ភ្នំពេញ៖ នាជំនួបពិភាក្សាការងារ នៅព្រឹកថ្ងៃទី១៩ ខែតុលា ឆ្នាំ២០២៣ ក្នុងឱកាសនៃការចូលរួម “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង ប្រទេសចិន ឯកឧត្តម ថងលុន ស៊ីសុលីត ប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ បានគាំទ្រគំនិតផ្តួចផ្តើមរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ពាក់ព័ន្ធនឹងកិច្ចសហប្រតិបត្តិការទេសចរណ៍ត្រីភាគី កម្ពុជា-ឡាវ-វៀតណាម “ប្រទេសបី គោលដៅតែមួយ (Three Countries One Destination)” ។ ក្នុងឱកាសជំនួបនេះ ឯកឧត្តម ថងលុន ស៊ីសុលីត បានបង្ហាញនូវក្តីរីករាយចំពោះជំនួបជាមួយ សម្តេចធិបតី នៅរដ្ឋធានីប៉េកាំង និងសម្តែងការអបអរសាទរជូនសម្តេចធិបតី ចំពោះការចូលកាន់មុខតំណែងជានាយករដ្ឋមន្ត្រី នៃព្រះរាជាណាចក្រកម្ពុជា ព្រមជាមួយនឹងការជឿជាក់ថា ក្រោមការដឹកនាំរបស់សម្តេចធិបតី ទំនាក់ទំនងរវាងកម្ពុជា-ឡាវ នឹងកាន់តែរីកចម្រើនទៅមុខ ។ ឯកឧត្តមប្រធានរដ្ឋឡាវ ក៏បានផ្តាំផ្ញើសាកសួរសុខទុក្ខ ថ្វាយព្រះករុណា ព្រះបាទព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងជូន សម្តេចអគ្គមហាសេនាបតីតេជោ…

ភ្នំពេញ៖ តបតាមការអញ្ជើញរបស់ ព្រះចៅអធិរាជគ្រប់គ្រងថែរក្សាការពារព្រះវិហារឥស្លាមដ៏ស័ក្តិសិទ្ធ ទាំងពីរ ស្តេច សាលម៉ាន ពិន អាប់ឌុលអាហ្ស៊ីស អាល សាអ៊ូឌ (Salman bin Abdulaziz Al Saud) ព្រះមហាក្សត្រ នៃព្រះរាជាណាចក្រអារ៉ាប៊ីសាអូឌីត សម្ដេចមហាបរធិបតី ហ៊ុន ម៉ាណែត នាយករដ្ឋមន្តីកម្ពុជា នឹងដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលអាស៊ាន-ក្រុមប្រឹក្សាសហប្រតិបត្តិការឈូងសមុទ្រ (ASEAN-GCC Summit) ដែលនឹងប្រព្រឹត្តទៅនៅថ្ងៃទី២០ ខែតុលា ឆ្នាំ២០២៣ នៅរាជធានីរីយ៉ាដ ព្រះរាជាណាចក្រអារ៉ាប៊ីសាអូឌីត។ អញ្ជើញអមដំណើរ សម្ដេចធិបតី រួមមាន៖ ឯកឧត្តម សុខ ចិន្តាសោភា ឧបនាយករដ្ឋមន្តី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ, ទេសរដ្ឋមន្ត្រី រដ្ឋមន្ត្រីមួយចំនួន មន្ត្រីរដ្ឋាភិបាលជាន់ខ្ពស់ ព្រមទាំងថ្នាក់ដឹកនាំវិស័យឯកជន។ យោងតាមសេចក្ដីប្រកាសរបស់ក្រសួងការបរទេស បានឱ្យដឹងថា កិច្ចប្រជុំកំពូលនេះ គឺជាវេទិកាសម្រាប់ថ្នាក់ដឹកនាំអាស៊ាន និងក្រុមប្រឹក្សាសហប្រតិបត្តិការឈូងសមុទ្រ ពិភាក្សារិះរកមធ្យោបាយនានា ដើម្បីបង្កើនកិច្ចសហប្រតិបត្តិការក្នុងវិស័យដែលផ្តល់ ផលប្រយោជន៍ទៅវិញទៅមក រួមមានវិស័យពាណិជ្ជកម្មនិងការវិនិយោគ ទីក្រុងឆ្លាត ថាមពល ការ ប្រយុទ្ធប្រឆាំងភេរវកម្ម…

សៀមរាប៖ ក្នុងពិធីប្រកាសផ្ទេរ និងចូលកាន់មុខតំណែងរបស់ ឯកឧត្តម ហុក វ៉ាន់ធីណា ដែលត្រូវបានព្រះហាក្សត្រត្រាស់បង្គាប់ផ្ទេរភារកិច្ចពីប្រធានសាលាដំបូងខេត្តកណ្ដាល មកជាប្រធានសាលាដំបូងខេត្តសៀមរាប ជំនួស ឯកឧត្តម ជឺ សុខ ដែលត្រូវបានផ្ទេរភារកិច្ចទៅជាប្រធានសាលាដំបូងខេត្តកណ្តាលវិញ នារសៀលថ្ងៃទី១៨ ខែតុលា ឆ្នាំ២០២៣ ឯកឧត្តម ប្រាក់ សោភ័ណ អភិបាលខេត្តសៀមរាប បានបង្ហាញនូវភាពជឿជាក់ថា ក្រោមការដឹកនាំរបស់ ឯកឧត្តម ហុក វ៉ាន់ធីណា ដែលទើបចូលកាន់មុខតំណែងថ្មីនាពេលនេះ នឹងបន្ដខិតខំអនុវត្តតាមតួនាទី ភារកិច្ចរបស់ខ្លួនស្របតាមរដ្ឋធម្មនុញ្ញច្បាប់ និងលិខិតបទដ្ឋានគតិយុត្ត ប្រកបដោយមនសិការវិជ្ជាជីវៈ មានស្មារតីទទួលខុសត្រូវខ្ពស់ មានតម្លាភាព គណនេយ្យភាព រួបរួមសាមគ្គីគ្នាជាធ្លុងមួយដើម្បីសម្រេចបានស្នាដៃធំៗបន្ដទៀត ។ ឯកឧត្តម ប្រាក់ សោភ័ណ បន្តថា ប្រធានសាលាដំបូងខេត្តសៀមរាបថ្មី នឹងខិតខំជំរុញមន្រ្ដីរាជការក្រោមឱវាទឲ្យខិតខំបំពេញការងារដោយយកចិត្តទុកដាក់ក្នុងការបម្រើសេវាយុត្តិធម៌ជូនប្រជាពលរដ្ឋ និងបន្ដអនុវត្តការងារស្របតាមអភិក្រមរបស់ ក្រសួងយុត្តិធម៌ ដែលបានដាក់ចេញកន្លងមកក្នុងការចាត់ការសំណុំរឿងក្ដី គឺ«លឿន ត្រឹមត្រូវ យុត្តិធម៌ និងមិនពុករលួយ » និងត្រូវមានទំនាក់ទំនងល្អជាមួយអាជ្ញាធរដែនដី សមត្ថកិច្ចជំនាញគ្រប់លំដាប់ថ្នាក់ ដើម្បីបន្ដរួមចំណែកធ្វើឱ្យខេត្តសៀមរាប មានសន្ដិសុខ សណ្ដាប់ធ្នាប់សាធារណៈ និងការអភិវឌ្ឍជាបន្ដបន្ទាប់ទៀតក្រោមការដឹកនាំរបស់រដ្ឋាភិបាលដែលមានសម្ដេចមហាបវរធិបតី…

ភ្នំពេញ៖ ក្រសួង​សាធារណការ និង​ដឹក​ជញ្ជូន កំពុង​ពិភាក្សា​​ជា​មួយ​មន្ត្រី​ពាក់​ព័ន្ធ ដើម្បី​ធ្វើ​ការ​ពិនិត្យលើ​​សេចក្តី​ព្រា​ង​អនុក្រឹត្យ ស្តី​ពី​ការ​កំណត់​ល្បឿន​សម្រាប់​យាន​យន្ត​គ្រប់​ប្រភេទ ដែល​ធ្វើ​ចរា​ចរណ៍​​នៅ​លើ​ផ្លូវ​ថ្នល់​ ។​អនុក្រឹត្យ​នេះ មាន​គោល​បំណង​កាត់​បន្ថយ​គ្រោះ​ថ្នាក់​ចរាចរណ៍​ផ្លូវ​គោក​។ លោក ផន រឹម អ្នក​នាំ​ពាក្យ​ក្រសួង​សាធារណ​ការ និង​ដឹក​ជញ្ជូន បាន​ប្រាប់​ឱ្យ​ដឹង​នៅ​ថ្ងៃ​ទី​១៨ ខែ​តុលា​ថា ​​ក្នុង​សេចក្ដី​ព្រាង​អនុក្រឹត្យ​នេះ ​​មាន​៤​ជំពូក និង​១៣​មាត្រា ខណៈ​ដែល​កិច្ច​ប្រជុំ ពិភាក្សា​ជា​មួយ​ភាគី​ពាក់​ព័ន្ធកាលពីថ្ងៃទី​១៧ ខែតុលា ​បាន​​ពិនិត្យ​ផ្ទៀង​ផ្ទាត់ និង​កែ​សម្រួល​ឡើង​វិញ​នូវពាក្យ​ពេចន៍ ឃ្លា​ឃ្លោង និង​កា​រ​កំណត់​និយម​ន័យ​វាក្យ​​ស័ព្ទ​​មួយ​ចំនួន ដើម្បី​ឱ្យ​ស្រប​នឹង​បរិបទ​សង្គម​បច្ចុប្បន្ន​។ អ្នកនាំពាក្យដដែលបញ្ជាក់​ថា ​៖ «​សេចក្ដី​ព្រាង​អនុ​ក្រឹត្យ ស្តី​ពី​ការ​កំណត់​ល្បឿន​យាន​យន្ត​នេះ មាន​គោល​បំ​ណងកំណត់​ល្បឿន​បើក​បរ​យាន​យន្ត​គ្រប់​ប្រភេទ​ដែល​ធ្វើ​ចរាចរណ៍​នៅ​លើ​ផ្លូវ​ថ្នល់​ កាត់​បន្ថយ​គ្រោះ​ថ្នាក់​ច​រាចរ​ណ៍​ផ្លូវ​គោក ការ​ប្រើ​ប្រាស់​ពេល​វេលា​ឱ្យ​បាន​សម​ស្រប និង​ស្រប​តាម​ស្ថាន​ភាព​ជាក់​ស្តែង​ដែល​យើង​មាន​ផ្លូ​វ​ល្បឿន​លឿន​ផង​ដែរ​»​។ ទាក់​ទង​សេចក្ដី​ព្រាង​អនុក្រឹត្យ​ដែរ​ លោក គឹម បញ្ញា ប្រធា​ន​អង្គការ​​មូល​​និធិ​​បង្ការ​​របួស​អាស៊ី​ប្រចាំ​កម្ពុជា បាន​ឱ្យ​ដឹង​ដែរ​ថា​ ​ការ​បង្កើត​អនុក្រឹត្យនេះ គឺ​មាន​សារៈ​សំខាន់​ខ្លាំង​ណាស់ ដោយលោកបាន​លើក​ទឹក​ចិត្ត​ឱ្យ​​ក្រ​សួង ក៏​ដូច​ជា​រាជរ​ដ្ឋាភិបាល គួរ​តែ​មាន​ការ​ពិភាក្សា និង​ពិគ្រោះ​យោបល់​ជាមួ​យ​ភាគី​ពាក់​ព័ន្ធ ជា​ពិសេ​ស​អង្គការ​សង្គម​ស៊ីវិល ​ដើម្បី​អាច​ឱ្យ​ភាគី​ពាក់​ព័ន្ធ​ចូល​រួម​ផ្ដល់ធា​តុ​ចូល​ដែល​ចាំ​បាច់​ដាក់​ក្នុង​អនុក្រឹត្យ​។ លោក​បន្ត​ថា ​មូល​ហេតុ​ចម្បង​ដែល​បង្ក​ឱ្យ​មាន​គ្រោះ​ថ្នាក់​ចរាចរណ៍ រហូត​ដល់​មាន​មនុស្ស​ស្លាប់ របួស និង​ពិការ គឺ​កើត​ឡើង​ពី​ការ​បើក​បរ​ហួស​ល្បឿន​កំណត់…

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី១៨ ខែតុលា ឆ្នាំ២០២៣ ម្សិលមិញបានឱ្យដឹងថា មាន គោលដៅសារុបចំនួន៨១គោលដៅ មានយានយន្តចូលគោលដៅចំនួន១១៣៦គ្រឿង រថយន្តធំ២៧គ្រឿង រថយន្តតូច២៩២គ្រឿង ម៉ូតូ ៨១៧គ្រឿង ក្នុងនោះរកឃើញយានយន្តល្មើសសរុប ចំនួន ៣៨៦គ្រឿង មានរថយន្តធំ ១១គ្រឿង រថយន្តតូច១០១គ្រឿង និងម៉ូតូចំនួន ២៧៤គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕ ដោយ៖ ប៊ុនធី និង ភារ៉ា

​ភ្នំពេញ៖ នាយឧត្តមសេនីយ៍ វង្ស ពិសេន អគ្គមេបញ្ជាការ​នៃកងយោធពលខេមរភូមិន្ទ និងឯកឧត្តម ង្វៀន តឹងគឿង អនុរដ្ឋមន្ត្រីក្រសួងការ​ពា​រប្រទេស និងជាប្រធានអគ្គសេនាធិការកងទ័ពប្រជាជនវៀតណាម បានឯកភាពគ្នាបន្តលើកកម្ពស់កិច្ចសហប្រតិបត្តិការវិស័យយោធា ដើម្បីរក្សាសន្តិភាព ស្ថិរភាព និងការអភិវឌ្ឍប្រទេសទាំងពីរ។ ការឯកភាពគ្នានេះ ធ្វើឡើងនៅក្នុងជំនួបពិភាក្សាការងារទ្វេភាគីកាលពីថ្ងៃទី១៧ ខែតុលា នាទីក្រុងហាណូយ ក្នុងឱកាសដែលនាយឧត្តមសេនីយ៍ វង្ស ពិសេន ដឹកនាំគណៈប្រតិភូជាន់ខ្ពស់កងទ័ពកម្ពុជាបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម។ ប្រភពអគ្គបញ្ជាការដ្ឋាននៃកងយោធពលខេមរភូមិន្ទ ​​​ឯកឧត្តម វង្ស ពិសេន បានលើកឡើង​​ពី​គោលបំណងនៃទស្សនកិច្ចរបស់គណៈប្រតិភូកងទ័ពកម្ពុជានៅវៀតណាមនេះ​ គឺដើម្បីពង្រឹងពង្រីកទំនាក់ទំនងជាប្រពៃណី រវាងកងទ័ពប្រទេសទាំងពីរ ក្នុងនាមជាបងប្អូនភូមិផងរបងជាមួយគ្នា រួមសុខរួមទុក្ខនៅគ្រប់ដំណាក់កាល។ ឯកឧត្តមបន្តដោយ​​​ជឿជាក់ថា ៖ «តាមរយៈការជួបពិភាក្សាគ្នាពេលនេះ នឹងបន្តជំរុញលើកកម្ពស់ចំណងមិត្តភាព ភាតរភាព សា​មគ្គីភាព និងកិច្ចសហប្រតិបត្តិការរវាងកងទ័ពទាំងពីរឱ្យកាន់តែរីកចម្រើនថែមទៀត រួមចំណែកការថែរក្សាសន្តិភាព ស្ថិ​រភាព និងការអភិវឌ្ឍន៍​ប្រទេសទាំងពីរ ក៏ដូចជាក្នុងតំបន់អាស៊ានទាំងមូល»។ ​ ក្នុង​ជំនួបនោះ​នាយឧត្តមសេនីយ៍ក៏បាន​បញ្ជាក់ដែរ​ថា កងយោធពលខេមរភូមិន្ទកម្ពុជា​ នឹងបន្តអនុវត្តកិច្ចសហប្រតិបត្តិការគ្រប់ជ្រុងជ្រោយ និងពិធីសារដែលបានចុះហត្ថលេខាដោយរដ្ឋមន្ត្រីក្រសួងការពារជាតិប្រទេសទាំងពីរនាពេលកន្លងទៅ​ ដោយមានការ​បន្ត​ការផ្លាស់ប្តូរទស្សនកិច្ចគណៈប្រតិភូនៅគ្រប់កម្រិត ព្រមទាំងការបណ្តុះបណ្តាលធនធានមនុស្ស ការផ្លាស់ប្តូរព័ត៌​មានចារកិច្ច ការសហប្រតិបត្តិការសង្គ្រោះគ្រោះមហន្តរាយ និងការចូលរួមបង្កលក្ខណៈងាយស្រួលភារកិច្ចកំណត់ខណ្ឌ​សីមា និងការបោះបង្គោលព្រំដែន តាមផែនការរបស់រដ្ឋាភិបាលនៃប្រទេសទាំងពីរ។…

ភ្នំពេញ៖ នាយឧត្តមសេនីយ៍ សន្តិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មការចំពោះកិច្ចពិនិត្យ និងដោះស្រាយបញ្ហាដំណើរចេញ-ចូល របស់ពលករខ្មែរព្រំដែនកម្ពុជា បានដឹកនាំកិច្ចប្រជុំលេខាធិការដ្ឋានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូល របស់ពលករខ្មែរតាមព្រំដែននៃព្រះរាជាណាចក្រកម្ពុជា ដោយមានការអញ្ជើញចូលរួមពី ឯកឧត្តម ថោង សំអាត រដ្ឋលេខាធិការ ទីស្ដីការគណៈរដ្ឋមន្ត្រី និងតំណាងថ្នាក់ដឹកនាំមកពីក្រសួង សា្ថប័នពាក់ព័ន្ធជាច្រើនរូបផងដែរនាព្រឹកថ្ងៃពុធ ទី១៨ ខែតុលា ឆ្នាំ២០២៣។ គួរបញ្ជាក់ផងដែរថា កិច្ចប្រជុំលេខាធិការដ្ឋានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ-ចូល របស់ពលករខ្មែរតាមព្រំដែននៃព្រះរាជាណាចក្រកម្ពុជា មានរបៀបវារៈចំនួន០៣ រួមមាន៖ ១. ការបង្កើតគណៈកម្មការចំពោះកិច្ច២. ការបង្កើតក្រុមលេខាធិការដ្ឋានប្រចាំការ និងតួនាទីភារកិច្ច៣. ការធ្វើបទបង្ហាញអំពីការរៀបចំ និងដាក់ឱ្យប្រើប្រាស់ប្រព័ន្ធទំនាក់ទំនងទាន់ហេតុការណ៍ សម្រាប់ទទួលបណ្ដឹងពីពលករតាមរយៈលេខទូរស័ព្ទ និងវិធីប្រើប្រាស់ប្រព័ន្ធព័ត៌មានវិទ្យា ដើម្បីបូកសរុបពាក្យបណ្ដឹងដោយក្រុមការងារបច្ចេកទេសព័ត៌មានវិទ្យា៕ ដោយ-រ៉ាវុធ