ្ឌលសុខភាព នៅតាមទីជនបទដែរ។ សំណើនេះក៏បរាជ័យទៀត។ហេតុដូចនេះហើយ បានជាគ្រឹះស្ថានសិក្សាកម្ពុជាមិនអាចបញ្ចុះថ្លៃដល់អណាព្យាបាលបាន៕
-
គម្រោងព្រលានយន្តហោះខេត្តមណ្ឌលគិរី នឹងត្រូវប្រើប្រាស់ជាព្រលានយន្តហោះក្នុងតំបន់
នាពេលខាងមុខគម្រោងព្រលានយន្តហោះខេត្តមណ្ឌលគិរីអាចនឹងត្រូវប្រើប្រាស់ជាព្រលានយន្តហោះក្នុងតំបន់ (Regional airport) តភ្ជាប់ខេត្តមណ្ឌលគិរី ទៅគោលដៅទេសចរណ៍ជិតខាង ដូចជា ប្រទេសថៃ វៀតណាម និងឡាវ ព្រមជាមួយទីក្រុងសំខាន់ៗផ្សេងទៀតរបស់អាស៊ាន និងហួសទៅដល់ទីក្រុងសំខាន់ៗរបស់ប្រទេសចិនផងដែរ។ នេះជាការអះអាងរបស់លោកថោង ខុន រដ្ឋមន្ត្រីក្រសួងទេសចរណ៍ ក្នុងកិច្ចប្រជុំគណៈកម្មការអន្តរក្រសួង ដើម្បីសិក្សារៀបចំផែនការមេអភិវឌ្ឍន៍ទេសចរណ៍ខេត្តមណ្ឌលគិរី។ សូមជម្រាបជូនថាកន្លងរាជរដ្ឋាភិបាល បានរៀបចំគម្រោងកសាងព្រលានយន្តហោះមួយនៅខេត្តមណ្ឌលគិរី សម្រាប់គោលដៅដឹកជញ្ជូនភ្ញៀវទេសចរ និងអ្នកដំណើរពីតំបន់ទេសចរណ៍ធំៗ ដូចជា រាជធានីភ្នំពេញ សៀមរាប-អង្គរ តំបន់ឆ្នេរសមុទ្រ និងតំបន់អេកូទេសចរណ៍នៅភូមិភាគនិរតី តំបន់ទេសចរណ៍នៅភាគពាយព្យ មានខេត្តបាត់ដំបងជាដើម។ បើតាមក្រសួងទេសចរណ៍ កន្លងមករាជរដ្ឋាភិបាលបានកំណត់រួចមកហើយថា ខេត្តមណ្ឌលគិរី និងភូមិភាគឦសានទាំងមូល គឺជាគោលដៅអេកូទេសចរណ៍ដ៏ធំរបស់កម្ពុជា ដែលត្រូវមានការអភិវឌ្ឍប្រកបដោយនិរន្តរភាព និងការទទួលខុសត្រូវខ្ពស់។ បច្ចុប្បន្នខេត្តមណ្ឌលគិរីមាន សក្ដានុពលទេសចរណ៍ និងតំបន់ទេសភាពទាក់ទាញប្រមាណ៣៩ កន្លែង ក្នុងនោះមានទាំងតំបន់ទឹកជ្រោះ និងទឹកធ្លាក់ធម្មជាតិ តំបន់វប្បធម៌ជនជាតិដើមភាគតិច ទេសភាពសមុទ្រឈើ ដែនជម្រកសត្វព្រៃ តំបន់ការពារធម្មជាតិ រមណីយដ្ឋានទេសចរណ៍កែច្នៃ ជ្រលងដងអូរ និងភ្នំធម្មជាតិ ចម្ការដំណាំចម្រុះពូជដែលអំណោយផលដល់វិស័យកសិទេសចរណ៍ និងបម្រើដល់សេចក្ដីត្រូវការរបស់ប្រជាពលរដ្ឋ និងភ្ញៀវទេសចរ៕
-
សមត្ថកិច្ចរកឃើញគ្រឿងសម្អាង និងសារធាតុសម្លាប់មេរោគខុសច្បាប់ ១ករណីជាង ១៥តោន នៅភ្នំពេញ
សមត្ថកិច្ចជំនាញប្រយុទ្ធប្រឆាំងនឹងផលិតផលក្លែងក្លាយ បានរកឃើញមានការផលិតនូវផលិតផលគ្រឿងសម្អាង និងសារធាតុសម្លាប់មេរោគខុសច្បាប់ជាង១៥តោន នៅខណ្ឌច្បារអំពៅរាជធានីភ្នំពេញ
-
ចំណាប់អារម្មណ៍ទស្សនិកជន, ភ្លាសាច់គោអាំង,អាម៉ុកដូងខ្ចីត្រីតុកកែខ្លា, Apsara TV
-
សម្តេចតេជោ ហ៊ុន សែន ថ្លែងក្នុងពិធីសម្ពោធដាក់ឲ្យប្រើប្រាស់ស្ពានអាកាស ផ្សារដីហ៊ុយតម្លៃ ១៧លានដុល្លារ
-
ប្រសាសន៍សម្តេចតេជោ ហ៊ុន សែន ថ្លែងក្នុងឱកាសអញ្ជើញសម្ពោធសួនសត្វដំបូងគេ ក្នុងរាជធានីភ្នំពេញ តម្លៃជាង ១០លានដុល្លារ 23-06-2018