(ភ្នំពេញ)៖ អភិបាលខេត្តមីយ៉ាហ្គិ និងជាប្រធានសមាគមអភិបាលខេត្ត នៃប្រទេសជប៉ុន ប្ដេជ្ញាជំរុញកិច្ចសហប្រតិបត្តិការបន្ថែមទៀត រវាងបណ្ដាខេត្តនានា នៃប្រទេសជប៉ុន ជាមួយប្រទេសកម្ពុជា ។ នេះជាការគូសបញ្ជាក់របស់ឯកឧត្តម MURAI Yoshihiro អភិបាលខេត្តមីយ៉ាហ្គិ និងជាប្រធានសមាគមអភិបាលខេត្ត នៃប្រទេសជប៉ុន ក្នុងឱកាសចូលជួបសម្ដែងការគួរសម និងពិភាក្សាការងារ ជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅវិមានសន្ដិភាព នាព្រឹកថ្ងៃទី២៧ ខែធ្នូ ឆ្នាំ២០២៤ ។ ឯកឧត្តមអភិបាលខេត្តបានគោរពជម្រាបជូនសម្ដេចបវរធិបតីអំពីការសម្រេចបាននូវការចុះអនុស្សរណៈនៃកិច្ចសហប្រតិបត្តិការ រវាងខេត្តមីយ៉ាហ្គិ នៃប្រទេសជប៉ុន និងក្រសួងការងារ និងបណ្ដុះបណ្ដាលវិជ្ជាជីវៈ នៃព្រះរាជាណាចក្រកម្ពុជា ដែលនឹងជួយជំរុញដល់ការបញ្ជូន និងទទួលកម្មសិក្សាការី និងពលករជំនាញរបស់កម្ពុជា ទៅកាន់ខេត្តមីយ៉ាហ្គិ ក៏ដូចជាការឆ្លើយតបទៅនឹងតម្រូវការទីផ្សារការងារទាំងនៅកម្ពុជា និងនៅជប៉ុន តាមរយៈការផ្ទេរជំនាញបច្ចេកទេស។ តាមរយៈកិច្ចសហប្រតិបត្តិការនេះ, ឯកឧត្តមអភិបាលខេត្ត មានជំនឿជឿជាក់ថា ខេត្តមីយ៉ាហ្គិនឹងអាចចូលរួមបន្ថែមទៀត លើការអភិវឌ្ឍ និងបណ្ដុះបណ្ដាលធនធានមនុស្សកម្ពុជា នាថ្ងៃអនាគត។ ឯកឧត្តមអភិបាលខេត្ត ក៏បានគោរពជម្រាបជូនសម្ដេចបវរធិបតីផងដែរថា ក្នុងនាមជាប្រធានសមាគមអភិបាលខេត្ត នៃប្រទេសជប៉ុន, ឯកឧត្តមប្ដេជ្ញាជំរុញកិច្ចសហប្រតិបត្តិការបន្ថែមទៀតទៀតរវាងបណ្ដាខេត្តនានានៃប្រទេសជប៉ុន ជាមួយប្រទេសកម្ពុជា។ ជាការឆ្លើយតប, សម្ដេចបវរធិបតីបានអបអរសាទរ ចំពោះការសម្រេចបាននូវការចុះអនុស្សរណៈនៃកិច្ចសហប្រតិបត្តិការ…

(ភ្នំពេញ)៖ ក្នុងជំនួបនៅថ្ងៃទី២៦ ខែធ្នូ ឆ្នាំ២០២៤ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និង ឯកឧត្តម Anatoly Borovik ឯកអគ្គរដ្ឋទូតសហព័ន្ធរុស្ស៊ីប្រចាំកម្ពុជា បានឯកភាពនឹងរិះរកកាលានុវត្តភាពផ្សេងទៀត ដើម្បីលើកកម្ពស់ទំនាក់ទំនងសេដ្ឋកិច្ចរវាងប្រទេសទាំងពីរ ។ ក្នុងអំឡុងពេលជំនួបនេះ ឯកឧត្តម ឧបនាយក រដ្ឋមន្ត្រី បានថ្លែងកោតសរសើរចំពោះតួនាទីដ៏សកម្មរបស់ឯកឧត្តមឯកអគ្គរដ្ឋទូត ក្នុងការពង្រឹង ទំនាក់ទំនងមិត្តភាព និងកិច្ចសហប្រតិបត្តិការទ្វេភាគីរវាងកម្ពុជា និងរុស្ស៊ី។ ឯកឧត្តម ឧបនាយករដ្ឋមន្ត្រី និងឯកឧត្តមឯកអគ្គរដ្ឋទូត បានយល់ស្របគ្នាលើសារៈសំខាន់នៃការរក្សាការប្រាស្រ័យទាក់ទង កម្រិតខ្ពស់ឱ្យបានទៀងទាត់ និងកិច្ចសហប្រតិបត្តិការដ៏ល្អប្រសើរលើវិស័យជាច្រើន ទាំងក្នុងក្របខ័ណ្ឌទ្វេភាគី និងពហុភាគី ។ ឯកឧត្តម ឧបនាយករដ្ឋមន្ត្រី ប្រាក់ សុខុន បានថ្លែងកោតសរសើរយ៉ាងខ្លាំងចំពោះកិច្ចសហប្រតិបត្តិការប្រកបដោយផ្លែផ្កាដែលមានស្រាប់ ដូចជា លើវិស័យអប់រំ វប្បធម៌ សុខាភិបាល ក៏ដូចជា ការផ្លាស់ប្តូរប្រជាជន និងប្រជាជន ព្រមទាំងបានលើកទឹកចិត្តឯកឧត្តមឯកអគ្គរដ្ឋទូត រិះរកកាលានុវត្ត ភាពផ្សេងទៀត ដើម្បីលើកកម្ពស់ទំនាក់ទំនងសេដ្ឋកិច្ចរវាងប្រទេសទាំងពីរ ។ ការពិភាក្សាក៏បានផ្តោតលើលទ្ធភាព ក្នុងការកោះប្រជុំគណៈកម្មការអន្តររដ្ឋាភិបាលកម្ពុជា-រុស្ស៊ី…

(ភ្នំពេញ)៖ សមត្ថកិច្ចខណ្ឌឫស្សីកែវ ដាក់កំលាំងចុះល្បាត ទប់ស្កាត់បទល្មើសផ្សេងៗ ជាពិសេសក្មេងទំនើង ក្រោមការចង្អុលបង្ហាញពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយវិធានការទាំងនេះ កម្លាំងនគរបាលរាជធានីភ្នំពេញ កំពុងអនុវត្តរឹតបន្តឹង ។ នៅថ្ងៃទី២៦ ខែធ្នូ ឆ្នាំ២០២៤ វេលាម៉ោង ០០ ដល់ម៉ោង ៣រំលងអាធ្រាត្រ កំលាំងផ្នែកព្រហ្មទណ្ឌ នៃអធិការដ្ឋាន នគរបាលខណ្ឌឫស្សីកែវ បានល្បាតទប់ស្កាត់បទល្មើស លួច ឆក់ ប្លន់ ជាពិសេស ក្មេងទំនើង ក្នុងភូមិសាស្រ្តខណ្ឌឫស្សីកែវ ។ លោក ហ៊ាង ថារ៉េត អធិការខណ្ឌឫស្សីកែវ បានដាក់បញ្ជាដល់មន្រ្តី ដឹកនាំដោយលោកអធិការរង ផល មេសា ទទួលផែនការងារព្រហ្មទណ្ឌ ចុះល្បាត និងត្រួតពិនិត្យក្នុងមូលដ្ឋាន ដើម្បីថែរក្សា សុខសុវត្ថិភាព ជូនដល់ប្រជាពលរដ្ឋ ៕ ដោយ ៖ វណ្ណលុក

បរទេស ៖ សំឡេងស៊ីរ៉ែនត្រូវបានបន្លឺឡើង ខណៈដែលអ្នកនៅរស់រានមានជីវិត នៅឥណ្ឌូនេស៊ី និងសាច់ញាតិជនរងគ្រោះបានចាប់ផ្តើមពិធីបុណ្យរំលឹក ដល់មនុស្សជាង ២២ម៉ឺននាក់ ដែលត្រូវបានសម្លាប់ នៅពេលដែលរលកយក្សស៊ូណាមិ វាយប្រហារប្រទេសនានា ជុំវិញមហាសមុទ្រឥណ្ឌា កាលពី២០ឆ្នាំមុន។ នៅក្នុងទីក្រុង Banda Aceh របស់ប្រទេសឥណ្ឌូនេស៊ី ពិធីផ្លូវការមួយត្រូវបានរៀបចំឡើង នៅឯវិហារឥស្លាម Baiturrahman Grand ជាមួយនឹងសំឡេងស៊ីរ៉ែន រយៈពេល៣នាទី រម្លឹកពីការរញ្ជួយដីដ៏ធំមួយដែលបានបណ្តាលឱ្យមានរលកយក្ស នៅថ្ងៃទី២៦ ខែធ្នូ ឆ្នាំ២០០៤។ គួររម្លឹកថា ការរញ្ជួយដីកម្រិត ៩.១រ៉ិចទ័រ នៅភាគខាងលិច ប្រទេសឥណ្ឌូនេស៊ី បានបង្កជារលកធំៗ ជាបន្តបន្ទាប់ ដែលបានវាយលុកឆ្នេរសមុទ្រ នៃប្រទេសជាច្រើន រាប់ចាប់ពីប្រទេសឥណ្ឌូនេស៊ី ទៅកាន់ ប្រទេសសូម៉ាលី។ ប្រទេសឥណ្ឌូណេស៊ី មានអ្នកស្លាប់ច្រើនបំផុត ពោលគឺជាង ១៦ម៉ឺននាក់ នៅតាមបណ្តោយឆ្នេរសមុទ្រ ភាគខាងលិចរបស់ខ្លួន ខណៈដែលមនុស្សរាប់ពាន់នាក់ផ្សេងទៀត ក៏បានស្លាប់ នៅក្នុងប្រទេសស្រីលង្កា ឥណ្ឌា និងប្រទេសថៃ ផងដែរ៕ ប្រភពពី AFP ប្រែសម្រួល៖ សារ៉ាត

កំពង់ធំ៖ព្រះសត្ថាបារមី សៀង សុខ ព្រះមេគណគណៈមហា​និកាយ​ខេត្តកំពង់ធំ ព្រះមហាធម្មពង្សា សួន ដារាហេព្ភី ព្រះមេ​គណគណៈ​ធម្មយុត្តិកនិកាយខេត្តកំពង់ធំ និងលោក តាន់ តៃជ្រាន់ ប្រធានមន្ទីរ​ធម្មការ និងសាសនាខេត្ត  ព្រមទាំង​ព្រះអនុ​គណទាំង៩ក្រុង ស្រុក​ក្នុងខេត្ត តំណាងថ្នាក់ដឹកនាំពាហិរសាសនា និងសមាគមសិស្ស​និស្សិតបញ្ញវន្ត ក្មេងវត្តសាខា​ខេត្ត​កំពង់ធំ ក្នុងសប្ដាហ៍នេះ បាននាំយកថវិកាជាង៣០លានរៀល ទៅប្រគល់ជូនលោកស្រី លំ គន្ធារី អភិបាលរងខេត្ត និងជា​ប្រធាន​ស្តីទីគណៈកម្មាធិការសាខាកាក​បាទក្រហមកម្ពុជាខេត្តកំពង់ធំ ក្នុងឱកាសខួបទី១៦១ ទិវាពិភព​លោកកាក​បាទ​ក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ ក្រោមប្រធានបទ រួមជាមួយកាកបាទក្រហមកម្ពុជា ដើម្បីសហគមន៍​មាន​សុខភាពល្អ និងមានភាពធន់នឹងអាកាសធាតុ ។   ក្នុងឱកាសនេះ​លោកស្រី លំ គន្ធារី ថ្លែងអំណរព្រះគុណដល់ព្រះមេ​គណ​ខេត្តទាំងពីរគណៈ ព្រះមន្រ្តីសង្ឃក្រុង/ស្រុក លោកប្រធាន​មន្ទីរធម្មការ និងសាសនាខេត្ត សមាគមសិស្សនិស្សិត បញ្ញវន្តក្មេងវត្ត សាខាខេត្តកំពង់ធំ និងតំណាង​ថ្នាក់​ដឹកនាំពាហិរសាសនា សប្បុរសជន​គ្រប់មជ្ឈដ្ឋានដែលបានចូលរួមក្នុងសកម្មភាពមនុស្សធម៌ជាមួយកាកបាទក្រហម​ដែលធ្វើសកម្មភាពជួយជនរងគ្រោះ​ ជនងាយរងគ្រោះដោយ​ពុំមានការរើសអើង៕ ដោយ៖​ប៊ុន​រដ្ឋា