(ភ្នំពេញ)៖ក្រុមការងារក្រសួងបរិស្ថាន បានសហការ ជាមួយមន្រ្តីនៃរដ្ឋបាលស្រុកព្រៃនប់ ខេត្តព្រះសីហនុ បានចុះត្រួតពិនិត្យករណីបំពុលទឹកព្រែកកំពង់ស្មាច់ ស្តិតក្នុងភូមិសាស្រ្ត ស្រុកព្រៃនប់ ខេត្តព្រះសីហនុ ដែលមានប្រភពចេញពីការបញ្ចេញសំណល់រាវ របស់រោងចក្រ KOBON (CAMBODIA) BIOTHECHNOLOGY CO .,LTD. ស្ថិតនៅភូមិ តាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។ ក្រសួងបរិស្ថានបានឱ្យដឹងថាការចុះត្រួតពិនិត្យនេះបន្ទាប់ពី មានករណីរាយការណ៍ថា ប្រភពទឹកក្នុងតំបន់ខាងលើ អាចជាករណីបណ្តាលឱ្យមានត្រីងាប់ ខ្លះៗផងដែរ។ ក្រោយការចុះត្រួតពិនិត្យកាលពីថ្ងៃទី១៨ខែធ្នូ ឆ្នាំ២០២៤ ក្រុមការងារក្រសួងបរិស្ថានបានរកឃើញថា រោងចក្រខាងលើបានកំពុងដំណើរការកែច្នៃស្បែកគោ ដើម្បីផលិតចេញជាផលិតផលជេឡាទីន(Gelatin)។ រោងចក្រមានអាងប្រព្រឹត្តិកម្មសំណល់រាវ ប៉ុន្តែពុំមានការថែទាំ និងស្តារសម្អាតត្រឹមត្រូវ តាមគោលការណ៍បច្ចេកទេសឡើយ។ ជាមួយគ្នានេះដែរ នៅតាមដងអូរព្រែកផ្អាវ ដែល ស្ថិតនៅផ្នែកខាងត្បូង ទីតាំងក្រុមហ៊ុន ដែលលាតសន្ធឹងពីកើតទៅលិច ស្ថិតនៅចំណុចជាប់នឹងរបងដី នៃទីតាំងក្រុមហ៊ុន ឃើញមានទឹកពណ៌ខ្មៅដែលអាចជា ជាប្រភេទទឹកសំណល់បង្ហូរចេញពីក្រុមហ៊ុន នាពេលកន្លងមកតាមរយៈប្រឡាយចំហរ។ ក្រុមការងារ ក៏បានរកឃើញមានបំពង់ទុយោបង្កប់ (ទំហំមុខកាត់៤០សម) ប្រវែងប្រមាណ ២គីឡូម៉ែត្រពីទីតាំងក្រុមហ៊ុន សម្រាប់បង្ហូរសំណល់រាវចេញទៅព្រែកកំពង់ស្មាច់ ដែលស្ថិតនៅភូមិជ្រលង ឃុំទឹកល្អក់ ស្រុកព្រៃនប់ផងដែរ។ គួរបញ្ចាក់ថា…

(ភ្នំពេញ)៖ ថ្នាក់ដឹកនាំក្រសួងដែនដី នគរូបនីយកម្ម និងសំណង់ បានផ្ដល់ដំណោះស្រាយបញ្ចប់វិវាទដោយប្រគល់ដីជូនភាគីប្រជាពលរដ្ឋដែលមានបណ្ណកម្មសិទ្ធិកាន់កាប់ដីធ្លីស្របច្បាប់ពីមុនមក និងណែនាំដល់ខាងបញ្ជាការដ្ឋានកងពលតូច”ង” ៧០ ត្រូវសម្របសម្រួលដោយដកថយកាត់ឆ្វៀលចេញពីផ្ទៃដីរបស់ប្រជាពលរដ្ឋដែលមានបណ្ណកម្មសិទ្ធិ ហើយក្រសួង នឹងផ្ដល់បណ្ណកម្មសិទ្ធិដីរដ្ឋជូនដល់បញ្ជាការដ្ឋានកងពលតូច”ង” ៧០ ដើម្បីធានាសុវត្ថិភាពក្នុងការកាន់កាប់ដីធ្លីស្របច្បាប់និងបញ្ចៀសកុំឱ្យមានវិវាទកើតមានជាបន្តទៀត ។ ថ្លែងក្នុងកិច្ចប្រជុំដោះស្រាយវិវាទដីធ្លីរវាងប្រជាពលរដ្ឋចំនួន ២៧គ្រួសារជាមួយបញ្ជាការដ្ឋានកងពលតូច”ង”៧០ ក្នុងភូមិសាស្ត្រស្រុកគងពិសី ខេត្តកំពង់ស្ពឺ ដែលបានធ្វើឡើងនៅទីស្ដីការក្រសួងនារសៀលថ្ងៃទី ១៨ ខែធ្នូ ឆ្នាំ២០២៤។ ឯកឧត្តមឧបនាយករដ្ឋមន្ត្រី សាយ សំអាល់ បានបញ្ជាក់ថា ការវាស់វែងដីព្រៃធ្វើជាកម្មសិទ្ធិរបស់ខ្លួនគឺមិនត្រឹមត្រូវនោះទេ ប៉ុន្តែនេះមិនមែនជាពេលវេលាដែលត្រូវវែកញែកថាអ្នកណាខុស ឬ អ្នកណាត្រូវនោះទេ កត្តាសំខាន់គឺត្រូវដោះស្រាយបញ្ចប់វិវាទឱ្យបានចប់ជាស្ថាពរហើយអាចទទួលយកបានទាំងអស់គ្នា ក្នុងនោះដែរឯកឧត្តមឧបនាយករដ្ឋមន្ត្រី ក៏បាន ផ្ដល់នូវជម្រើសទុកលទ្ធភាពដល់ប្រជាពលរដ្ឋដែលមានបណ្ណកម្មសិទ្ធិអាចពិភាក្សាប្រសិនបើចង់ផ្លាស់ប្ដូរទីតាំងដីចេញពីទីតាំងដើមនេះទៅកាន់ទីតាំងណាមួយផ្សេងទៀតដើម្បីរក្សាសុវត្ថិភាពផ្ទាល់ខ្លួនពីព្រោះការរស់នៅជិតទីតាំងកងទ័ពអាចនឹងប្រឈមហានិភ័យផ្សេងៗដោយសារទីតាំងកងទ័ពអាចនឹងមានស្តុកទុកនូវអាវុធយុទ្ធភណ្ឌផ្សេងៗដែលអាចបង្កគ្រោះថ្នាក់ជាយថាហេតុ។ ឯកឧត្តមឧបនាយករដ្ឋមន្រ្តី ចាត់ទុកថានេះគឺជាវិធីសាស្ត្រប្រកបដោយយុត្តិធម៌ក្នុងអន្តរកាលនេះ ដែលនឹងអាចកាត់បន្ថយនូវភាពស្មុគស្មាញនិងភាពចម្រូងចម្រាស់ក្នុងសង្គមជាតិ៕ ដោយ / គ្រី សម្បត្តិ

(ភ្នំពេញ)៖ ការរៀបចំសប្តាហ៍ភាពយន្តអន្តរជាតិ ឡានឆាង-មេគង្គ លើកទី៦ នៅកម្ពុជា ត្រូវបានរដ្ឋមន្រ្តីក្រសួងវប្បធម៌ និងវិចិត្រសិល្បៈ ចាត់ទុកជាព្រឹត្តិការណ៍ដ៏សំខាន់មួយក្នុងលើកកម្ពស់ចំណងមិត្តភាព និងកិច្ចសហប្រតិបត្តិការលើវិស័យ វប្បធម៌ រវាងប្រទេសក្នុងអនុតំបន់ឡានឆាង-មេគង្គ ។ លោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានថ្លែងដូច្នេះក្នុងពិធីបើក សប្តាហ៍ភាពយន្តអន្តរជាតិឡានឆាង-មេគង្គ លើកទី៦ នាល្ងាចថ្ងៃទី១៨ ខែធ្នូ ឆ្នាំ២០២៤ នៅសាលសន្និសីទចតុមុខ ក្រោមការចូលរួមពីឯកឧត្តម ឈិន ឆុង (Chen Cong) អគ្គទីប្រឹក្សានៃស្ថានទូតសាធារណរដ្ឋប្រជាមានិតចិនប្រចាំនៅកម្ពុជា ព្រមទាំងគណៈប្រតិភូភាពយន្ត សិល្បករ សិល្បការិនី ដែលអញ្ជើញមកពីប្រទេសក្នុងអនុតំបន់ឡានឆាង-មេគង្គ ។ ឯកឧត្តម ឈិន ឆុង បានមានប្រសាសន៍ថា ខ្សែភាពយន្ត គឺជាមធ្យោបាយផ្សព្វផ្សាយសិល្បៈ និងជាស្ថានតភ្ជាប់វប្បធម៌ដ៏សំខាន់ ខណៈសប្តាហ៍ភាពយន្តអន្តរជាតិឡានឆាង-មេគង្គ មានតួនាទីជំរុញឱ្យមានការផ្លាស់ប្ដូរស៊ីជម្រៅ នៃឧស្សាហកម្មភាពយន្តនៅក្នុងបណ្តាប្រទេសក្នុងអនុតំបន់ឡានឆាង-មេគង្គ បង្កើតបានកិច្ចសហប្រតិបត្តិការ និងការអភិវឌ្ឍ លើកកម្ពស់ចំណងមិត្តភាពរវាងប្រជាជន និងប្រជាជន ។ ឯកឧត្តម បានសូមឱ្យបន្តយកភាពយន្តជាមធ្យោបាយ តាមរយៈការរួមគ្នាបណ្តាក់ទុន រួមសហការផលិត ចែករំលែកធនធាន…

(ភ្នំពេញ)៖ ខណ្ឌចំការមនគឺជាខណ្ឌទី១៤ ហើយក៏ជាខណ្ឌចុងក្រោយបង្អស់ ដែលត្រូវបានរៀបចំវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីភ្នំពេញ ក្នុងរយៈពេល១ឆ្នាំម្តង ដើម្បីបញ្ជាក់ឲ្យប្រជាពលរដ្ឋបានដឹងពីសមិទ្ធិផលនានាដែលរដ្ឋបាលរាជធានីភ្នំពេញសម្រេចបាន និងបញ្ហាប្រឈម និងស្តាប់ពីសំណើរនិងសំណូមពររបស់ប្រជាពលរដ្ឋ ដើម្បីយកមកដោះស្រាយជូនពួកគាត់។ ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៤ នាព្រឹកថ្ងៃទី១៩ ធ្នូនេះ នៅមជ្ឈមណ្ឌលសន្និបាតនិងពិព័រណ៍កោះពេជ្រ សង្កាត់ទន្លេបាសាក់ ខណ្ឌចំការមន ក្រោមអធិបតីឯកឧត្ដម ជួប ខុន សមាជិកក្រុមប្រឹក្សា តំណាង ឯកឧត្ដមម៉ប់ សារិន ប្រធានក្រុមប្រឹក្សារាជធានីភ្នំពេញ ។ ក្នុងវេទិកានេះប្រជាពលរដ្ឋរស់នៅភូមិ១៤ សង្កាត់ទន្លេបាសាក់ បានលើកឡើងពីកង្វល់របស់គាត់ថា «គាត់មិនចេះអក្សរតើអាចទៅរៀននិងធ្វើប័ណ្ណបើកបរបានឬទេ ? ព្រោះគាត់ជាអ្នករត់កង់បីចង់បានប័ណ្ណបើកបរ»។ ពាក់ព័ន្ធនឹងសំណួរនេះ ឯកឧត្ដម ឯក ឃុនដឿន អភិបាលរងរាជធានីភ្នំពេញ បញ្ជាក់ថា បើទោះបីប្រជាពលរដ្ឋមិនចេះអក្សរ បងប្អូនក៏អាចទៅរៀន ប្រឡងយកប័ណ្ណបើកបរបានដែរ មិនមែនជាបញ្ហាទេ ដោយផ្អែកតាមច្បាប់ រាជដ្ឋាភិបាល និងក្រសួងសាធារណៈការនិងដឹកជញ្ជូន ក៏ដូចជាឯកឧត្ដមឃួង ស្រេង អភិបាលរាជធានីភ្នំពេញ យើងបានចងក្រងជាមួយវិស័យសេដ្ឋកិច្ចក្រៅប្រព័ន្ធ ដូចជាបងប្អូនរត់ម៉ូតូកង់បី និងជាមួយក្រុមផ្សេងទៀត ដោយឯកឧត្ដមអភិបាលតែងបានណែនាំអោយមន្ទីរសាធារណៈការនិងដឹកជញ្ជូនរាជធានីជួយបណ្តុះបណ្តាលនិងធ្វើប័ណ្ណបើកបរជូនបងប្អូន ដើម្បីអោយបងប្អូនចេះច្បាប់ចរាចរណ៍ ។ ឯកឧត្ដម…

(ភ្នំពេញ)៖ នៅរសៀលថ្ងៃទី១៨ ខែធ្នូ ឆ្នាំ២០២៤ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីបិទកិច្ចប្រជុំបូកសរុបការងារសុខភាពសត្វ និងផលិតកម្មសត្វប្រចាំឆ្នាំ២០២៤ និងទិសដៅអនុវត្តឆ្នាំ២០២៥ នៅអគ្គនាយកដ្ឋានសុខភាពសត្វ និងផលិតកម្មសត្វ។ ឯកឧត្តមរដ្ឋមន្រ្តី មានប្រសាសន៍ថា អគ្គនាយកដ្ឋានសុខភាពសត្វ និងផលិតកម្មសត្វ ត្រូវបន្តប្រសិទ្ធភាពការងារឱ្យកាន់តែប្រសើរឡើងបន្ថែមទៀត ក្នុងស្មារតីទទួលខុសត្រូវខ្ពស់ បន្តសហការជាមួយអគ្គនាយកដ្ឋានជំនាញពាក់ព័ន្ធនានា អាជ្ញាធរខេត្ត និងមន្ទីរកសិកម្មរាជធានី-ខេត្ត ដើម្បីជួយដល់ប្រជាកសិករដល់មូលដ្ឋាន និងទទួលបានប្រសិទ្ធភាពសេដ្ឋកិច្ច។ ឯកឧត្តមរដ្ឋមន្រ្តី ឌិត ទីណា បញ្ជាក់ថា កម្ពុជាបានឆ្លងផុតនូវដំណាក់កាល ខ្វះខាតការហូបចុក រហូតដល់មានការហូបគ្រប់គ្រាន់។ យ៉ាងណាក៏ដោយ ដើម្បីមានបាន គឺជាការលំបាកមួយកម្រិតទៀត ដែលអគ្គនាយកដ្ឋាន និងមន្រ្តីក្រោមឱវាទត្រូវគិតគូរពិចារណាឱ្យបានស៊ិជម្រៅដោយផ្តោតទៅលើភាពចំនេញសេដ្ឋកិច្ច តុល្យភាពតម្រូវការ និងការផ្គត់ផ្គង់ ផែនការផលិតកម្មដល់ប្រជាកសិករអ្នកចិញ្វឹមសត្វ ជាជាងការបង្កើនបរិមាណផលិតកម្មសត្វ ដែលនាំឱ្យតម្លៃធ្លាក់ចុះ និងខាតបង់ផលប្រយោជន៍ទាំងអស់គ្នា។ ការងារសុខភាពសាធារណៈគឺជាការងារចាំបាច់ដែលអគ្គនាយកដ្ឋាន ត្រូវយកចិត្តទុកដាក់ខ្ពស់ក្នុងការចាក់វ៉ាក់សាំងដល់សត្វទូទាំងប្រទេស និងការផ្តល់សេវាកម្មថែទាំប្រកបដោយគុណភាព ប្រសិទ្ធភាព និងសុវត្ថិភាព។ ការងារសុខភាពតែមួយ (One Health) ត្រូវបន្តអនុវត្តឱ្យបានខ្ជាប់ខ្ជួនជាប្រចាំជាមួយក្រសួងសុខាភិបាល និងក្រសួងបរិស្ថាន ដែលជាដៃគូក្នុងការផ្តល់ផលប្រយោជន៍សុខភាព…