(សៀមរាប)៖ សម្ដេចបវរធិបតី ហ៊ុន ម៉ាណែត បានជំរុញប្រជា​ពលរដ្ឋ ឱ្យប្រើប្រាស់បច្ចេកវិទ្យាឌីជីថល ព្រោះថា នៅក្នុង​វិស័យ​ណា ក៏មានការចាំបាច់ក្នុងការប្រើប្រាស់ដែរ ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះ​រាជា​ណាចក្រកម្ពុជា បានថ្លែងដូច្នេះ ក្នុងពិធីប្រគល់​សញ្ញា​បត្រថ្នាក់បរិញ្ញាបត្ររង បរិញ្ញាបត្រ និង បរិញ្ញាបត្រជាន់ខ្ពស់​ជូននិស្សិតជ័យលាភីនៃសាកលវិទ្យាល័យសៅស៍អ៊ីសថ៍អេយសៀ នាថ្ងៃទី២៥ ខែកុម្ភៈ ឆ្នាំ២០២៥ ។ សម្ដេចបវរធិបតី បានមានប្រសាសន៍ថា ធនធានមនុស្ស គឺជាកត្តាគន្លឹះសម្រាប់គ្រប់ដំណើរការនៃការអភិវឌ្ឍ។ ក្នុងន័យនេះ ទើបរាជរដ្ឋាភិបាលនៅតែបន្តកំណត់លំដាប់​វិស័យអាទិភាព ក្នុងយុទ្ធសាស្រ្តបញ្ចកោណ ដំណាក់កាលទី១ ដោយកំណត់យក “មនុស្ស”ជាអាទិភាពទី១ ហើយ ផ្លូវ ភ្លើង ទឹក និងបច្ចេកវិទ្យា ជាអាទិភាពបន្តបន្ទាប់ និងបានកំណត់យក “ការអភិវឌ្ឍធនធានមនុស្ស” ជាបញ្ចកោណទី១ ក្នុងចំណោម​បញ្ច​កោណទាំង៥។ ជាមួយគ្នានេះ សម្ដេចបវរធិបតី នាយករដ្ឋមន្ត្រីក៏បានជំរុញ​ប្រជា​ពលរដ្ឋឱ្យប្រើប្រាស់បច្ចេកវិទ្យាឌីជីថល ព្រោះបច្ចេកវិទ្យា​នេះ គឺជាផ្នែកមួយនៃជីវិតទៅហើយ មិនថានៅក្នុងវិស័យណា ក៏មានការចាំបាច់ក្នុងការប្រើប្រាស់ដែរ ។ ហេតុនេះហើយ បានជារាជរដ្ឋាភិបាលបានដាក់ចេញគោលនយោបាយជាច្រើនដើម្បីពង្រឹងគុណភាពធនធានមនុស្សក្នុងការធ្វើទំនើបកម្មឌីជីថលលើគ្រប់វិស័យ។ ជាក់ស្ដែង…

(សៀមរាប)៖ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា បានឆ្លៀតក្រោយបញ្ចប់ពិធីប្រគល់សញ្ញាបត្រជូន​ដល់​និស្សិត ចូលទស្សនាប្រាសាទដំរីក្រាប និងសំណេះសំណាល​ជាមួយប្រជាសហគមន៍ទេសចរណ៍អន្លង់ធំ ស្ថិតនៅក្នុងភូមិ​អន្លង់ធំ ឃុំខ្នងភ្នំ ស្រុកស្វាយលើ នៅថ្ងៃទី២៥ ខែកុម្ភៈ ឆ្នាំ២០២៥ ។ សហគមន៍ទេសចរណ៍អន្លង់ធំ មានសមាជិកចំនួន ៣២៥គ្រួ​សារ បម្រើដល់សេវាកម្មទេសចរណ៍ដូចជា ម៉ូតូជួល ផ្ទះស្នាក់ (Homestay) និងអាហារលើភ្នំគូលែនជូនភ្ញៀវជាតិ និង​អន្តរជាតិ ដែលមានសក្តានុពលសម្បូរទៅដោយបុរាណស្ថាន និងប្រាសាទនានា បែងចែកចេញជាវង់ធំ និងវង់តូច សរុប​ចំនួន ៨៥ទីតាំង ដោយអាចធ្វើដំណើរដោយថ្មើរជើង (Trekking) និង សេវាកម្មម៉ូតូជួល ។ ក្រោយពីសំណេះសំណាល និងធ្វេីដំណេីរដោយផ្ទាល់តាម​រយ:​ការ​ជិះម៉ូតូ សម្ដេចបវរធិបតី បានផ្តល់គោលការណ៍​ដល់​កងវិស្វកម្ម សម្តេចតេជោ ហ៊ុន សែន ខេត្តសៀមរាប ដើម្បី​ពិភាក្សាជាមួយអាជ្ញាធរអប្សរា ក្នុងការធ្វើឱ្យប្រសើរឡើង​នូវផ្លូវ​សម្រាប់អ្នកទេសចរ ធ្វើដំណើរពីសហគមន៍អន្លង់ធំ រហូតដល់​ស្រះដំរី ក្នុងគោលដៅផ្តល់ភាពងាយស្រួល បញ្ចៀសគ្រោះ​ថ្នាក់ និងទាក់ទាញអ្នកទេសចរឱ្យបានកាន់តែច្រើន​ទៅកាន់​កន្លែងនោះ ៕ អត្ថបទ ៖ វណ្ណលុករូបភាព ៖…

(ភ្នំពេញ)៖ អាណាព្យាបាល ក្រុមគ្រួសារ របស់ពលករខ្មែរ ដែលកំពុងធ្វើការនៅសាធារណរដ្ឋកូរ៉េបានលើកឡើងថា ការបញ្ចុះបញ្ចូលយុវជន កូនៗចៅៗដែលជាពលករខ្មែរ​នៅ​បរទេសឱ្យចូលរួមធ្វើបាតុកម្មប្រឆាំងជាតិខ្លួនឯងនៅលើទឹកដីបរទេស ជាល្បិចកល​ខ្ចីខ្នងពលករចម្លងភក់ ហើយក្នុងនាមជា​រាស្រ្ត​មានឈាមជ័រជាខ្មែរ ត្រូវមានគុណធម៌សម្រាប់​ជាតិ​មាតុភូមិ។ ទន្ទឹមនឹងនេះអាណាព្យាបាលមានការ​ព្រួយបារម្ភ​ចំពោះសុវត្ថិភាព និងនិរន្តរភាពការងារកូនៗរបស់ខ្លួន បន្ទាប់​ពីមានការកៀរគរធ្វើបាតុកម្មជារើយៗពីសំណាក់ក្រុមប្រឆាំងនៅក្រៅប្រទេស។  លោកតា ខិត ទូច ជាអាណាព្យាបាលពលករដែលកំពុងធ្វើការ​នៅសាធារណរដ្ឋកូរ៉េ បានបង្ហាញពីការព្រួយបារម្ភខ្លាំងណាស់​ចំពោះកូនៗចៅៗរបស់ខ្លួន បន្ទាប់ពីមានការកៀរគរឱ្យមាន​ការ​ធ្វើ​បាតុកម្មប្រឆាំងជាតិខ្លួនឯងនៅលើទឹកដីបរទេស​ជារើយៗ​ដូច្នេះ ដែលទង្វើទាំងនេះលោកតាចាត់ទុកថាជា​ការបង្កើត​ភាពចលាចលខ្លាំងណាស់សម្រាប់ជាតិមាតុភូមិ។ ការធ្វើឱ្យមានភាពចលាចលពីសំណាក់ខ្មែរលើទឹកដីបរទេស វាប៉ះ​ពាល់​ណាស់ដល់កិត្តិយសជាតិ ធ្វើឱ្យបរទេសដៀល​ត្មះ​មកលើជាតិខ្លួនឯង ជាពិសេសប៉ះពាល់ដល់ការងាររបស់ខ្លួន​ឯងដែលជាពលករធ្វើការនៅបរទេសតែម្តង។ លោកតាបានសង្កត់ធ្ងន់ថា ក្នុងនាមជាពលករដែលមានឈាម​ជាខ្មែរ ដែលចាកចេញពីប្រទេសកំណើតទៅធ្វើការ​នៅ​បរទេស ហើយត្រលប់មកវាយប្រហារលើទឹកដីប្រទេស​កំណើត​ខ្លួនឯង វាមិនត្រឹមត្រូវនោះឡើយ។ តួនាទីនិង​កាតព្វកិច្ច​​របស់យើងត្រូវតែមានសម្រាប់ជាតិ ប្រសិនបើការ​ប្រព្រឹត្ត​របស់បុគ្គលជាពលរដ្ឋខ្មែរធ្វើឱ្យបរទេសវាយតម្លៃ​លើ​ប្រទេសខ្លួនឯង វាជារឿងដ៏អាក្រក់ណាស់សម្រាប់ជាតិ​មាតុ​ភូមិរបស់ខ្លួន។ លោកតាផ្តាំទៅកូនៗចៅៗដែលជាពលករខ្មែរកំពុងធ្វើការនៅប្រទេសកូរ៉េ សូមកុំចាញ់បោកការឃោសនាឱ្យមានបាតុកម្ម វាជាល្បិចកលរបស់ក្រុមប្រឆាំងទាំងស្រុង។ សូមជឿជាក់​មកលើថ្នាក់ដឹកនាំដែលខិតខំណាស់ សូម្បីតែទៅ​ធ្វើការ​នៅ​ប្រទេសកូរ៉េបានចំណូលខ្ពស់នេះក៏ជាការខិតខំរបស់ថ្នាក់ដឹកនាំដែរ។ ដូច្នេះក្នុងនាមជាមនុស្ស ជាឈាមខ្មែរ ត្រូវមានចិត្ត​ស្មោះត្រង់ និងមានគុណធម៌ដល់ជាតិ។ ដោយឡែកលោកតា ម៉ៅ យី ជាអាណាព្យាបាលរបស់​ពលករ​នៅសាធារណរដ្ឋកូរ៉េ បានលើកឡើងពីក្តីព្រួយបារម្ភ​ចំពោះការ​ធ្វើឱ្យមានបាតុកម្មជារើយៗពីសំណាក់អតីតក្រុមអ្នកនយោបាយនៅក្រៅប្រទេសដោយគ្មានបានការអ្វីនោះឡើយ។ លោកតាបានប្រដូចការកៀរគរពលករខ្មែរឱ្យចូលរួមបាតុកម្មនេះ គឺជាការផ្តល់គុណវិបត្តិមួយដល់ពលករដោយមិនដឹងខ្លួន ខណៈពួកគេកំពុងមានសុវត្ថិភាព មានសិទ្ធិជ្រកកោណ និង​កំពុងធ្វើការនៅបរទេសដើម្បីរកប្រាក់ផ្ញើរមកក្រុមគ្រួសារ។ លោកតាបានសង្កត់ធ្ងន់ថា កន្លងមកជាបទពិសោធន៍ហើយ​រាល់​ការធ្វើ​បាតុកម្មដែលគ្មានអ្វីជាដុំកំភួននោះទេ ក្រៅពីបង្កឱ្យ​មានចលាចលពីសំណាក់ខ្មែរលើទឹកដីបរទេស។ លោកចោទ​សួថា…

(ភ្នំពេញ)៖ «EIA មិនមែនជាអង្គភាពធ្វើអាជីវកម្ម រកប្រាក់ចំណូលនោះទេ តែជាអង្គភាពអនុវត្តច្បាប់ដែលមានទំនួលខុសត្រូវខ្ពស់ ទៅលើ​ហេតុ​ប៉ះពាល់​បរិស្ថាន ដើម្បីធានាការពារសុខភាពបរិស្ថាន និង​​សុខភាពរបស់ប្រជាជនកម្ពុជា» នេះជាប្រសាសន៍របស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ក្នុងឱកាសអញ្ជើញបើក សិក្ខាសាលាពិគ្រោះយោបល់លើ​សេចក្តីព្រាងស្តីពី «គោលការណ៍ណែនាំទូទៅ ការវាយតម្លៃ​បរិស្ថា​នជាយុទ្ធសាស្ត្រ» និង «ការវាយតម្លៃបរិស្ថាន​ជាយុទ្ធ​សាស្ត្រ សម្រាប់ការវិនិយោគអាជីវកម្មខ្សាច់ តាមដងទន្លេ​មេ​គង្គ​កម្ពុជា» នាព្រឹកថ្ងៃអង្គារ ទី ២៥ ខែមកុម្ភៈ ឆ្នាំ២០២៥ នៅរាជធានីភ្នំពេញ។ នៅចំពោះមុខមន្រ្តីរាជការ តំណាងក្រុមហ៊ុន វិស័យឯកជន និង​អង្គការដៃគូមកពីគ្រប់ស្ថាប័នពាក់ព័ន្ធ ឯកឧត្តមរដ្ឋមន្រ្តី បាន​​ថ្លែងអំពីតួនាទី និងការអនុវត្តការងាររបស់នាយកដ្ឋានវាយ​តម្លៃហេតុប៉ះពាល់បរិស្ថាន(EIA) នៃក្រសួងបរិស្ថាន ដែល​ចាំបាច់ត្រូវតែអនុវត្តតាមច្បាប់ ដើម្បីភាពស្អាតលើដី ភាព​ស្អាតក្នុងទឹក និងភាពស្អាតក្នុងផ្ទៃមេឃ។ និយាយជារួម ប្រ​សិនយើងជាតំណាងឱ្យប្រជាពលរដ្ឋជាង ១៧លាននាក់ មិនអនុវត្តច្បាប់ផង ធ្វើដូចម្តេចនឹងឱ្យក្រុមហ៊ុនអនុវត្តច្បាប់បាន ហើយកត្តាផលជះពីការបញ្ចេញកាកសំណល់ រឹង រាវដែលកើតចេញពីសកម្មភាពមិនទទួលខុសត្រូវ និងគិតតែពីផលចំណេញ១មុខរបស់អាជីវកម្មមួយចំនួន ហើយវានឹងបង្កជាផលអវិជ្ជមានទៅដល់បរិស្ថាន ធនធានធម្មជាតិ និងជាពិសេសសុខភាពរបស់ប្រជាពលរដ្ឋ។ ឯកឧត្តមបណ្ឌិត អ៊ាង សុផល្លែត បានលើកឡើងពីកិច្ចខិត​ខំប្រឹងប្រែងដោះស្រាយបញ្ហាអវិជ្ជមាន…