ភ្នំពេញ៖ ក្នុងឱកាសដ៏វិសេសវិសាលថ្លៃថ្លា នៃព្រះរាជពិធីបុណ្យចម្រើនព្រះជន្ម ព្រះករុណាជាអម្ចាស់ជីវិតលើត្បូងព្រះមហាក្សត្រនៃព្រះរាជាណាចក្រកម្ពុជា ក្នុងគម្រប់ព្រះជន្ម ៦៨ យាងចូល ៦៩ ព្រះវស្សានាពេលខាងមុខនេះ  ឯកឧត្តម ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ អមដោយថ្នាក់ដឹកនាំ និងមន្រ្តីក្រោមឧិវាទ  បាននាំយកអំណោយសប្បុរសធម៌ រួមទាំងថវិកាមួយចំនួន របស់ក្រុមការងារអន្តរក្រសួង ផ្ដល់ជូនប្រជាពលរដ្ឋ និងកងកម្លាំងប្រជាការពារក្នុងមូលដ្ឋាន ដែលជួបការខ្វះខាតសរុបចំនួន ១៥០នាក់ ពិសេសដើម្បីជួយសម្រាលទុក្ខលំបាករបស់ប្រជាពលរដ្ឋ ក្នុងស្ថានភាពនៃវិបត្តិជំងឺកូវីដ-១៩ ហើយកាយវិការសប្បុរសធម៌ដ៏ធំធេងមួយនេះក្នុងការចូលរួមចំណែកជាមួយរាជរដ្ឋាភិបាលក្នុងបរិបទចូលរួមទប់ស្កាត់ការរាតត្បាតនៃជំងឺផ្លូវដង្ហើមដែល  បណ្តាលមកពីវីរុសកូរ៉ូណា  ។ ពិធីនេះប្រព្រឹត្តទៅដោយអនុវត្តតាមការណែនាំរបស់រាជរដ្ឋាភិបាលកម្ពុជា និងអនុវត្តវិធានការការពារនានារបស់ក្រសួងសុខាភិបាល ក្នុងការទប់ស្កាត់និងការពារការឆ្លងរាលដាលនៃជំងឺកូវីដ-១៩ ចូលក្នុងសហគមន៍ ដោយមានការពាក់ម៉ាស ធ្វើការវាស់កំដៅ ឆ្លងកាត់អាកុល រក្សាអនាម័យ និងរក្សាគម្លាតសុវត្ថិភាពបុគ្គលមួយម៉ែត្រកន្លះឡើងទៅ។ ថ្លែងក្នុងឱកាសនេះ ឯកឧត្តម ឈិន កេតនា បានមានប្រសាសន៍ថា ជារៀងរាល់ឆ្នាំ រាជរដ្ឋាភិបាលនៃព្រះរាជាណាចក្រកម្ពុជា រួមជាមួយព្រះរាជវង្សានុវង្ស ថ្នាក់ដឹកនាំមន្ត្រីរាជការគ្រប់ក្រសួង រដ្ឋលេខាធិការដ្ឋាន ស្ថាប័ននិងរដ្ឋបាលរាជធានី-ខេត្ត ព្រមទាំងប្រជារាស្ត្រទូទាំងប្រទេសតែងតែរៀបចំពិធីបុណ្យចម្រើនព្រះជន្ម ថ្វាយព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាស្របតាមព្រះរាជប្បវេណីពីបុរាណ ដោយចាត់ទុកព្រះរាជពិធីបុណ្យចម្រើនព្រះជន្ម…

ឯកឧត្តម ឡាំ ជា រដ្ឋលេខាធិការ ក្រសួងមហាផ្ទៃ បានដឹកនាំកិច្ចប្រជុំអន្តរអគ្គនាយកដ្ឋាន ក្រុមប្រឹក្សានីតិកម្ម តាម Video Zoom លេីសេចក្តីព្រាង កិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសហព័ន្ធរុស្សីស្តីពីការការពារទៅវិញទៅមកនៃព័ត៌មានសម្ងាត់ នៅថ្ងៃ ទី ១០ ខែ ឧសភា ឆ្នាំ ២០២១ ។ កិច្ចប្រជុំនេះមានការចូលរួមពីឯកឧត្តម អគ្គនាយក អគ្គនាយករង ប្រធាននាយកដ្ឋាន និងមន្រ្តីជំនាញច្រេីនរូប។ កិច្ចប្រជុំបានផ្តល់នូវធាតុចូលសំខាន់ៗជាច្រេីន និងបន្តពិនិត្យអោយបានហ្មត់ចត់បន្ថែមទៀតទាំង ទម្រង់ ខ្លឹមសារ និងបច្ចេទេសជំនាញ។ ឯកឧត្តម ប្រធានបានកំណត់ និងផ្តល់អនុសាសន៍ដល់អង្គប្រជុំបន្តជំរុញបន្ថែមទៀតដោយយកអត្ថបទភាសាខ្មែរជាគោលដេីម្បីធានាដល់កិច្ចប្រជុំមានភាពងាយស្រួល ស្របតាមបរិបទបច្ចេកវិទ្យា និងច្បាប់កម្ពុជានាពេលបច្ចុប្បន្ន៕ដោយ -រ៉ាវុធ