សម្ដេចតេជោកាលពីមុនមានគម្រោងចាកចេញពីប្រទេសកម្ពុជានៅថ្ងៃសទី២៤មេសា ដើម្បីចូលរួមកិច្ចប្រជុំកំពូលអាស៊ាន នៅប្រទេសឥណ្ឌូនេស៊ី។ ប៉ុន្តែនៅថ្ងៃទី២១មេសានេះ តាមរយៈទំព័រហ្វេសប៊ុក សម្ដេចតេជោហ៊ុន សែន នាយករដ្ឋមន្ត្រី បានសរសេរថា ដោយសារតម្រូវការនៃវិធានការសុខាភិបាលរបស់ឥណ្ឌូនេស៊ី ដែលជាម្ចាស់ផ្ទះនៃកិច្ចប្រជុំកំពូលអាស៊ាន សម្ដេចសម្រេចចេញដំណើរទៅហ្សាកាតានៅម៉ោង១៣រសៀលថ្ងៃ២៣មេសា ២០២១។ សម្ដេចបានបន្តថា ដូចនេះសម្ដេចគ្រោងនឹងត្រូវធ្វើតេស្តនៅថ្ងៃ២២មេសា២០២១នៅកម្ពុជា និងធ្វើតេស្តម្តងទៀតនៅឥណ្ឌូនេស៊ីថ្ងៃ២៣មេសា២០២១ ដើម្បីធានាសុវត្តិភាពសម្រាប់មេដឹកនាំមុនចូលប្រជុំត្រូវធ្វើតេស្តទាំងអស់គ្នារាប់ទាំងប្រធានាធិបតីឥណ្ឌូនេស៊ីផងដែរ៕

ភ្នំពេញ៖ នៅទីស្តីការក្រសួង ឯកឧត្តមបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី២០ ខែមេសា ឆ្នាំ២០២១នេះ បានអញ្ជើញចូលរួមក្នុងពិធីផ្ទេរតំណែងប្រធានយន្តការកូឡុំបូ (Colombo Process) ដែលរៀបចំដោយប្រទេសនេប៉ាល់ តាមប្រព័ន្ធវីដេអូ ។ ឆ្លៀតក្នុងពិធីនេះ ឯកឧត្តមរដ្ឋមន្ត្រីបានថ្លែងនូវការកោតសរសើរអំពីស្នាដៃ និងកិច្ចខិតខំប្រឹងប្រែងរបស់ឯកឧត្តម Gaurishankar Chaudhari រដ្ឋមន្ត្រីក្រសួងការងារ មុខរបរ និងសន្តិសុខសង្គម នៃប្រទេសនេប៉ាល់ និងក្នុងអាណត្តិជាប្រធានប្តូរវេនរបស់យន្តការកូឡុំបូ ព្រមទាំងបានសម្ដែងនូវការអបអរសាទរចំពោះឯកឧត្តម Bashir Ahmad Tahyanj រដ្ឋមន្ត្រីក្រសួងការងារ និងសង្គមកិច្ចនៃសាធារណរដ្ឋឥស្លាមអាហ្វហ្កានីស្ថាន ដែលទទួលតំណែងជាប្រធានបន្តវេននៃយន្តការកូឡុំបូបន្ទាប់ពីឯកឧត្តម Gaurishankar Chaudhari ។ ឯកឧត្តមរដ្ឋមន្ត្រីសង្ឃឹមយ៉ាងមុតមាំថា ក្នុងអាណត្តិរបស់ឯកឧត្តម Bashir Ahmad Tahyanj កិច្ចសហប្រតិបត្តិការរវាងរដ្ឋជាសមាជិកនៃយន្តការកូឡុំបូ ក៏ដូចជាជាមួយដៃគូរពាក់ព័ន្ធនានានឹងកាន់តែមានភាពស្អិតរមួត និងត្រូវបានពង្រីកកាន់តែទូលំទូលាយ។ បន្ថែមលើនេះ ឯកឧត្តមរដ្ឋមន្ត្រី ក៏បានបង្ហាញនូវការត្រៀមខ្លួនរួចជាស្រេចរបស់កម្ពុជាក្នុងការបន្តចូលរួមយ៉ាងសកម្មនៅក្នុងយន្តការនេះ ដើម្បីលើកកម្ពស់សិទ្ធិ និងការពារផលប្រយោជន៍របស់ពលករទេសន្តរប្រវេសក៍ក្នុងអំឡុង និងក្រោយពេលនៃវិបត្តិកូវីដ-១៩។ គួរបញ្ជាក់ផងដែរថា យន្តការកូឡុំបូនេះគឺជាដំណើរការនៃកិច្ចពិគ្រោះយោបល់ថ្នាក់តំបន់ ស្តីពីការគ្រប់គ្រងមុខរបរ/ការងារ និងកម្លាំងពលកម្មដែលធ្វើការដោយមានកិច្ចសន្យាការងារនៅបរទេសសម្រាប់ប្រទេសបញ្ជូនពលករក្នុងតំបន់អាស៊ី។ យន្តការនេះ…

ភ្នំពេញ ៖ ឯកឧត្តម យ៉ង់ សែម ប្រធានក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយនឹងសហភាពអន្តរសភា (IPU) និងជាប្រធានគណៈកម្មការទី១ព្រឹទ្ធសភា នាព្រឹកថ្ងៃទី២០ ខែមេសា ឆ្នាំ២០២១ បានអញ្ជើញចូលរួមក្នុងកិច្ចប្រជុំអាស៊ានបូក៣នៃមហាសន្និបាតសហភាពអន្តរសភា (IPU) លើកទី១៤២ ក្រោមប្រធានបទ “យកឈ្នះរោគរាតត្បាតថ្ងៃនេះ និងធ្វើឱ្យប្រសើរឡើងនៅថ្ងៃស្អែក ជាតួនាទីរបស់សភា” តាមរយៈប្រព័ន្ធវីដេអូ នៅសាលពិសេស វិមានព្រឹទ្ធសភា ផ្សាយចេញពីទីក្រុងបាងកក ប្រទេសថៃ ។ ដោយ / គ្រី សម្បត្តិ