(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាតំណាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញដឹកនាំប្រតិភូជាន់ខ្ពស់ របស់រាជរដ្ឋាភិបាលកម្ពុជា ត្រឡប់មកដល់មាតុប្រទេសវិញហើយ កាលពីរាត្រីថ្ងៃទី០២ ខែវិច្ឆិកា ឆ្នាំ២០២៤ បន្ទាប់ពីបានអញ្ជើញចូលរួមសន្និសីទនៃរដ្ឋភាគីនៃកិច្ចព្រមព្រៀង អង្គការសហប្រជាជាតិស្តីពីជីវៈចម្រុះ លើកទី១៦ (COP16) នៅទីក្រុងកាលី ប្រទេសកូឡុំប៊ី ។ នៅឯព្រលានយន្តអន្តរជាតិភ្នំពេញ ឯកឧត្តមបណ្ឌិត អ៊ាង សុផល្លែត បានថ្លែងថាកិច្ចប្រជុំកំពូលអង្គការសហប្រជាតិស្តីពីជីវៈចម្រុះលើកនេះ បានបន្តការពិនិត្យពិភាក្សាលើគោលនយោបាយនិងផែនការសកម្មភាព ដែលផ្តោតលើការធ្វើឱ្យមានសន្តិភាវូបនីយកម្ម របស់មនុស្សជាមួយនឹងធម្មជាតិ ក៏ដូចជាជួយជំរុញការផ្សារភ្ជាប់ទំនាក់ទំនងបន្ថែមទៀត រវាងមនុស្ស និងធម្មជាតិ កាន់តែប្រសើរឡើង។ ឯកឧត្តមបណ្ឌិត បានបន្តថា ដើម្បីទទួលបាននូវសន្តិភាវូបនីយកម្មរវាងប្រជាជន និងធម្មជាតិ ដាច់ខាតប្រទេសភាគីនីមួយៗ ត្រូវការពារ ថែរក្សា អភិរក្ស និងពង្រីកជីវៈចម្រុះ សំរាប់ប្រទេសនីមួយៗ ដោយធ្វើយ៉ាងណាប្រើប្រាស់ធនធានជីវៈចម្រុះ ដើម្បីជួយលើកស្ទួយជីវភាពរបស់ប្រជាសហគមន៍ ដែលរស់នៅក្នុងតំបន់ការពារធម្មជាតិ។ ឯកឧត្តមរដ្ឋមន្រ្តី បានបន្ថែមថា គោលដៅសំខាន់មួយទៀត នៃកិច្ចប្រជុំនេះ គឺបានគៀរគរថវិកា ដើម្បីយកមកថែរក្សាអភិរក្ស និងពង្រីកផ្ទៃដីនៃការគ្រប់គ្រងជីវរៈចម្រុះ នៅតាមប្រទេសនីមួយៗ ហើយជាពិសេស…

ភ្នំពេញ៖ ឯកឧត្តម ទេព អស្នារិទ្ធ អនុរដ្ឋលេខាធិការនិង​អ្នកនាំ​ពាក្យ​ក្រសួងព័ត៌មាន បានបញ្ជាក់ថា មកទល់ពេលនេះមាន​កូនសៀវភៅ​ធម្មនុញ្ញវិជ្ជាជីវៈសារព័ត៌មានចំនួនប្រមាណ​១៣.០០០​ក្បាលហើយ​ត្រូវបានផ្តល់ជូនអ្នកសារព័ត៌មាន អ្នកបង្កើតមាតិកា សមាគម​សារព័ត៌មាន និងអ្នកប្រកបអាជីពក្នុងវិស័យព័ត៌មាន តបតាមការស្នើ​សុំរបស់ពួកគេមកក្រសួងដើម្បីយកទៅប្រើប្រាស់ ដាក់តាមខ្លួនក្នុងការ​អនុវត្តប្រចាំថ្ងៃរបស់ពួកគេ។ ឯកឧត្តមអ្នកនាំពាក្យបានមានប្រសាសន៍យ៉ាងដូច្នេះ​ខណៈឯកឧត្តម​បានដឹកនាំកិច្ចប្រជុំក្រុមការងារកាលពីថ្ងៃទី២ ខែវិច្ឆិកា ឆ្នាំ២០២៤ ដើម្បីបូកសរុបការទទួលសំណើសុំនិងផ្តល់កូនសៀវភៅធម្មនុញ្ញវិជ្ជាជីវៈសារព័ត៌មាន។ ឯកឧត្តមបានឱ្យដឹង​ទៀត​អំពីវឌ្ឍនភាពនៃ​ការងារទទួល​សំណើសុំកូនសៀវភៅធម្មនុញ្ញនេះថា ចាប់តាំងពីថ្ងៃដែលក្រសួង​បាន​ចេញសេចក្តីជូនដំណឹង​ឱ្យចុះឈ្មោះដើម្បីស្នើសុំកាលពី​ចុងខែ​សីហា ឆ្នាំ២០២៤ មក អ្នកសារព័ត៌មាន សមាគមសារព័ត៌មាន អ្នកផលិត​មាតិកា អ្នកមាន​ប្រជាប្រិយភាពKoL លើបណ្តាញសង្គម និងអ្នកផ្សាយ​ព័ត៌មានផ្សេងទៀត បានស្នើសុំជាបន្តបន្ទាប់រហូតដើម្បីទទួលបាន​កូនសៀវ​ភៅនេះយកទៅអាន និងប្រើប្រាស់សម្រាប់ការងារប្រចាំ​ថ្ងៃរបស់ពួកគេ។ អ្នកនាំពាក្យដដែលបានគូសបញ្ជាក់ថាការយកចិត្តទុកដាក់ពីអ្នកពាក់ព័ន្ធលើការអនុវត្តការងារដោយគោរពក្រមសីលធម៌បាននាំឱ្យការស្នើសុំកូនសៀវភៅធម្មនុញ្ញនេះត្រូវបានធ្វើឡើងជាបន្តបន្ទាប់ ហើយបានក្លាយ​ជាកត្តាមួយរួមចំណែកដល់ការពង្រឹង​គុណភាព​និង​ក្រមសីលធម៌​ក្នុងការងារព័ត៌មាននិងផ្សព្វផ្សាយ ក៏ដូចជាចូលរួមកាត់បន្ថយការ​ចែកចាយព័ត៌មានដែលមិនបានឆ្លង​កាត់ការផ្ទៀង​ផ្ទាត់ ឬពិនិត្យបែប​វិជ្ជាជីវៈត្រឹមត្រូវ។ ថ្លែងអំពីប្រធានបទក្រមសីលធម៌វិជ្ជាជីវៈនេះដែរទៅកាន់អ្នកសារព័ត៌មាន និពន្ធនាយក អ្នកផលិតមាតិកាលើបណ្តាញសង្គម តំណាង​ស្ថាប័ន​សារព័ត៌មាន សមាគមសារព័ត៌មាន យុវជន តំណាងមកពីអង្គការ​សង្គមស៊ីវិល និងដៃគូអភិវឌ្ឍន៍ជាតិ និងអន្តរជាតិ​ប្រមាណ​១៥០នាក់ ក្នុងសន្និសីទជាតិមួយកាលពីថ្ងៃទី៣១ ខែតុលាកន្លងទៅថ្មីៗនេះ ឯកឧត្តមអ្នកនាំពាក្យក្រសួងព័ត៌មានបានមាន​ប្រសាសន៍​លើកឡើង​អំពីវឌ្ឍនភាពនិងលទ្ធផលការងារសំខាន់ៗមួយចំនួន ដែលក្រសួង​សម្រេចបានក្នុងការលើកកម្ពស់ប្រសិទ្ធភាព​សារព័ត៌មាន និងប្រព័ន្ធ​ផ្សព្វផ្សាយ ដើម្បីធានាជំនឿទុកចិត្តរបស់ប្រជាពលរដ្ឋលើវិស័យ​សារព័ត៌មានកម្ពុជា។ ឯកឧត្តមក៏បានគូសបញ្ជាក់ប្រាប់ដល់អង្គសន្និសីទដែរថា ធម្មនុញ្ញ​វិជ្ជាជីវៈសារព័ត៌មានត្រូវបានអ្នកសារព័ត៌មាន អ្នកបង្កើតមាតិកា សមាគមសារព័ត៌មាន និងអ្នកប្រកបអាជីពក្នុងវិស័យព័ត៌មាននិង​សោតទស្សន៍កម្ពុជា ទទួលស្គាល់អំពីសារៈសំខាន់និង​អត្ថប្រយោជន៍​ថាបានជួយដល់ការអនុវត្តសកម្មភាពការងារប្រចាំថ្ងៃ ហើយបានផ្តល់​ទំនុកចិត្តកាន់តែខ្លាំងដល់ពួកគេក្នុងការពង្រឹងគុណភាពការងារ និងការអនុវត្តតួនាទីនិងភារកិច្ចមិនឱ្យប្រាសចាកពីគោលការណ៍គ្រឹះនៃក្រមសីលធម៌វិជ្ជាជីវៈសារព័ត៌មាននេះឡើយ។…

(ភ្នំពេញ)៖ លោក​ ស្រុង​ វ៉ាន់ណូ​ ក្នុង​នាម​ តំណាងសហជីព​ ជាសមាជិក​សហភាព​សហជីព​មរតកជាតិកម្ពុជា​ CCTUH​ ឯកឧត្ដម​ តុល​ផាន់មឿង​ ជាប្រធាន​ និងក្រុមការងារ​រោងចក្រ​ឌីឡាសរ៍​ បានទទួលជួបសម្ដែងការគួរសម​ និងពិភាក្សាការងារជាមួយគណៈប្រតិភូអាល្លឺម៉ង់ ដឹកនាំដោយ លោកជំទាវបណ្ឌិត​ បាប៊ែល កូហ្លឺ (Bärbel Kofler) រដ្ឋលេខាធិការនៃក្រសួងសហព័ន្ធអាល្លឺម៉ង់ សម្រាប់សហប្រតិបត្តិការសេដ្ឋកិច្ច និងការអភិវឌ្ឍ និងជាសមាជិកសភាអាល្លឺម៉ង់ និង​សមាជិក​ស្ថានទូត​អាល្លឺម៉ង​ ប្រចាំ​នៅកម្ពុជា​ នាព្រឹកថ្ងៃទី១ ខែវិច្ឆិកា ឆ្នាំ២០២៤ ។ ជំនួបដែលធ្វើឡើងនៅទីតាំងរោងចក្រ​ឌីឡាសរ៍​ (​ factory d’luxe ) នាពេលនេះ ផ្តោតសំខាន់ទៅលើការពង្រឹងកិច្ចសហប្រិបត្តិការរវាងកម្ពុជា ជាមួយសាធារណរដ្ឋសហព័ន្ធអាល្លឺម៉ង់ ក្នុងវិស័យការងារ វិស័យសន្តិសុខសង្គម និងវិស័យបណ្តុះបណ្តាលវិជ្ជាជីវៈ ហេីយនឹង​សិទ្ធ​សេរីភាព​របស់​បងប្អូន​កម្មករ​កម្មការិនី​ ​និយោជិត​និង​សិទ្ធ​សេរីភាព​របស់​សហជីព​ ជីវភាព​រស់​នៅ​របស់​បងប្អូន​កម្មករ​កម្មការិនី​និយោជិតមានភាព​រីក​ចម្រើនល្អប្រសេីរក្នុងក្រុមគ្រួសារ​​​។ ក្រុមការងារ​ក៏បានថ្លែងការអរគុណចំពោះរដ្ឋាភិបាល អាល្លឺម៉ង់ ដែលតែងជួយគាំទ្រដល់ការអភិវឌ្ឍវិស័យ ការងារនៅកម្ពុជា ជាពិសេសតាមរយៈអង្គការ អភិវឌ្ឍន៍អន្តរជាតិអាល្លឺម៉ង់ (GIZ) លើកិច្ចការងារអធិការកិច្ចក្នុងវិស័យការងាររបស់កម្ពុជា អនុលោមទៅនឹងអង្គការអន្តរជាតិខាងការងារ (ILO) ៕…

(ភ្នំពេញ)៖ ថ្លែងក្នុងពិធីជួបសំណេះសំណាលជាមួយប្រតិភូនាវាយុវជនអាស៊ីអាគ្នេយ៍ និងជប៉ុន (SSEAYP) និងគណៈប្រតិភូវេទិកាប្រកួតប្រជែងសមត្ថភាពស្ត្រីលើវិស័យ​ច្បាប់ នាថ្ងៃទី១ ខែវិច្ឆិកា ឆ្នាំ២០២៤ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានជំរុញឱ្យយុវជន​ទាំង​អស់ ត្រូវកសាងសមត្ថភាពរបស់ខ្លួនឱ្យក្លាយជាធនធានមនុស្ស​ប្រកបដោយ​គុណភាព សំរាប់បម្រើប្រទេសជាតិ និងប្រជាជន។ តំណាងសមាគមនាវាយុវជនអាស៊ីអាគ្នេយ៍និងជប៉ុន( SSEAYP) បានឱ្យដឹងថា ជំនួបនាពេលនេះគឺដើម្បីទទួលបានអនុសាសន៍ល្អៗពីឯកឧត្តមឧបនាយករដ្ឋមន្ត្រី សំរាប់ជាមូលដ្ឋានគ្រឹះក្នុងការចូលរួមកម្មវិធី SSEAYP ដែលនឹងប្រព្រឹត្តទៅចាប់​ពីថ្ងៃទី៤ ខែវិច្ឆិកា ដល់ថ្ងៃទី១៤ ខែធ្នូ ឆ្នាំ២០២៤ ដោយត្រូវធ្វើដំណើរទៅកា​ន់ប្រទេស​ចំនួន៣ គឺប្រទេសជប៉ុន ឥណ្ឌូនេស៊ី និងវៀតណាម។ ក្នុងឱកាសនោះ ឯកឧត្តមឧបនាយករដ្ឋមន្ត្រី សាយ សំអាល់ បានចែករំលែកបទ​ពិសោធន៍​អំពីប្រវត្តិនៃការសិក្សាតាមដំណាក់កាលនីមួយៗរបស់ឯកឧត្តមផ្ទាល់ និងការខិតខំប្រឹងប្រែងកំណត់គោលដៅឱ្យបានជាក់លាក់ ដើម្បីសម្រេច​បាន​ជោគជ័យក្នុងការសិក្សា និងដើម្បីជាទុនសំរាប់យុវជនត្រិះរិះពិចារណា និងទុកធ្វើជា​បទពិសោធន៍សម្រាប់តម្រង់ទិសក្នុងការសិក្សាឱ្យទទួលបានជោគជ័យ។ ក្នុងនាមសម្ដេចមហាបវរធិបតីហ៊ុនម៉ាណែត នាយករដ្ឋមន្ត្រី និងឯកឧត្តមហ៊ុនម៉ានី ជាប្រធានសហភាពសហព័ន្ធយុវជនកម្ពុជា និងជាអ្នករៀបចំមុខងារសាធារណៈ​ធនធាន​មនុស្ស ឯកឧត្តមឧបនាយករដ្ឋមន្ត្រី បានបំផុស​គំនិតឱ្យយុវជនទាំងអស់​ត្រូវកសាងសមត្ថភាពរបស់ខ្លួនឱ្យក្លាយជាធនធានមនុស្សប្រកបដោយគុណភាព និងត្រូវរួមគ្នាសម្លឹងឆ្ពោះទៅមុខថាតើយើងទាំងអស់គ្នាត្រូវធ្វើអ្វីខ្លះ ដើម្បីជាប្រ​យោជន៍​ដល់ប្រទេសជាតិ និងប្រជាជនកម្ពុជាគ្រប់រូបទាំងជំនាន់នេះ និងជំនាន់​ក្រោយៗទៀត។ ជាមួយគ្នានេះ ឯកឧត្តមឧបនាយករដ្ឋមន្ត្រី…

ភ្នំពេញ៖​ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការ​ក្រសួង​យុត្តិធម៌ តំណាងឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួង​យុត្តិធម៌ បានទទួលជួបពិភាក្សាការងារ និងចុះហត្ថលេខាលើ​អនុស្សរណៈ​​នៃការយោគ​យល់គ្នារវាងក្រសួង​យុត្តិធម៌​និងមូលនិធិខុន​រ៉ាដ​អាឌិនណៅអ៊ែរអាល្លឺម៉ង់ប្រចាំកម្ពុជា (KAS) នៅទីស្តីការក្រសួង​យុត្តិធម៌។ អនុស្សរណៈនៃការយោគយល់គ្នាដែលចុះហត្ថលេខាក្នុងសប្ដាហ៍នេះ មានគោលដៅរួមពាក់ព័ន្ធនឹងការលើកកម្ពស់នីតិរដ្ឋ សិទ្ធិទទួល​បានយុត្តិធម៌ ជំនួយផ្នែកច្បាប់ និងការពង្រឹងយន្តការដោះស្រាយវិវាទ​ក្រៅប្រព័ន្ធតុលាការ។ តាមរយៈអនុស្សរណៈនឹងមានសកម្មភាពសំខាន់ៗមួយចំនួន ដូចជា ការផ្លាស់ប្តូរចំណេះដឹង បទពិសោធន៍ និងជំនាញលើការ​កែទម្រង់​ប្រព័ន្ធយុត្តិធម៌, ការធ្វើទំនើបកម្មរដ្ឋបាលតុលាការ, ជំនួយផ្នែកច្បាប់​និងការដោះស្រាយវិវាទក្រៅប្រព័ន្ធតុលាការ ,ការរៀបចំ​សិក្ខា​សាលា​ផ្សេងៗលើប្រធានបទពាក់ព័ន្ធនឹងការកែទម្រង់ប្រព័ន្ធយុត្តិធម៌ ជំនួយ​ផ្នែក​ច្បាប់ និង ការដោះស្រាយវិវាទក្រៅប្រព័ន្ធ​តុលាការ ,ការគាំទ្រលើ​ការស្រាវជ្រាវ និងបោះពុម្ភផ្សាយឯកសារច្បាប់ និងយុត្តិធម៌ ពាក់ព័ន្ធ​នឹងសិទ្ធិ​ទទួលបានយុត្តិធម៌ ជំនួយផ្នែក​ច្បាប់ និង ការដោះស្រាយ​វិវាទក្រៅប្រព័ន្ធតុលាការ និង​ការលើកកម្ពស់ការយល់ដឹងជា​សាធារណៈអំពីសារៈសំខាន់​នៃសិទ្ធិទទួល​បានយុត្តិធម៌ ជំនួយ​ផ្នែកច្បាប់​ និង ការដោះស្រាយវិវាទក្រៅប្រព័ន្ធតុលាការ តាមរយៈ​ឯកសារព័ត៌មាន ដូចជា ខិតបណ្ណ, កូនសៀវភៅ និង/ឬតាមប្រព័ន្ធ​អនឡាញជាដើម៕ដោយ៖មុនី