(ភ្នំពេញ)៖ ឯកឧត្តម តាន់ ហ្សង់ហ្រ្វង់ស័រ រដ្ឋមន្រ្តីប្រតិភូអមនាយករដ្ឋមន្រ្តី ទទួលបន្ទុកការបរទេស និងសហប្រតិបត្តិការអន្តរជាតិ បានមានប្រសាសន៍ថា នៅក្នុងបរិបទនៃពិភពលោកមួយ ដែលមានស្ថានភាព កាន់តែផុយស្រួយ ស្មុគស្មាញ មិនជាក់លាក់ និងគ្រោះថ្នាក់ រាជរដ្ឋាភិបាលកម្ពុជាគ្មានជម្រើសអ្វី ក្រៅពីបន្តអនុវត្តនយោបាយការបរទេសប្រកបដោយភាពបត់បែននោះឡើយ។ ឯកឧត្តម តាន់ ហ្សង់ហ្រង់ស័រ បានមានប្រសាសន៍បន្តថា «រាជរដ្ឋាភិបាលយើងគ្មានជម្រើសទេ, ត្រូវតែបន្តប្រឹងប្រែង ត្រូវតែបន្តដុតដៃដុតជើង ដើម្បីទាញយកពីទំនាក់ទំនងរវាងកម្ពុជានិងពិភពលោក នូវផលប្រយោជន៍ ច្រើនក្រាស់ក្រែលដូចដែលអាចធ្វើទៅបានមកជូនប្រជាជាតិខ្មែរយើង។ ហេតុអ្វី? ពីព្រោះ ដូចសម្តេចបវរធិបតី នាយករដ្ឋមន្ត្រី ធ្លាប់លើកឡើងជាញឹកញាប់ហើយថា សន្តិភាពសំខាន់សម្រាប់ការអភិវឌ្ឍ, ការអភិវឌ្ឍ សំខាន់សម្រាប់សន្តិភាព បានន័យជារួមថា សន្តិភាពនិងការអភិវឌ្ឍ ចិញ្ចឹមគ្នាទៅវិញទៅមក»។ ក្នុងន័យនេះ រាជរដ្ឋាភិបាលកម្ពុជា បានបន្តពង្រឹងសន្តិភាពដើម្បីបន្តអភិវឌ្ឍសង្គម-សេដ្ឋកិច្ច ហើយទន្ទឹមនេះ បន្តអភិវឌ្ឍប្រទេសដើម្បីបន្តរក្សាសន្តិភាពឱ្យនៅគង់វង្សយូរលង់ នៅក្នុងពិភពលោកមួយ ដែលមានស្ថានភាពកាន់តែផុយស្រួយ ស្មុគស្មាញ មិនជាក់លាក់ និងគ្រោះថ្នាក់។ ឯកឧត្តម បានមានប្រសាសន៍បន្ថែមថា៖ «ពិភពលោកនៅដើមឆ្នាំ២០២៥នេះ សឹងថាមានលក្ខណៈរញ៉េរញ៉ៃជាងឆ្នាំ២០២៤ ទៅទៀត។ ទាំងអស់គ្នាមើលឃើញរៀងៗខ្លួនហើយ, មើលឃើញភាពតានតឹងភូមិសាស្ត្រនយោបាយ, ការប្រកួតប្រជែងស្រួចស្រាល់ផ្នែកសេដ្ឋកិច្ច…

(ភ្នំពេញ)៖ មកដល់ពេលនេះ រាជរដ្ឋាភិបាលកម្ពុជា បានរំដោះដីព្រៃពីអ្នកទន្ទ្រានដីរដ្ឋដោយខុសច្បាប់ បានជាង៤ម៉ឺនហិកតា នៅទូទាំងប្រទេស ស្របតាមបទបញ្ជាយ៉ាងម៉ឺងម៉ាត់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បញ្ជាឲ្យអាជ្ញាធរពាក់ព័ន្ធ និងមានការចូលរួមពីកងយោធពលខេមរភូមិន្ទផង ការបើកប្រតិបត្តិការបង្ការ និងបង្ក្រាបបទល្មើសទាំងនេះទទួលបានលទ្ធផលគួរឲ្យសាទរ។ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី ប្រធានអង្គភាពអ្នកនាំពាក្យរាជរដ្ឋាភិបាល បានលើកឡើងយ៉ាងដូច្នេះថា «ជាក់ស្តែងចាប់ពីខែមិថុនា ឆ្នាំ២០២៤ ដល់ពាក់កណ្តាលខែកុម្ភៈ ឆ្នាំ២០២៥នេះ យើងបានរំដោះដីព្រៃដែលជនខិលខូចទន្ទ្រានយកបានជាង៤ម៉ឺនហិកតា ដោយប្រគល់ជូនក្រសួងពាក់ព័ន្ធ មានក្រសួងកសិកម្ម និងបរិស្ថានជាដើមរក្សាទុកជាដីរដ្ឋ»។ ឯកឧត្តមបានអះអាងថា ប្រតិបត្តិការនេះបានធ្វើឲ្យសកម្មភាពកាប់ទន្ទ្រានដីព្រៃខុសច្បាប់ស្ងប់ស្ងាត់ ហើយបច្ចុប្បន្ន កងយោធពលខេមរភូមិន្ទ បានដើរល្បាតជាប្រចាំ ដើម្បីកុំឲ្យមានបទល្មើសថ្មីកើតឡើង។ ថ្លែងពាក់ព័ន្ធនឹងការបង្ក្រាបបទល្មើសព្រៃឈើ ក្នុងរយៈពេលដូចគ្នានេះ កងកម្លាំងបានបើកប្រតិបត្តិការយ៉ាងសកម្មដោយរឹបអូសបាន រណាយន្ត១៨០គ្រឿង, រថយន្ត៧គ្រឿង, ម៉ូតូ៧៦គ្រឿង ព្រមទាំងសម្ភារៈ ឧបករណ៍បម្រើឲ្យការកាប់ និងដឹកជញ្ជូនឈើជាច្រើនទៀត។ ក្នុងប្រតិបត្តិការនេះ មនុស្សរាប់សិបនាក់ត្រូវបានឃាត់ខ្លួន ហើយជាលទ្ធផលបទល្មើសព្រៃឈើ ក៏បានស្ងប់ស្ងាត់ក្រោមការយាមល្បាតជាប្រចាំពីសំណាក់សមត្ថកិច្ចជំនាញ ដោយមានការចូលរួមពីកងយោធពលខេមភូមិន្ទ។ការថ្លែងបែបនេះរបស់ ឯកឧត្តម ប៉ែន បូណា ក្នុងឱកាស វេទិកាសារព័ត៌មានលើកទី៦ ស្ដីពី…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមបណ្ឌិត Yun Seogdae នាយកប្រតិបត្តិសាជីវកម្មធនធានទឹកកូរ៉េ (K-water) នៃក្រសួងបរិស្ថានរបស់សាធារណរដ្ឋកូរ៉េ និងជាប្រធានក្រុមប្រឹក្សាទឹកអាស៊ី (AWC) និងគណៈប្រតិភូ ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព នាព្រឹកថ្ងៃទី២៨ ខែកុម្ភៈ ឆ្នាំ២០២៥ ។ ក្នុងឱកាសនៃជំនួប, ឯកឧត្តមបណ្ឌិត Yun Seogdae បានថ្លែងអំណរគុណ និងសម្ដែងនូវសេចក្ដីសោមនស្សរីករាយ ដែលបានចូលជួបសម្ដែងការគួរសម និងពិភាក្សាការងារ ជាមួយសម្ដេចបវរធិបតីជាថ្មីម្ដងទៀត បន្ទាប់ពីជំនួបលើកទី១ ក្នុងឱកាសដែលសម្ដេចបវរធិបតីអញ្ជើញបំពេញទស្សនកិច្ចផ្លូវការនៅសាធារណរដ្ឋកូរ៉េ កាលពីខែឧសភា ឆ្នាំ២០២៤។ ឯកឧត្តមបណ្ឌិត បានគោរពជម្រាបជូនសម្ដេចបវរធិបតី អំពីកិច្ចសហប្រតិបត្តិការប្រកបដោយផ្លែផ្កាកន្លងមក រវាងក្រុមហ៊ុន និងក្រសួង-ស្ថាប័នពាក់ព័ន្ធនៃរាជរដ្ឋាភិបាលកម្ពុជា ក៏ដូចជាគោលបំណងរបស់ក្រុមហ៊ុននៅក្នុងការស្វែងរកឱកាសវិនិយោគ ក្នុងវិស័យគ្រប់គ្រងធនធានទឹក នៅកម្ពុជា។ ជាការឆ្លើយតប, សម្ដេចបវរធិបតីបានវាយតម្លៃខ្ពស់ចំពោះកិច្ចសហប្រតិបត្តិការនាពេលកន្លងមករវាងក្រុមហ៊ុន និងក្រសួង-ស្ថាប័នពាក់ព័ន្ធរបស់រាជរដ្ឋាភិបាល ជាពិសេសចំពោះកិច្ចសហប្រតិបត្តិការលើវិស័យគ្រប់គ្រងធនធានទឹក នៅកម្ពុជា។ សម្ដេចបវរធិបតី ក៏បានលើកទឹកចិត្តឱ្យក្រុមហ៊ុនធ្វើការជាមួយក្រសួង-ស្ថាប័នពាក់ព័ន្ធ ដើម្បីសិក្សាលើការគ្រប់គ្រងធនធានទឹកនៅកម្ពុជា ស្របតាមគោលនយោបាយរបស់រាជរដ្ឋាភិបាល ដោយផ្ដោតទៅលើការវាយតម្លៃឱ្យបានគ្រប់ជ្រុងជ្រោយអំពីភាពខ្លាំង ក៏ដូចជាផលប៉ះពាល់នៃគម្រោងនេះលើសង្គម-សេដ្ឋកិច្ច និងបរិស្ថាន។…

(ភ្នំពេញ)៖ បរិមាណសំណល់ប្លាស្ទិក ដែលកើនឡើងច្រើន កំពុងបន្ថែមសម្ពាធយ៉ាងខ្លាំងទៅលើប្រព័ន្ធគ្រប់គ្រងសំណល់រឹង និងបរិស្ថានរបស់យើង ។ ដូច្នេះ យើងចាំបាច់ត្រូវរួមគ្នាប្រយុទ្ធនឹងសត្រូវនេះ ដើម្បីកាត់បន្ថយសំណល់ប្លាស្ទិកនៅកម្ពុជា និងជំរុញឱ្យកម្ពុជាមានភាពស្អាត ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន មានប្រសាសន៍ បែបនេះ ក្នុងពិធីចុះហត្ថលេខាលើឯកសារគម្រោង ស្តីពី «ការពង្រឹងសមត្ថភាពដោះស្រាយសំណល់ប្លាស្ទិកនៅទីប្រជុំជន» នាថ្ងៃទី ២៧ ខែកុម្ភៈ ឆ្នាំ ២០២៥ នៅទីស្តីការក្រសួងបរិស្ថាន។ ឯកឧត្តមរដ្ឋមន្រ្តី បានថ្លែងថា ដើម្បីកម្ពុជាស្អាត បន្ទាប់មកពីចំនួនថង់ប្លាស្ទិក ត្រូវបានមើលឃើញមានការបោះចោល និងមានការប្រើប្រាស់ច្រើន នាពេលកន្លងមកក្រសួងបរិស្ថាន បានដាក់ចេញយុទ្ធនាការកាត់បន្ថយការប្រើប្រាស់ប្លាស្ទិក ដើម្បីគ្រប់គ្រង និងកាត់បន្ថយសំណល់ប្លាស្ទិក ប្រើប្រាស់ឡើងវិញ កែច្នៃ និងទាញយកជាថាមពល ឱ្យបានត្រឹមត្រូវ និងមានប្រសិទ្ធភាព ។ ឯកឧត្តមបណ្ឌិត អ៊ាង សុផល្លែត បានវាយតម្លៃខ្ពស់ចំពោះគម្រោង ដែលបានចុះហត្ថលេខារួមគ្នានាពេលនេះ ដើរតួយ៉ាងសំខាន់ក្នុងការរួមចំណែក ដល់ភាពស្អាត នៅក្នុងយុទ្ធសាស្ត្រចក្រាវិស័យបរិស្ថាន ជាពិសេសកាត់បន្ថយការប្រើប្រាស់ប្លាស្ទិកតែម្តងបោះចោល។ ឯកឧត្តមរដ្ឋមន្រ្តី បានណែនាំឱ្យពង្រឹងការអប់រំបរិស្ថាន តាមរយៈយុទ្ធនាការរបស់ក្រសួងបន្តទៀត នៅតាមសាលារៀន…