(កែប)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា កម្ពុជា កំពុងសិក្សារៀបចំ ឱ្យមានផ្លូវជិះកង់ពីខេត្តកែប ដល់ខេត្តកោះកុង ។ សម្ដេចធិបតី ហ៊ុន ម៉ាណែត ថ្លែងដូច្នេះក្នុងឱកាសអញ្ជើញសម្ពោធវិថីតេជោសន្តិភាពឆ្នេរអង្កោល ប្រវែងសរុប ១២.៦៤៥ម៉ែត្រ ក្រោមកម្ចីឥណទានសម្បទាន ពីធនាគារអភិវឌ្ឍន៍អាស៊ី ស្ថិតនៅភូមិអ្នេរអង្កោល ឃុំនេរអង្កោល ស្រុកដំណាក់ចង្អើរ ខេត្តកែប នាព្រឹកថ្ងៃទី១១ ខែវិច្ឆិកា ឆ្នាំ២០២៤ ។ សម្តេចធិបតី បានថ្លែងអបអរសាទរពលរដ្ឋខេត្តកែបទទួលបានសមិទ្ធផលថ្មី «វិថីតេជោសន្តិភាពឆ្នេរអង្កោល ។ សម្តេចថា វិថីតេជោសន្តិភាពឆ្នេរអង្កោល ជាសរសៃឈាមមួយដ៏សំខាន់ សម្រាប់ការតភ្ជាប់សហគមន៍ទេសចរណ៍ និងបម្រើប្រយោជន៍ដោយផ្ទាល់ដល់ប្រជាពលរដ្ឋប្រមាណ ៦ពាន់គ្រួសារ ។ សូមជម្រាបថា គម្រោងសាងសង់វិថីតេជោសន្តិភាពឆ្នេរអង្កោលនេះ មានប្រវែងសរុបជាង១២គីឡូម៉ែត្រ ស្ថិតនៅ ភូមិកែប និងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប គឺជាអនុគម្រោង នៃគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាប័ន្នក្នុងមហាអនុតំបន់មេគង្គ ជំហានទី២ ដែលគ្រប់គ្រងដោយក្រសួងទេសចរណ៍ ។ គម្រោងនេះ បានប្រើប្រាស់រយៈពេលសាងសង់…

(ខេត្តបន្ទាយមានជ័យ)៖ ពុទ្ធបរិស័ទ កម្ពុជាថៃជាប់ព្រំដែនខេត្តបន្ទាយមានជ័យ បានរួមគ្នា ធ្វើបុណ្យកឋិនទានសាមគ្គីរក្សាប្រពៃណីវិស័យពុទ្ធសាសនា ជាមួយគ្នាបើ​ទោះជាមានជាតិសាសន៍ផ្សេងក្ដី ប៉ុន្តែកម្ពុជា និង ថៃ មានប្រពៃណី ទំនៀមទំលាប់​ស្រដៀងគ្នា។ លោកមហាឧបាសិកា ម៉ៅ ម៉ាល័យ កែ គឹមយ៉ាន បានឲ្យដឹង ជុំវិញការមានទឹកចិត្តសទ្ធាមុតមាំលើកុសលផលបុណ្យ ហើយមិនចាំតែនៅជិត នៅឆ្ងាយពីទីវត្តអារាម ឬទីកន្លែង ធ្វើបុណ្យ ឬក៏ប្រកាន់ជាតិសាសន៍ពណ៌សម្បុរ ពិសេសពុទ្ធសាសនិកជនក៏ដូចជាអ្នកដែលគោរពប្រណិបត្តិព្រះពុទ្ធសាសនា អាចចូលរួមគ្រប់កម្មវិធីបុណ្យក្នុងពុទ្ធសាសនាស្របលើគោលដៅតែមួយ ។ ក្នុងឱកាសបុណ្យកឋិនទានសាមគ្គីនៅវត្តខ្លាកូនថ្មី នៅក្រុងសិរីសោភ័ណ កាលពីពេលថ្មីៗនាឆ្នាំ២០២៤នេះ លោកឧកញ៉ា ហង្ស ស៊ីផា បានបញ្ជាក់បន្ថែម ពីការធ្វើបុណ្យទានមិនរើសអើងពិសេសក្នុងវិស័យពុទ្ធសាសនា ។ ព្រះឥន្ទមុនីវង្សា សំ វ៉ាន់ថា ចៅអធិការវត្តខ្លាកូនថ្មី បានមានថេរដីកា មិនថាវេលានេះ កន្លងមកមានថ្នាក់ដឹកនាំ មន្ត្រីរាជការនិងពុទ្ធបរិស័ទថៃនៅទីក្រុងនិងខេត្តជាប់ព្រំដែន​ខេត្តបន្ទាយមានជ័យ តែងបានមកចូលរួមគ្រប់ពិធីបុណ្យពុទ្ធសាសនា ជាមួយការ​ជួយកសាងសមិទ្ធផលពុទ្ធសាសនាទៀតផង ហើយដូចគ្នាដែរថ្នាក់ដឹកនាំ មន្ត្រីរាជការ​និងពុទ្ធបរិស័ទក្នុងប្រទេសក៏ដូចគ្នា ខេត្តបន្ទាយមានជ័យ មានទំនាក់ទំនងល្អនិងបាន​ឧបត្ថម្ភកសាងសមទ្ធិផលខាងពុទ្ធសាសនាទៅខាងភាគីថៃផងដែរ ។ បច្ច័យកឋិនទានសាមគ្គី ទទួលបានពី ឯកឧត្តមអភិសន្តិបណ្ឌិត សរ សុខា…

(ភ្នំពេញ)៖ គម្រោងស្ថិតនៅលើផ្ទៃដីជាង ៥០០ហិកតា ក្នុងខេត្តកំពង់ស្ពឺនេះ ជាគម្រោងវិនិយោគសេដ្ឋកិច្ចយុទ្ធសាស្រ្ត ដែលនឹងផ្តល់ឱកាសឱ្យកម្ពុជាក្លាយ​ជាមូលដ្ឋានផលិតកម្ម និងទីតាំងផ្គត់ផ្គង់ដ៏សំខាន់លើវិស័យឧស្សាហកម្ម បោះពុម្ព ជ្រលក់ពណ៌ និងអេឡិចកូប្លាតីង ស្បែកក្នុងតំបន់អាស៊ាន។ ប្រសាស៍ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លើកឡើងបែបនេះ កាលពីថ្ងៃទី៨ ខែវិច្ឆិកា ឆ្នាំ២០២៤ ក្នុងឱកាសអញ្ជើញជា​អធិបតី ក្នុងពិធីបញ្ចុះបឋមសិលាបើកការដ្ឋានសាងសង់សួនឧស្សាហកម្ម​វាយនភណ្ឌបៃតងកម្ពុជា ដែលមានទីតាំងស្ថិតនៅក្នុងភូមិឈើនាង ឃុំតាំងស្យា ស្រុកភ្នំស្រួច ខេត្តកំពង់ស្ពឺ ដោយមានវត្តមានចូលរួមពី ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ និងលោក John Yu ប្រធានក្រុមហ៊ុន Golden Intergrity International Investment Group។ ឯកឧត្តមរដ្ឋមន្ត្រី បានគូសបញ្ជាក់ថា រាជរដ្ឋាភិបាលកម្ពុជាគាំទ្រចំពោះការបង្កើត​សួនឧស្សាហកម្មនេះ ដោយមើលឃើញថា គម្រោងនេះនឹងផ្តល់ការងារប្រមាណ ៥ម៉ឺន ទៅ ៦ម៉ឺនកន្លែងបន្ថែមទៀត ។ ទន្ទឹមនេះ ខេត្តកំពង់ស្ពឺគឺជាគោលដៅយ៉ាង​សំខាន់ដែលមានតម្រូវការកម្លាំងពលកម្មខ្ពស់ ក៏ដូចជាផ្តល់ឱកាសការងារជាច្រើន ទៅដល់ប្រជាពលរដ្ឋនៅក្នុងតំបន់និងក្នុងខេត្តជុំវិញ ដែលជាចំណែកមួយយ៉ាង​សំខាន់ក្នុង​ការជួយគាំទ្រដល់គោលនយោបាយរបស់រាជរដ្ឋាភិបាលកម្ពុជា…

(ខេត្តកណ្តាល)៖ ឯកឧត្តម​ គួច ចំរើន បានថ្លែងថា រាជរដ្ឋាភិបាលកម្ពុជាចាប់ពី​អាណត្តិទី១ រហូតដល់អាណត្តិទី៧ ដឹកនាំដោយសម្តេចតេជោ ហ៊ុន សែន អតីត​នាយករដ្ឋមន្ត្រី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា​បច្ចុប្បន្ន តែងតែដង្ហែតាមព្រះរាជតម្រិះដ៍ថ្លៃថ្លា និងក្រោមម្លប់ដ៏ត្រជាក់របស់ ព្រះបរមរតនកោដ្ឋ និងព្រះករុណា ព្រះបាទ សម្តេចព្រះបរមនាថ នរោត្តម សីហមុនី ក្នុងការថែរក្សាសុខសន្តិភាព ឯករាជ្យជាតិ បង្រួបបង្រួមជាតិ និងផ្សះផ្សារជាតិ ក្រោមបាវចនា ជាតិ សាសនា ព្រះមហាក្សត្រ ក្នុងទិសដៅថែរក្សាការពាររដ្ឋធម្មនុញ្ញ និងការអភិវឌ្ឍន៍ប្រទេសជាតិ ឱ្យមានការរីកចម្រើនលើគ្រប់វិស័យ សំដៅសម្រេចបាននូវចក្ខុវិស័យប្រែក្លាយកម្ពុជា ជាប្រទេសមានចំណូលខ្ពស់នៅឆ្នាំ២០៥០។ ប្រសាសន៍ ឯកឧត្តម គួច ចំរើន អភិបាលខេត្តកណ្តាលធ្វើឡើងនៅព្រឹកថ្ងៃទី៩ ខែវិច្ឆិកា ឆ្នាំ២០២៤ ក្នុងឱកាសប្រារព្ធទិវាបុណ្យឯករាជ្យជាតិ ៩ វិច្ឆិកា ខួបលើក​ទី៧១ ៩ វិច្ឆិកា ១៩៥៣-៩ វិច្ឆិកា ២០២៤ ដែលប្រទេសកម្ពុជាយើងទទួលបាន​ឯករាជ្យពេញបរិបូរណ៍ ពីអាណានិគមនិយមបារាំង។ ទិវាបុណ្យឯករាជ្យជាតិ…