បរទេស៖ ជាមួយនឹងរូបភាពដែលចេញផ្សាយដោយ ស្ថានប័នស្ទង់ភូមិសាស្ត្រអាមេរិក ហៅកាត់ USGS ក្រុមសង្កេតភ្នំភ្លើង Hawaiian Volcano Observatory បានជូនដំណឹង អំពីកម្អែភ្នំភ្លើង Kilauea ដែលបានហូរចេញ ក្រោយពេលបានផ្ទុះឡើង ជាថ្មី។ ការស្ទង់ភូមិសាស្ត្រអាមេរិក USGS បានឱ្យដឹងថា កម្អែបានហូរចេញពីភ្នំភ្លើង ដែលមានកំពស់៨០ម៉ែត្រ លើកោះហាវ៉ៃ កាលពីថ្ងៃចន្ទ។ ភ្នំភ្លើង Kilauea គឺជាភ្នំភ្លើងសកម្មបំផុតមួយរបស់ពិភពលោក ដែលបានផ្ទុះស្ទើរតែ ជាបន្តបន្ទាប់ ចាប់តាំងពីឆ្នាំ ១៩៨៣ មក។ កោះហាវ៉ៃ មានភ្នំភ្លើងសកម្មចំនួន ៦ ក្នុងនោះ រួមមានទាំង ភ្នំភ្លើងធំបំផុត នៅលើពិភពលោក Mauna Loa ។ ភ្នំភ្លើង Kilauea មានទំហំតូចជាងភ្នំភ្លើង Mauna Loa ដែលនៅជិតខាង ប៉ុន្តែ មានភាពសកម្មច្រើនជាង។ អំឡុងសកម្មភាពចុងក្រោយនេះ ភ្នំភ្លើង Kilauea បានបញ្ជូនសារធាតុបំណែកនៃឧស្ម័នភ្នំភ្លើង និងភាគល្អិតភ្នំភ្លើងឡើងដល់កម្ពស់ ចន្លោះពីជិត២គីឡូម៉ែត្រ ទៅជាង២គីឡូម៉ែត្រ…

(ភ្នំពេញ)៖ ថ្នាក់ដឹកនាំថ្នាក់ជាតិ ថ្នាក់ក្រោមជាតិ និងដៃគូភាគីពាក់ព័ន្ធទាំងអស់ ត្រូវចូលរួមសហការគ្នាក្នុងការបង្រ្កាបបទល្មើសខុសច្បាប់នានាទាំងសកម្មភាពជាក់ស្តែង និងនៅតាមទីផ្សារ ដោយត្រូវធ្វើការណែនាំដល់ប្រជានេសាទ ផ្លាស់ប្តូរទម្លាប់មកជាការនេសាទស្របច្បាប់ មានការកំណត់ឧបករណ៍ត្រឹមត្រូវ យល់ដឹងពីការព្រលែងនូវប្រភេទសត្វកម្រ និងការនេសាទឆ្ងាយពីតំបន់ត្រីមេពូជ ។ នេះជាប្រសាសន៍លើកឡើង របស់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទក្នុងពិធីបិទកិច្ចប្រជុំបូកសរុបការងារអនុវិស័យជលផល ឆ្នាំ២០២៤ និងលើកទិសដៅអនុវត្ត ឆ្នាំ២០២៥ នៅទីស្តីការក្រសួងកសិកម្ម កាលពីរសៀលថ្ងៃទី២៥ ខែធ្នូ ឆ្នាំ២០២៤ ។ ឯកឧត្តមរដ្ឋមន្រ្តី បានកោតសរសើរ និងវាយតម្លៃខ្ពស់នូវកិច្ចខិតខំប្រឹងប្រែង និងការយកចិត្តទុកដាក់អនុវត្តការងារជាក់ស្តែងរបស់ថ្នាក់ដឹកនាំ និងមន្រ្តីរាជការគ្រប់ជាន់ថ្នាក់នៃរដ្ឋបាលជលផល ជាពិសេសការងារអភិរក្សធនធានជលផល ធនធានកម្រទឹកសាប និងសមុទ្រ រហូតទទួទលបានលទ្ធផលជាវិជ្ជមាន តាមរយៈការវិលត្រលប់មកវិញនូវអណ្តើកហ្លួង ផ្សោតទន្លេមេគង្គ ផ្សោតឃ្លៀច ផ្សោតផ្កាឈូក ជ្រូកទឹក ជាដើម ដែលសុទ្ធសឹងតែជាធនធានជលផលកម្រ និងខ្លះកំពុងរងគ្រោះជិតផុតពូជ ។ ឯកឧត្តម ឌិត ទីណា បាន លើកឡើងពីគោលនយោបាយអាទិភាពក្នុងវិស័យកសិកម្ម ធានាឱ្យបាននូវសន្តិសុខស្បៀង និរន្តរភាពសេដ្ឋកិច្ច និងបរិស្ថាន ធ្វើយ៉ាងណាឱ្យប្រជាពលរដ្ឋ…

(ភ្នំពេញ)៖ ការតភ្ជាប់ការហោះហើរត្រង់ កម្ពុជា-ឥណ្ឌា មិនត្រឹមតែជំរុញទេសចរណ៍វប្បធម៌ធម្មជាតិទេ ថែមទាំងទេសចរណ៍សាសនាផងដែរ ។ នេះជាការគូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នាឱកាសអនុញ្ញាតឱ្យលោកជំទាវបណ្ឌិត ដេវីយ៉ានី អ៊ុតាំ ខូប្រាហ្គេត (Devyani Uttam Khobragade) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌា ប្រចាំកម្ពុជា ដែលបានចប់អាណត្តិ ចូលជួបសម្ដែងការគួរសម និងជម្រាបលា នៅវិមានព្រឹទ្ធសភា រាជធានីភ្នំពេញ នៅថ្ងៃទី២៥ ខែធ្នូ ឆ្នាំ២០២៤ ។ លោកជំទាវឯកអគ្គរដ្ឋទូត បានវាយតម្លៃខ្ពស់ ចំពោះការដឹកនាំ និងការរៀបចំក្បាលម៉ាស៊ីនដឹកនាំ រាជរដ្ឋាភិបាលប្រកបដោយគតិបណ្ឌិតរបស់សម្តេច, ជ័យជំនះនៃការបោះឆ្នោតចុងក្រោយនៅកម្ពុជា និងការផ្ទេរអំណាចដោយរលូនទៅអ្នកដឹកនាំជំនាន់ក្រោយ វ័យក្មេង និងប្រកបដោយថាមពល។ នៅក្នុងសកម្មភាពមីន លោកជំទាវឯកអគ្គរដ្ឋទូត បានសម្តែងនូវការកោតសរសើរចំពោះលទ្ធផលដែលកម្ពុជាសម្រេចបាន ជាពិសេស ការរៀបចំយ៉ាងជោគជ័យនូវ កិច្ចប្រជុំកំពូលសៀមរាប-អង្គរ ស្តីពីពិភពលោកមួយ ដែលគ្មានមីន ដែលកម្ពុជាជាម្ចាស់ផ្ទះ ។ លោកជំទាវ បានគូសបញ្ជាក់ថា សម្តេចតេជោ មានបទពិសោធន៍យ៉ាងទូលំទូលាយ ខាងនយោបាយសកលលោក ។…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបប្រកាសថា ស្ថាប័នអនុវត្តច្បាប់ នឹងបន្តអនុវត្តការបង្ក្រាប និងទប់ស្កាត់ក្មេងទំនើង ដោយមិនបន្ធូរដៃឡើយ ហើយ​សូមឪពុកម្តាយ អាណាព្យាបាល ចូលរួមខិតខំសហការ ពិសេសអប់រំកូនចៅរបស់ខ្លួនឱ្យបានល្អ ព្រមទាំងគាំទ្រ ដល់ការអនុវត្តច្បាប់នេះ ដើម្បីអនាគតកូនចៅ រយៈពេលវែង និងសណ្តាប់ធ្នាប់ក្នុង​សង្គមជាតិរបស់យើង ។ សម្តេចបវរធិបតី ហ៊ុន ម៉ាណែត បានថ្លែងដូច្នេះក្នុង​ពិធី ប្រគល់សញ្ញាបត្រថ្នាក់បរិញ្ញាបត្រជាន់ខ្ពស់ជំនាន់ទី១៥, ថ្នាក់បរិញ្ញាបត្រជំនាន់ទី១៨ និងជំនាន់ទី​១៩, ថ្នាក់បរិញ្ញាបត្ររងជំនាន់ទី២១ និងថ្នាក់វិញ្ញាបនបត្រ វិជ្ជាជីវៈជំនាន់ទី៣៧ ដល់និស្សិត និង​សិស្សថ្នាក់វិជ្ជាជីវៈនៃសាកលវិទ្យាល័យធនធានមនុស្ស នាព្រឹកថ្ងៃព្រហស្បត្តិ៍ ទី២៦ ខែធ្នូ ឆ្នាំ២០២៤។ សម្ដេចនាយករដ្ឋមន្ត្រី មានប្រសាសន៍ថា ដោយយោងតាមសេចក្តីប្រកាសព័ត៌មានរបស់ក្រសួងយុត្តិធម៌កន្លងទៅ សមត្ថកិច្ច និងកងកម្លាំង​ជំនាញទូទាំងប្រទេស បានចុះប្រតិបត្តិការបង្ក្រាប និងចាប់ខ្លួនក្មេងទំនើង បានចំនួនជាង ២ពាន់នាក់ ដែលមានជិត ៧០០ករណី ហើយកំពុងត្រូវបានអនុវត្តទោស យ៉ាងតឹងរឹង និងហ្មត់ចត់ ហើយស្ថាប័នអនុវត្តច្បាប់ នឹងបន្តអនុវត្តការបង្ក្រាប និងទប់ស្កាត់ក្មេងទំនើង ដោយមិនបន្ធូរដៃឡើយ…

(សៀមរាប)៖ កាកបាទក្រហមកម្ពុជា បានសម្រេច ផ្តល់អំណោយមនុស្សធម៌ ជូនលោកគ្រូ អ្នកគ្រូ ក្រុមគ្រូពេទ្យ អ្នកជំងឺ និងប្រជាពលរដ្ឋងាយរងគ្រោះបំផុតសរុប ចំនួន ១៤០៩គ្រួសារ ក្នុងក្រុងរុនតាឯកតេជោសែន នៅថ្ងៃទី២៥ ខែធ្នូ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ។ ក្រុងរុនតាឯក តេជោសែន គឺជាក្រុង១ទើបបង្កើតថ្មី នៃខេត្តសៀមរាប ដែលមានសង្កាត់ចំនួនពីរគឺសង្កាត់ រុនតាឯក និងសង្កាត់ បល្ល័ង្ក មានភូមិសរុបចំនួន១៦ ក្នុងនោះ សង្កាត់រុនតាឯក មានភូមិចំនួន ៧ និងសង្កាត់បល្ល័ង្កមានភូមិចំនួន៩ និងមានប្រជាពលរដ្ឋ រស់នៅសរុបប្រមាណ ៩៦៥៤ គ្រួសារ ស្មើនឹង ៣៦,៤១២នាក់ ស្រី១៨,៧៩៤នាក់។ ប្រជាពលរដ្ឋ ដែលកំពុងមករស់នៅក្នុងក្រុងថ្មីនេះ គឺជាអតីតប្រជាពលរដ្ឋធ្លាប់តាំងទីលំនៅមិនរៀបរយក្នុងតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមកគ្រប់គ្រង របស់អាជ្ញាធរជាតិអប្សរា ហើយបានស្ម័គ្រចិត្តមកតាំងទីលំនៅថ្មីនាទីនេះ ដោយទទួលបាននូវប័ណ្ណកម្មសិទ្ធិស្របច្បាប់ ក្រោមការរៀបចំរបស់រាជរដ្ឋាភិបាលកម្ពុជា រួមជាមួយនឹងការកសាងហេដ្ឋារចនាសម្ព័នសង្គមផ្សេងៗទៀតក្នុងតំបន់នេះ ឱ្យក្លាយជាក្រុងរណបមួយដ៍ស្រស់បំព្រង ដើម្បីប្រជាពលរដ្ឋរស់នៅប្រកបដោយសេចក្តីថ្លៃថ្នូរ ភាពសុខសាន្ត…

(ភ្នំពេញ)៖ សម្ដេចមាហបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលរួមប្រគល់សញ្ញាបត្រថ្នាក់បរិញ្ញាបត្រជាន់ខ្ពស់ជំនាន់ទី១៥ ថ្នាក់បរិញ្ញាបត្រជំនាន់ទី១៨ និងជំនាន់ទី​១៩ ថ្នាក់បរិញ្ញាបត្ររងជំនាន់ទី២១ និងថ្នាក់វិញ្ញាបនបត្រ វិជ្ជាជីវៈជំនាន់ទី៣៧ ដល់និស្សិត និង​សិស្សថ្នាក់វិជ្ជាជីវៈសរុបចំនួន ១.១៥៧ អង្គ/នាក់ នៃសាកលវិទ្យាល័យធនធានមនុស្ស នៅរាជធានីភ្នំពេញ ព្រឹកថ្ងៃព្រហស្បតិ៍ ទី២៦ ធ្នូ ២០២៤ ។ សាកលវិទ្យាល័យធនធានមនុស្ស បានបំពេញបេសកកម្មយ៉ាងសកម្ម ក្នុងការចូលរួមចំណែកកសាងធនធានមនុស្សតាមរយៈការបណ្តុះបណ្តាលសិស្សថ្នាក់វិជ្ជាជីវៈ និងនិស្សិតគ្រប់កម្រិត ទៅតាមផែនការយុទ្ធសាស្ត្ររបស់ខ្លួន ស្របតាមគោលនយោបាយរបស់ក្រសួងអប់រំ យុវជន និងកីឡា និងកម្មវិធីគោលនយោបាយរបស់ រាជរដ្ឋាភិបាល ដែលជានិច្ចកាលបានផ្ដល់អាទិភាព លើការអភិវឌ្ឍធនធានមនុស្ស ប្រកបដោយសមត្ថភាព និងគុណភាព ស្របតាមគោលដៅអភិវឌ្ឍន៍ប្រកបដោយចីរភាព និងទស្សនវិស័យអភិវឌ្ឍន៍កម្ពុជា ទៅជាប្រទេសមានប្រាក់ចំណូលមធ្យមកម្រិតខ្ពស់ត្រឹមឆ្នាំ២០៣០ និងមានចំណូលខ្ពស់នៅឆ្នាំ២០៥០ ។ សម្ដេចបវរធិបតី បានមានប្រសាសន៍ថា ក្នុងយុទ្ធសាស្រ្តបញ្ចកោណ ដំណាក់កាលទី១ នៃរាជរដ្ឋាភិបាល នីតិកាលទី៧ នៃរដ្ឋសភា បានកំណត់យ៉ាងច្បាស់ថា ធនធានមនុស្ស ជាកត្តាកំណត់ដ៏សំខាន់សម្រាប់និរន្តភាព និងចីរភាព របស់ប្រទេសជាតិ ព្រោះថា…