(ខេត្តកំពង់ស្ពឺ)៖ នាឱកាសចូលរួមជាមួយប្រជាពលរដ្ឋស្រុកឱរ៉ាលខេត្តកំពង់ស្ពឺដើម្បីសម្ពោធសមិទ្ធផលនានាក្នុងវត្តឧត្តមគីរីព្រឹក្សា (កោដូនតី) ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តី ក្រសួងមុខងារសាធារណៈ បានថ្លែងលើកឡើងថា ដោយរំឭកពីអតីតកាល កាលពីជាង ២ទសវត្សរ៍កន្លងទៅ។ ខេត្តកំពង់ស្ពឺយើង ជាពិសេសស្រុកឱរ៉ាល់នេះគឺជាចំណុចចាប់ផ្ដើមនៃដំណើរការស្វែងរកសន្តិភាពតាមរយៈនយោបាយឈ្នះ ឈ្នះ នោះគឺការចរចាស្វែងរកសន្តិភាពឈានទៅដល់ការបង្រួបបង្រួមជាតិ ឯកភាពជាតិ ឯកភាពទឹកដី នៅថ្ងៃទី២៩ ខែធ្នូ ឆ្នាំ ១៩៩៨។ នេះបើយោងតាមការបង្ហោះតាមផេកហ្វេសបុផ្លូវការ ឯកឧត្តម ហ៊ុន ម៉ានី នាព្រឹកថ្ងៃទី៥ ខែមីនា ឆ្នាំ២០២៥ ។ ឯកឧត្តម បានគូសបញ្ជាក់ទៀតថា ផ្ដើមចេញពីការជឿជាក់ និងទំនុកចិត្តរវាងគ្នា និងគ្នាទើបធ្វើឱ្យការដោះស្រាយបញ្ហាផ្ទៃក្នុងរបស់កម្ពុជាទទួលបានជោគជ័យក្នុងរយៈពេលដ៏ខ្លី។ យើងចងចាំមិនភ្លេចនូវគុណបំណាច់របស់មគ្គុទេសក៍ឯក និងប្រតិបត្តិករទាំងឡាយដែលបាននាំមកនូវសុខសន្តិភាពពេញលេញ ប្រកបដោយប្រសិទ្ធភាព។ ក្នុងនោះយើងក៏ចងចាំផងដែរថាសម្ដេចតាព្រះវររាជបិតាជាតិយើង ដែលទ្រង់ប្រោសព្រះរាជទានព្រះរាជឱង្ការផ្ដាំផ្ញើដល់កូនចៅចៅទួតចៅលួត ឱ្យរួបរួមគ្នាជាធ្លុងមួយ ប្រកបដោយអត្ថន័យថា «ខ្មែររួបរួម ខ្មែរខ្លាំង» ដែលឆ្លុះបញ្ចាំងឱ្យឃើញនូវកិច្ចខិតខំប្រឹងប្រែងរបស់ថ្នាក់ដឹកនាំជំនាន់មុនដែលបានលះបង់ខ្ពស់ដើម្បីបុព្វហេតុផ្សះផ្សា បង្រួបបង្រួមជាតិរហូតឈានដល់ការសម្រេចសុខសន្តិភាពដ៏មានតម្លៃបំផុត។ នេះហើយជាអត្ថន័យ និងគុណតម្លៃដ៏ពិសិដ្ឋនៃសន្តិភាព ៕ ដោយ ៖ ជាវ ចន្ធូ

(ភ្នំពេញ)៖ អង្គការសហប្រតិបត្តិការសៀងហៃ នឹងជួយជំរុញបន្ថែមដល់ភាពរីកលូតលាស់នៃសេដ្ឋកិច្ចកម្ពុជា ខណៈទំហំសេដ្ឋកិច្ច នៃប្រទេសសមាជិក អង្គការសហប្រតិបត្តិការសៀងហៃ គឺស្មើនឹង មួយភាគបួន នៃសេដ្ឋកិច្ចពិភពលោក ។ នេះជាការគូសបញ្ជាក់របស់លោកស្រី ឈួយ លី (Cui Li) អនុប្រធានគណៈកម្មាធិការសម្រាប់ភាពជាអ្នកជិតខាងល្អ មិត្តភាព និងកិច្ចសហប្រតិបត្តិការ នៃអង្គការសហប្រតិបត្តិការសៀងហៃ (GNFCC-SCO) អមដំណើរដោយឯកឧត្តម វ៉ាង វិនពីន ឯកអគ្គរដ្ឋទូតចិនប្រចាំកម្ពុជា ដឹកនាំសហការី ចូលជួបសម្តែងការគួរសម និងពិភាក្សាការងារ ជាមួយ ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា នៅវិមានព្រឹទ្ធសភា រាជធានីភ្នំពេញ នាថ្ងៃទី៤ ខែមីនា ឆ្នាំ២០២៥ ។ ឯកឧត្តមប្រធានស្តីទីព្រឹទ្ធសភា បានវាយតម្លៃខ្ពស់ចំពោះតួនាទីរបស់អង្គការសហប្រតិបត្តិការសៀងហៃ (SCO) ក្នុងការចូលរួមលើកកម្ពស់សន្តិភាព ស្ថិរភាព និងសន្តិសុខពិភពលោក ព្រមទាំងការបង្កើតនូវសណ្តាប់ធ្នាប់ផ្នែកសេដ្ឋកិច្ច និងនយោបាយអន្តរជាតិថ្មីមួយ ដែលប្រកបដោយបរិយាបន្ន និងការធានាសមធម៌ យុត្តិធម៌សកល និងប្រជាធិបតេយ្យ ដោយបើកចំហសម្រាប់សហគមន៍អន្តរជាតិចូលរួមក្នុងគំនិតផ្តួចផ្តើមនេះ ។ លោកស្រី ឈួយ លី…

(ភ្នំពេញ)៖ ក្រសួងបរិស្ថានបានជូនដំណឹងអំពីស្ថានភាពគុណភាពខ្យល់នៅក្នុងប្រទេសកម្ពុជា សម្រាប់ថ្ងៃទី៤ ខែមីនា ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី៥ ខែមីនា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង២២.៥៨ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ចំពោះគុណភាពខ្យល់តាមបណ្តារាជធានី-ខេត្តមួយចំនួនដោយបង្ហាញលទ្ធផលដូចខាងក្រោម៖ *ពណ៌ខៀវ ៖ គុណភាពខ្យល់ល្អណាស់មាន ខេត្តបន្ទាយមានជ័យ ខេត្តបាត់ដំបង ខេត្តកំពង់ឆ្នាំង ខេត្តព្រៃវែង ខេត្តកែប ខេត្តក្រចេះ ខេត្តមណ្ឌលគីរី ខេត្តកំពង់ស្ពឺ ខេត្តត្បូងឃ្មុំ ខេត្តកំពត រាជធានីភ្នំពេញ ខេត្តស្វាយរៀង ខេត្តព្រះសីហនុ ខេត្តកោះកុង ខេត្តតាកែវ ខេត្តប៉ៃលិន និងខេត្តឧត្តរមានជ័យ *ពណ៌បៃតង ៖ គុណភាពខ្យល់ល្អមានខេត្តកំពង់ចាម ខេត្តកំពង់ធំ ខេត្តកណ្តាល ខេត្តព្រះវិហារ ខេត្តពោធិ័សាត់ ខេត្តរតនគិរី ខេត្តសៀមរាប…

(ភ្នំពេញ)៖ មានសុខសន្តិភាព ទើបស្រ្តីនៅកម្ពុជាទទួល​បាននូវការគោរព ការផ្តល់ជូនឋានៈតួនាទីនៅក្នុងសង្គម ។ បើសង្គមជាតិជួបសង្រ្គាម គឺបាត់បង់សិទ្ធិទាំងអស់ សូម្បីសិទ្ធិជាមូលដ្ឋាន នៃការរស់រានមានជីវិតក៏គ្មានដែរ។ នេះគឺជាការលើកឡើងរបស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា កម្ពុជា នៅព្រឹកថ្ងៃទី៤ ខែមីនា ឆ្នាំ២០២៥នេះ ខណៈជួបសំណេះសំណាល​ជាមួយ​គណៈប្រតិភូស្ត្រី មកពី ១៥ស្ថាប័ន នៅថ្នាក់ជាតិ និងថ្នាក់ក្រោមជាតិ ដឹកនាំដោយលោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី នៅវិមានរដ្ឋសភា ក្នុងឱកាសអបអរសាទរ ទិវាអន្តរជាតិនារីលើកទី១១៤ ក្រោមប្រធានបទ «សិទ្ធិ សមភាព និងភាពអង់អាចចំពោះស្រ្តី និងក្មេងស្រីគ្រប់រូប » ។ សម្តេចមហារដ្ឋសភាធិការធិបតី ឃួន សុដារី បញ្ជាក់ថា ចាប់តាំងពីថ្ងៃទី៧ ខែមករា ឆ្នាំ១៩៧៩មក រហូតដល់ពេលបច្ចុប្បន្ន រាជរដ្ឋាភិបាលកម្ពុជាបាន​យកចិត្តទុកដាក់ខ្ពស់ដល់ការលើកកម្ពស់សិទ្ធិស្ត្រី ដូចមានក្នុងយុទ្ធសាស្រ្តចតុកោណទាំង ៤ ដំណាក់កាល ក្រោមការដឹកនាំរបស់សម្តេចតេជោ ហ៊ុន សែន ប្រធានព្រឹទ្ធសភា កាលសម្តេចនៅជានាយករដ្ឋមន្រ្តី ។…

(ភ្នំពេញ)៖ ឆ្នាំ២០២៥​ មានក្រុមហ៊ុនអាកាសចរណ៍ជាតិ និងអន្តរជាតិចំនួន៣១ ដែលកំពុងហោះហើរចេញ-ចូលព្រះរាជាណាចក្រកម្ពុជា ។ នេះបើតាមការលើកឡើងរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា លើបណ្ដាញសង្គមនារសៀលថ្ងៃទី០៤ ខែមិនា ឆ្នាំ២០២៥ ។ សម្ដេចបវរធិបតី បានលើកឡើងថា វឌ្ឍនភាពនៃជេីងយន្តហោះអន្តរជាតិ​ បានរីកចម្រេីនគួរជាទីមោទន​: ក្នុងនោះយោងតាមព័ត៌មានដែលទទួលបាន​៖​ ១/​ ជេីងហោះហេីរតួគីអ៊ែរឡាញ​ នឹងចាប់ដំណេីរការត្រង់មកកម្ពុជានៅចុងឆ្នាំ២០២៥​ និង​ ២/​ ជេីងហោះហេីរ​ អ៊ែរមឺរ៉េតអ៊ែរឡាញ​ ក៏បានពង្រីកចំនួនហោះហេីរ​ និងគោលដៅបន្ថែមមកកាន់កម្ពុជាផងដែរ។ ក្រោមកិច្ចសហការ​ និងការជំរុញបេីកចំហជេីងមេឃកម្ពុជា​ ក្នុងការទទួលយកភ្ញៀវជាតិ​ អន្តរជាតិ​ និងអ្នកធុរកិច្ចមកកាន់កម្ពុជាកាន់តែសកម្ម​ និងប្រទាក់ក្រឡាជាមួយចក្ខុវិស័យវែងឆ្ងាយរបស់ជាតិ​ រដ្ឋលេខាធិការដ្ឋានអាកាសចរណ៍ស៉ីវិល​ បានបន្តពង្រីក​ និងលេីកកម្ពស់បន្ថែមជេីងហោះហេីរត្រង់មកកម្ពុជា​ ដែលជាលទ្ធផលថ្មីសម្រេចបាន គឺ៖១/​ ជេីងហោះហេីរ​ តួកីអ៊ែរឡាញ​ នឹងបេីកការហោះហេីរពីទីក្រុងអ៉ីស្តង់ប៊ូលមកកាន់រាជធានីភ្នំពេញ​ នៅចុងឆ្នាំ២០២៥នេះ។២/​ ជេីងហោះហេីរ​ អ៊ែរមឺរ៉េតអ៊ែរឡាញ​ ក៏បានជំរុញ​ និងពង្រីកការហោះហេីរមកកម្ពុជា​ ពីទីក្រុងឌូបៃទៅខេត្តសៀមរាប​ នាពាក់កណ្តាលឆ្នាំ២០២៥នេះ។ ការដឹកជញ្ជូនតាមផ្លូវអាកាស ត្រូវបានចាត់ទុកថា ជាកត្តាផលិតកម្មយុទ្ធសាស្ត្រមួយដ៏សំខាន់ នៃដំណើរការអភិវឌ្ឍន៍សេដ្ឋកិច្ច-សង្គម តាមរយៈការជួយសម្រួលដល់ការធ្វើដំណើរ ការដឹកជញ្ជូនទំនិញក្នុងរយៈ​ពេលខ្លីនិងសុវត្ថិភាពខ្ពស់…

(ភ្នំពេញ)៖ ក្រុមការងារ នៃក្រសួងព័ត៌មាន និងក្រសួងកិច្ចការនារី ដឹកនាំដោយ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានសម្របសម្រួល និងដឹកនាំកិច្ចប្រជុំពិនិត្យលើក្រមសីលធម៌វិជ្ជាជីវៈ និងការប្រើប្រាស់ពាក្យសម្តីលេបខាយ បៀតបៀនលើស្ត្រីភេទរបស់ លោក ជួប វុត្ថា ពិធីករកីឡាប្រដាល់ ដែលធ្វើឱ្យប៉ះពាល់ដល់កិត្តិយស សេចក្តីថ្លៃថ្នូររបស់ប្អូនស្រី ឆឹង ច័ន្ទមុនីរស្មី តាមរយៈវីដេអូដែលបានផ្សព្វផ្សាយតាមបណ្តាញសង្គមកាលពីថ្ងៃទី១ ខែមីនា ឆ្នាំ២០២៥ ។ ក្រសួងព័ត៌មានបានឱ្យដឹងថា ចំពោះ លទ្ធផលក្នុងកិច្ចប្រជុំនេះ ពិធីករឈ្មោះ ជួប វុត្ថា ហៅ MC Vutha បង្ហាញការសោកស្តាយ និងសូមអភ័យទោសជាសាធារណៈចំពោះប្អូនស្រី ឆឹង ច័ន្ទមុនីរស្មី និងស្ត្រីគ្រប់រូបព្រមទាំងសាធារណជនចំពោះកំហុសឆ្គងដោយខ្វះការពិចារណាទៅកាន់ស្ត្រី ដែលធ្វើឱ្យប៉ះពាល់កិត្តិយសស្ត្រី ។ គួររំលឹកថា សម្រាប់ហេតុការណ៍នេះកើតឡើងកាលពីថ្ងៃទី១ ខែមីនា នៅខណ្ឌកំបូល នៅក្នុងកម្មវិធីប្រដាល់មួយរៀបចំដោយក្រុមហ៊ុន វឌ្ឍនៈ ។ សម្រាប់MC ជួបវត្ថា ជាពិធីករប្រដាល់នៅស្ថានីយទូរទស្សន៍មួយ ក្នុងកម្មវិធីនេះដោយបានប្រើពាក្យសម្តីលែបខាយចំពោះនារីដែលលើកស្លាកទឹកប្រដាល់ ហើយក៏ជាអ្នកផ្សព្វផ្សាយវិស័យទេសចរណ៍ដ៏ល្បីមួយរូបនៅតាមបណ្តាញសង្គមផងដែរ ៕ ដោយ…