(ភ្នំពេញ)៖ នៅលើទំព័រហ្វេសប៊ុកផ្លូវការ នាថ្ងៃទី៣ កុម្ភៈ សម្តេច​តេជោ ហ៊ុន សែន បានថ្លែងថា សម្តេចពុំមាន​ជំងឺ​កូវីដ១៩ទៀតទេ ក្រោយពីការធ្វើតេស្តអវិជ្ជមាន២ដង កាលពីថ្ងៃទី២ និងនៅរសៀលថ្ងៃទី៣ កុម្ភៈ ។ សម្តេចតេជោ បានថ្លែងថា លាហើយកូវីដ១៩ ជាលើកទី២ និងខិតខំមិនឱ្យមានការលាជាលើកទី៣។ សម្តេចបានសរសេរថា៖ ម្សិលម៉ិញធ្វើតេស្តរហ័ស ពិនិត្យ​ឃើញ​អវិជ្ជមានកូវីដ.១៩ហើយ តែខ្ញុំនៅតែមិនទាន់​ហ៊ាន​ប្រថុយ ដើម្បីចូលរួមដង្ហែព្រះមហាក្សត្រ និងហ្លួងម៉ែ ជាទី​គោរពសក្ការៈ យាងទៅប៉េកាំងព្រឹកម៉ិ ញនេះ ព្រោះខ្ញុំនៅ​ហៀរសំបោរនៅឡើយ។ ការបារម្ភខ្លាចឆ្លងទៅព្រះអង្គ និងថ្នាក់ដឹកនាំផ្សេងទៀត។ សម្ដេចតេជោ បន្តថា មុននេះ ២ម៉ោងបានធ្វើតេស្តម្តងទៀត​លទ្ធផលអវិជ្ជមានដដែល។ ដូចនេះទាំងគ្រូពេទ្យ ទាំងខ្ញុំ​កំ​ណត់​ថា ខ្ញុំពុំមានជម្ងឺកូវីដ១៩ទៀតទេ។ ខ្ញុំចាប់ផ្តើមការងារ​ធម្មតាដោយរាប់ទាំងទទួលភ្ញៀវជាតិ និងអន្តរជាតិផងដែរ។ លាហើយកូវីដ១៩ ជាលើកទី២ និងខិតខំមិនឲ្យមានការលា​ជាលើកទី៣ ៕ ដោយ ៖ វណ្ណលុក

(ភ្នំពេញ)៖ ក្នុងពិធីបើកសន្និបាតសុខាភិបាល លើកទី៤៤ នា​ព្រឹក​​ថ្ងៃទី៣ ខែមីនា ឆ្នាំ២០២៥ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល លើកឡើងពីរបាយ​ការណ៍​សមិទ្ធ​ផល​នៃវិស័យសុខាភិបាលឆ្នាំ២០២៤ បាន​បង្ហាញ​ពីវឌ្ឍន​ភាព​គួរឱ្យកត់សម្គាល់ ដែលវិស័យសុខាភិបាល​សម្រេចបាន នៅក្នុង​ឆ្នាំ២០២៤ ក្នុងការម្រើសេវាថែទាំសុខភាព​ជូន​ប្រជាពលរដ្ឋ រួមមាន៖ សេវាអប់រំលើកកម្ពស់សុខភាព សេវា​បង្ការ ព្យាបាល​ថែទាំ ដែលគុណភាពត្រូវបានកែលម្អជាប្រចាំ និងអន្តរាគមន៍​សុខភាពសាធារណៈសារវន្ត តាមរយៈ កម្មវិធី​លើកកម្ពស់​សុខ​ភាពបន្តពូជ សុខភាពមាតា ទារក កុមារ និង​អាហារូបត្ថម្ភ កម្មវិធី​បង្ការ និងគ្រប់គ្រងជំងឺឆ្លង រួមទាំងប្រព័ន្ធ​សន្តិសុខសុខភាព និង​កម្មវិធីជំងឺមិនឆ្លង និងបញ្ហាសុខភាព​សាធារណៈដទៃទៀត ។ កម្មវិធីពង្រឹងប្រព័ន្ធសុខាភិបាល ដែលផ្តោតជាចម្បងលើការ​អភិវឌ្ឍស្ថាប័ន និង អភិបាលកិច្ច ការអភិវឌ្ឍធនធានមនុស្ស ការគ្រប់គ្រងហិរញ្ញវត្ថុសាធារណៈ ការផ្គត់ផ្គង់ឱសថ បរិក្ខារ ឧបករណ៍ពេទ្យ ការកែលម្អហេដ្ឋារចនាសម្ព័ន្ធ ការពង្រឹង​ប្រព័ន្ធព័ត៌មានសុខាភិបាល និងការប្រើប្រាស់​បច្ចេកវិទ្យា​ឌីជីថល ។ ឯកឧត្តមសាស្រ្តាចារ្យរដ្ឋមន្រ្តី បន្ថែមទៀតថាជាមួយវឌ្ឍនភាព ដែលវិស័យសុខាភិបាលសម្រេចបាននាពេលបច្ចុប្បន្ន មានកិច្ច​ការសំខាន់ៗ ជាច្រើនទៀត ដែលអង្គភាពសុខាភិបាល គ្រប់លំ​ដាប់ថ្នាក់នឹងបន្តអនុវត្តឱ្យកាន់តែមានប្រសិទ្ធភាព និងសក្តិសិទ្ធ​ភាព ដើម្បីលើកកម្ពស់ការបំរើសេវាថែទាំសុខភាព…

(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តម​ប្រឹក្សា​ផ្ទាល់ព្រះមហាក្សត្រ និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានថ្លែងថា ស្ត្រីគឺជាឆ្អឹងខ្នង នៃ​សេដ្ឋកិច្ច សង្គម តាមរយៈការចូលរួមចំណែយ៉ាង​សកម្ម​ក្នុងកិច្ច​អភិវឌ្ឍន៍ប្រទេសជាតិ។ សម្តេចបានបន្តថា បច្ចុប្បន្នរាជរដ្ឋាភិបាល ក្រោមការដឹក​នាំ​ប្រក​ដោយ​គតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានយកចិត្តទុក្ខដាក់ខ្ពស់ លើការលើក​កម្ពស់តម្លៃស្ត្រី ផ្តល់ឱកាសការងារ និងអត្ថប្រយោជន៍​ដល់ស្ត្រី​ជា​ច្រើននៅតាមក្រសួង ស្ថាប័នអង្គភាពសាធារណៈ ក៏ដូចជា​វិស័យ​ឯកជន សំដៅធ្វើយ៉ាងណាឲ្យ មានការចូលរួមកាន់តែ​ច្រើន និងប្រកបដោយគុណភាព ប្រសិទ្ធភាពការងារ ក្នុងកិច្ចដំ​ណើរ​ការអភិវឌ្ឍសង្គម និងសេដ្ឋកិច្ចជាតិ»។ ការថ្លែងចាត់ទុកបែបនេះរបស់សម្ដេចម៉ែន សំអន នៅក្នុងពិធី​អបអរសាទរ ទិវាអន្តរជាតិនារី ៨មិនា ខួបលើកទី ១១៤ ក្រោម​ប្រធានបទ សិទ្ធ សមភាព និងភាពអង់អាចចំពោះស្ត្រី និងក្មេង​ស្រីគ្រប់រូប នៅស្រុកស្វាយជ្រំ ខេត្តស្វាយរៀង នារសៀល​ថ្ងៃ​ទី៣ ខែមីនា ឆ្នាំ២០២៥។ ថ្លែងក្នុងពិធីនោះសម្តេចកិត្តិសង្គហបណ្ឌិត មានប្រសាសន៍​សំ​ណេះ​​សំណាលក្នុងពិធីនោះ សម្តេចកិត្តិសង្គហបណ្ឌិត បាន​នាំយក​ការផ្តាំផ្ញើសាកសួរ សុខទុក្ខ និងការនឹករលឹក​ពីសំណាក់…

(កណ្តាល)៖ ក្នុងពិធីប្រកាសបញ្ចូលសមាជិកថ្មី របស់គណបក្ស​ប្រជា​ជនកម្ពុជាចំនួន ៩២២ នាក់ កាលពីថ្ងៃទី២ ខែមីនា ឆ្នាំ២០២៥ នៅស្រុកពញាឮ ខេត្តកណ្តាល លោកបណ្ឌិត កែវ បេងវឌ្ឍន៍ អនុប្រធានគណៈអចិន្ត្រៃយ៍ ក្រុមការងារគណបក្ស​ចុះមូលដ្ឋានស្រុកពញាឮ និងជាប្រធានក្រុមការងារគណបក្ស​ចុះ​មូលដ្ឋានឃុំភ្នំបាត ឃុំផ្សារដែក និងឃុំវិហារលួង បានលើក​ឡើងថា គណបក្សប្រជាជនកម្ពុជា នៅតែជាគណបក្សដែល​ទទួលបានការគាំទ្រ និងគោរពស្រឡាញ់ ភ្លូកទឹក ភ្លូកដី ពីប្រជាពលរដ្ឋ ។ សមាជិកគណបក្សថ្មីទាំង ៩២២នាក់នេះមកពី ៖ ឃុំវិហារលួង ២៦៩នាក់ (ស្រី ១១១នាក់) ឃុំផ្សារដែក ៣០៨នាក់ (ស្រី ១៥៩​នាក់) និងឃុំភ្នំបាត ៣៤៥នាក់ (ស្រី ១៩៦នាក់) ដែល​ភាគ​ច្រើនជាយុវជនទើបគ្រប់អាយុ និងបានចុះឈ្មោះបោះ​ឆ្នោត​រួចរាល់ ហើយក្រៅពីនេះ មានសមាជិកដែលជាអតីត សកម្មជន​គណបក្សផ្សេង ២៥នាក់ (ស្រី ១៣នាក់) ។ លោកបណ្ឌិត កែវ បេងវឌ្ឍន៍ គូសបញ្ជាក់ពីសមិទ្ធផលធំៗ​របស់គណបក្សប្រជាជនកម្ពុជា ដែលសម្រេចបាន…

(ភ្នំពេញ)៖ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចម៉ែ បានស្ដេចយាងចាកចេញពីរាជធានីភ្នំពេញ ឆ្ពោះទៅកាន់ទីក្រុងប៉េកាំង សាធារណរដ្ឋប្រជាមានិតចិន នៅព្រឹកថ្ងៃទី៣ ខែមីនា ឆ្នាំ២០២៥ ដើម្បីពិនិត្យព្រះរាជ​សុខភាព ។ ក្នុងព្រះរាជសារ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រម្ពុជា សូមព្រះអនុញ្ញាត អនុញ្ញាតពីសម្តេចព្រះមហាសង្ឃរាជ ទាំងពីរគណៈ និងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ លោក លោកស្រី លោកតា លោកយាយ មាមីង បងប្អូន ក្មួយៗជនរួមជាតិទាំងអស់ អវត្តមានពីមាតុប្រទេស ចាប់ពីថ្ងៃទី៣ ខែមីនា ឆ្នាំ២០២៥តទៅ ធ្វើដំណើរ​ទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យព្រះរាជសុខភាព ។ នៅក្នុងឱកាសអវត្តមានរបស់ព្រះករុណាព្រះមហាក្សត្រ ខាងលើនេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ទទួលជួយក្នុងព្រះបរមនាមព្រះអង្គ ជាប្រមុខរដ្ឋស្តីទី នៃព្រះរាជាណាចក្រកម្ពុជា ។…