អ.ស.ប៖ ប្រមុខអង្គការសហប្រជាជាតិបានបង្ហាញអារម្មណ៍តក់ស្លុតជាខ្លាំង បន្ទាប់ពីមានការវាយប្រហារដោយមីស៊ីលធ្លាក់ចំមន្ទីរពេទ្យមួយកន្លែងនៅតំបន់ហ្កាហ្សា បណ្តាលអោយមនុស្សជាង ២០០នាក់បាត់បង់ជីវិត។ អគ្គលេខាធិការអង្គការសហប្រជាជាតិ លោក អាន់តូនីញ៉ូ ហ្គូទែរេស បានបង្ហោះសារនៅលើបណ្តាញសង្គម X នៅថ្ងៃអង្គារ៍ទី១៧ ខែតុលានេះ យ៉ាងដូច្នេះថា បេះដូងរបស់ខ្ញុំស្ថិតនៅជាមួយក្រុមគ្រួសារជនរងគ្រោះ។ មន្ទីរពេទ្យ និងបុគ្គលិកពេទ្យត្រូវតែការពារស្ថិតក្រោមច្បាប់មនុស្សធម៌អន្តរជាតិ។ ទន្ទឹមគ្នា លោក ហ្គូទែរេស ក៏បានចេញសេចក្តីថ្លែងការណ៍ថ្កោលទោសការវាយប្រហារលើសាលារៀនមួយកន្លែងទៀត ដែលដំណើរការដោយអង្គការសហប្រជាជាតិនៅក្នុងជំរុំជនភៀសខ្លួនហ្កាហ្សា ដែលបានសម្លាប់មនុស្ស ៦នាក់ផងដែរ។ ជាមួយគ្នានេះ ក្រុមសកម្មប្រយុទ្ធប៉ាឡេស្ទីនហាម៉ាសបានបន្ទោសអ៊ីស្រាអែលចំពោះការវាយប្រហារមីស៊ីលលើមន្ទីរពេទ្យ Al-Ahli Arab ក្នុងតំបន់ហ្កាហ្សា ដែលបណ្តាលឱ្យមនុស្សជាង ៦០០នាក់បានស្លាប់ និង៩០០នាក់ទៀតរងរបួសនៅថ្ងៃអង្គារសប្តាហ៍នេះ។ ប៉ុន្តែអ៊ីស្រាអែលបាននិយាយថា នោះគឺជាការបាញ់ខុស ពីក្រុមសកម្មប្រយុទ្ធជីហាតអ៊ីស្លាមនៅតំបន់ហ្កាហ្សា (PIJ) ទៅវិញទេ៕ ប្រភព៖ AFP និង RT ប្រែសម្រួលដោយ៖ ឈឹម ទីណា

រតនគិរី៖ កាលពីថ្ងៃទី១៧ ខែតុលា ឆ្នាំ២០២៣ គណ:ប្រតិភូរដ្ឋសភាកម្ពុជាក្នុងក្របខណ្ឌ CLV ដឹកនាំដោយឯកឧត្តម សួស យ៉ារ៉ា ប្រធានគណ:កម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានអញ្ជើញទៅទស្សនកិច្ចក្នុងតំបន់ត្រីកោណ ដោយមានការចូលរួមពីតំណាងរាស្ត្រនៃរដ្ឋសភាប្រទេសវៀតណាម និងឡាវផងដែរ។ សមាជិកគណៈប្រតិភូសភាកម្ពុជាទាំងអស់មកពីបី គណៈកម្មការ សរុប ៨រូប រួមមាន គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មានឯកឧត្ដម សួស យ៉ារ៉ា ឯកឧត្ដម ទីសុគន្ធ ឯកឧត្ដម ស៊ន សារ៉ាណា និងឯកឧត្ដម សុះ មុះសិន គណៈកម្មការមហាផ្ទៃ ការពារជាតិ និងមុខងារសាធារណ: ឯកឧត្តម កែប ជុតិមា និងលោកជំទាវ អ៊ុន សុគន្ធា គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម ឯកឧត្តម ស៊ូ ភិរិន្ទ និងឯកឧត្ដម ឈឹម ម៉ា…

ភ្នំពេញ៖ គ្រឿងញៀនបំផ្លាញអនាគតអ្នកយោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៣៣នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន១៥ករណី ទូទាំងប្រទេស នៅថ្ងៃទី១៧ ខែតុលា ឆ្នាំ២០២៣។ ក្នុងចំណោមជនសង្ស័យចំនួន   ៣៣នាក់ រួមមាន ៖ រក្សាទុក ដឹកជញ្ជូន ៩ករណី ឃាត់ ១៧នាក់ ស្រី ១នាក់ប្រើប្រាស់ ៦ករណី ឃាត់ ១៦នាក់ស្រី ១នាក់ វត្ថុតាងដែលចាប់យកសរុបក្នុងថ្ងៃទី១៧ ខែតុលា រួមមាន ៖ មេតំហ្វេតាមីន(Ice) ស្មើ ៥៥,៧២ក្រាម។លទ្ធផលខាងលើ ១១អង្គភាពបានចូលរួមបង្ក្រាប ៖Police: ៨អង្គភាព៕ ដោយ ៖ ប៊ុនធី និង ភារ៉ា

តូក្យូ៖ ប្រទេសជប៉ុន នៅថ្ងៃអង្គារទី១៧ ខែតុលានេះ បានប្រកាសអំពាវនាវឱ្យបន្ធូរបន្ថយភាពតានតឹងនៅក្នុងសង្គ្រាមអ៊ីស្រាអែល និងក្រុមហាម៉ាស។ រដ្ឋមន្រ្តីការបរទេសជប៉ុន លោកស្រី យ៉ូកូ កាមីកាវ៉ា បានធ្វើការអំពាវនាវឱ្យមានការបន្ធូរបន្ថយភាពតានតឹងនៅក្នុងសង្គ្រាមអ៊ីស្រាអែល និងក្រុមហាម៉ាស ព្រមទាំងបានប្រកាសផ្តល់ជំនួយមនុស្សធម៌សង្គ្រោះបន្ទាន់ចំនួន ១០លានដុល្លារដល់ជនស៊ីវិលនៅក្នុងតំបន់ហ្កាហ្សា។ លោកស្រី កាមីកាវ៉ា បានគូសបញ្ជាក់យ៉ាងដូច្នេះថា នៅពេលដែលស្ថានការណ៍មនុស្សធម៌កាន់តែយ៉ាប់យ៉ឺននៅតំបន់ហ្កាហ្សាស្ទ្រីប ប្រទេសជប៉ុននឹងផ្តល់ជំនួយមនុស្សធម៌សង្គ្រោះបន្ទាន់ចំនួន ១០លានដុល្លារដល់ជនស៊ីវិលនៅទីនោះ តាមរយៈទីភ្នាក់ងារអន្តរជាតិ។ លោកស្រីបន្តថា ជប៉ុនថ្កោលទោសការវាយប្រហារភេរវកម្មដោយក្រុមហាម៉ាស និងក្រុមសកម្មប្រយុទ្ធប៉ាឡេស្ទីន ហើយធ្វើការអំពាវនាវចំនួន ៣ចំនុច៖ ទី១ គឺការដោះលែងចំណាប់ខ្មាំងជាបន្ទាន់ និងការធានាសន្តិសុខរបស់ពលរដ្ឋស្លូតត្រង់។ ទី២ ភាគីពាក់ព័ន្ធក្នុងជម្លោះទាំងអស់គួរតែគោរពតាមច្បាប់អន្តរជាតិ និងទី៣ គឺការបន្ធូរបន្ថយស្ថានការណ៍តានតឹងឱ្យបានឆាប់។ ការអំពាវនាវទាំងនេះ គឺជាសារដ៏សំខាន់ដែលយើងបានបន្តទំនាក់ទំនងជាមួយសហគមន៍អន្តរជាតិ។ ប្រមុខការទូតជប៉ុនរូបនេះបានសង្កត់ធ្ងន់ទៀតថា ៩០% នៃប្រេងឆៅដែលជប៉ុននាំចូល គឺមកពីមជ្ឈិមបូព៌ា។ ក្នុងន័យនេះ សន្តិភាព និងស្ថិរភាពក្នុងតំបន់នេះ គឺពិតជាមានសារៈសំខាន់ខ្លាំងណាស់សម្រាប់សន្តិសុខថាមពល។ ដូច្នេះជប៉ុនកំពុងតាមដានស្ថានការណ៍ដោយក្តីបារម្ភយ៉ាងធ្ងន់ធ្ងរ៕ ប្រភព៖ AFP ប្រែសម្រួលដោយ៖ ឈឹម ទីណា

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ បានអញ្ជើញចូលរួមពិធីជប់លៀងស្វាគមន៍ រៀបចំដោយ ឯកឧត្តម ស៊ី ជីនពីង (XI Jingping)ប្រធានាធិបតី នៃសាធារណរដ្ឋប្រជាមានិតចិន និង លោកជំទាវ នៅរដ្ឋធានីប៉េកាំង សាធារណរដ្ឋប្រជាមានិតចិន នាល្ងាចថ្ងៃអង្គារ ទី១៧ តុលា ឆ្នាំ២០២៣ ។ ក្នុងពិធីលាងសាយភោជន៍នេះ មានការអញ្ជើញចូលរួមពីមេដឹកនាំនៃបណ្តាប្រទេស និងថ្នាក់ដឹកនាំស្ថាប័នអន្តរជាតិជាច្រើនទៀត ដែលអញ្ជើញចូលរួមវេទិកាខ្សែក្រវាត់ និងផ្លូវ លើកទី៣ នៅចិន។ សូមជម្រាបថា សម្តេចធិបតី ហ៊ុន ម៉ាណែត និងលោកជំទាវ បានអញ្ជើញដឹកនាំគណៈប្រតិភូជាន់ខ្ពស់ ទៅចូលរួមវេទិកាខ្សែក្រវាត់ និងផ្លូវលើកទី៣ (3′ BRF) សម្រាប់កិច្ចសហប្រតិបត្តិការអន្តរជាតិ ចាប់ពីថ្ងៃទី១៧ ដល់ថ្ងៃទី១៨ ខែតុលាឆ្នាំ២០២៣ នៅរដ្ឋធានីប៉េកាំង តបតាមការអញ្ជើញរបស់ ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន ។ មូលបទន នៃកិច្ចប្រជុំនេះ គឺ…