(ភ្នំពេញ)៖ ចំណុចសំខាន់ៗ ដែលពាក់ព័ន្ធនឹងប្រសិទ្ធភាព នៃការបម្រើសេវាព្យាបាលជូនអ្នកជំងឺ សំដៅប្រសិទ្ធភាព ដោយត្រូវធ្វើការសហការគ្នាគ្រប់ផ្នែក រវាងមន្ទីរពេទ្យនិងមន្ទីរពេទ្យ ក្នុងនោះត្រូវធ្វើការខិតខំក្នុងការសង្រ្គោះនៅនឹងកន្លែងឱ្យបានគ្រប់ជ្រុងជ្រោយដោយក្រុមការងារពហុជំនាញ និងឯកទេស មុននឹងពិចារណាបញ្ជូនបន្ត និងដោយទាន់ពេលវេលា ជាមួយទំនាក់ទំនងបន្តឥតដាច់ពីមូលដ្ឋានសុខាភិបាលមួយ ទៅមូលដ្ឋានសុខាភិបាលមួយទៀត ។ នេះគឺជាការលើកឡើងរបស់ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ខណៈអញ្ជើញធ្វើបាឋកថា ស្តីពី «ភាពជាអ្នកដឹកនាំ និងកិច្ចសហការរបស់ថ្នាក់ដឹកនាំ មន្រ្តីរាជការ បុគ្គលិកមន្ទីរពេទ្យថ្នាក់ជាតិ»។ ឯកឧត្តមរដ្ឋមន្រ្តី បានគូសរំលេចប្រសាសន៍ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី ដែលលោកបានសង្កត់ធ្ងន់លើសារៈសំខាន់នៃការទទួលខុសត្រូវពីដើមដល់ចប់លើការបញ្ជូនអ្នកជំងឺពីមូលដ្ឋានឯកជន មកសាធារណៈ និងការខិតខំព្យាបាលអ្នកជំងឺដោយប្រើអស់សមត្ថភាពនៅនឹងកន្លែងនីមួយៗ។ ឯកឧត្តមសាស្រ្តាចារ្យ បានលើកឡើងជាអនុសាសន៍គន្លឹះៗ ដល់ថ្នាកដឹកនាំមន្ទីរពេទ្យជាតិ ដោយត្រូវអនុវត្តឱ្យបានកាន់តែប្រសើរ និងកាន់តែល្អបំផុត ក្នុងនាមជាអ្នកដឹកនាំ គឺត្រូវតែជាគំរូលើគ្រប់ទិដ្ឋភាព ទាំងការដឹកនាំលើស្មារតី បច្ចេកទេស រដ្ឋបាល និងគ្រប់គ្រងទូទៅជារួម។ ឯកឧត្តមរដ្ឋមន្រ្តី មានជំនឿជាក់លើថ្នាក់ដឹកនាំ មន្រ្តីរាជការ និងបុគ្គលិកសុខាភិបាលទាំងអស់ លើភាពស្មោះត្រង់ ស្មារតីទទួលខុសត្រូវ សុចរិតភាពពីបេះដូង លើការងារដឹកនាំ លើការសម្រេចចិត្ត កិច្ចការទំនាក់ទំនងគ្នាដោយការគោរព…

(ភ្នំពេញ)៖ អាកាសយានដ្ឋានដ៏ថ្មីស្រឡាងលើទឹកដី ខេត្តកោះកុង នឹងធ្វើការសម្ពោធដាក់ឱ្យដំណើរការជាបណ្តោះអាសន្នសម្រាប់កិច្ចស្វាគមន៍ជើងហោះហើរលើកដំបូង ដោយគេរំពឹងថា នឹងអាចទទួលអ្នកដំណើរ ៧លាននាក់ និងទំនិញ ១ម៉ឺនតោនក្នុង ១ឆ្នាំ ហើយនឹងបន្តកើនអ្នកដំណើរដល់ ២០លាននាក់ និងទំនិញ ៦ម៉ឺនតោនក្នុង ១ឆ្នាំ ចាប់ពីឆ្នាំ២០៣០-២០៥០ទៅ ។ មុនសម្ពោធមួយថ្ងៃគឺថ្ងៃទី២៥ ខែធ្នូ ឆ្នាំ២០២៤ អាកាសយានដ្ឋានតារាសាគរបានបើកពិធីក្រុងពលី និងសូត្រមន្តដាក់ឲ្យដំណើរការ ជាបណ្តោះអាសន្នសម្រាប់កិច្ចស្វាគមន៍ជើងហោះហើរជួល ឆាតទើរ (Charter) ដែលជាកម្មវិធីហោះហើរសាកល្បងក្នុងស្រុកជំហានដំបូងផងដែរ ។ ពិធីក្រុងពលី និងសូត្រមន្តដាក់ឲ្យដំណើរការ មានការអញ្ជើញចូលរួមពីសំណាក់ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល និងលោក លី ម៉ុងឈិន ប្រធានក្រុមប្រឹក្សាភិបាលក្រុមហ៊ុន Coastal Airport Investment Co., Ltd.។ គួរបញ្ជាក់ថា អាកាសយានដ្ឋានតារាសាគរ ត្រូវបានអភិវឌ្ឍន៍ ក្នុងដំណាក់កាលទី១ លើផ្ទៃដី ២១៨ហិកតា និងមានដីបម្រុងសម្រាប់ការអភិវឌ្ឍបន្តចំនួន ១ពាន់ហិកតា ដោយចំណាយថវិកាប្រមាណ ២០០លានដុល្លារអាមេរិក ។ ចំពោះក្រុមហ៊ុនវិនិយោគ…

(ភ្នំពេញ)៖ ក្រោមរូបភាពកាប់ចាក់ និងព្រួតវាយដល់ជនរងគ្រោះយ៉ាងសាហាវ ពីពួកក្រុមក្មេងទំនើងត្រូវបានក្រសួងយុត្តិធម៌ធ្វើការព្រមានចាត់វិធានការផ្លូវច្បាប់ជាដាច់ខាត គ្មានការលើកលែងទេ ហើយព្រមជាមួយគ្នាបានអំពាវនាវដល់ប្រជាពលរដ្ឋត្រូវសហការរាយការណ៍ បើមានករណីនេះកើតឡើងដើម្បីធ្វើការបង្រ្កាប និងចាប់ជនល្មើសមកផ្តន្ទាទោសមិនអត់ឱនឱ្យបានឡើយ ។ ថ្លែងក្នុងសន្និសីទសារព័ត៌មាននារសៀលថ្ងៃទី ២៥ ខែធ្នូ ឆ្នាំ២០២៤នេះ ឯកឧត្តម ជិន ម៉ាលីន រដ្ឋលេខាធិការ ប្រចាំការ ក្រសួងយុត្តិធម៌បានឱ្យដឹងថា ៖ ស្ថាប័នតុលាការ អយ្យការ និងសមត្ថកិច្ចត្រូវតែអនុវត្តច្បាប់ឱ្យបានម៉ឺងម៉ាត់បំផុតចំពោះក្មេងទំនើងបង្កការអុកឡុកក្នុងសង្គម ។ ដូចជាករណី ហិង្សាដ៏សាហាវមួយនៅថ្ងៃទី២២ ខែធ្នូឆ្នាំ២០២៤នៅវេលាម៉ោង ២ទាភ្លឺ ស្ថិតនៅក្នុងភូមិរហែក ឃុំសូភី ស្រុកបាទី ខេត្តតាកែវ ប្រព្រឹត្តិដោយក្មេងទំនើងមួយក្រុមយកកាំបិតផ្គាក់ កាប់លើជនរងគ្រោះបណ្តាលឲ្យមានរបួសធ្ងន់ ស្រាលចំនួន ២នាក់ ។ ឯកឧត្តមបានថ្លែងថាក្រោយប្រព្រឹត្តិបទល្មើសនេះក្រុមជនល្មើសត្រូវបានចាប់ខ្លួន ចំនួន ៣នាក់ និង ៩នាក់ផ្សេងទៀតកំពុងតាមចាប់ខ្លួនដើម្បីយកមកផ្តន្ទាទោស។ អ្នកពាក់ព័ន្ធ និងអ្នកប្រព្រឹត្តិមិនអាចឱ្យរួចពីសំណាញ់ច្បាប់ឡើយ ។ ឯកឧត្តម ជិន ម៉ាលីន បានឲ្យដឹងបន្ថែមថា ចំពោះការអនុវត្តបទបញ្ជារបស់សម្តេចបវរធិបតី នាយករដ្ឋម ន្ត្រី និងចំណាត់ការរបស់ក្រសួងយុត្តិធម៌សំណុំក្មេងទំនើងនៅទូទាំងប្រទេស គិតរហូតមក ដល់ពេលនេះមាន…

(ភ្នំពេញ)៖ ឯកឧត្តម អ៊ុន ឃាង រដ្ឋលេខាធិការក្រសួងការបរទេស និងសហប្រតិបត្តិការអន្ដរជាតិ និងជាតំណាងរបស់ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្ដរជាតិ បានទទួលជួបសំណេះសំណាលជាមួយនិស្សិតជ័យលាភីអាហារូបករណ៍រដ្ឋាភិបាលអូស្ដ្រាលី និងនូវែលសេឡង់ ឆ្នាំសិក្សា២០២៥ នៅទីស្ដីការក្រសួង នាថ្ងៃទី២៤ ខែធ្នូ ឆ្នាំ២០២៤ ។ នៅក្នុងពិធីសំណេះសំណាល ឯកឧត្តមរដ្ឋលេខាធិការ បានអបអរសាទរ និងកោតសរសើរដល់ និស្សិតជ័យលាភីទាំងអស់ដែលបានទទួលបានអាហារូបករណ៍នេះ។ ឯកឧត្តមរដ្ឋលេខាធិការ បានចែករំលែក នូវបទពិសោធផ្ទាល់ខ្លួនដែលបានឆ្លងកាត់ការសិក្សា និងរស់នៅក្រៅប្រទេស និងជំរុញចិត្តឱ្យនិស្សិតជ័យលាភីទាំងអស់ ខិតខំប្រឹងប្រែងរៀនសូត្រ ចូលរួមសកម្មភាព ជាមួយសហគមន៍កម្ពុជា និងចែករំលែក នូវវឌ្ឍនភាពសង្គម និងសេដ្ឋកិច្ចរបស់កម្ពុជា ជាមួយអ្នកទាំងនោះ។ ក្នុងនាមជានិស្សិតបរទេសម្នាក់ គឺជា ឯកអគ្គរាជទូតកម្ពុជាម្នាក់ ដែលតំណាងកម្ពុជា និងផ្សព្វផ្សាយវប្បធម៌ និងអរិយធម៌របស់កម្ពុជា ទៅកាន់សង្គមអូស្ត្រាលី និងនូវែលសេទ្បង់។ ឯកឧត្តមរដ្ឋលេខាធិការ ក៏បានក្រើនរំលឹកដល់ និស្សិតជ័យលាភីទាំងអស់ នូវកាតព្វកិច្ចរបស់ខ្លួន វិលត្រឡប់មកប្រទេសវិញបន្ទាប់ពីបញ្ចប់ការសិក្សា ទើបកម្ពុជាមិនជួបប្រទះនឹងបញ្ហារំហូរខួរក្បាលទៅក្រៅប្រទេស។ តំណាងនិស្សិតជ័យលាភីអាហារូបករណ៍ទាំងពីរក្រុម បានសម្ដែងនូវអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមរដ្ឋលេខាធិការ…

(ភ្នំពេញ)៖ ឯកអគ្គរដ្ឋទូតវៀតណាមចប់អាណត្តិ បេសកកម្មនៅកម្ពុជា បានវាយតម្លៃខ្ពស់ ពីការរីកចម្រើន នៃការទូតរបស់កម្ពុជាពីមួយថ្ងៃទៅមួយថ្ងៃកាន់តែបើកទូលាយ ដែលបាននាំមកនូវកិត្យានុភាព និងតួនាទីយ៉ាងសំខាន់របស់កម្ពុជាលើឆាកអន្តរជាតិ និងកាន់តែត្រូវបានលើកកម្ពស់ឥតឈប់ឈរ ។ ការបញ្ជាក់របស់ ឯកឧត្តម ង្វៀន ហ៊ុយតាំង (NGUYEN HUY TANG) ឯកអគ្គរដ្ឋទូត នៃសាធារណរដ្ឋសង្គមនិយមវៀតណាមប្រចាំកម្ពុជា ដូច្នេះ ក្នុងឱកាសដែល សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អនុញាតិឱ្យចូលជួបសម្តែងការគួរសម និងជម្រាបលា នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃពុធ ទី២៥ ខែធ្នូ ឆ្នាំ២០២៤ ។ បន្ទាប់ពីបានបំពាក់គ្រឿងឥស្សរិយយស សហមេត្រី ថ្នាក់មហាសេនា ក្នុងនាមព្រះករុណា ព្រះមហាក្សត្រ កម្ពុជា សម្ដេចតេជោ បានសម្តែងនូវក្តីរីករាយក្នុងការទទួលជួប ឯកឧត្តម ឯកអគ្គរដ្ឋទូតវៀតណាមប្រចាំកម្ពុជា និងសហការី មុនពេលដែល ឯកឧត្តមឯកអគ្គរដ្ឋទូតចាកចេញពីកម្ពុជា ។ ឯកឧត្តមឯកអគ្គរដ្ឋទូត បានថ្លែងនូវសេចក្តីដឹងគុណផងដែរ ចំពោះ សម្តេចតេជោ ដែលបានគាំទ្រដល់ឯកឧត្តមផ្ទាល់ ក្នុងរយៈពេល៤៤ឆ្នាំកន្លងមកនេះ និងជាពិសេស…