ភ្នំពេញ៖ បុរសម្នាក់ក្រោយពីផឹកស្រាបៀរអស់៣កំប៉ុងដែលអ្នកជិតខាងអោយ ស្រាប់តែទៅលោតពីលើផ្ទះជាន់ទី៤ ប៉ុនប៉ងសម្លាប់ខ្លួនតែមិនស្លាប់ ត្រូវបានក្រុមគ្រួសារបញ្ជូនទៅកាន់មន្ទីរពេទ្យភ្លាមៗ។ ហេតុការណ៍នេះ បានកើតឡើងកាលវេលាម៉ោង៤ និង១០នាទី ថ្ងៃទី១២ ខែកុម្ភៈ ឆ្នាំ២០២១ ស្ថិតនៅតាមបណ្តោយផ្លូវ៥១ សង្កាត់ផ្សារថ្មី៣ ខណ្ឌដូនពេញ រាជធានីភ្នំណេញ។ បុរសដែលលោតពីលើផ្ទះ មានឈ្មោះ គង់ សាវរ៉ាត់ អាយុ៣២ឆ្នាំ មុខរបរមិនពិតប្រាកដ បច្ចុប្បន្នស្នាក់នៅផ្ទះជាន់ទី៤ កន្លែងកើតហេតុខាងលើ។ យោងតាមការស្រាយបំភ្លឺពីស្រ្តីចំណាស់ម្នាក់ ដែលជាសាច់ញាតិជនរងគ្រោះ បានឲ្យដឹងថា នៅមុនពេលកើតហេតុ គង់ សាវរ៉ាត់ ជនរងគ្រោះខាងលើត្រូវបានអ្នកជិតខាងអោយស្រាបៀរចំនួន៣កំប៉ុង ហើយ គង់ សាវរ៉ាត់ បានយកទៅខាងលើផ្ទះនៅជាន់ទី៤ ផឹកម្នាក់ឯងអស់៣កំប៉ុង ហើយមិនដឹងមានមូលហេតុអ្វី ស្រាប់តែលោតពីលើផ្ទះចុះមកក្រោមតែម្តង បណ្តាលឲ្យរងបួសធ្ងន់បាក់ដៃខាងស្តាំ សន្លប់ស្តូកស្តឹង ត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យកាល់ម៉ែត្រភ្លាមៗ។ ប្រភពដដែល បានបញ្ជាក់ថា គង់ សាវរ៉ាត់ ពីមុនធ្លាប់ប្រើប្រាស់គ្រឿងញៀន មានប្រពន្ធនិងកូន៥នាក់ (នៅក្នុងផ្ទៃម្នាក់)។ បច្ចុប្បន្ននេះ ជនរងគ្រោះកំពុងសម្រាកព្យាបាលនៅមន្ទីរពេទ្យកាល់ម៉ែត្រ ចំណែកឯមូលហេតុនៃការលោតប៉ុនប៉ង់សម្លាប់ខ្លួននេះ នៅមិនទាន់មាននរណាម្នាក់បញ្ជាក់ពីមូលហេតុនៅឡើយទេ៕ ដោយ/ ឆៃហួត

សមត្ថកិច្ចកំពុងតាមចាប់ខ្លួនជនសង្ស័យ៥នាក់ដែលជាប់ពាក់ព័ន្ធនឹងហេតុការណ៍បាញ់សម្លាប់គ្នាដោយសារតែ ជម្លោះរឿងចរាចរណ៍។ សូមបញ្ជាក់ថាជម្លោះដោយសារការស្ទះចរាចរណ៍ នៅចំណុចមុខហាង លក់ទូរសព្ទ័ មួយ ឈ្មោះពន្លកថ្មី ក្នុងបុរីប៊ុនហួរ នៃភូមិព្រៃព្រីងខាងត្បូង១, សង្កាត់ចោមចៅ២ ខណ្ឌពោធិ៍សែនជ័យ វេលាយប់ម៉ោង ជាង៧ ថ្ងៃទី១១កុម្ភៈ បានបង្កឲ្យមានជាអំពើហិង្សាវាយតប់គ្នានិងនាំឲ្យមានជាអំពើបាញ់ប្រហារបង្ហូរឈាម។ មនុស្ស២នាក់បានស្លាប់និងម្នាក់ទៀតរងរបួសកំពុងទទួលការជួយសង្គ្រោះអាយុជីវិត។

ភ្នំពេញ ៖ អ្នកបើកម៉ូតូកង់បីឥណ្ឌាម្នាក់ មានទំនាស់ជាមួយម្ចាស់រថយន្តមួយគ្រឿង ខណៈបើកឈប់ចតមុខផ្ទះមួយភ្លែត ក៏កើតជាជម្លោះពាក្យសម្ដីដាក់គ្នាមួយប្រាវ រួចអ្នករត់ម៉ូតូកង់បីបានហៅបក្ខពួកមកបាញ់ប្រហារ បណ្ដាលឲ្យស្លាប់បុរស៣នាក់ជាបន្តបន្ទាប់ បង្កការភ្ញាក់ផ្អេីលកាលពីវេលាម៉ោង៧និង២៥នាទីយប់ ថ្ងៃទី១១ ខែកុម្ភៈ ឆ្នាំ២០២១ នៅចំណុចមុខហាងលក់ទូរស័ព្ទយីហោ «ពន្លក ថ្មី» តាមបណ្ដោយផ្លូវបេតុង ក្នុងបុរីប៊ុនហួរ ភូមិព្រៃព្រីងខាងត្បូង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

យោងតាមមន្ទីរប្រឆាំងគ្រឿងញៀននៅថ្ងៃទី៨កុម្ភៈឆ្នាំ២០២១ បានឲ្យដឹងថា កម្លាំងជំនាញ(ក៨)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ មាឃ ប៊ុនថុល នាយករងមន្ទីរ ព្រមទាំងមានការសម្របសម្រួលពីលោក ស៊ិត វណ្ណ: ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានស្រាវជ្រាវ និងឈានទៅបង្រាបករណីជួញដូរគ្រឿងញៀន ក្នុងភូមិសាស្ត្ររាជធានីភ្នំពេញ ៣គោលដៅផ្សេងគ្នាជាបន្តបន្ទាប់។គោលដៅទី១ នៅថ្ងៃទី៥កុម្ភ: ឆ្នាំ២០២១ នៅវេលាម៉ោង៦ និង១៥នាទីល្ងាច នៅចំណុចគល់ស្ពានជ្រោយចង្វារក្បែរង្វង់មូលបាយ័ន ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ គោលដៅទី២ នៅថ្ងៃទី៥កុម្ភ: ឆ្នាំ២០២១ នៅវេលាម៉ោង៧ និង១០នាទីល្ងាច នៅចំណុចមុខផ្សារដេប៉ូ ផ្លូវនិរុស ក្នុងសង្កាត់ផ្សារដេប៉េ២ ខណ្ឌទួលគោករាជធានីភ្នពេញ។គោលដៅទី៣ នៅថ្ងៃទី៦ កុម្ភ: ឆ្នាំ២០២១ នៅវេលាម៉ោង៨ និង៣០នាទីព្រឹក នៅចំណុចផ្លូវលេខ៥ ក្នុងបូរីពិភពថ្មី(ចំការដូង) សង្កាត់ដង្កោ ខណ្ឌដង្កោ រាជធានីភ្នំពេញ។ សមត្ថកិច្ចបានឃាត់ជនសង្ស័យ ចំនួន៣នាក់ ទី១ឈ្មោះ ធឿន តុលា ភេទប្រុស អាយុ ៣៣ឆ្នាំ ជនជាតិ ខ្មែរ។ទី២ ឈ្មោះ MATTEW…

ទំព័រហ្វេសប៊ុករបស់មន្ទីរប្រឆាំងគ្រឿងនៅថ្ងៃ៨កុម្ភៈឆ្នាំ២០២១ បានផ្សាយថាកម្លាំងជំនាញនៃមន្ទីរប្រឆាំងបទល្មើសគ្រឿងញៀនបានបង្ក្រាបករណីជួញដូរគ្រឿងញៀន ចាប់ខ្លួន ជនជាតិ ចិន២នាក់ និងរឹបអូសគ្រឿងញៀនជិត ១០ គីឡូក្រាម នៅរាជធានីភ្នំពេញ។ ការបង្ក្រាបនោះបានធ្វើឡើនៅថ្ងៃទី៥កុម្ភៈឆ្នាំ២០២១ ដោយកម្លាំងជំនាញនៃមន្ទីរប្រឆាំងបទល្មើសគ្រឿងញៀន(ក៧) មានការសម្របសម្រួលពី លោក អ៊ុ សុភ័ក្តិ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។ ការបង្ក្រាបករណីជួញដូរ រក្សាទុកគ្រឿងញៀន នៅចំណុចមុខបូរីប៉េងហូត បឹងស្នោ នៅតាមលើផ្លូវជាតិលេខ១ ខណ្ឌច្បារអំពៅ រាជធានីភ្នំពេញ។ បន្ទាប់មក សមត្ថកិច្ចឈានទៅឆែកឆេរផ្ទះលេខ៣៥ ផ្លូវP០៤ ក្នុងបូរីប៉េងហួត បឹងស្នោ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ ថែមទៀត។ ក្នុងប្រតិបត្តិការនោះ សមត្ថកិច្ចបានឃាត់ខ្លួនជនសង្ស័យជនជាតិចិនចំនួន២នាក់ គឺទី១ ឈ្មោះ JIA ZHIYANG ភេទប្រុស អាយុ ២៩ឆ្នាំ ជាមេក្លោង ធ្លាប់ជាប់គុក ១ឆ្នាំ ទើបចេញពីគុកបាន៣ខែ ពីបទរំលោភលើសេចក្តីទុកចិត្ត និងម្នាក់ទៀត ឈ្មោះ ZHANG LEILIN ភេទប្រុស អាយុ ២៦ឆ្នាំ ។…