ភ្នំពេញ៖ ក្រសួងការពារជាតិ ថ្ងៃទី២៥ ខែសីហា ឆ្នាំ២០២១ ទទួលផ្លែមៀន ឬតាង៉ែនចំនួន ៥តោន ដែលជាអំណោយដ៏ថ្លៃថ្លា របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះនាយទាហាន នាយទាហានរង និងពលទាហាន នៅតាមស្ថាប័នចំណុះក្រសួងការពារជាតិ។ ថ្នាក់ដឹកនាំក្រសួងការពារជាតិទាំងអស់ សូមគោរពថ្លែងអំណរគុណដ៏ជ្រាលជ្រៅខ្ពង់ខ្ពស់បំផុតជូនចំពោះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែយកចិត្តទុកដាក់ដល់ជីវភាពរស់នៅរបស់កងទ័ព និងបានជួយសម្រួលដល់ការលំបាករបស់ប្រជាកសិករ នៅតាមបណ្តាខេត្តជាប់ព្រំដែនកម្ពុជា-ថៃ ដែលជួបប្រទះនូវបញ្ហាក្នុងការនាំចេញទៅលក់នៅក្រៅប្រទេសដោយសារការរីករាលដាលជំងឺកូវីដ-១៩។ សម្ដេចតេជោ ហ៊ុន សែន បញ្ជាឱ្យនាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង ប្រមូលទិញផ្លែមៀន និងតាង៉ែន របស់កសិករនៅតាមបណ្ដាខេត្តជាប់ព្រំដែនកម្ពុជា-ថៃ ដែលជួបប្រទះនូវបញ្ហា ក្នុងការនាំចេញទៅលក់នៅក្រៅប្រទេស ដោយសារការឆ្លងរីករាលដាលជំងឺកូវី-១៩។ សម្តេចតេជោ ហ៊ុន សែន បានប្រកាសថា ផ្លែមៀនដែលសម្តេចប្រមូលទិញ ពីកសិករដាំដុះនៅតាមខេត្តជាប់ព្រំដែនថៃ…

ភ្នំពេញ៖ លោក ស៊ុយ សែម រដ្ឋមន្រ្ដីក្រសួងរ៉ែ និងថាមពល ថ្ងៃទី២៥ ខែសីហា ឆ្នាំ២០២១ អញ្ជើញចូលរួមក្នុងពិធីប្រគល់ទទួលអំណោយ ថ្នាំគ្រាប់របស់ចិន (LIANHUA QINGWEN JIAONANG) ចំនួន៨០,០០០ប្រអប់ ពីសំណាក់ក្រុមហ៊ុនចំនួន៧ សម្រាប់ចូលរួមប្រយុទ្ធប្រឆាំងនឹងជំងឺកូវីដ១៩។ ឧកញ៉ា ឡេង ឬទ្ធី ប្រធានសមាគមថ្មក្រានីតកម្ពុជា ថ្លែងថា ពិតជាមានកិត្តិយសណាស់ ដែលបានចូលរួមចំណែកជាមួយនឹងរាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឹកូវីដ១៩ ដោយបានបរិច្ចាគថ្នាំបុរាណចិន ប្រអប់ជូនដល់ក្រសួងរ៉ែ និងថាមពល ដើម្បីយកទៅចែកជូនដល់ប្រជាជន ដែលតំរូវការចាំបាច់ ក្នុងការប្រើប្រាស់សម្រាប់ព្យាបាលជំងឺកូវីដ១៩។ សូមគាំទ្រចំពោះរាជរដ្ឋាភិបាលកម្ពុជា បានចាត់វិធានការយ៉ាងត្រឹមត្រូវ ក្នុងការដោះស្រាយបញ្ហា ព្រមទាំងទទួលបានជោគជ័យ ក្នុងការយុទ្ធនាការចាក់វ៉ាក់សាំងទូទាំងប្រទេស។ លោកពិតជាសូមសម្ដែងនូវការកោតសរសើរ ដល់កិច្ចការរបស់រាជរដ្ឋាភិបាលកម្ពុជា ហើយសង្ឃឹមថា ពួកយើងនឹងឆ្លងកាត់ឧបសគ្គនេះ បានទាំងអស់គ្នា។ លោករដ្ឋមន្ត្រី ស៊ុយ សែម រៀបរាប់ពីស្ថានភាពជំងឺកូវីដ១៩ នៅក្នុងប្រទេសកម្ពុជា ក៏ដូចជានៅក្នុងខេត្តពោធិ៍សាត់ទាំងមូល ជូនដល់បណ្តាលថ្នាក់ដឹកនាំក្រុមហ៊ុនទាំង៧នេះ។ ខណៈថ្នាំគ្រាប់របស់ចិន (LIANHUA QINGWEN JIAONANG) ទាំង៨ម៉ឺនគ្រាប់នេះ នឹងអាចចូលចំណែកយ៉ាងខ្លាំង ជាមួយរាជរដ្ឋាភិបាល…