(ភ្នំពេញ)៖ នារសៀលថ្ងៃពុធ ទី១៣ ខែវិច្ឆិកា ឆ្នាំ២០២៤ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល រួមជាមួយថ្នាក់ដឹកនាំសុខាភិបាល បានអញ្ជើញចុះពិនិត្យការរៀបចំទីតាំងជម្រកតង់ការពារសុខភាពក្រុមគ្រូពេទ្យយាមប្រចាំការ និងរថយន្តគិលានសង្រ្គោះ នៅតាមបណ្តាគោលដៅនីមួយៗ ដើម្បីចូលរួមការពារសុខភាពប្រជាពលរដ្ឋ ដែលអញ្ជើញមកចូលរួមទស្សនា ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលមានរយៈពេល ៣ថ្ងៃ ចាប់ពីថ្ងៃទី១៤ ១៥ ១៦ ខែវិច្ឆិកា ឆ្នាំ២០២៤នេះ។ ឯកឧត្តមសាស្រ្តាចារ្យរដ្ឋមន្រ្តី បានអញ្ជើញពិនិត្យទីតាំង ជម្រកតង់នៅកោះនរា ស្តង់ស្តូបកម្ពុជាវៀតណាម ស្តង់នៅមុខនាយកដ្ឋានអង្គរក្ស ស្តង់ទល់មុខគណៈកម្មាធិការរៀបចំបុណ្យជាតិ អន្តរជាតិ ស្តង់ខាងត្បូង និងខាងជើងវេទិកាកិត្តិយស ស្តង់មុខវត្តឧត្តណ្ណាលោម ស្តង់ស្ពានអាកាសឬស្សីកែវ ស្តង់នៅ OCIC ស្តង់ និងរថយន្តគ្លីនិកចល័ត ប្រចាំការនៅច្រមុះជ្រូកសុខាភិបាល និងស្តង់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ។ ឯកឧត្តមសាស្រ្តាចារ្យរដ្ឋមន្រ្តី ក៏បានណែនាំថ្នាក់ដឹកនាំទទួលបន្ទុក និងមន្រ្តីសុខាភិបាល ត្រូវបង្កើនការយកចិត្តទុកដាក់ខ្ពស់ ដោយត្រូវពិនិត្យរៀបចំសម្ភារៈបរិក្ខារពេទ្យ ឱសថ និងប្រអប់សង្រ្គោះបឋមឱ្យបានត្រឹមត្រូវ ជាពិសេសក្រុមគ្រូពេទ្យចល័ត ត្រូវត្រៀមលក្ខណៈ ឱ្យបានគ្រប់ជ្រុងជ្រោយក្នុងការការពារសុខភាព…

(បាត់ដំបង)៖ ក្រុមការងារបញ្ចាំងខ្សែភាពយន្តកម្ពុជា-ចិន នៃក្រសួងវប្បធម៌ និងវិចិត្រសិល្បៈ បាន ចុះបញ្ចាំងខ្សែភាពយន្តចល័តកម្ពុជា-ចិន ដ៏ឆ្នើម លើកទី៨ លើទឹកដី នៃខេត្តបាត់ដំបងដែល ជាគោលដៅទីមួយសម្រាប់ចាក់បញ្ចាំងភាពយន្ត។ ក្រោមកិច្ចសហការ អាជ្ញាធរមន្ទីរខេត្តបាត់ដំបង បានអនុញាតអោយក្រុមការងាររៀបចំសម្ភារៈ តម្លើងប៊ែនន័រ ស្លាយ ដើម្បីបានចាក់បញ្ចាំង ជួនបងប្អូនប្រជាពលរដ្ឋបានទស្សនា កំសាន្តនាពេលរាត្រី ។ ក្នុងឆ្នាំ២០២៤ លោក តេស ប្រាថ្នា ប្រធានការិយាល័យសិល្បៈភាពយន្ត និងផ្សព្វផ្សាយវប្បធម៌ នៃមន្ទីរវប្បធម៌ និងវិចិត្រសិល្បៈខេត្តបាត់ដំបង តំណាងលោក ប្រធានមន្ទីរ បានជួយសម្របសម្រួលបញ្ចាំងលើទីតាំងចំនួន៤គឺ ៖ -នៅសួនយុវ័ន ,-ចំណតរថយន្តផ្សារណាត់ ,-សួនច្បារសម្តេច ក្រឡាហោម ស ខេង និង- សួនច្បារមាត់ស្ទឹង ស្រុកមោងឫស្សី ។ ហើយការដាក់បញ្ចាំងនេះ មានប្រជាពលរដ្ឋបានចូលរួមទស្សនារយៈពេល ៤ថ្ងៃ ប្រហែល ១០០០នាក់ ប្រកបដោយសេចក្តីសប្បាយរីករាយ ក្រោមស្នាមញញឹម យ៉ាងកក់ក្តៅ ពីសំណាក់បងប្អូន ប្រជាពលរដ្ឋ គ្រប់ស្រទប់វណ្ណៈ ទាំងយុវជន យុវតី…

(ភ្នំពេញ)៖ ក្រុមការងារសម្របសម្រួលការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ បានរៀបចំសិក្ខាសាលាស្ដីពី «បច្ចុប្បន្នភាព​គោលនយោបាយសេដ្ឋកិច្ច សម្រាប់មន្រ្តីការទូតកម្ពុជា» ក្រោមអធិបតីភាព ឯកឧត្តម មាស គឹមហេង រដ្ឋលេខាធិការ តំណាងរបស់ ឯកឧត្តម សុខ ចិន្តា​សោភា ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការ​អន្តរជាតិ នៅថ្ងៃទី១២ ខែវិច្ឆិកា ឆ្នាំ២០២៤ ដោយមានការចូលរួមដោយផ្ទាល់ និងតាមប្រព័ន្ធវីដេអូ ពីសំណាក់ថ្នាក់ដឹកនាំក្រសួង ប្រធានស្ថានតំណាង​កម្ពុជានៅបរទេស មន្រ្តីការទូត និងវាគ្មិនកិត្តិយស ដែលជាតំណាងក្រសួង-ស្ថាប័នពាក់ព័ន្ធ សរុបប្រមាណជិត ២០០នាក់ នៅសណ្ឋាគារ Hyatt Regency Phnom Penh ។ សិក្ខាសាលានេះមានគោលបំណងចែករំលែកព័ត៌មាន ស្ដីពីបច្ចុប្បន្នភាពគោល​នយោបាយ​សេដ្ឋកិច្ចកម្ពុជាលើវិស័យសំខាន់ៗ ក៏ដូចជាពង្រឹង និងពង្រីកការយល់ ដឹង​របស់មន្ត្រីការទូត ពាក់ព័ន្ធនឹងយុទ្ធសាស្ត្រ និងគោលនយោបាយសេដ្ឋកិច្ច របស់រាជរដ្ឋាភិបាលកម្ពុជា ក្នុងនីតិកាលទី៧នៃរដ្ឋសភា សំដៅបង្កើនប្រសិទ្ធភាព ក្នុងការទាក់ទាញដៃគូពាណិជ្ជកម្ម វិនិយោគ ទេសចរណ៍ និងវប្បធម៌ ដែលមាន សក្ដា​នុពលនៅបរទេស ៕ ដោយ…

(ភ្នំពេញ)៖ ក្នុងកិច្ចប្រជុំលើកទីមួយរបស់ក្រុមប្រឹក្សាជាតិបទបញ្ញត្តិបច្ចេកទេស​សំ​ណង់ នាថ្ងៃទី១២ ខែវិច្ឆិកា ឆ្នាំ២០២៤ នៅទីស្ដីការក្រសួង ឯកឧត្តមឧបនាយក​រដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានស្នើដល់ក្រសួងស្ថាប័នពាក់ព័ន្ធ និងវិស័យឯកជនចូលរួមតាក់តែងបទបញ្ញត្តិ​បច្ចេកទេសសំណង់ស្របតាមស្តង់ដារបច្ចេកទេសត្រឹមត្រូវដើម្បីជំរុញឱ្យវិស័យសំណង់នៅប្រទេសកម្ពុជាកាន់តែប្រសើរឡើង ។ ឯកឧត្តមឧបនាយករដ្ឋមន្រ្តី សាយ សំអាល់ មានប្រសាសន៍ថា កិច្ចប្រជុំនាពេល​នេះ​​ធ្វើ​ឡើង​ក្នុងគោលបំណងដើម្បីប្រមូលមតិយោបល់ និងរួមគ្នាគិត រួមគ្នា​តាក់​តែងបទបញ្ញត្តិបច្ចេកទេសសំណង់សម្រាប់អនុវត្តនៅក្នុងព្រះរាជាណាចក្រកម្ពុជា ពីព្រោះកិច្ចការនេះមិនមែនជារបស់ក្រសួងរៀបចំដែនដី នគរូបនីយកម្ម និង​សំណង់​តែម្នាក់ឯងនោះទេ គឺជាកិច្ចការរួម ជាកិច្ចការដ៏មានសារៈសំខាន់​សម្រាប់យើងទាំងអស់គ្នា ធ្វើដើម្បីជាឧត្តមប្រយោជន៍ជាតិទាំងមូល ។ ឯកឧត្តមឧបនាយករដ្ឋមន្ត្រី បានណែនាំឱ្យបង្កើតទម្លាប់ទំនាក់ទំនង​រវាងរដ្ឋ និង​វិស័យឯកជន ដើម្បីឱ្យបានយល់ពីគ្នាទៅវិញទៅមក និងរួមគ្នាដោះស្រាយបញ្ហា​ប្រឈមនានាលើវិស័យសំណង់ ដើម្បីជំរុញខឿនសេដ្ឋកិច្ចជាតិឱ្យកាន់តែរឹងមាំ ជាប្រយោជន៍ជូនជាតិនិងប្រជាជន ។ ឯកឧត្តមឧបនាយករដ្ឋមន្រ្តី សាយ សំអាល់ បានបញ្ជាក់ថាក្រុមប្រឹក្សាជាតិបទ​បញ្ញតិ​បច្ចេកទេសសំណង់ ជាអ្នកតាក់តែងបទដ្ឋានគតិយុត្តិ អគ្គនាយកដ្ឋាន​សំណង់ជាអ្នកប្រតិបត្តិ និងមន្ទីរពិសោធន៍ជាអ្នកវាយតម្លៃ ដើម្បីធានាលើក​កម្ពស់គុណភាព​សំណង់នៅក្នុងប្រទេសកម្ពុជាស្របតាមស្តង់​ដារបច្ចេកទេស​ត្រឹមត្រូវ ។ ជាមួយគ្នានេះ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បាន​ជំរុញ​ដល់ក្រសួងស្ថាប័នពាក់ព័ន្ធ និងវិស័យឯកជនចូលរួមផ្ដល់មតិយោបល់ក្នុងកា​រតាក់តែងបទបញ្ញត្តិជាមួយក្រុមប្រឹក្សាជាតិបទបញ្ញត្តិបច្ចេកទេសសំណង់ដើម្បីលើកកម្ពស់គុណភាពសំណង់ និងងាយស្រួលក្នុងការអនុវត្តការងារក្នុងឧស្សាហកម្ម​សំណង់​សមស្របតាមបរិបទនៅប្រទេសកម្ពុជា និងបានស្នើដល់សាកលវិទ្យា​ល័យ ព្រមទាំងសមាគមវិស្វករ…

(ភ្នំពេញ)៖ ព្រឹទ្ធសភា បានសម្រេចអនុម័តលុបចោលសេចក្ដីច្បាប់ ស្ដីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា ឡាវ និងវៀតណាម (CLV) ក្រោមសំឡេងឯកច្ឆន្ទ ៥៦សំឡេង ក្នុងសម័យប្រជុំលើកទី២ ព្រឹទ្ធសភា នីតិកាលទី៥ នាព្រឹកថ្ងៃទី១៣ ខែវិច្ឆិកា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់​របស់​សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា កម្ពុជា ។ សូមរំលឹកថា សេចក្តីព្រាងច្បាប់ស្ដីពីការអនុម័តលុបចោលកិច្ចព្រមព្រៀងស្ដីពីការ​ជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ត្រូវបានរដ្ឋសភា បានសម្រេចអនុម័ត នៅថ្ងៃទី០៨ ខែវិច្ឆិកា ឆ្នាំ២០២៤ ក្រោមសំឡេង​ឯកច្ឆន្ទ ១០៩សំឡេង ដោយរដ្ឋសភាកម្ពុជា មានជំនឿថា ប្រទេសកម្ពុជា ឡាវ និងវៀតណាម មានសមត្ថភាពពេញលេញក្នុងការបន្ត និងធានា​ឲ្យបាននូវ​ការ​អភិវឌ្ឍន៍ប្រទេសរៀងៗខ្លួន ។ អគ្គលេខាធិការដ្ឋានរដ្ឋសភាកម្ពុជា បានចេញសេចក្តីប្រកាសព័ត៌មាន នៅថ្ងៃទី៨ វិច្ឆិកា ថា គោលបំណងដែលប្រទេសកម្ពុជា បង្កើតនូវសេចក្តីព្រាងច្បាប់ស្ដីពីការ​អនុម័ត​លុបចោលកិច្ចព្រមព្រៀងស្ដីពីការជំរុញ និងសម្រួលពាណិជ្ជកម្ម​តំបន់​ត្រីកោណអភិវឌ្ឍន៍ កម្ពុជា-ឡាវ-វៀតណាម ដោយមើលឃើញពីកិច្ចសហ​ប្រតិ​បត្តិ​ការយ៉ាងជិតស្និទ្ធក្នុងរយៈពេល ២៥ឆ្នាំកន្លងមក ក្រោមកិច្ចសហប្រតិបត្តិការ​តំបន់​ត្រីកោណអភិវឌ្ឍន៍ ។…

(ភ្នំពេញ)៖ ក្នុងឱកាសអបអរសាទរទិវាជាតិលើកកម្ពស់អនាម័យជនបទ លើកទី​១៥ ថ្ងៃទី១៣ ខែវិច្ឆិកា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា អត្រាគ្របដណ្តប់​អនាម័យ​របស់សហគមន៍ជនបទ នៅកម្ពុជាបច្ចុប្បន្ន បានកើនឡើងដល់ជាង ៩០% ។ បើតាមសារលិខិតអបអរសាទរទិវាជាតិ លើកកម្ពស់អនាម័យជនបទ លើកទី១៥ សម្ដេចធិបតី បានលើកឡើងថា រាជរដ្ឋាភិបាល បានកំណត់យកថ្ងៃទី១៣ ខែវិច្ឆិកា ជាថ្ងៃប្រារព្ធទិវាជាតិលើកកម្ពស់អនាម័យជនបទ ដើម្បីផ្សព្វផ្សាយ ក្រើនរំលឹក អំពីសារៈសំខាន់នៃការលើកកម្ពស់អនាម័យជនបទ និងរួមគ្នាធ្វើឱ្យកាន់តែប្រសើរឡើង នូវស្ថានភាពអនាម័យជនបទនៅកម្ពុជា។ សម្ដេចធិបតី បានបន្តថា រាជរដ្ឋាភិបាលកម្ពុជា បាននិងកំពុងបន្តយកចិត្តទុកដាក់​យ៉ាងខ្លាំង ក្នុងការលើកកម្ពស់អនាម័យជនបទ ដែលក្នុងនោះ យុទ្ធសាស្ត្របញ្ច​កោណ ដំណាក់កាលទី១ បានបញ្ជាក់យ៉ាងច្បាស់នូវការបន្តជំរុញ​ការអភិវឌ្ឍ​ជនបទ តាមរយៈការបន្តកែលម្អលក្ខខណ្ឌនៃការរស់នៅរបស់សហគមន៍ជនបទ ដោយផ្តោតលើការពង្រីកវិសាលភាពនៃការផ្តល់សេវាផ្គត់ផ្គង់ទឹកស្អាត និងអនាម័យជនបទ។ បន្ថែមពីនេះ កម្មវិធីនយោបាយរបស់រាជរដ្ឋាភិបាល​នីតិកាលទី៧ នៃរដ្ឋសភា សម្រាប់ការកសាង និងការការពារមាតុភូមិ ឆ្នាំ២០២៣-២០២៨ បានដាក់ចេញនូវគោលដៅ ក្នុងការបន្តជំរុញការ​អនុវត្តផែនការសកម្មភាពផ្គត់ផ្គង់ទឹកស្អាត និងអនាម័យជនបទ ឱ្យសម្រេចបានអត្រាគ្របដណ្តប់ ១០០% នៅឆ្នាំ២០៣០។…

(ភ្នំពេញ)៖ ក្នុងពិធីសំណេះសំណាល និង ពិសាភោជនាហារសាមគ្គី ជាមួយសហ​គ្រិន​ត្រកូលលីនពិភពលោក មកពីបណ្តាប្រទេសទាំង ១៥ និង ៣៨ តំបន់ ដែលបាន​ធ្វើដំណើរមកកម្ពុជា ចូលរួមមហាសន្និបាតសភាពាណិជ្ជកម្មត្រកូលលីន​ពិភពលោក នាថ្ងៃទី១២ ខែវិច្ឆិកា ឆ្នាំ២០២៤ សម្តេចមហាបវរធិបតី ហ៊ុន ម៉ា​ណែត នាយករដ្ឋមន្រ្តី នៃព្រះរាជាណាចក្រកម្ពុជា បានលើកទ្បើងពីកត្តា​ទាក់ទាញ ៦ចំណុច ដែលកម្ពុជា ផ្តល់ជូនដល់ធុរកិច្ច និងវិនិយោគបរទេស ។ កត្តាទាក់ទាញ ដែលសម្តេចបវរធិបតី បានលើកទ្បើង មានជាអាទិ៍៖ ទី១. ប្រទេសកម្ពុជា បានផ្តល់នូវបរិយាកាសសន្តិភាព និងស្ថិរភាព ជាកត្តាមូល​ដ្ឋាន ដែលអនុញ្ញាតឱ្យអ្នកវិនិយោគ ធ្វើការសម្រេចចិត្តអំពីទីតាំង​ដែលត្រូវ​វិនិយោគ។ ទី២. កម្ពុជា ផ្តល់ជូននូវស្ថិរភាពម៉ាក្រូសេដ្ឋកិច្ច ដោយជាប់ចំណាត់ថ្នាក់​ជាទីផ្សារ​ដែលកំពុងរីកចម្រើនបំផុត សម្រាប់ការវិនិយោគបរទេសនៅឆ្នាំ ២០២៤ ដែល​នេះ​បានផ្តល់កំណើន GDP យ៉ាងរឹងមាំ អតិផរណាទាបជាង៣% និងការ​ពង្រីក​ផ្នែក FDI។ ទី៣. កម្ពុជា មានបរិយាកាសធុរកិច្ចប្រកបដោយភាពស្និទ្ធស្នាល និងឆ្លើយតប​ទៅនឹងវិនិយោគ។ ច្បាប់ វិនិយោគរបស់កម្ពុជាមានលក្ខណៈសេរីជាមួយ​នឹង​ការ​លើកទឹកចិត្តចម្រុះ…