(បន្ទាយមានជ័យ)៖ កិច្ចប្រជុំដើម្បីដាក់ផែនការ និងផ្សព្វផ្សាយដល់តាមបណ្តាស្ថាប័នក្រុងស្រុកជាប់ព្រំដែន និងកម្លាំងឈរជើងនៅច្រកទ្វារព្រំដែន ត្រូវបានរៀបចំឡើង នៅទីស្នាក់ការច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ នាព្រឹកថ្ងៃទី៩ មេសា ឆ្នាំ២០២៥នេះ ក្នុងគោលបំណងរៀបចំសម្របសម្រួលដល់បងប្អូនពលករខ្មែរ និងភ្ញៀវទេសចរជាតិអន្តរជាតិដែលធ្វើដំណើរឆ្លងដែនពីថៃចូលមកកម្ពុជា ក្នុងអំឡុងពិធីបបុណ្សចូលឆ្នាំថ្មីប្រពៃណីជាតិខ្មែរ ខាងមុខនេះ ។ ឯកឧត្តម សៀក សុជាតិ រដ្ឋលេខាធិការក្រសួងការពារជាតិ និងជាប្រធានគណៈកម្មការចំពោះកិច្ចត្រួតពិនិត្យ និងដោះស្រាយដំណើរចេញចូលរបស់ពលករខ្មែរ បានលើកឡើងថា កិច្ចប្រជុំនាពេលនេះគឺផ្តោតសំខាន់ក្នុងគោលបំណង ៖ ១.ដាក់ផែនការនិងផ្សព្វផ្សាយ ដល់បណ្ដាស្ថាប័នក្រុងស្រុកជាប់ព្រំដែន និងកងកម្លាំងតាមព្រំដែន និងកងកម្លាំងឈរជើងនៅច្រកទ្វារព្រំដែន ក្នុងការរៀបចំសម្របសម្រួល ដល់ពលករខ្មែរ និងភ្ញៀវទេសចរណ៍ជាតិ/អន្តរជាតិ ដែលបានធ្វើដំណើរឆ្លងដែនមកកម្ពុជាដើម្បីចូលរួមអបអរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខដ៏ខ្លីនេះត្រូវធ្វើការសម្របសម្រួលរាល់បែបបទទិន្នការនានាជូនដល់ភ្ញៀវជាតិ អន្តរជាតិ និងបងប្អូនពលករខ្មែរឲ្យបានល្អប្រសើរ និងឆាប់រហ័ស ។ ២.ការលើកកម្ពស់អោយពលករខ្មែរគ្រប់រូបដែលធ្វើដំណើរឆ្លងដែនទៅធ្វើការ ក្រៅប្រទេសត្រូវមានឯកសារពាក់ព័ន្ធនានាដោយស្របច្បាប់។ ៣.ត្រូវលុបបំបាត់ការឆបោកគ្រប់រូបភាពមកលើពលករខ្មែរតាមរយៈមេខ្យល់បញ្ហានេះគឺធ្វើយ៉ាងណាត្រូវចាត់វិធានលុបបំបាត់ឲ្យខាងតែបានដើម្បីសង្គមយើងមិនមានការឆបោកតាមរយៈមេខ្យល់តទៅទៀតនាពេលបច្ចុប្បន្ន។ ឯកឧត្តម សៀក សុជាតិ សង្ឃឹមនិងជឿជាក់ថា គ្រប់អង្គភាពស្ថាប័ន ជំនាញ់ពាក់ព័ន្ធទាំងអស់ត្រូវអនុវត្តការងារនេះឲ្យបានល្អប្រសើរពិសេសនោះពាក់ព័ន្ធលើករណីធ្វើឯកសារនានាត្រូវតែមានភាពច្បាស់លាស់និងត្រឹមត្រូវទើបបងប្អូនមិនមានការចាញ់បោកតាមរយៈមេខ្យល់តទៅទៀតគឺយើងធ្វើដំណើរដោយស្របច្បាស់ទើបមានសុវត្ថិភាពល្អប្រសើរពិសេសនោះត្រូវបង្ការទប់ស្កាត់ឲ្យខាន់តែរាល់បញ្ហាជួញដូរមនុស្សឆ្លងដែនតាមគ្រប់រូបភាពដែលជាបញ្ហាប្រឈមមួយដែលយើងគ្រប់រូបត្រូវទប់ស្កាត់ឲ្យបានផងដែរ ៕ ដោយ ៖ ឃិន គន្ធា

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោក Zhang Lianghong ប្រធានក្រុមប្រឹក្សាភិបាល និងជានាយកប្រតិបត្តិ ក្រុមហ៊ុន Kimou Environmental Holding Limited ចូលជួបសម្តែងការគួរសម និងពិភាក្សាការងារ នៅវិមានសន្តិភាព នៅព្រឹកថ្ងៃទី៩ ខែមេសា ឆ្នាំ២០២៥ ។ នៅក្នុងជំនួបនេះ, លោកប្រធានក្រុមប្រឹក្សាភិបាលបានគោរពរាយការណ៍ជូនសម្តេចបវរធិបតីអំពីប្រតិបត្តិការអាជីវកម្មរបស់ក្រុមហ៊ុន ដែលបានចុះបញ្ជីក្រុមហ៊ុនភាគហ៊ុននៅនៅទីក្រុងហុងកុង។ ក្រុមហ៊ុននេះមានបទពិសោធន៍ខ្ពស់ ក្នុងការអភិវឌ្ឍសួនឧស្សាហកម្មធំៗ ដែលយកចិត្តទុកដាក់ខ្ពស់លើដំណោះស្រាយ បរិស្ថាន។ លោកប្រធានក្រុមប្រឹក្សាភិបាលបានបន្ថែមទៀតថា ក្រុមហ៊ុនមានចំណាប់អារម្មណ៍យ៉ាងខ្លាំងក្នុងការស្វែងរកឱកាសវិនិយោគនៅនៅកម្ពុជា។ ជាការឆ្លើយតប សម្តេចបវរធិបតីបានសម្តែងក្តីសោមនស្សរីករាយចំពោះចំណាប់អារម្មណ៍របស់ក្រុមហ៊ុន​ ក្នុងការវិនិយោគនៅកម្ពុជា។ សម្តេចបវរធិបតីបានគូសបញ្ជាក់អំពីការយកចិត្តទុកដាក់របស់រាជរដ្ឋាភិបាល ដែលផ្តោតអាទិភាពលើការជំរុញការអភិវឌ្ឍប្រកបដោយចីរភាព ដោយផ្ដោតលើការការពារបរិស្ថាន និងលើកកម្ពស់ជីវភាពរស់នៅរបស់ប្រជាពលរដ្ឋ។ លើសពីនេះ សម្តេចបវរធិបតីក៏បានលើកឡើងអំពីការដាក់ចេញនូវគោលនយោបាយ យន្តការ និងការលើកទឹកចិត្តផ្សេងៗ សម្រាប់វិនិយោគិនបរទេស ជាពិសេសការវិនិយោគលេីផ្នែកខ្សែច្រវាក់ផលិតកម្ម ។ សម្តេចបវរធិបតីបានជំរុញ និងលើកទឹកចិត្តដល់ក្រុមហ៊ុនឱ្យពិនិត្យលទ្ធភាពក្នុងការវិនិយោគលើផ្នែកខ្សែច្រវាក់ផ្គត់ផ្គង់ ដើម្បីចូលរួមជាមួយរាជរដ្ឋាភិបាលក្នុងការបង្កើនតម្លៃបន្ថែម និងលើកកម្ពស់សមត្ថភាពប្រកួតប្រជែងរបស់កម្ពុជា ព្រមជាមួយគ្នានេះ សម្តេចបវរធិបតីក៏បានលើកទឹកចិត្តឱ្យក្រុមហ៊ុនបន្តពិភាក្សាជាមួយក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា ដើម្បីស្វែងយល់បន្ថែមអំពីឱកាសវិនិយោគនៅកម្ពុជា៕ អត្ថបទ ៖…

(ភ្នំពេញ)៖ ការដាក់ឱ្យ​អនុវត្ត​ «កម្មវិធីពិសេសជំរុញការវិនិយោគ ក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា ឆ្នាំ ២០២៥-២០២៨» ​គឺដើម្បីជំរុញឱ្យ​មាន​ការវិនិយោគឯកជនកាន់តែសកម្ម បង្កើតជាចរន្តសេដ្ឋកិច្ច បង្កើតការងារ និងភាពទាក់ទាញ ប្រមូលផ្តុំ​ប្រជាជន​យើងឱ្យ​ទៅប្រកបអាជីវកម្ម និងរស់នៅកាន់តែច្រើនឡើងនៅក្នុងតំបន់នេះ ។ នេះជាការគូសបញ្ជាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីប្រកាស ដាក់ឱ្យអនុវត្តជាផ្លូវការនូវ «កម្មវិធីពិសេសជំរុញការវិនិយោគក្នុងខេត្តទាំងបួននៅភូមិភាគឦសាន នៃព្រះរាជាណាចក្រកម្ពុជា ឆ្នាំ ២០២៥-២០២៨» នៅព្រឹកថ្ងៃទី៩ ខែមេសា ឆ្នាំ២០២៥ ។ សម្ដចធិបតី នាយករដ្ឋមន្ត្រី បានគូសបញ្ជាក់បន្ថែម លើលក្ខណៈពិសេស សម្រាប់កម្មវិធីពិសេស​នៅភូមិភាគឦសាន រួមមាន ៖ទី១. ការផ្តល់ការលើកទឹកចិត្តលើសលុបដែលលើសពីច្បាប់វិនិយោគ ហើយបើកវិសាលភាពធំទូលាយ រួមទាំងការងារពាក់ព័ន្ធនឹងពន្ធ។ ទី២.​ យន្តការច្រកចេញចូលតែមួយ ដោះស្រាយបញ្ហានៅនឹងកន្លែង ដែលវិនិយោគិន អាចដាក់ពាក្យ​ស្នើសុំការអនុម័តគម្រោង និងលិខិតស្នាមពាក់ព័ន្ធ​ផ្សេងៗទៀត ជាមួយនឹងក្រុមការងារ​តែម្តង ។ ទី៣. ការជំរុញវិនិយោគិនក្នុងស្រុក និងសហគ្រាសធុនតូច និងមធ្យម ដោយបានបន្ធូរបន្ថយលក្ខខណ្ឌ​នៃ​ទំហំទុន​វិនិយោគ ។ ទី៤. ការផ្តល់ហិរញ្ញប្បទាន​គាំទ្រ…

(ភ្នំពេញ)៖ ក្រសួងរៀបចំដែនដី នគរូបនីយកម្ម និងសំណង់ បានបើកកិច្ចប្រជុំពិភាក្សាជាមួយអន្តរក្រសួង ស្ថាប័នពាក់ព័ន្ធ ដើម្បីប្រមូលធាតុចូលក្នុងការរៀបចំទីតាំងកំពង់ផែទេសចរណ៍កំសាន្ត និងរៀបចំក្រុងនៅតាមបណ្ដាខេត្តជុំវិញដងទន្លេមេគង្គ និងទន្លេសាប ឱ្យកាន់តែមានភាពទាក់ទាញដើម្បីបង្កើនចំណូលសេដ្ឋកិច្ចជាតិ ក្រោមអធិបតីភាពឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី៨ ខែ មេសា ឆ្នាំ២០២៥ នៅទីស្ដីការក្រសួង ។ ឯកឧត្តមឧបនាយករដ្ឋមន្ត្រី សាយ សំអាល់ បានសង្កេតឃើញថាមានទូកទេសចរណ៍ដែលធ្វើដំណើរមកពីប្រទេសវៀតណាម តាមដងទន្លេមេគង្គមកកាន់កម្ពុជា ក្នុងនោះនៅខេត្តកំពង់ចាមមានទូកទេសចរណ៍ចូលមក ៦គ្រឿង និងកំពង់ឆ្នាំងមាន ៦គ្រឿងហើយឯកឧត្តមយល់ឃើញថានេះគឺជាឧស្សាហកម្មមួយដែលមានដំណើរការល្អហើយអាចផ្ដល់ឱកាសការងារនិងថវិកាច្រើនដល់ប្រជាពលរដ្ឋកម្ពុជា។ ឯកឧត្តមឧបនាយករដ្ឋមន្ត្រីបានលើកឡើងថា ក្រសួងរៀបចំដែនដី នគរូបនីយកម្ម និងសំណង់ បានផ្លាស់ប្ដូរការគិតគូរនិងកំណត់យកការងារអាទិភាពក្នុងនោះមានការចុះបញ្ជីដីធ្លីដែលមកដល់បច្ចុប្បន្ននេះបានចុះបញ្ជីជិតរួចរាល់ជាស្ថាពរហើយនៅទូទាំងប្រទេស, កិច្ចការបញ្ចប់វិវាទដីធ្លីក៏បានដោះស្រាយរួចរាល់អស់ជាច្រើនករណីនិងនៅសល់តិចតួចប៉ុណ្ណោះ, បានដោះស្រាយបញ្ហាបុរី, និងបញ្ហាវិវាទរវាងប្រជាពលរដ្ឋជាមួយអាជ្ញាធរជាតិអប្សរានៅខេត្តសៀមរាបដែលនឹងត្រូវដោះស្រាយបញ្ចប់ក្រោយពិធីបុណ្យចូលឆ្នាំថ្មីប្រពៃណីជាតិខ្មែរ, ហើយបញ្ហាទន្លេសាបដែលក្រោយពិធីបុណ្យចូលឆ្នាំថ្មីប្រពៃណីជាតិរួចរាល់នោះក៏នឹងអាចត្រូវដោះស្រាយបញ្ចប់ជាមួយនឹងអាជ្ញាធរទន្លេសាបផងដែរ។ ឯកឧត្តម សាយ សំអាល់ បញ្ជាក់ថាទាក់ទិននឹងបញ្ហានៅខេត្តសៀមរាបនិងទន្លេសាប គឺយើងត្រូវគិតគូរបង្កើនចំណូលនិងបង្កើនឱកាសសេដ្ឋកិច្ចទាំងក្នុងខេត្តសៀមរាបនិងក្នុងតំបន់ទន្លេសាបទាំងមូលតែម្ដង ដូច្នេះហើយទើបក្រសួងរៀបចំដែនដីនគរូបនីយកម្មនិងសំណង់បានរៀបចំឱ្យមានកិច្ចប្រជុំពិភាក្សាជាមួយក្រសួងធនធានទឹកនិងឧតុនិយម, ក្រសួងទេសចរណ៍, ខេត្តនៅតាមបណ្ដោយដងទន្លេមេគង្គនិងជុំវិញទន្លេសាប,ក្រុមហ៊ុនដឹកជញ្ជូនវីរៈប៊ុនថាំ, និងអ្នកផលិតជីកសិកម្ម ដើម្បីរួមគ្នារិះរកវិធីសាស្រ្តបង្កើតយន្តការស្វែងរកប្រាក់ចំណូលនៅតំបន់ទន្លេមេគង្គនិងទន្លេសាបនេះ។ អ្វីដែលក្រសួងរៀបចំដែនដី នគរូបនីយកម្ម និងសំណង់ បានធ្វើនៅពេលនេះ គឺក្នុងគោលបំណងដើម្បីរៀបចំទីតាំងកំពង់ផែទេសចរណ៍កំសាន្តតាមបណ្ដោយទន្លេមេគង្គ…