(ភ្នំពេញ)៖ ថ្លែងនៅក្នុងសមាជរដ្ឋសភា និងព្រឹទ្ធសភា លើកទី១ នៅវិមានរដ្ឋសភា នាថ្ងៃទី៣ ខែមិថុនា ឆ្នាំ២០២៥ ។ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានសមាជរដ្ឋសភានិងព្រឹទ្ធសភា នៃព្រះរាជាណាចក្រកម្ពុជា បានគូសបញ្ជាក់ ពីការអភិវឌ្ឍបែបទូលាយ និង ការអភិវឌ្ឍបែបស៊ីជម្រៅ នៅក្នុងវិស័យកសិកម្ម ។ សម្តេចតេជោ ហ៊ុន សែន បានរំលឹកថា កាលពីឆ្នាំ១៩៨៧ រដ្ឋាភិបាលពេលនោះ បានដាក់ចេញនូវគោលនយោបាយអាទិភាពគន្លឹះចំនួន៤ រួមមាន ផ្លូវ ទឹក ភ្លើង និងមនុស្ស ហើយបច្ចុប្បន្ននេះ អាទិភាពទាំង៤ នៅតែរក្សាដដែល ប៉ុន្តែនីតិកាលទី៧នេះ បានដាក់បន្ថែមអាទិភាពមួយទៀត គឺ បច្ចេកវិទ្យា ។ សម្តេចតេជោ បានគូសបញ្ជាក់ថា ការអភិវឌ្ឍវិស័យកសិកម្មបែបទូលាយ គឺជាការធ្វើកសិកម្មបែបប្រពៃណី ពោល គឺបើ ១គ្រួសារ មានប្រជាជន ៥នាក់ នោះគេត្រូវមានដី ១ហិកតា។ បើចំនួនគ្រួសារនោះ កើនឡើងដល់ ១០នាក់…

(ភ្នំពេញ)៖ វិស័យកសិកម្ម នៅតែជាវិស័យយុទ្ធសាស្រ្ដគន្លឹះ ក្នុងការធានាបាននូវសន្ដិសុខស្បៀងរបស់ជាតិ ទោះបីសេដ្ឋកិច្ចកម្ពុជា បាននិងកំពុងវិវត្ដរីកចម្រើន ។ នេះជាការគូសបញ្ជាក់របស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា ថ្លែងនៅក្នុងសមាជរដ្ឋសភា និងព្រឹទ្ធសភា លើកទី១ នៅវិមានរដ្ឋសភា នាថ្ងៃទី៣ ខែមិថុនា ឆ្នាំ២០២៥ ។ សម្ដេចធិបតី មានប្រសាសន៍ថា រាជរដ្ឋាភិបាល នីតិកាលទី៧ នៅតែបន្ដការយកចិត្ដទុកដាក់ និងផ្ដល់អទិភាពខ្ពស់ ក្នុងការអភិវឌ្ឍវិស័យកសិកម្ម ដែលជាវិស័យអទិភាព និងបន្ដដើរតួនាទីដ៏សំខាន់ក្នុងការលើកស្ទួយជីវភាពប្រជាពលរដ្ឋនិងសេដ្ឋកិច្ចជាតិ ។ សម្ដេចធិបតី បានបន្ដថា ទោះបីជាសេដ្ឋកិច្ចកម្ពុជា បាននិងកំពុងវិវត្ដរីកចម្រើនលើគ្រប់វិស័យក៏ដោយ ក៏ជារួម វិស័យកសិកម្ម នៅតែជាវិស័យយុទ្ធសាស្រ្ដគន្លឹះ ក្នុងការធានាបាននូវសន្ដិសុខស្បៀងរបស់ជាតិយើង ។ សម្ដេចនាយករដ្ឋមន្រ្ដី បានបន្ថែមថា គោលដៅយុទ្ធសាស្រ្ដ នៃវិស័យកសិកម្ម នៅក្នុងយុទ្ធសាស្រ្ដបញ្ចកោណ ដំណាក់កាលទី១ គឺការបន្ដពង្រឹងតួនាទី និងការអភិវឌ្ឍវិស័យកសិកម្មឱ្យទូលាយ សំបូរបែប និងមានភាពធន់ ដែលគាំទ្រដល់ការអភិវឌ្ឍនៅតាមទីជនបទ ធានាបាននូវសន្ដិសុខស្បៀង បង្កើនតម្លៃបន្ថែមខ្ពស់ និងជំរុញភាពប្រកួតប្រជែង ដែលនឹងលើកកម្ពស់គុណភាព ជីវិតនៅទីជនបទ…

(ភ្នំពេញ)៖ ក្រសួងកសិកម្មបានចេញសេចក្តីថ្លែងការណ៍មួយដោយគាទ្រចំពោះចំណាត់ការដ៏ម៉ឺងម៉ាត់របស់ប្រមុខរាជរដ្ឋាភិបាលកម្ពុជា ក្នុងការលើកយកបញ្ហាជម្លោះព្រំដែនកម្ពុជា-ថៃទៅតុលាការយុត្តិធម៌អន្តរជាតិ(ICJ)។ ក្នុងសេចក្តីថ្លែងការណ៍នេះក្រសួងកសិកម្មបានបញ្ជាក់ថា” យើងខ្ញុំទាំងអស់គ្នាជាថ្នាក់ដឹកនាំ និងមន្ត្រីគ្រប់ជាន់ថ្នាក់ នៃក្រសួងកសិកម្ម រុក្ខាប្រមាញ់ និងនេសាទ សូមគាំទ្រយ៉ាងពេញទំហឹងចំពោះចំណាត់ការដ៏ម៉ឺងម៉ាត់របស់ប្រមុខរាជរដ្ឋាភិបាលកម្ពុជា ក្នុងការលើកយកបញ្ហាជម្លោះព្រំដែនកម្ពុជា-ថៃថ្មីៗនេះ រួមមាន ករណីប្រាសាទតាមាន់ធំ ប្រាសាទតាមាន់តូច ប្រាសាទ តាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ) ដែលជាយន្តការអន្តរជាតិតែមួយគត់ដែលអាចផ្តល់នូវ ដំណោះស្រាយពិតប្រាកដលើបញ្ហាព្រំដែនសព្វថ្ងៃ”៕ ដោយ ៖ ម៉ាដេប៉ូ

(ភ្នំពេញ)៖ សម្ដេចធិបតី ហ៊ុន ម៉ាណែត បានថ្លែងបញ្ជាក់ថា ឆ្នាំ២០២៥នេះ រាជរដ្ឋាភិបាល បានវិភាជន៍ថវិកា ២៥៧លានដុល្លារ សម្រាប់អនុវត្តកម្មវិធីជាតិជំនួយសង្គមក្នុងកញ្ចប់គ្រួសារ ដោយមានអ្នកទទួលផលចំនួន ៤៤ម៉ឺននាក់ ។ សម្តេចនាយករដ្ឋមន្រ្តី ហ៊ុន ម៉ាណែត បានលើកឡើង ដូច្នេះ នៅក្នុងកិច្ចប្រជុំគណៈកម្មាធិការសមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា ។ សម្តេចធិបតី បានលើកឡើងថា រាជរដ្ឋាភិបាល បានគិតគូររៀបចំដាក់ឱ្យដំណើរការកម្មវិធីជំនួយសង្គម និងរបបសន្តិសុខសង្គមថ្មីៗ ស្របតាមការវិវត្តជាក់ស្តែងនៃសង្គមនិងសេដកិច្ចកម្ពុជា។ រាជរដ្ឋាភិបាលកំពុងពិនិត្យលទ្ធភាពក្នុងការផ្តល់ការឧបត្ថម្ភជាសាច់ប្រាក់សម្រាប់ទ្រទ្រង់ចំណាយជួលផ្ទះ និងបន្ទប់ស្នាក់នៅដល់សិស្ស-និស្សិត ដែលមានជីវភាពលំបាក និងការសិក្សាលទ្ធភាពផ្តល់ឥណទានសម្រាប់ការសិក្សាថ្នាក់ឧត្តមសិក្សាផងដែរ។ សម្តេចនាយករដ្ឋមន្រ្តី ក៏បានបញ្ជាក់ដែរថា រាជរដ្ឋាភិបាលក៏បានគិតគូរបន្ថែមផងដែរ ចំពោះកម្មវិធីគាំពារសង្គមដើម្បីជំរុញការចាកចេញពីភាពក្រីក្រ និងការសិក្សាលទ្ធភាពក្នុងការដាក់ឱ្យដំណើរការកម្មវិធីលំនៅឋានតម្លៃសមរម្យ សម្រាប់ពលរដ្ឋដែលមានចំណូលទាបនិងងាយរងគ្រោះ ។ សម្តេចធិបតី ហ៊ុន ម៉ាណែត បានបញ្ជាក់បន្ថែមថា រាជរដ្ឋាភិបាល នីតិកាលទី៧ នៃរដ្ឋសភា បានប្តេជ្ញាបន្តកំណត់យកការលើកស្ទួយសុខុមាលភាព ជីវភាពពលរដ្ឋ ការអភិវឌ្ឍមូលធនមនុស្ស និងកាត់បន្ថយភាពក្រីក្រ ជាការងារអាទិភាពចំពោះមុខ ទោះក្នុងកាលៈទេសៈណាក៏ដោយ ក្រោមស្មារតី មិនបោះបង់ពលរដ្ឋណាម្នាក់ជាដាច់ខាត។ ប្រមុខរាជរដ្ឋាភិបាលកម្ពុជា…

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាតំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា បានអញ្ជើញធ្វើមាតុភូមិនិវត្តន៍ ប្រកបដោយសុវត្តិភាព នាយប់ថ្ងៃទី០២ ខែមិថុនា ឆ្នាំ២០២៥ បន្ទាប់ពីបានអញ្ជើញចូលរួម សន្និសីទអន្តរជាតិកម្រិតខ្ពស់ស្តីពី «ការអភិរក្សផ្ទាំងទឹកកក» (Glacier Preservation) នៅប្រទេសឌូស្ហាន់បេ ប្រទេសតាហ៊្សីគីស្ថាន ចាប់ពីថ្ងៃទី២៩ ដល់ថ្ងៃទី៣១ ខែឧសភា ឆ្នាំ២០២៥។ ថ្លែងក្នុងសន្និសីទ នៅឯព្រលានយន្តហោះអន្តរជាតិភ្នំពេញ នាយប់នៅថ្ងៃទី៣០ ខែឧសភា ឆ្នាំ២០២៥ ឯកឧត្តម បណ្ឌិត អ៊ាង សុផល្លែត បានឱ្យដឹងថា នៅក្នុងការអញ្ជើញចូលរួមធ្វើសេចក្ដីថ្លែងការណ៍ តំណាងរាជរដ្ឋាភិបាលកម្ពុជា ក្នុងកិច្ចប្រជុំពេញអង្គសន្និសីទអន្តរជាតិកម្រិតខ្ពស់ស្តីពី «ការអភិរក្សផ្ទាំងទឹកកក» ដោយបានគូសបញ្ជាក់ដូចខាងក្រោម៖ កម្ពុជាបានបញ្ជាក់អំពីការប្តេជ្ញាចិត្តក្នុងការអនុវត្តកិច្ចព្រមព្រៀងទីក្រុងប៉ារីសស្ដីពីការប្រែប្រួលអាកាសធាតុ ដោយបានកំណត់ក្នុងផែនការជាតិរួមចំណែកឆ្លើយតបនឹងការប្រែប្រួលអាកាសធាតុ (NDC) ក្នុងគោលដៅជាប្រទេសអព្យាក្រឹតភាពកាបូននៅឆ្នាំ 2050 ការរួមបញ្ចូលក្នុងយុទ្ធសាស្ត្រចក្រាវិស័យបរិស្ថាននូវសកម្មភាពអាទិភាពក្នុងការកាត់បន្ថយនូវការបំភាយឧស្ម័នក្នុងវិស័យថាមពល ឧស្សាហកម្ម កសិកម្ម ព្រៃឈើ និងសំណល់។ ប្តេជ្ញាពង្រឹងតួនាទីរបស់ខ្លួនក្នុងការអភិរក្សផ្ទាំងទឹកកក ដោយអំពាវនាវឱ្យប្រទេសអភិវឌ្ឍន៍ និងស្ថាប័នហិរញ្ញវត្ថុគាំទ្រគម្រោងអភិរក្សប្រកបដោយភាពច្នៃប្រឌិត…