(ភ្នំពេញ)៖ ឯកឧត្តមឧត្តមសេនីយ៍ទោ ឡេ មិញគឿក អតីតប្រធាន​ស្នង​ការនយោបាយ យោធភូមិភាគទី២ បានដឹកនាំប្រតិភូ សមាគមមិត្តភាពវៀតណាម-កម្ពុជា អតីតកងទ័ព​ស្ម័គ្រ​ចិត្ត​រណសិរ្ស៤៧៩ តំបន់ហាណូយ ហៅកាត់ថា​សមគម​រណសិរ្ស​៤៧៩ បានជំរាបជូន សម្តេចកិត្តិសង្គ​ហបណ្ឌិត ម៉ែន សំអន នាថ្ងៃទី២៨ ខែមីនា ឆ្នាំ២០២៥ថា៖ ឯកឧត្តម​ផ្ទាល់ និងប្រតិភូអមដំណើរ​ទាំងអស់ មានសេចក្តី​រំភើប​ឥតគណនា​បន្ទាប់ពីបានមក​ដល់​​​ប្រ​ទេស​​កម្ពុជា និង​បានឃើញការរីកចំរើន មិនអាច​នឹកមិនស្មានដល់ បើ​ប្រៀប​​ធៀប​​ទៅនឹង​អតីត​កាល។ ​ការលើកឡើងរបស់ ឯកឧត្តមឧត្តមសេនីយ៍ទោ ឡេ មិញ​គឿក នាពេលនេះ ធ្វើឡើង​គ្រា​ដែល​ប្រតិភូនេះ បានមក​បំទស្ស​ន​កិច្ចនៅកម្ពុជា ហើយត្រូវបាន សម្តេចកិត្តិ​សង្គ​ហបណ្ឌិត ម៉ែន សំអន អនុញ្ញាតឲ្យចូលជួប​សម្ដែង​ការគួរសម នៅវិមាន៧មករា ។​សម្តេចកិត្តិសង្គហបណ្ឌិត ក៏បានអបអរសាទរចំពោះ​ដំណើរ​​ទស្សនកិច្ចរបស់​ប្រតិភូ​​នាពេលនេះ ស្របពេល​ដែលរាជរដ្ឋាភិបាលនីតិកាលទី៧ កំពុងដំ​ណើរ​​ការយ៉ាងល្អ ទាំងទិដ្ឋភាពនយោបាយ សេដ្ឋកិច្ច និងសន្តិសុខជាតិ តាមរយៈនៃការបោះឆ្នោតប្រកបដោយតម្លាភាព ត្រឹមត្រូវ យុត្តិធម៌ ប្រជាធិបតេយ្យ សេរីពហុបក្ស តាមរដ្ឋធម្មនុញ្ញ នៃព្រះរាជាណាចក្រកម្ពុជា ។ សម្តេចកិត្តិសង្គហបណ្ឌិត បានរំលឹកអំពីចំណងមិត្តភាព រវាងប្រជាជន និងប្រទេស​ទាំង​ពីរ…

(ភ្នំពេញៅ)៖ ឯកឧត្ដម ជាប សត្ថារតន៍ រដ្ឋលេខាធិការ​ប្រ​ចាំការ និងជាប្រធានលេខាធិការដ្ឋាន នៃក្រុមការងារ​ផ្នែកសេដ្ឋកិច្ច សង្គមឌីជីថល និងទូរគមនាគមន៍ (ក្រុម​ការងារ “ណ”) កាលពីថ្ងៃទី២៦ ខែមីនា ឆ្នាំ២០២៥ បាន​ដឹក​​នាំកិច្ចប្រជុំស្ដីពី យន្តការវេទិការាជរដ្ឋាភិបាល-ផ្នែក​ឯកន នៃក្រុមការងារ “ណ” នៅទីស្ដីការក្រសួងប្រៃ​ស​ណី​យ៍​និងទូរគមនាគមន៍ និងមានការអញ្ជើញចូលរួមពី​តំណាង​នៃក្រុមការងារ “ណ” ផ្នែកឯកជន មកពីសភា​ពាណិជ្ជកម្មកម្ពុជា សរុបប្រមាណ ១៥រូប។ យន្តការវេទិការាជរដ្ឋាភិបាល-ផ្នែកឯកជន ត្រូវបាន​បង្កើត​ឡើងនៅឆ្នាំ១៩៩៩ ក្រោមការដឹកនាំប្រកបដោយគតិ​បណ្ឌិត​ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា​នាពេលនោះ និងជាប្រធានព្រឹទ្ធសភានាពេលបច្ចុប្បន្ន។ នៅថ្ងៃទី១៣ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានដឹកនាំកិច្ចប្រជុំវេទិការាជរដ្ឋាភិបាល-ផ្នែកឯកជន លើកទី១៩ និងបានដាក់ចេញវិធានការកែ​ទម្រង់មុត​ស្រួចជាកញ្ចប់ចម្បងៗចំនួន ១១ចំណុច ដែលត្រូវ​បាន​បំបែកជាវិធានការសរុបចំនួន ១៨៨ សម្រាប់ងាយស្រួល​ដល់ការតាមដាននិងវាយតម្លៃ។ សូមជម្រាបជូនថា កិច្ចប្រជុំនេះត្រូវបានរៀបចំឡើង រវាងតំណាងផ្នែករាជរដ្ឋាភិបាល និងផ្នែកឯកជន នៃ​ក្រុមការងារ “ណ”…

(ភ្នំពេញ)៖ ឯកឧត្តម តុល ញ៉ក់ អគ្គនាយកនៃអគ្គនាយក​ដ្ឋាន​ទូរគមនាគមន៍ នៃក្រសួងប្រៃសណីយ៍និងទូរគមនា​គមន៍ និងជាប្រធានឧត្តមមន្ត្រីឌីជីថលអាស៊ាន (ADGSOM) តំណាងកម្ពុជា កាលពីថ្ងៃទី២៦ ខែមីនា ឆ្នាំ២០២៥ បានទទួលជំនួបសម្តែងការគួរសម និង​ពិ​ភា​ក្សា​ការងារ ជាមួយលោកស្រី Kate Rebholz ភា​រធា​រី​ស្តី​ទីនៃស្ថានបេសកកម្មអាមេរិកប្រចាំអាស៊ាន និងសហការី នៅទីស្តីការក្រសួងប្រៃសណីយ៍និងទូរគមនាគមន៍។ ក្នុងជំនួបនេះ លោកស្រី Kate Rebholz បានថ្លែងអំណរ​គុណ ក្រសួងប្រៃសណីយ៍និងទូរគមនាគមន៍ តាមរយៈ ឯកឧត្ដមប្រធាន ADGSOM កម្ពុជា ដែលបានគាំទ្រកិច្ច​សហការរវាងកម្ពុជានិងអាស៊ានក្នុងវិស័យឌីជីថល។ ជាការឆ្លើយតប ឯកឧត្ដមប្រធាន ADGSOM បានជម្រាប​ជូន​អំពីកិច្ចកា​រអាទិភាពនិងសមិទ្ធផលធំៗ​ដែលក្រសួង​សម្រេច​បានកន្លងមក ជាអាទិ៍ ការយកចិត្តទុកដាក់ក្នុង​ការពង្រឹងគុណភាពសេវាទូរគមនាគមន៍ ការរៀបចំលិខិត​បទដ្ឋាន​គតិយុត្ត ការកសាងសមត្ថភាពទាំងស្ថាប័ន​និង​ធន​ធាន​មុស្ស ជាពិសេសស្នាដៃលេចធ្លោមួយ គឺការបង្កើត​ថ្នាល verify.gov មិនត្រឹមតែប្រើប្រាស់ផ្លូវការក្នុងការ​ផ្ទៀង​ផ្ទាត់ឯកសារនៅក្នុងស្រុក ប៉ុណ្ណោះទេ ថែមទាំង​ត្រូវបានទទួលស្គាល់ជាអន្តរជាតិ និងបានពង្រីកវិសាល​ភាពទៅបណ្ដាប្រទេសដៃគូក្នុងតំបន់អាស៊ាន។ នៅក្នុង​ក្របខណ្ឌអាស៊ាន ក្រសួងបានចូលរួមយ៉ាងសកម្មតា​មរយៈកិច្ចប្រជុំរដ្ឋមន្រ្តីឌីជីថលអាស៊ាន (ADGMIN) កិច្ចប្រជុំADGSOM។ ជាមួយគ្នានេះ ឯកឧត្តមប្រធាន ADGSOM ក៏បានជម្រាប​ជូន​ពី​វឌ្ឍនភាពអភិបាលកិច្ចបញ្ញាសិប្បនិម្មិតនៅ​ក្នុងតំបន់​និងនៅកម្ពុជា ដោយប្រទេសអាស៊ានទាំង…

(ព្រះសីហនុ)៖ ឯកឧត្តម តឹករ៉េត សំរេច រដ្ឋលេខាធិការ​ប្រចាំការ ក្រសួងរៀបចំដែនដី នគរូបនីយកម្ម និងសំណង់ បានគូសបញ្ជាក់ថា បន្ទាប់ពីការចូលរួមអនុវត្តនូវសមរភូមិ​នៃការបង្កើតនូវបរិយាកាសមិនមានវិវាទ យ៉ាងហ្មត់ចត់ និងគ្រោងទៅបញ្ចប់នាពេលដ៏ខ្លីខាងមុខ ការងារបន្ទាប់​របស់ក្រសួងរៀបចំដែនដី នគរូបនីយកម្ម និងសំណង់ គឺ ការងាររៀបចំដែនដី និងនគរូបនីយកម្ម ដើម្បីឈានទៅ​បង្កើតរបៀងសេដ្ឋកិច្ចទាំង ៨ ឱ្យមានប្រសិទ្ធភាព ដែល​កិច្ចការទាំងនេះទាមទារឱ្យមានការគិតគូរ និងរៀបចំផែន​ការថវិកាឱ្យបានត្រឹមត្រូវ និងឆ្លើយតបទៅនឹងការអនុវត្ត​ថវិកាដំណាក់កាលទី៤ គឺគណនេយ្យភាពសមិទ្ធកម្ម។ ឯកឧត្តម ក៏បានបញ្ជាក់ផងដែរថា ការងារហិរញ្ញវត្ថុសាធា​រណៈ​ពិតជាមិនមែនជាការងារសាមញ្ញ និងងាយស្រួល​នោះ​ឡើយ ដូចនេះការចូលរួមនិងសហការអនុវត្តរបស់​គ្រប់តួអង្គពាក់ព័ន្ធពិតជាចាំបាច់ក្នុងការចូលរួមពង្រឹង ដើម្បីធានាបាននូវប្រសិទ្ធភាពនៃការប្រើប្រាស់ថវិកាជាតិ សំដៅដល់ការពង្រឹង និងការចូលរួមប្រមូលចំណូល​សេវាសា​ធារណៈរបស់ក្រសួង ការពង្រឹងប្រសិទ្ធភាព​ចំណាយ តាមរយៈការអនុវត្តថវិកាកម្មវិធី និងការអនុវត្ត​យន្តការតាមដាន និងវាយតម្លៃជាដើម ។ នេះជាប្រសាសន៍លើកឡើងរបស់ឯកឧត្តម តឹករ៉េត សំរេច តំណាងឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងពិធីបើកសិក្ខាសាលាផ្សព្វផ្សាយ និងដាក់ឱ្យអនុវត្ត​គោល​ការណ៍ណែនាំស្តីពីការគ្រប់គ្រងហិរញ្ញវត្ថុសាធា​រណៈរបស់ក្រសួងរៀបចំដែនដី នគរូបនីយកម្ម និង​សំណង់ រៀបចំឡើងនៅសណ្ឋាគារសុខាខេត្តព្រះសីហនុ នាព្រឹកថ្ងៃទី២៨ ខែមីនា ឆ្នាំ២០២៥។…

(ភ្នំពេញ)៖ ឯកឧត្តម នាយឧត្តមសេនីយ៍ សៅ សុខា អគ្គ​មេបញ្ជាការរងនៃកងយោធពលខេមរភូមិន្ទ មេបញ្ជា​ការកងរាជអាវុធហត្ថលើផ្ទៃប្រទេស និងជាតំណាងដ៏ខ្ពង់​ខ្ពស់​សម្តេចតេជោ ហ៊ុន សែន ប្រធានព្រឹទ្ធសភា និងជាប្រ​ធាន​ក្រុមឧត្តមប្រឹក្សាផ្ទាល់ព្រះមហាក្សត្រ​នៃព្រះរាជា​ណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅព្រឹកថ្ងៃទី២៨ ខែមីនា ឆ្នាំ២០២៥នេះ បានអញ្ជើញជាអធិបតីភាពបញ្ចុះ​បឋមសិលាសាងសង់ព្រះមហាចេតិយ នៅវត្តច័ន្ទបុរីវង្ស ស្ថិតក្នុងភូមិសាស្រ្តភូមិសំរោងជើង សង្កាត់សំរោង ខណ្ឌព្រែកព្នៅ រាជធានីភ្នំពញ។ នាយឧត្តមសេនីយ៍ សៅ សុខា មានប្រសាសន៍ថា វិស័យ​សាសនាក៏ដូចជាវិស័យផ្សេងៗទៀត រួមទាំងអាយុ​ជីវិត​ប្រជាជនកម្ពុជា ស្លូតត្រង់រាប់លាននាក់ ត្រូវបានរបបប្រ​ល័យ​ពូជសាសន៍ កាប់សម្លាប់ ហេដ្ឋារចនាសម្ព័ន្ធសង្គម​ជាតិ ត្រូវបានលុបបំបាត់ចោល។ បន្ថែមពីនេះ នាយឧត្តមសេនីយ៍ សៅ សុខា បានលើក​ឡើងថា ក្នុងកាលៈទេសៈប្រទេសកម្ពុជា​ប្រឈម​មុខជា​មួយនឹងគ្រោះមហន្តរាយ ដែលបង្កឡើងដោយ​របបប្រ​ល័យពូជសាសន៍ដឹកនាំដោយបន ប៉ុលពត នៅថ្ងៃទី២០ មិថុនា ១៩៧៧ សម្តេចតេជោ បានសម្រេចចិត្តចាក​ចេញពីមាតុភូមិ ស្វែងរកមាគ៌ាសង្គ្រោះជាតិ ដោយបានការ​គាំ​ទ្រពីប្រទេសជាមិត្ត គឺបានបង្កើតកងកម្លាំងប្រដាប់​អាវុធសាមគ្គីសង្គ្រោះជាតិកម្ពុជា នៅថ្ងៃទី១២ ឧសភា…

មូស្គូ ៖ រុស្ស៊ីមានការខឹងសម្បារជាខ្លាំង រហូតបោះសម្តីព្រមានធ្ងន់ៗថា រុស្ស៊ី-អង្គការណាតូ អាចប្រឈមមុខនឹងការផ្ទុះសង្គ្រាម បើសិនប្រទេសលោកខាងលិចដាក់ពង្រាយកងកម្លាំងនៅអ៊ុយក្រែន។ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយកាលពីថ្ងៃព្រហស្បតិ៍ថា ទីក្រុងមូស្គូនឹងប្រឆាំងដាច់ខាត ចំពោះការដាក់ពង្រាយកងរក្សាសន្តិភាពលោកខាងលិចដែលអាចកើតមាននៅអ៊ុយក្រែន ហើយបានព្រមានថា ទង្វើបែបនេះអាចបណ្តាលឱ្យមានការប៉ះទង្គិចដោយផ្ទាល់រវាងរុស្ស៊ី និងអង្គការណាតូ។ លោកស្រី Zakharova ក៏បានចោទប្រកាន់បារាំង និងអង់គ្លេសថា បានរៀបចំផែនការអន្តរាគមន៍យោធានៅអ៊ុយក្រែន ក្នុងរូបភាពក្លែងបន្លំជាប្រតិបត្តិការរក្សាសន្តិភាព។ ការគំរាមធ្ងន់ៗរបស់រុស្ស៊ី កើតឡើងចំពេលដែលប្រទេសបារាំងធ្វើជាម្ចាស់ផ្ទះកិច្ចប្រជុំកំពូលនៅទីក្រុងប៉ារីស ជាមួយមេដឹកនាំមកពីប្រទេសជិត ៣០ ក៏ដូចជាមន្ត្រីអង្គការណាតូ និងសហភាពអឺរ៉ុប ដើម្បីពិភាក្សាអំពីការជំរុញការគាំទ្រដល់អ៊ុយក្រែន។ ប្រធានបទសំខាន់ៗនៅក្នុងកិច្ចប្រជុំកំពូលនោះ រួមមាន សំណើដាក់ពង្រាយទាហានអឺរ៉ុបទៅកាន់អ៊ុយក្រែន រួមជាមួយនឹងកិច្ចព្រមព្រៀងសន្តិភាពដ៏មានសក្តានុពលមួយ ដើម្បីបង្កើតនូវអ្វីដែលគេហៅថា “សម្ព័ន្ធនៃឆន្ទៈ”៕ ប្រភព ៖ AFP ប្រែសម្រួល ៖ ឈឹម ទីណា

(ភ្នំពេញ)៖ ឯកឧត្តមអភិសន្តិបណ្ឌិត ស សុខា ឧបនាយក​រដ្ឋមន្ត្រី រដ្ឋមន្ត្រីក្រសួង មហាផ្ទៃ និងឯកឧត្តម Derek Yip ឯកអគ្គរាជទូតអូស្ត្រាលី ប្រចាំព្រះរាជាណាចក្រកម្ពុជា បាន​វាយតម្លៃខ្ពស់អំពីដំណើរការនៃកិច្ចសហប្រតិបត្តិការ​អនុវត្តច្បាប់ ក្នុងក្របខណ្ឌក្រសួងមហាផ្ទៃកម្ពុជា និង​នគរបាលសហព័ន្ធអូស្ត្រាលី លើការងារ​ប្រយុទ្ធប្រឆាំង​ឧក្រិដ្ឋកម្មឆ្លងដែន ជាពិសេសលើបញ្ហាបទល្មើសបច្ចេក​វិទ្យា អំពើឆបោកតាមប្រព័ន្ធអ៉ីនធឺណិត-Online Scamming អំពើជួញដូរមនុស្ស រត់ពន្ធមនុស្ស និង​គ្រឿងញៀន ការងារគ្រប់គ្រងព្រំដែន ការងារអត្ត​សញ្ញា​ណ​កម្ម និងបទល្មើសផ្សេងទៀតដែលភាគីកម្ពុជា និង​អូស្ត្រាលីបានបន្តអនុវត្ត និងពង្រឹងកិច្ចសហ ប្រតិបត្តិការ​បានល្អប្រសើរ។ នេះបើតាមលទ្ធផលនៃជំនួបនៅទីស្ដីការ​ក្រសួងមហាផ្ទៃ នារសៀលថ្ងៃព្រហស្បតិ៍ ទី២៧ ខែមីនា ឆ្នាំ២០២៥ ។ ឯកឧត្តមអភិសន្តិបណ្ឌិត ស សុខា បានចាត់ទុកជំនួប​ជាមួយ ឯកឧត្តមឯកអគ្គរាជទូតនាពេលនេះ ជាការបង្ហាញ​ឱ្យ​ឃើញអំពីកិច្ចខិតខំប្រឹងប្រែង ក្នុងការជំរុញការបន្ត​បង្កើន​កិច្ច​សហប្រតិបត្តិការរវាងរដ្ឋាភិបាល អូស្ត្រាលី និងក្រសួងមហាផ្ទៃកម្ពុជា នាពេលបច្ចុប្បន្ន និងនាពេលអនាគត ។ ឯកឧត្តម Derek Yip ឯកអគ្គរាជទូតអូស្ត្រាលី បានថ្លែង​អំណរ​គុណ ឯកឧត្តមអភិសន្តិបណ្ឌិត ស សុខា ដែល​អនុញ្ញាត​ឱ្យចូលជួបសម្តែងការគួរសម…

តូក្យូ ៖ វិទ្យាស្ថានស្រាវជ្រាវជប៉ុនព្យាករណ៍ថា សង្គ្រាមពន្ធរបស់ប្រធានាធិបតីអាមេរិក លោក ដូណាល់ ត្រាំ នឹងធ្វើឲ្យផលិតកម្មឡានរបស់ប្រទេសជប៉ុនដាំក្បាលចុះ ៤.៣ ភាគរយជារៀងរាល់ឆ្នាំ ដោយសារការលក់ធ្លាក់ចុះនៅសហរដ្ឋអាមេរិក ហើយផលិតកម្មឧស្សាហកម្មនេះទាំងមូលក៏នឹងអាចធ្លាក់ចុះ ០.៦ ភាគរយផងដែរ។ ជាការឆ្លើយតប នាយករដ្ឋមន្ត្រីជប៉ុន លោក Shigeru Ishiba កាលពីថ្ងៃព្រហស្បតិ៍ បានសម្តែងការសោកស្តាយយ៉ាងខ្លាំងចំពោះការសម្រេចចិត្តរបស់រដ្ឋបាលលោក ត្រាំ ក្នុងការដាក់ពន្ធបន្ថែម ២៥ ភាគរយលើរថយន្ត ហើយលោកបានណែនាំមន្ត្រីពាក់ព័ន្ធឱ្យចរចាជាមួយអាមេរិក ដើម្បីស្វែងរកការលើកលែងពន្ធ។ លោក Ishiba និយាយថា ជប៉ុននឹងពិចារណាលើការឆ្លើយតបដ៏សមស្របមួយ ប្រឆាំងនឹងការយកពន្ធរបស់អាមេរិកលើរថយន្ត ដោយប្តេជ្ញាថាជម្រើសទាំងអស់គឺនៅលើតុ។ នៅឆ្នាំ ២០២៤ ការនាំចេញរថយន្តរបស់ជប៉ុនទៅកាន់ទីផ្សារអាមេរិកមានចំនួនសរុបប្រហែល ៤០ ពាន់លានដុល្លារ ដែលស្មើនឹង ២៨.៣ ភាគរយនៃការនាំចេញសរុបរបស់ជប៉ុនទៅកាន់អាមេរិក។ យោងតាមសមាគមក្រុមហ៊ុនផលិតរថយន្តជប៉ុន បានឲ្យដឹងថា រថយន្តប្រមាណ ១.៣៧ លានគ្រឿងត្រូវបាននាំចេញទៅកាន់សហរដ្ឋអាមេរិកក្នុងឆ្នាំ ២០២៤៕ ប្រភព ៖ AFP ប្រែសម្រួល ៖ ឈឹម ទីណា