យោងតាមសេចក្ដីប្រកាសព័ត៌មានរបស់ក្រសួងពាណិជ្ជកម្មកម្ពុជានៅថ្ងៃទី២២មករាឆ្នាំ២០២១ បានឲ្យដឹងថាកិច្ចប្រជុំលើកទី១ គណៈកម្មការចម្រុះនៃកិច្ចសហប្រតិបត្តិការសេដ្ឋកិច្ចកម្ពុជា និងហុងគ្រី ត្រូវបានរៀបចំឡើងរយៈពេល២ថ្ងៃ គឺនៅថ្ងៃទី២០ដល់ថ្ងៃ២១មករា ឆ្នាំ២០២១ តាមរយៈប្រព័ន្ធវីដេអូ នៅទីស្តីការក្រសួងពាណិជ្ជកម្ម ហើយបានបញ្ចប់ដោយជោគជ័យ និងទទួលបានលទ្ធផលជាផ្លែផ្កាប្រកបដោយស្មារតីទទួលខុសត្រូវខ្ពស់។ លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្មកម្ពុជា និងលោក អ៊ីស្វាន់ ចូ (István Joó) អនុរដ្ឋមន្ត្រីនៃក្រសួងការបរទេស និងពាណិជ្ជកម្មហុងគ្រី បានធ្វើជាសហប្រធានដឹកនាំកិច្ចប្រជុំ និងមានការអញ្ជើញចូលរួមពីមន្រ្តីជាន់ខ្ពស់មកពីក្រសួង-ស្ថាប័ន ពាក់ព័ន្ធ ដែលជាសមាជិកនៃគណៈកម្មការចម្រុះនោះ។ កិច្ចប្រជុំនោះ បានរៀបចំឡើងក្នុងគោលបំណងតាមដានវឌ្ឍនភាពការងារ និងជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ និងវិស័យអាទិភាពផ្សេងៗ ដូចដែលមានចែងនៅក្នុងកិច្ចព្រមព្រៀងស្តីពីកិច្ចសហប្រតិបត្តិការលើវិស័យសេដ្ឋកិច្ច ដែលបានចុះហត្ថលេខាដោយលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា និងលោក ភីទើ ហ្ស៊ីយ៉ាតូ (Péter Szijjártó) រដ្ឋមន្ត្រីការបរទេស និងពាណិជ្ជកម្មហុងគ្រី កាលពីថ្ងៃទី១៣ មិថុនា ឆ្នាំ២០១៩ នាអំឡុងពេលទស្សនកិច្ចជាផ្លូវការរបស់ សម្តេចតេជោ ហ៊ុន សែន នាយករដ្ឋមន្ត្រី កម្ពុជា នៅទីក្រុងប៊ុយដាប៉េស ប្រទេសហុងគ្រី។…

លទ្ធផលនៃកិច្ចប្រជុំរដ្ឋមន្ត្រីការបរទេសនៃកិច្ចសន្ទនា កិច្ចសហប្រតិបត្តិការអាស៊ីលើកទី១៧ នៅថ្ងៃទី២១ ខែមករា ឆ្នាំ ២០២១ តាមរយៈប្រព័ន្ធវីដេអូ។

ក្រសួងការបរទេសនៅព្រឹកថ្ងៃទី២១ ខែមករា ឆ្នាំ២០២១នេះ បានឱ្យដឹងថាកិច្ចប្រជុំចង្អៀតរដ្ឋមន្ត្រីការបរទេសអាស៊ាន និងពិនិត្យមើលការអនុវត្តផែនការការងារនានាដែលសម្រេចដោយថ្នាក់ដឹកនាំនៅក្នុងកិច្ចប្រជុំកំពូលអាស៊ានលើទី៣៧ ស្ដីពីការពិនិត្យមើលឡើងវិញនូវផែនការលំអិតរបស់អាស៊ានវិធី និងមធ្យោបាយនានាដើម្បីសម្រេចបាននូវការកសាងសហគមន៍អាស៊ានដោយផ្អែកលើបរិបទសកលលោក នាពេលបច្ចុប្បន្ន និងជំងឺរាតត្បាតជាសកលកូវីដ-១៩ និងកំណត់ទិសដៅចក្ខុវិស័យសហគមន៍អាស៊ានក្រោយឆ្នាំ២០២៥។ រដ្ឋមន្ត្រីការបរទេសអាស៊ានក៏នឹងពិភាក្សាផងដែរអំពីផែនការស្តារសេដ្ឋកិច្ចអាស៊ានក្រោយពីជំងឺកូវីដ-១៩ព្រមទាំងការប្រាស្រ័យទាក់ទងជាមួយនឹងសហគមន៍ពិភពលោក។ ប្រទេសប្រ៊ុយណេដារ៉ូសាឡឹមនឹងដឹកនាំដំណើរការអាស៊ាននាឆ្នាំនេះក្រោមមូលបទ«យើងយកចិត្តទុកដាក់,យើងត្រៀមលក្ខណៈ,យើងរីកចំរើន»ជាមួយនឹងចំណុចអាទិភាពគន្លឹះចំនួនបីដែលផ្តោតជាសំខាន់ទៅលើ១)ប្រកាន់ខ្ជាប់នូវវប្បធម៌យកចិត្តទុកដាក់របស់អាស៊ាន២)ត្រៀមលក្ខណៈនិងសម្របខ្លួនសម្រាប់ពេលអនាគតនិង៣)បង្កើតឱកាសសម្រាប់កាលានុវត្តភាពរបស់ប្រជាជនអាស៊ាន៕ដោយ៖ សួង ពិសិដ្ឋ

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ាន ដែលនឹងរៀបចំឡើង នៅថ្ងៃទី២១ ខែមករា ឆ្នាំ២០២១ តាមប្រព័ន្ឋវីដេអូ៕

សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានអនុញ្ញាតឱ្យ លោកជំទាវបណ្ឌិត ដេវីយ៉ានី ឧត្តាំ ខូប្រាហ្គាដ (H.E. Mrs. Devyani Uttam Khobragade) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌា ទេីបតែងតាំងថ្មី ប្រចំាព្រះរាជាណាចក្រកម្ពុជា ចូលជួបសម្តែងការគួរសម នៅវិមានរដ្ឋសភា នាព្រឹកថ្ងៃទី២០ ខែមករា ឆ្នាំ២០២១៕