(ភ្នំពេញ)៖ រដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី២២ ខែឧសភា ឆ្នាំ២០២៥ បានបើកសម័យប្រជុំរដ្ឋសភាលើកទី៤ នីតិកាលទី៧ ក្រោមអធិបតីភាពដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា។ នៅក្នុងឱកាសនោះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាបានផ្ញើព្រះរាជសារជូនអង្គរដ្ឋសភា ដោយបានកោតសរសើរ វាយតម្លៃខ្ពស់ចំពោះលទ្ធផលការងាររបស់រដ្ឋសភា ក្រោមការដឹកនាំរបស់ សម្តេចរដ្ឋសភាធិបតី ឃួន សុដារី បានបំពេញការងារស្នូលរបស់ខ្លួនយ៉ាងសកម្ម និងប្រកបដោយថាមពលខ្លាំងក្លា ហើយសម្រេចបាន នូវសមិទ្ធផលជាច្រើនគួរជាទីមោទនៈ រួមចំណែកយ៉ាងសំខាន់ដល់ការថែរក្សាសុខសន្តិភាព សណ្តាប់ធ្នាប់សង្គម កំណើនសេដ្ឋកិច្ច និងការអភិវឌ្ឍប្រកបដោយបរិយាបន្ន ។ ព្រះរាជសារ បន្តថា ក្នុងអំឡុងចន្លោះសម័យប្រជុំរដ្ឋសភាកន្លងមកនេះ ថ្នាក់ដឹកនាំរដ្ឋសភា គណៈកម្មការនានារដ្ឋសភា ព្រមទាំងសមាជិក សមាជិការដ្ឋសភា បានចុះបំពេញការងារយ៉ាងសកម្មនៅតាមមណ្ឌល រាជធានី ខេត្តនៅទូទាំងប្រទេស ដើម្បីស្វែងយល់អំពីស្ថានភាពជាក់ស្តែងមានជាអាទិ៍អំពីវឌ្ឍនភាព តម្រូវការ បញ្ហាប្រឈម និងក្តីកង្វល់នានារបស់ប្រជារាស្ត្រ និងបានជួយអន្តរាគមន៍ ដោះស្រាយបញ្ហា ប្រឈម និងសំណូមពរ ជូនដល់ប្រជារាស្ត្រ បានយ៉ាងច្រើនគួរកោតសរសើរ។ បន្ថែមពីនេះ គណៈកម្មការនានារបស់រដ្ឋសភាក៏បានប្រជុំពិនិត្យ និងសិក្សាសេចក្តីព្រាងច្បាប់សំខាន់ៗនានា…

ផ្សាយបន្តផ្ទាល់៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីអបអរសាទរការទទួលបានក្រុមហ៊ុនវិនិយោគចំនួន២០០ នៅក្នុងតំបន់សេដ្ឋកិច្ចពិសេស ក្រុងព្រះសីហនុ នាព្រឹកថ្ងៃទី២២ ខែឧសភា ឆ្នាំ២០២៥ ។

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអំពាវនាវដល់ប្រជាពលរដ្ឋកម្ពុជាឱ្យចូលរួមយ៉ាងសកម្មក្នុងការការពារជីវៈចម្រុះ ដើម្បីការអភិវឌ្ឍប្រកបដោយចីរភាព។ ការអំពាវនាវនេះធ្វើឡើងនៅថ្ងៃទី២១ ខែឧសភា ឆ្នាំ ២០២៥ ក្នុងឱកាសប្រារព្ធ «ទិវាជីវៈចម្រុះអន្តរជាតិ ប្រចាំឆ្នាំ២០២៥» ក្រោមប្រធានបទ «សុខដុមនីយកម្មជាមួយធម្មជាតិ និងការអភិរក្សដោយចីរភាព» នៅអនុវិទ្យាល័យហ៊ុន សែន ទួល សូភី ខេត្តត្បូងឃ្មុំ។ ឯកឧត្តមបណ្ឌិត អ៊ាង សុផល្លែត បានសង្កត់ធ្ងន់ថា៖ «យើងត្រូវបន្តសាមគ្គីគ្នា ប្រកបដោយស្មារតីទទួលខុសត្រូវខ្ពស់ ធ្វើឱ្យផ្ទះរបស់យើងស្អាត មានភាពបៃតង និងមានចីរភាពរហូតទៅ ដើម្បីធានាបាននូវសុខុមាលភាពសម្រាប់ប្រជាជនគ្រប់ជំនាន់»។ ការអំពាវនាវនេះមានគោលបំណងពង្រឹងកិច្ចសហប្រតិបត្តិការ និងលើកកម្ពស់ការយល់ដឹងពីតម្លៃជីវៈចម្រុះ ដែលជាមូលដ្ឋានគ្រឹះសម្រាប់ការរស់នៅរបស់មនុស្ស ធម្មជាតិ និងសង្គម។ ជីវៈចម្រុះផ្តល់នូវសេវាសំខាន់ៗចំនួន៤ គឺ៖ សេវាផ្គត់ផ្គង់ សេវានិយ័តកម្ម សេវាវប្បធម៌ និងសេវាគាំទ្រ ដែលរួមចំណែកយ៉ាងធំធេងដល់វិស័យសេដ្ឋកិច្ច បរិស្ថាន និងទេសចរណ៍។ ឯកឧត្តមរដ្ឋមន្ត្រីក៏បានលើកឡើងពីការប្តេជ្ញាចិត្តខ្ពស់របស់រាជរដ្ឋាភិបាលកម្ពុជា ក្នុងការបង្ការ និងការពារចំពោះហានិភ័យនៃការបាត់បង់ជីវៈចម្រុះ។ រាជរដ្ឋាភិបាលបានរៀបចំគោលនយោបាយ យុទ្ធសាស្ត្រ និងផែនការគ្រប់គ្រងប្រកបដោយប្រសិទ្ធភាព ដើម្បីដោះស្រាយលើការបំផ្លាញទីជម្រក ដែលបង្កការគំរាមកំហែងដល់ជីវភាពរស់នៅរបស់មនុស្សជាង ១…

ភ្នំពេញ៖សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះ​រាជា​ណាចក្រកម្ពុជា បានមានប្រសាសន៍ថា​នៅក្នុងនីតិកាលទី៧នេះ ការទូតសភាជា​ការងារអាទិភាពមួយរបស់រដ្ឋសភា ដែលបានដើរស្របជាមួយនឹង​ស្ថាប័នព្រឹទ្ធ​សភា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ក្នុងការចូលរួមលើកកម្ពស់តួនាទីរបស់កម្ពុជា ជាពិសេស​សភាកម្ពុជា ក្នុងទំនាក់​ទំនងការទូតសភាដែលមានភាពកាន់តែសំខាន់ក្នុងការលើកកម្ពស់កិច្ចសន្ទនាដើម្បីសន្តិភាព និង​វិបុលភាពឆ្លើយតបនឹងបញ្ហាប្រឈមនានា និងបង្កើនទំនាក់​ទំនងរវាងប្រទេស ជាដើមក្នុងការនាំមកនូវផលប្រយោជន៍​ជូនប្រជាពលរដ្ឋ។ សម្តេចប្រធានរដ្ឋសភាលើកឡើងដូច្នេះ នៅក្នុងឱកាសអញ្ជើញជាអធិបតី​ដ៏​ខ្ពង់ខ្ពស់បើកសិក្ខាសាលាស្តីពី “លទ្ធផលនៃ​ការងារការបរទេសរបស់កម្ពុជា​និងសភាពការណ៍អន្តរជាតិ” ដែលសហការរៀបចំឡើងដោយគណៈកម្មការ​កិច្ចការបទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា និងក្រសួង​ការបរទេស និងសហប្រតិបត្តិការអន្តរជាតិ នៅវិមានរដ្ឋសភា កាលពីព្រឹកថ្ងៃទី២១ ខែឧសភាឆ្នាំ២០២៥ ដែលមានអ្នកចូលរួមជាង៣០០នាក់ មកពីស្ថាប័នពាក់ព័ន្ធ ក្នុងនោះមាន​សមាជិក​ព្រឹទ្ធសភា រដ្ឋសភា និងរាជរដ្ឋាភិបាលជាដើម។ ឯកឧត្តម សួស យ៉ារ៉ា ប្រធានគណៈកម្មការកិច្ចការបទេស សហប្រតិបត្តិការ​អន្តរជាតិ និងព័ត៌មាន នៃរដ្ឋសភា បាន​គូសបញ្ជាក់ថា សភាពការណ៍អន្តរជាតិ​បច្ចុប្បន្ន នៅក្នុងទសវត្សចុងក្រោយនេះ មានភាព តានតឹង ស្រពិចស្រពិល រួមរឹតដោយវិបត្តិសេដ្ឋកិច្ច សន្តិសុខ ការប្រកួតប្រជែង ភូមិសាស្ត្រ និងបច្ចេកវិទ្យា ហើយថ្មីៗនេះសង្គ្រាមពាណិជ្ជកម្ម​បាន​និងកំពុងអង្រួន ស្ថានភាពរបស់​ពិភព​លោកកាន់តែរញ្ជួយមួយកម្រិតទៀត។ ឯកឧត្តម ប្រាក់…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា បានឱ្យដឹងថា ការជួបជុំគ្នានាពេលនេះ គឺដើម្បីជំរុញបន្ថែមទៀតនូវការអនុវត្តគម្រោងអភិវឌ្ឍន៍តំបន់ឆ្នេរសមុទ្រកម្ពុជាឱ្យក្លាយជារបៀងសេដ្ឋកិច្ចដ៏មានសក្តានុពល ជាកន្លែងបង្កើតការងារ និងជាកន្លែងសំរាប់បង្កើនប្រាក់ចំណូលដល់ប្រជាពលរដ្ឋ ។ អគ្គលេខាធិការដ្ឋាននៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) បាននិងកំពុងពិនិត្យឡើងវិញនូវគម្រោងអាទិភាពទាំងឡាយរបស់តំបន់ឆ្នេរសមុទ្រកម្ពុជា ក្នុងស្មារតីប្រែក្លាយតំបន់ឆ្នេរឱ្យទៅជារបៀងសេដ្ឋកិច្ចស្របទៅតាមសក្ដានុពលដែលមាន ។ ការលើកឡើងរបស់ ឯកឧត្តមឧបនាយករដ្ឋមន្រ្តី ថ្លែងក្នុងកិច្ចប្រជុំជីវភាពអគ្គលេខាធិការដ្ឋាននៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) ដែលបានធ្វើឡើងនៅទីស្ដីការក្រសួង នារសៀលថ្ងៃទី២០ ខែឧសភា ឆ្នាំ២០២៥ ។ ឯកឧត្តមឧបនាយករដ្ឋមន្ត្រី សាយ សំអាល់ បញ្ជាក់ថា អ្វីដែលយើងខិតខំប្រឹងប្រែងគិតគូរនេះ គឺដើម្បីឱ្យប្រជាពលរដ្ឋនៅតំបន់ឆ្នេរបានមើលឃើញយ៉ាងច្បាស់ពីភាពរីកចម្រើនពិតប្រាកដ ដែលមិនមែនគ្រាន់តែនិយាយ ប៉ុន្តែជាការអនុវត្តជាក់ស្ដែង ហើយនោះគឺអ្វីដែលជាបំណងប្រាថ្នាដ៏ពិសិដ្ឋរបស់ប្រមុខរាជរដ្ឋាភិបាល ដែលចង់ឃើញប្រជាពលរដ្ឋរស់នៅមានសុភមង្គលជួបជុំក្រុមគ្រួសារ មានម្ហូបអាហារហូបចុកគ្រប់គ្រាន់ មានសុខភាពល្អ មានប្រាក់ចំណូល មានជីវភាពប្រសើរឡើង និងរស់នៅក្នុងបរិស្ថានស្អាត ជាពិសេសគឺចង់ឱ្យតំបន់ឆ្នេរសំបូរទៅដោយធនធានមនុស្ស ដែលមានចំណេះដឹង និងភាពវាងវៃ ជាគោលដៅដ៏គួរឱ្យចាប់អារម្មណ៍សំរាប់អ្នកវិនិយោគគ្រប់ទិសទី ។ តាមរយៈកិច្ចប្រជុំនេះ ឯកឧត្តមឧបនាយករដ្ឋមន្រ្តី បានណែនាំនិងជំរុញដល់ គ.អ.ឆ.ក…

(ឧត្តរមានជ័យ)៖ អនុវត្តតាមអនុសាសន៍ដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅក្នុងឱកាសបំពេញការងារនៅខេត្តឧត្តរមានជ័យ នៅរសៀលថ្ងៃទី២០ ខែឧសភា ឆ្នាំ២០២៥នេះ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា អញ្ជើញចុះសួរសុខទុក្ខ និងផ្តល់អំណោយមនុស្សធម៌ជូនដល់គ្រួសារងាយរងគ្រោះបំផុត ដែលមានចាស់ជរាគ្មានទីពឹង ស្ត្រីមេម៉ាយក្រីក្រ និងអ្នកមានជំងឺរ៉ាំរៃ ចំនួន ២០គ្រួសារ រស់នៅសង្កាត់សំរោង និងសង្កាត់បន្សាយរាក់ ក្រុងសំរោង ខេត្តឧត្តរមានជ័យ ។ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា ក្រៅពីបានពាំនាំប្រសាសន៍ផ្តាំផ្ញើសាកសួរសុខទុក្ខ និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ហើយនោះ លោកជំទាវក៏បានបញ្ជាក់ថា «ការចុះមកដល់ខ្នងផ្ទះនាពេលនេះគឺអនុវត្តតាមអនុសាសន៍ដ៏ខ្ពង់ខ្ពស់ថ្មីបន្ថែមរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដោយណែនាំដល់មន្ត្រីក្រោមឱវាទធ្វើយ៉ាងណា នាំយកអំណោយទៅចែកជូនដោយផ្ទាល់ដៃ និងដល់ខ្នងផ្ទះតែម្តង ហើយការយកអំណោយមកដល់ខ្នងផ្ទះនេះគឺជាការលើកទឹកចិត្ត និងបញ្ជាក់ថាពួកគាត់មិននៅឯកកោ និងមិនទទួលបានការយកចិត្តទុកដាក់ដែលបណ្តាលឱ្យដាច់ស្បៀងនោះទេ ជាងនេះទៅទៀតការចុះមកដល់ខ្នងផ្ទះនេះផងដែរ ក៏ដើម្បីបានដឹងពីស្ថានភាពជីវភាពនិងការរស់នៅកាន់តែច្បាស់បន្ថែមទៀត ព្រមទាំងបានបញ្ជ្រាបការអប់រំផ្សព្វផ្សាយអំពីសុខភាព និងអនាម័យដោយផ្ទាល់ ព្រោះថាការអប់រំសុខភាព និងអនាម័យដោយផ្ទាល់នេះគឺកាន់តែមានប្រសិទ្ធភាពតែម្តង។…

(ភ្នំពេញ)៖ ថ្លែងក្នុងសិក្ខាសាលាស្ដីពីគុណភាព និងសុវត្ថិភាពសំណង់នៅប្រទេសកម្ពុជា នៅទីស្ដីការក្រសួងនាថ្ងៃទី២០ ខែឧសភា ឆ្នាំ២០២៥ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានចាត់ទុកសិក្ខាសាលានេះថាមានសារៈសំខាន់ ពីព្រោះជាឱកាសជួបជុំគ្នាមួយដែលយើងទាំងអស់គ្នាគឺជាអ្នកទទួលខុសត្រូវ និងកំណត់នូវកិច្ចការដែលយើងត្រូវអនុវត្តឱ្យបានជោគជ័យនាថ្ងៃអនាគតសំរាប់កម្ពុជាលើផ្នែកស្ថាបត្យកម្ម និងវិស្វកម្ម ។ ឯកឧត្តមឧបនាយករដ្ឋមន្ត្រី សាយ សំអាល់ បានបញ្ជាក់ថា អគ្គនាយកដ្ឋានសំណង់ គឺជាអគ្គនាយកដ្ឋានស្នូល ដើម្បីប្រយុទ្ធនឹងសមរភូមិការងារទាក់ទិននឹងគុណភាព និងសុវត្ថិភាពសំណង់នៅប្រទេសកម្ពុជា ហើយក្រុមប្រឹក្សាជាតិបទបញ្ញត្តិបច្ចេកទេសសំណង់ និងមន្ទីរពិសោធន៍ជាតិសំណង់ ក៏ជាសេនាធិការដ៏សំខាន់ចាំបាច់ផងដែរក្នុងការបង្កើតច្បាប់ និងអនុវត្ត ។បន្ថែមពីលើនេះ ឯកឧត្តម ឧបនាយករដ្ឋមន្ត្រី បានគូសបញ្ជាក់បន្ថែមថា ដើម្បីឈានសម្រេចបាននូវគោលបំណងរបស់យើងទាក់ទិននឹងគុណភាព សុវត្ថិភាព និងសោភ័ណភាពសំណង់ គឺត្រូវផ្ដើមចេញពីគំនិត ទស្សនវិស័យ បទដ្ឋានបច្ចេកទេស ដែលត្រូវមានការឯកភាពគ្នាតែមួយ ក្នុងស្មារតីធ្វើការជាក្រុម ស្មារតីជាសង្គមជាតិមួយ និងប្រទេសជាតិមួយ ។ ឯកឧត្តមឧបនាយករដ្ឋមន្ត្រី សាយ សំអាល់ មានប្រសាសន៍បន្ថែមទៀតថា ទៅថ្ងៃមុខយើងត្រូវមានគំនិតទស្សនៈរួមរបស់កម្ពុជា ហើយក្រុមប្រឹក្សាជាតិបទបញ្ញត្តិបច្ចេកទេសសំណង់ ត្រូវកំណត់ជាទស្សនវិស័យ ជាបទដ្ឋានបទបញ្ញត្តិទាំងអស់ ថាតើយើងគួរធ្វើដូចម្ដេចទាក់ទិននឹងវិស័យសំណង់សំរាប់ស្ថាបត្យកម្មខ្មែរនាសហសម័យក្នុងសង្គមជាតិមួយនេះ ដែលស្របតាមទីតាំងភូមិសាស្ត្រនៃតំបន់នីមួយៗ និងអាចទប់ទល់នឹងការប្រែប្រួលអាកាសធាតុ…