ភ្នំពេញ៖ដោយទទួលបានការចង្អុល បង្ហាញ គាំទ្រ និងលើកទឹកចិត្តពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានរៀបចំដាក់ឱ្យដំណើរការសាកល្បងផ្លូវថ្មើរជើងមួយខ្សែ នៅតីរវិថីព្រះស៊ីសុវត្ថិ ចាប់ពីផ្លូវលេខ៩៤ រហូតដល់ផ្លូវលេខ២៤០ ស្ថិតក្នុងខណ្ឌដូនពេញ ចាប់ពីម៉ោង៦ល្ងាច រហូតដល់ម៉ោង១១យប់ រៀងរាល់ចុងសប្តាហ៍ ចាប់ពីថ្ងៃទី១ ខែកុម្ភៈ ឆ្នាំ២០២៥ដោយមិនអនុញ្ញាតឱ្យមានយានជំនិះគ្រប់ប្រភេទចរាចរឡើយ។ បើគិតរហូតមកដល់ពេលនេះ ផ្លូវថ្មើរជើង ១ខ្សែនេះ គឺមានអាយុកាល០១ឆ្នាំហើយ។ បើតាមការរំលឹករបស់លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរបស់រដ្ឋបាលរាជធានីភ្នំពេញ គឺកាលពីដំបូងឡើយ មានមតិរិះគន់ និងការគាំទ្រ របស់បងប្អូនប្រជាពលរដ្ឋមួយចំនួនបានដើរបញ្រ្ចាស់ទិសគ្នា ដោយអ្នកខ្លះបានលើកឡើងថា “វាមិនអាចទៅរួចទេ” “វាគ្មានបានប៉ុន្មានទេ” “មិនដឹងបិទផ្លូវចឹងចំណេញ ឬខាតទេ” “សង្ឃឹមថាការបិទផ្លូវនេះ មិនប៉ះពាល់ដល់ការរកស៊ីរបស់បងប្អូននៅតាមបណ្តោយផ្លូវនេះទៅចុះ” ។ល។ ប៉ុន្តែភាគច្រើនលើសលប់គឺជាមតិគាំទ្រ និងអបអរសាទរ របស់សាធារណជនចំពោះការរៀបចំដាក់ឱ្យដំណើរការផ្លូវថ្មើរជើងនេះ។ លោកស្រីអ្នកនាំពាក្យបានបន្តទៀតថា៖ ផ្តើមចេញពីការរៀបចំជាបណ្តើរៗ ដូចជាការកែលំអភ្លើងបំភ្លឺ ការរៀបចំកែលម្អ និងស្ថាបនាបន្ថែមបន្ទប់ទឹកសាធារណៈ ការរៀបចំឱ្យបងប្អូនអាជីវករអាចចូលលក់ដូរផលិតផល ម្ហូបអាហារនានា…

នៅក្នុងជំនួបជាមួយឯកអគ្គរដ្ឋទូតកូរ៉េថ្មី សម្តេចតេជោ ហ៊ុន សែន បានផ្តល់យោបល់ថា កម្ពុជានិងកូរ៉េ គួរពង្រីកទំនាក់ទំនងឱ្យក្លាយទៅជាដៃគូយុទ្ធសាស្ត្រគ្រប់ជ្រុងជ្រោយ។ នៅឆ្នាំក្រោយ គឺជាខួប៣០ឆ្នាំ នៃការបង្កើតទំនាក់ទំនងការទូតរវាងកម្ពុជា និងសាធារណរដ្ឋកូរ៉េ។ ក្នុងន័យនេះ សម្តេចតេជោ ហ៊ុន សែន បានជំរុញឱ្យភាគីទាំងពីរ គួរពង្រីកទំនាក់ទំនងឱ្យក្លាយទៅជាដៃគូយុទ្ធសាស្ត្រគ្រប់ជ្រុងជ្រោយ ព្រោះបច្ចុប្បន្ននេះ ទំនាក់ទំនងរវាងប្រទេសយើងទាំងពីរគឺមានភាពរីកចម្រើនស្ទើរគ្រប់វិស័យទៅហើយ។ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានថ្លែងដូច្នេះក្នុងឱកាសអនុញ្ញាតឱ្យឯកឧត្តម Kim Changyong ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសាមគ្គីភាពនៃព្រឹទ្ធសភា នាព្រឹកថ្ងៃព្រហស្បតិ៍ ទី២៩ ខែមករា ឆ្នាំ២០២៦ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា នៅក្នុងជំនួបនេះ សម្ដេចតេជោ ហ៊ុន សែន បានសម្ដែងនូវការអបអរសាទរដែលឯកឧត្តម ត្រូវបានតែងតាំងជា ឯកអគ្គរដ្ឋទូតសាធារណរដ្ឋកូរ៉េ ប្រចាំនៅព្រះរាជាណាចក្រកម្ពុជា។ សម្ដេចតេជោ បានចាត់ទុកវត្តមានឯកឧត្តមជាឯកអគ្គរដ្ឋទូតសាធារណរដ្ឋកូរ៉េប្រចាំនៅពេលនេះ ជាការបង្ហាញយ៉ាងច្បាស់ថាកូរ៉េខាងត្បូងបានផ្ដល់តម្លៃយ៉ាងខ្ពស់ចំពោះទំនាក់ទំនងរវាងកម្ពុជា-កូរ៉េ។ សម្ដេចតេជោ បានបន្ថែមថា…

ឯកឧត្តម ថងលុន ស៊ីសុលីត អគ្គលេខាធិការនៃគណៈកម្មាធិការមជ្ឈិមបក្សប្រជាជនបដិវត្តន៍ឡាវ និងជាប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ នឹងអញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជារយៈពេល២ថ្ងៃ គឺនៅថ្ងៃទី០៦ និងថ្ងៃទី០៧ ខែកុម្ភៈ ឆ្នាំ២០២៦ខាងមុខនេះ។ តាមគម្រោង ឯកឧត្តមប្រធានរដ្ឋឡាវនឹងចូលក្រាបថ្វាយបង្គំគាល់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងចូលរួមក្នុងកិច្ចប្រជុំកំពូលជាមួយថ្នាក់ដឹកនាំកម្ពុជាផងដែរ។ ឯកឧត្តមឧបនាយករដ្ឋមន្ត្រី ឈិន កេតនា អគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ បានដឹកនាំកិច្ចប្រជុំអន្តរក្រសួងមួយកាលពីព្រឹកថ្ងៃទី២៨ ខែមករា ដើម្បីពិភាក្សាអំពីការរៀបចំពិធីបដិសណ្ឋារកិច្ចទទួល និងជូនដំណើរគណៈប្រតិភូជាន់ខ្ពស់ឡាវ។ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជានៃរាជបណ្ឌិតសភាកម្ពុជា បានមើលឃើញថា ក្នុងដំណើរទស្សនកិច្ចរបស់ប្រធានរដ្ឋឡាវ មកកម្ពុជានាពេលខាងមុខនេះ ពិតជាមានសារៈសំខាន់ ក្នុងការលើកកម្ពស់ទំនាក់ទំនង និងកិច្ចសហប្រតិបត្តិការរវាងកម្ពុជានិងឡាវ ។ លោកបន្ថែមថា ប្រទេសទាំងពីរជារដ្ឋក្បែងខាងដែលមានទំនាក់ទំនងល្អជាមួយគ្នាជាប្រពៃណីយ និងមានកិច្ចសហប្រតិបត្តការគ្រប់ជ្រុងជ្រោយ ហើយភាគីទាំងពីរតែងតែគាំទ្រគ្នាទៅវិញទៅមកនៅគ្រប់វេទការ ទាំងថ្នាក់តំបន់និងអន្តរជាតិ។ ប្រទេសកម្ពុជា និងឡាវ បានបង្កើតទំនាក់ទំនងការទូតជាមួយគ្នាចាប់តាំងពីឆ្នាំ១៩៥៦មក។ ដើម្បីអបអរខួបលើកទី៧០នៃចំណងការទូតនេះ ព្រះមហាក្សត្រកម្ពុជាក៏មានគម្រោងយាងទៅធ្វើព្រះរាជទស្សនកិច្ចផ្លូវរដ្ឋនៅប្រទេសឡាវផងដែរ។ សូមបញ្ជាក់ថា ប្រទេសទាំងពីរមានព្រំដែនគោកជាប់គ្នាប្រវែង ៥៣៥ គីឡូម៉ែត្រ ដោយបច្ចុប្បន្ន បានកំណត់ការងារខណ្ឌសីមានិងបោះបង្គោលបាន ៤៦៥ គីឡូម៉ែត្ររួចហើយ ឬស្មើនឹងប្រហែល…

ភ្នំពេញ៖ វិទ្យាស្ថានជាតិអធិការកិច្ចបានប្រារព្ធពិធីបិទវគ្គបណ្តុះបណ្តាលជំនាញវិជ្ជាជីវៈអធិការកិច្ចជំនាន់ទី៧ វគ្គ៤ នាព្រឹកថ្ងៃទី២៣ ខែមករា ឆ្នាំ២០២៦ នៅទីស្តីការក្រសួងធិការកិច្ចកិច្ច។ វគ្គនេះមានសិក្ខាកាមចូលរួមសរុបចំនួន៥២នាក់ មកពីស្ថាប័នរដ្ឋសភា និងក្រសួងថ្នាក់ជាតិ ក្នុងនោះក៏មានថ្នាក់ការិយាល័យ ខុទ្ទកាល័យ និងព្រះរាជអាជ្ញាផងដែរ។ យើងតាមលោកស្រី ហៀក គឹមសុង នាយិការងវិទ្យាស្ថានជាតិអធិការកិច្ច វគ្គបណ្តុះបណ្តាលនេះឆ្លុះបញ្ចាំងពីការយកចិត្តទុកដាក់របស់ថ្នាក់ដឹកនាំនៃក្រសួងអធិការកិច្ច ដើម្បីចូលរួមផ្តល់និងបង្កើនសមត្ថភាពវិជ្ជាជីវៈអធិការកិច្ចដល់មន្ត្រីគ្រប់ផ្នែក គ្រប់ថ្នាក់ និងពង្រឹងក្រមសីលធម៌វិជ្ជាជីវៈ ការទទួលខុសត្រូវ ភាពថ្លៃថ្នូរ ប្រកបដោយសុចរិតភាព។ ប្រធានបទយកមកបណ្តុះបណ្តាល ផ្តោតជាសំខាន់ចំនួន ៧ ៖១. ទិដ្ឋភាពទូទៅនៃការងារអធិការកិច្ច,២. យុទ្ធសាស្ត្របញ្ចកោណ,៣. អធិការកិច្ចផ្អែកលើហានិភ័យ,៤. ស្ថាប័នអធិការកិច្ច និងមន្ត្រីអធិការកិច្ច,៥. អធិការកិច្ចហិរញ្ញវត្ថុ,៦. កំណត់ហេតុ និងរបាយការណ៍អធិការកិច្ច,៧. វិធីសាស្ត្រធ្វើអធិការកិច្ច។ ឯកឧត្តម ឆេង សារឿន រដ្ឋលេខាធិការក្រសួងអធិការកិច្ច តំណាងឯកឧត្តម សុខ សូកេន ក្នុងពិធីបិទវគ្គបណ្តុះបណ្តាលនេះបានរំលេចពីសារសំខាន់មិនអាចខ្វះបានរបស់ស្ថាប័នអធិការកិច្ច ក្នុងដំណើរការដឹកនាំ និងគ្រប់គ្រងទាំងក្នុងវិស័យសាធារណៈ និងឯកជន។ ស្ថាប័ននេះមាននៅស្ទើរគ្រប់ប្រទេសនៅក្នុងសកលលោក គ្រាន់តែការដាក់ឈ្មោះទៅតាមបរិបទសង្គម ឬតំបន់ភូមិសាស្ត្រតែប៉ុណ្ណោះ។ ទោះបីមានឈ្មោះខុសគ្នាក្តី ក៏តួនាទីភារកិច្ចរបស់ស្ថាប័នទទួលបន្ទុកវិស័យអធិការកិច្ចមានភាពស្រដៀងគ្នា ពោលគឺធ្វើអធិការកិច្ចដើម្បីលើកកម្ពស់អភិបាលកិច្ចល្អ និងធ្វើឱ្យប្រសើរឡើងនូវការផ្តល់…

ភ្នំពេញ៖ ក្រសួងវប្បធម៌ និងវិចិត្រសិល្បៈនៅថ្ងៃទី២២ ខែ មករា ឆ្នាំ ២០២៦នេះបានចេញសេចក្តីថ្លែងការណ៍មួយដើម្បីធ្វើការ ប្រឆាំងចំពោះគ្រប់សកម្មភាពរបស់ប្រទេសថៃ នៅប្រាសាទតាក្របី។ក្នុងសេចក្តីថ្លែងការណ៍របស់ខ្លួន ក្រសួងវប្បធម៌បានបញ្ជាក់ថាក្រសួងការបរទេសនិងសហប្រតិបត្តិការអន្តរជាតិកម្ពុជា ចុះថ្ងៃទី២ ខែមករា ឆ្នាំ២០២៦ធ្លាប់បានធ្វើការតវ៉ាចំពោះការរំលោភបំពានរបស់ថៃរួចមកហើយ និងពេលនេះ ក្រសួងវប្បធម៌និងវិចិត្រសិល្បៈសូមបន្តប្រកាសតវ៉ាប្រឆាំង នឹងសកម្មភាពនានារបស់ថៃ នៅប្រាសាទតាក្របី ទាំងសកម្មភាពផ្ទាល់មកលើប្រាង្គប្រាសាទ និងការសាងសង់ហេដ្ឋា រចនាសម្ព័ន្ធនានាជិតប្រាសាទ។ ក្រសួងវប្បធម៌និងវិចិត្រសិល្បៈ បានបញ្ជាក់ក្នុងសេចក្តីថ្លែងការណ៍របស់ខ្លួនដែរថា” ប្រាសាទតាក្របី ដែលថ្មីៗនេះទទួលរងការបាញ់បំផ្លាញ ពីយោធាថៃស្ទើរតែខ្ទេចរូបរាងទាំងស្រុង គឺជាទីតាំងបុរាណស្ថានអភិរក្សយ៉ាងខ្ជាប់ខ្ជួនដោយស្ថាប័នវប្បធម៌កម្ពុជា ជាទីតាំងគោរពសក្ការៈទៅតាមជំនឿ ប្រពៃណី ទំនៀមទម្លាប់របស់ប្រជាជនកម្ពុជាតាំងពីដើមរៀងមក”។ ជាមួយគ្នានេះក្រសួងវប្បធម៌និងវិចិត្រសិល្បៈបានធ្វើការប្រឆាំងជាដាច់ខាតចំពោះការប្រើប្រាស់កម្លាំងប្រដាប់អាវុធរបស់យោធាថៃ ក្នុងការឈ្លានពានកាន់កាប់ប្រាសាទតាក្របី និងគម្រោងនានាដែលធ្វើឱ្យប្រែប្រួលស្ថានភាពតំបន់នោះ។ ក្រសួងវប្បធម៌ និងវិចិត្រសិល្បៈ ចាត់ទុកថាសកម្មភាពឈ្លានពាននេះគឺជាការរំលោភបំពានទាំងស្រុងទៅនឹងគោលការណ៍ជាមូលដ្ឋាន និងមិនអាចបដិសេធបានច្បាប់អន្តរជាតិ ដែលហាមឃាត់ការកាន់កាប់ទឹកដីដោយប្រើប្រាស់កម្លាំង។ ក្រសួងវប្បធម៌និងវិចិត្រសិល្បៈ ស្នើភាគីថៃបញ្ឈប់សកម្មភាពបំផ្លិចបំផ្លាញ ក៏ដូចជាគម្រោងនានានៅជុំវិញ ប្រាសាទតាក្របី ដែលជាកម្មសិទ្ធិស្ថិតក្នុងដែនដីអធិបតេយ្យភាពកម្ពុជា និងងាកមករកការដោះស្រាយបញ្ហាព្រំដែន ដោយសន្តិវិធី និងគោរពទៅតាមសន្ធិសញ្ញាបារាំង-សៀម ឆ្នាំ១៩០៤ និង១៩០៧៕ ដោយ៖ម៉ាដេប៉ូ

វ៉ាស៊ីនតោន ៖ មេដឹកនាំអាមេរិក លោក ដូណាល់ ត្រាំ បានព្រមានធ្ងន់ៗថា រូបលោកមិនច្រានចោលឡើយ ចំពោះលទ្ធភាពផ្ទុះសង្គ្រាមជាមួយប្រទេសវេណេស៊ុយអេឡា ។ នៅក្នុងបទសម្ភាសន៍តាមទូរស័ព្ទជាមួយសារព័ត៌មាន NBC News កាលពីថ្ងៃសុក្រ ប្រធានាធិបតីអាមេរិករូបនេះ បាននិយាយយ៉ាងដូច្នេះថា ខ្ញុំមិនច្រានចោលវាទេ ដោយលោកចង់ដល់ការធ្វើសង្គ្រាមជាមួយវេណេស៊ុយអេឡា ។ ហើយលោក ត្រាំ ក៏មិនបានបដិសេធ ការអះអាងដែលថា នឹងទម្លាក់លោកប្រធានាធិបតីវេណេស៊ុយអេឡា នីកូឡាស់ ម៉ាឌូរ៉ូ ចេញពីអំណាច ដែលជាគោលដៅចុងក្រោយរបស់លោកនោះដែរ ។ ប្រធានាធិបតីអាមេរិកមានវ័យ៧៩ឆ្នាំរូបនេះ ក៏បានព្រមានដែរថា នឹងបន្តការរឹបអូសកប៉ាល់ដឹកប្រេងរំលោភទណ្ឌកម្មថែមទៀត បន្ទាប់ពីរូបលោកបានបញ្ជាឱ្យបិទផ្លូវនាវាដឹកប្រេងទាំងអស់ កាលពីថ្ងៃអង្គារ ដែលចូល និងចេញពីប្រទេសវេណេស៊ុយអេឡា ។ រដ្ឋបាលលោក ត្រាំ ក្នុងពេលប៉ុន្មានខែថ្មីៗនេះ បានបង្កើនសម្ពាធជាបន្តបន្ទាប់លើរបបដឹកនាំលោក ម៉ាឌូរ៉ូ ដោយដាក់ពង្រាយឧបករណ៍យោធាបន្ថែមទៀតទៅកាន់តំបន់ការ៉ាប៊ីន ក្រោមលេសអនុវត្តបេសកកម្មប្រឆាំងគ្រឿងញៀន ។ តួយ៉ាង យោធាអាមេរិកបានវាយប្រហារតាមអាកាសជាច្រើនលើកលើទូកដែលសង្ស័យថា ដឹកគ្រឿងញៀនខុសច្បាប់នៅក្នុងតំបន់ការ៉ាប៊ីន និងប៉ាស៊ីហ្វិក ចាប់តាំងពីខែកញ្ញាមក ដោយសម្លាប់មនុស្សយ៉ាងហោចណាស់ ៩៩នាក់ ៕ ប្រភព ៖…

កំពង់ធំ៖ សម្តេចកិត្តិសង្គបណ្ឌិត ម៉ែន សំអន បានរំលេច​ពី​ការគិតគូរជាប្រចាំរបស់រាជរដ្ឋាភិបាលចំពោះ​សុខ​ទុក្ខកងទ័ព និង​ធ្វើបច្ចុប្បន្នភាពស្ថានភាពការ​បង្កហេតុដោយកងទ័ពថៃ ចែករំលែកជូនដល់​រចនា​សម្ព័ន្ធគណៈចលនាមហាជនទូទាំង​ខេត្ត​កំពង់ធំ។ ពិធីសំណេះ​សំ​ណាលជាមួយរចនាសម្ព័ន្ធគណៈចលនាម​ហា​ជន ចំណុះគណៈកម្មាធិការបក្សប្រជាជនខេត្តកំពង់ធំ បាន​ប្រព្រឹត្តទៅកាលពីព្រឹកថ្ងៃទី៨ ខែធ្នូ ឆ្នាំ២០២៥ ដោយមានវត្តមានចូលរួមពីឯកឧត្តម ហ៊ុន ម៉ានី សមាជិកគណៈ​អចិន្រ្តៃយ៍​គណៈកម្មាធិការកណ្តាល និងជាអគ្គលេខាធិការគណៈចលនាមហាជន ឯកឧត្តម លោកជំទាវ អគ្គលេខាធិការរង ប្រធាន អនុប្រធានផ្នែក ចំណុះអគ្គលេខាធិការដ្ឋាន ថ្នាក់​ដឹក​នាំគណៈកម្មាធិការបក្សខេត្ត ក្រុង-ស្រុក និង​ឃុំ-សង្កាត់ ព្រមទាំង​រចនាសម្ព័ន្ធគណៈ​ចលនា​មហាជនទូទាំងខេត្តកំពង់ធំ សរុបប្រមាណ ៤០០ នាក់ចូលរួម។ អង្គពិធីបានស្តាប់ឯកឧត្តម នួន ផារ័ត្ន ប្រធានគណៈ​កម្មាធិ​ការ​បក្សខេត្ត និងជាប្រធានគណៈ​ចលនា​​មហា​​​ជន​ខេត្តកំពង់ធំ រាយការណ៍ អំពីស្ថានភាពទូទៅ និងវឌ្ឍនភាពការងារកសាងបក្ស និងការរៀបចំ​រច​នាសម្ព័ន្ធគណៈចលនាមហាជន ដែលសម្រេច​បា​ន​រួចមក ។ ក្នុងឱកាសនេះសម្តេចកិត្តិសង្គបណ្ឌិត ម៉ែន សំអន អនុប្រធាន​គ​ណ​បក្ស​ប្រជាជនកម្ពុជា ក៏បានអំពាវនាវ​ឱ្យ​គ្រ​ប់​រចនាសម្ព័ន្ធទាំង​អស់ត្រូវបន្តពង្រឹង​សតិ​អារម្ម​ណ៍​មហាជន ឱ្យបន្តជឿជាក់ និងគាំទ្រលើរាជរដ្ឋាភិ​បា​ល ក្នុងការ​ការពារអធិបតេយ្យ បូរណភាព​ដែនដី មិន​ឱ្យមានការរំលោភបំពានបានជាដាច់ខាត ៕ អត្ថបទ ៖ ឈឹម…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នា​យក​រដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម Bui Thanh Son ឧបនាយករដ្ឋមន្ត្រីនៃសាធារណរដ្ឋ​សង្គមនិយមវៀតណាម បានឯកភាពគ្នា បន្តជំរុញទំនាក់​ទំនង និងកិច្ចសហប្រតិបត្តិការទ្វេភាគី ឱ្យកាន់តែរឹងមាំ ។ នេះបើតាមលទ្ធផលនៃជំនួបរវាងសម្ដេចធិបតី និង​ឧបនាយករដ្ឋមន្ត្រីវៀតណាម នារសៀលថ្ងៃទី២៨ ខែ​វិច្ឆិកា ឆ្នាំ២០២៥ នៅវិមានសន្តិភាព ដែលបានបង្ហោះ​លើបណ្ដាញសង្គម ។ ក្នុងឱកាសនៃជំនួប, ឯកឧត្តម ឧបនាយករដ្ឋមន្ត្រី​វៀត​ណាម បានថ្លែងអំណរគុណយ៉ាងជ្រាលជ្រៅចំពោះ​សម្ដេច​បវរធិបតី ដែលបានអនុញ្ញាតឱ្យរូបឯកឧត្តម និង​គណៈប្រតិភូ ចូលជួបសម្ដែងការគួរសម និង​ពិភាក្សា​​ការងារ នាឱកាសនេះ។ ជាមួយគ្នានេះ, ឯកឧត្តមឧបនាយករដ្ឋមន្ត្រី ក៏បានកោត​សរសើរ និងវាយតម្លៃខ្ពស់ចំពោះការសម្រេចបាននូវ​សមិទ្ធ​​ផលជាច្រើនរបស់កម្ពុជា នាពេលកន្លងមក និង​មានជំនឿយ៉ាងមុតមាំថា ក្រោមការដឹកនាំប្រកប ដោយ​ភាពឈ្លាសវៃ និងចក្ខុវិស័យវែងឆ្ងាយរបស់សម្ដេចបវរ​ធិបតី កម្ពុជានឹងបន្តសម្រេចបាននូវសមិទ្ធផលថ្មីៗ ក៏​ដូច​​​ជា ការអភិវឌ្ឍប្រទេសជាតិ កាន់តែរីក​ចម្រើនបន្ថែម​ទៀត។ ចំពោះទំនាក់ទំនង និងកិច្ចសហប្រតិបត្តិការទ្វេភាគី កម្ពុជា​​-វៀតណាម, ឯកឧត្តមឧបនាយករដ្ឋមន្រ្តី ក៏បាន​សម្ដែងនូវការពេញចិត្ត និងវាយតម្លៃខ្ពស់ ចំពោះ​ភាព​រីកចម្រើននៃទំនាក់ទំនង និង​កិច្ចសហប្រតិបត្តិការ​ទ្វេ​ភាគីដ៏ល្អប្រសើរ…