កំពត៖ តាមការបញ្ជាក់របស់មន្ត្រីជំនាញថា ឆ្នាំ២០២០កន្លងទៅ ការគ្រប់គ្រង និងការប្រមូលចំណូល​សួយសារពីការ​ធ្វើអាជីវកម្មរ៉ែគ្រប់ប្រភេទ នៅក្នុងខេត្ត អនុវត្តបាន៩៧ភាគរយនៃផែនការ ស្មើនឹងជាង៤លាន៩សែនដុល្លា។ តែទោះជាយ៉ាងនេះក្តី អភិបាលខេត្តកំពត ជំរុញណែនាំឲ្យអាជ្ញាធរ មន្ទីរជំនាញ ពាក់ព័ន្ធសហការគ្នាអោយបានល្អ ដើម្បីបង្កើនប្រសិទ្ធភាពក្នុងការប្រមូលថវិកាជូនរដ្ឋឲ្យកាន់តែប្រសើរថែមទៀត។ នៅក្នុងកិច្ចប្រជុំគណ:កម្មការគ្រប់គ្រងការធ្វើអាជីវកម្មរ៉ែគ្រប់ប្រភេទ នៅខេត្តកំពតកាលពីរសៀលថ្ងៃ ទី១១ ខែមករា ឆ្នាំ២០២១ លោក សោម វិចិត្រ ប្រធានមន្ទីររ៉ែ និងថាមពល បានឲ្យដឹងថា សម្រាប់ឆ្នាំ ២០២០ កន្លងទៅផែនការប្រមូលចំណូល មានជាង៥លានដុល្លា  អនុវត្តបានជាង៤លាន៩សែនដុល្លា ស្មើនឹង៩៧ភាគរយ។ ក្នុងនោះប្រាក់ចំណូលសម្រាប់ខេត្តអនុវត្តបានចំនួនជាង៨៥០លានរៀល គឺស្មើ១០១ភាគរយនៃផែនការ។ លោកប្រធានមន្ទីរបានបញ្ជាក់ដែរថា ប្រាក់ចំណូលពីសួយសារលើអាជីវកម្មរ៉ែដែលផ្តល់អាជ្ញាប័ណ្ណដោយថ្នាក់ក្រសួង និងថ្នាក់ខេត្ត បានបែងចែកសម្រាប់រដ្ឋ  ខេត្ត និងប្រាក់អំណោយលើកទឹកចិត្តដល់មន្ត្រីអនុវត្ត។  ឯកឧត្តម ជាវ តាយអភិបាលខេត្តកំពត បានបញ្ជាក់ថា រាជរដ្ឋាភិបាលបានសម្រេចផ្តល់ថវិកា៥០ ភាគរយ ពីការប្រមូលចំណូលសួយសារលើអាជីវកម្មរ៉ែដល់ថ្នាក់ខេត្ត។ ហើយតាមការបញ្ជាក់របស់ឯកឧត្តមអភិបាលខេត្តថា ថវិការទាំងនោះយកទៅអភិវឌ្ឍខេត្ត និងផ្តល់ជូនដល់មន្ត្រីថ្នាក់ដឹកនាំជាការលើកទឹកចិត្ត ។ យ៉ាងណាក៏ដោយ ឯកឧត្តមអភិបាលខេត្ត បានណែនាំ និងជំរុញដល់ អាជ្ញាធរ…

កំពង់ចាម៖ នៅថ្ងៃទី១១ ខែមករា ឆ្នាំ២០២១ ឧបនាយករដ្ឋមន្ត្រី ហោ ណាំហុង បញ្ជាក់ថា មូលនិធិ (ហោ ណាំហុង-បូរី ហោ) នឹងបន្តជួយដល់កុមារមានពិការភាព គថ្លង់ និងជនក្រីក្រ ដែលជួបការលំបាកតទៅមុខទៀត ដោយមិនឈប់ ត្រឹមប៉ុណ្ណឹងនោះទេ និងបន្តអំពាវនាវដល់អ្នកមានលទ្ធភាពចូលរួមបរិច្ចាគធនធានផ្ទាល់ខ្លួន ដើម្បីចូលរួមលើកកម្ពស់គុណតម្លៃកិច្ចការមនុស្សធម៌។ ជាក់ស្តែងអគារស្នាក់នៅសម្រាប់កុមាពិការ គថ្លង់ ១ខ្នង កម្ពស់ ៣ជាន់ ស្មើនឹង១២បន្ទប់ ដែលមូលនិធិហោ ណាំហុង-បូរី ហោ បានរួមចំណែកជាមួយក្រសួងអប់រំ យុវជន និងកីឡា កសាងជូន។ ដោយសង្ឃឹមថា អគារថ្មីនេះ និងសម្ភារអេឡិចត្រូនិចនឹងជួយសម្រួលការសិក្សា និងការស្នាក់នៅរបស់សិស្សទាំងអស់ក្នុងវិទ្យាល័យអប់រំពិសេសកំពង់ចាម។ ឯកឧត្តម ហោ ណាំហុង លើកឡើងថា៖ «ខ្ញុំមានការអាណិតអាសូរជាពិសេសកុមារ យុវជនពិការយុវនារី ពិការទាំងដៃទាំងជើង ដែលបានខិតខំរៀនសូត្ររហូតប្រឡងជាប់បាក់ឌុបជាប់ហើយខិតខំរៀនបន្តមហាវិទ្យាល័យទៀត…! មូលនិធិនេះ (ហោ ណាំហុង-បូរី ហោ) នឹងប ន្តជួយជនពិការ ឬអ្នក្រីក្រមានការលំបាកតទៅមុខទៀត មិនឈប់ត្រឹមប៉ុណ្ណឹងនោះទេ តាមលទ្ធភាព តាមសមត្ថភាពរបស់ខ្លួន»។…

ភ្នំពេញ៖ ថ្ងៃចន្ទ ទី១១ ខែមករា ឆ្នាំ២០២១នេះ ជាកាលកំណត់នៃការបើកបវេសនកាលសម្រាប់ឆ្នាំសិក្សាថ្មី ឆ្នាំ២០២០-២០២១ ដែលកំណត់ដោយក្រសួងអប់រំ យុវជន និងកីឡា។ ការបើកបវេសនកាលនាឆ្នាំកន្លងទៅតែងធ្វើឡើងនៅខែវិច្ឆិកា នៃឆ្នាំចាស់។ តែការបើកបវេសនកាលឆ្នាំសិក្សាឆ្នាំ២០២០-២០២១ ត្រូវបានពន្យារពេលរហូតដល់ខែមករា ព្រោះតែការរីករាតត្បាតនៃជំងឺកូវីដ១៩។ ក្នុងសារលិខិតបើកបវេសនកាលឆ្នាំសិក្សាថ្មីនេះ សម្តេចតេជោ ហ៊ុន សែន បានសម្តែងនូវក្តីសោមនស្សរីករាយយ៉ាងក្រៃលែង និងសូមចូលរួមប្រកបដោយភាពស្និទ្ធស្នាលជាមួយប្រជាពលរដ្ឋខ្មែរ លោកគ្រូ អ្នកគ្រូ សិស្សានុសិស្ស និស្សិតទាំងអស់គ្រប់ភូមិសិក្សាដែលបាននិងកំពុងសស្រាក់សស្រាំរៀបចំខ្លួន ដើម្បីអបអរសាទរការបើកបវេសនកាលឆ្នាំសិក្សាថ្មីនេះ។ ក្នុងសារលិខិតនេះ សម្តេចតេជោ ហ៊ុន សែន បានចាត់ទុកការបើកបវេសនកាលនាថ្ងៃទី១១ ខែមករា ឆ្នាំ២០២១ គឺជាថ្ងៃបើកទំព័រថ្មី នៃការចាប់ផ្តើមជីវិតសិក្សាដំបូងរបស់សិស្សទើបដល់អាយុត្រូវចូលសាលារៀន និងជាថ្ងៃត្រឡប់មកកាន់សាលារៀនវិញ ក្នុងឆ្នាំសិក្សាថ្មីរបស់សិស្សានុសិស្ស និស្សិត និងជាកុលបុត្រ កុលធីតាជាទីស្រឡាញ់របស់កម្ពុជាគ្រប់ៗគ្នា បន្ទាប់ពីបានឆ្លងកាត់ និងទទួលនូវបទពិសោធន៍នៃការអប់រំក្នុងសម័យកូវីដ-១៩ ក្នុងឆ្នាំសិក្សា ២០១៩-២០២០ កន្លងមកនេះ ទោះបីក្នុងរូបភាពខុសៗគ្នាយ៉ាងណាក៏ដោយ។ ក្នុងសារលិខិតនេះសម្តេចតេជោនាយករដ្ឋមន្ត្រី បានថ្លែងអំណរគុណដ៏ស្មោះចំពោះថ្នាក់ដឹកនាំគ្រប់ជាន់ថ្នាក់ ក្រសួង ស្ថាប័នពាក់ព័ន្ធ អាជ្ញាធរដែនដី មាតាបិតា អ្នកអាណាព្យាបាល សប្បុរសជន គណៈគ្រប់គ្រងសាលារៀន…

ភ្នំពេញ៖ ក្រសួងសុខាភិបាល នៅព្រឹកថ្ងៃទី១០ ខែមករា ឆ្នាំ២០២១នេះ បានចេញសេចក្តីប្រកាសព័ត៌មាន​បញ្ជាក់ពីការរកឃើញអ្នកឆ្លងកូវីដ១៩ ចំនួន០៤នាក់ថែមទៀត ដែលជាពលករខ្មែរធ្វើដំណើរមកពីប្រទេសថៃ ខណៈអ្នកជំងឺ០៦នាក់ ជាសះស្បើយ ត្រូវបានអនុញ្ញាតឲ្យចេញពីមន្ទីរពេទ្យ។ អ្នកឆ្លងកូវីដ១៩ ទាំង៤នាក់រួមមាន៖ ១៖ស្ត្រីជនជាតិខ្មែរ អាយុ២៦ឆ្នាំ ស្នាក់នៅឃុំបឹងព្រីង ស្រុកថ្មគោល ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៥ ខែមករា ឆ្នាំ២០២១។ ២៖ ស្ត្រីជនជាតិខ្មែរ អាយុ ២១ឆ្នាំ ស្នាក់នៅឃុំជ្រោយស្មៅ ស្រុកថ្មគោល ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៥ ខែមករា ឆ្នាំ២០២១។ ៣៖ ស្ត្រីជនជាតិខ្មែរ អាយុ ២៩ឆ្នាំ ស្នាក់នៅភូមិនិមិត្ត៣ ឃុំនិមិត្ត ស្រុកអូរជ្រៅ ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៥ ខែមករា ឆ្នាំ២០២១។ ៤៖ ស្ត្រីជនជាតិខ្មែរអាយុ ២៦ឆ្នាំ ស្នាក់នៅភូមិបាលិលេយ្យសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៥ ខែមករា ឆ្នាំ២០២១។…