កាលពីវេលាម៉ោង ២១ និង ០០ នាទី ត្រូវនិងថ្ងៃទី០៤ ខែកុម្ភៈ ឆ្នាំ២០២១ មានករណីហឹង្សាដោយចេតនា រវាងប៉េអឹមខេត្ត ម្នាក់ឈ្មោះ ផល អាយុ៥០ឆ្នាំ និង លោក តាំង ហូរ មុខរបរជាអ្នកសារព័ត៌មាន។ ហេតុការណ៍ផ្ទុះអាវុធ និងប្រើហឹង្សានេះ កើតឡើងនៅក្នុងហាងផឹកស៊ីយីហោ ៩៩៩៩ ស្ថិត ក្នុងភូមិទ្រាំង សង្កាត់ ស្លក្រាម ក្រុង សៀមរាប ។ តាមសេចក្តីរាយការណ៍ថា ក្នុងហេតុការណ៍ហឹង្សាដោយចេតនា ក្នុងហាងផឹកស៊ីយីហោ៩៩៩៩នេះ លោក តាំង ហូរ ជាអ្នកសារព័ត៌មាន ត្រូវបានលោក ផល មុខងារកងរាជអាវុធហត្ថ ដាល់មួយដៃបែកមាត់ ពេលនោះបានឈានដល់ការប្រតាយប្រតប់គ្នា បន្ទាប់មកលោក ផល បានដកកាំភ្លើងខ្លីម៉ាក៥៤បាញ់ ចំនួន ១គ្រាប់សំដៅលោក តាំង ហូរ ។ តែសំណាងល្អលោក តាំង ហូរ បានរត់គេចខ្លួនទាន់ពេលវេលា មិនបណ្តាលឲ្យរងរបួសដោយសារគ្រាប់កាំភ្លើងឡើយ។ លុះព្រឹកថ្ងៃទី០៥…

ភ្នំពេញ៖ ជនសង្ស័យ៥៤នាក់ ត្រូវបានសមត្ថកិច្ចឃាត់ខ្លួនក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំង ប្រទេសកម្ពុជា ថ្ងៃទី០៣ ខែកុម្ភះ ឆ្នាំ២០២១ ។ នាយឧត្តមសេនីយ៍ ខៀវ សុភ័គ បញ្ជាក់ថា ក្នុងចំណោមជនសង្ស័យទាំង៥៤នាក់ មាន១៦នាក់ ត្រូវបានឃាត់ខ្លួននៅក្នុង បទល្មើសព្រហ្មទណ្ឌ៤ករណី និងជនសង្ស័យ៣៨នាក់ ត្រូវបានឃាត់ខ្លួន ក្នុងបទល្មើសគ្រឿងញៀន ១ករណី។ លោកបានអំពាវនាវដល់ប្រជាពលរដ្ឋទាំងអស់អនុវត្តនូវពាក្យស្លោក «៣កុំ ១រាយការណ៍» ដែលមានន័យថា «កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត» ដែលកើតមាននៅមូលដ្ឋានរបស់ខ្លួន ជូនដល់សមត្ថកិច្ច៕

ភ្នំពេញ៖ ជនសង្ស័យ៥៣នាក់ ត្រូវបានសមត្ថកិច្ចឃាត់ខ្លួនក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំង ប្រទេសកម្ពុជា ថ្ងៃទី០២ ខែកុម្ភះ ឆ្នាំ២០២១ ។ នាយឧត្តមសេនីយ៍ ខៀវ សុភ័គ បានបញ្ជាក់បន្ថែមថា ក្នុងចំណោមជនសង្ស័យទាំង៥៣នាក់ មាន២៤នាក់ ត្រូវបានឃាត់ ខ្លួននៅក្នុងបទល្មើសព្រហ្មទណ្ឌ១៣ករណី និងជនសង្ស័យ២៩នាក់ ត្រូវបានឃាត់ខ្លួនក្នុងបទល្មើសគ្រឿងញៀន ១៤ករណី ។ លោកបានអំពាវនាវដល់ប្រជាពលរដ្ឋទាំងអស់អនុវត្តនូវពាក្យស្លោក «៣កុំ ១រាយការណ៍» ដែលមានន័យថា «កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត» ដែលកើតមាននៅមូលដ្ឋានរបស់ខ្លួន ជូនដល់សមត្ថកិច្ច ៕

ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ​បានលើកឡើងជម្រុញកម្លាំងនគរបាលរាជធានីភ្នំពេញត្រូវពង្រឹងសន្តិសុខ ការពារថែរក្សា​សណ្តាប់ធ្នាប់​នៅរដូវបុណ្យចូលឆ្នាំប្រពៃណីជនជាតិចិន-វៀតណាម នៅពេលខាងមុខនេះដោយធានាឱ្យបានសុខសុវត្ថិភាព​គ្រប់គ្រាន់ទាំងអាយុជីវិតនិងទ្រព្យសម្បត្តិជូនប្រជាពលរដ្ឋធ្វើដំណើរកម្សាន្តសប្បាយរីករាយ។ក្នុងនោះអនុវត្តវិធានការស្រាវជ្រាវបង្ការទប់ស្កាត់បទល្មើសគ្រប់ប្រភេទ ចេញដោះស្រាយបញ្ហាកកស្ទះចរាចរណ៍ និងត្រៀមអន្តរាគមន៍ទៅលើបបញ្ហាអគ្គីភ័យដែលនឹងកើតឡើងដោយប្រការណាមួយនោះ។           ការថ្លែងជម្រុញកម្លាំងនគរបាលរាជធានីភ្នំពេញបង្កើនការពារពង្រឹងសន្តិសុខពីសំណាក់ឯកឧត្តម អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញនៅក្នុងពីធីប្រកាសផ្ទេរភារកិច្ចតែងតាំងមុខតំណែង និងតំឡើងឋានន្តរសក្តិជូនមន្រ្តីនគរបាលជាតិនៃស្នងការដ្ឋាននគរបាល​រាជធានីភ្នំពេញចំនួន២១៧​រូបដែលរៀបចំធ្វើឡើងនៅស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី០២ ខែកុម្ភៈ ឆ្នាំ២០២១  ក៏មានការអញ្ជើញចូលរួមជាគណៈអធិបតីពីឯកឧត្តម ឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក ដែលជាតំណាងឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិនិងជាប្រធាននាយកដ្ឋានបុគ្គលិក។ ក្នុងនោះក៏មានការអញ្ជើញចូលរួមពីលោកលោកស្រីស្នងការរង លោកលោកស្រីនាយការិយាល័យជំនាញ និងលោកអធិការនៃអធិការដ្ឋាននគរបាលខណ្ឌទាំង១៤ផងដែរ។           នៅក្នុងពិធីនេះផងទៀត ឯកឧត្តម ឧត្តមសេនីយ៍ឯក ស ថេត ក៏បានដាក់បទបញ្ជាចាត់វិធានការទប់ស្កាត់ចំពោះក្មេងទំនើង ដែលដុតប៉ាវរឺជិះម៉ូតូបង្កសម្លេងលើសកម្រិតរំខានដល់ប្រជាពលរដ្ឋនិងបង្កប៉ះពាល់សណ្តាប់ធ្នាប់សុវត្ថិភាពសង្គម។ដោយការអនុវត្តចំពោះក្មេងទំនើងត្រូវធ្វើឱ្យបានម៉ឺងម៉ាត់អនុវត្តឱ្យបានត្រឹម្រូវតាមច្បាប់ចរាចរណ៍ផ្លូវគោកមិនត្រូវយោគយល់ក្មេងទំនើងបង្កទាំងនោះជាកូនអ្នកមាន អ្នកតូច រឺអ្នកធំណានោះឡើយ។           សូមបញ្ជាក់ថាមន្រ្តីនគរបាលជាតិនៃស្នងការដ្ឋាននគរបាលរាជធានីភ្នំពេញដែលត្រូវបានប្រកាសផ្ទេរភារកិច្ចតែងតាំងមុខតំណែង និងតំឡើងឋានន្តរសក្តិសរុប២១៧រូប ។ក្នុងនោះប្រកាសមុខតំណែង៨៦រូបនិងតំឡើងឋានន្តរសក្តិ១៣១រូប។ប្រកាសតែងតាំងនិងប្រគល់ភារកិច្ចលោកស្នងការរង០៥រូប,ថ្នាក់នាយរងការិយាល័យជំនាញ២៦រូប,ថ្នាក់អធិការរង៣១រូប,ថ្នាក់នាយផ្នែកការិយាល័យជំនាញនិងអធិការដ្ឋាននគរបាលខណ្ឌចំនួន១៨រូបនិងថ្នាក់នាយប៉ុស្តិ៍នគរបាលរដ្ឋបាល០៥រូបនិងបានប្រកាសតំឡើងឋានន្តរសក្តិថ្នាក់វរសេនីយ៍ឯក០៥រូប,ថ្នាក់វរសេនីយ៍ទោ៤៨រូបនិងថ្នាក់វរសេនីយ៍ត្រី៧៧រូប៕វិច្ឆការ

ភ្នំពេញ៖ បុរសជាកម្មករម្នាក់ បម្រើការក្នុងក្រុមហ៊ុនថ្មម៉ាបចាវឆឹង ត្រូវថ្មម៉ាបដួលសង្កត់ពីលើរហូតដល់ស្លាប់ ខណៈពេលកំពុងតែធ្វើការ។ ហេតុការណ៍នេះ បានកើតឡើងនៅវេលាម៉ោង៣ និង២០នាទីរសៀល ថ្ងៃទី០១ ខែកុម្ភៈ ឆ្នាំ២០២១ ស្ថិតនៅភូមិទ្រា៤ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ តាមប្រភពព័ត៌មានពីកន្លែងកើតហេតុ បានឱ្យដឹងថា ជនរងគ្រោះមានឈ្មោះ យឹម បូណា អាយុ ៣៣ឆ្នាំ បច្ចុប្បន្នស្នាក់នៅផ្ទះជួលក្បែរកន្លែងកើតហេតុ។ ហើយនៅមុនពេលកើតហេតុ ជនរងគ្រោះកំពុងតែធ្វើការ ដោយបានលីថ្មម៉ាបមួយផ្ទាំងធំ ហើយមិនដឹងមូលហេតុអ្វី ស្រាប់តែដួល បណ្តាលឱ្យថ្មម៉ាបនោះសង្កត់ពីលើចំក្បាលស្លាប់មួយរំពេចនៅកន្លែងកើតហេតុភ្លាមៗតែម្តង។ ជនរងគ្រោះមានប្រពន្ធ និងកូនតូចៗចំនួនពីរនាក់ រស់នៅជាមួយគ្នាក្នុងបន្ទុកគ្រួសារ។ ក្រោយពេលកើតហេតុ សពជនរងគ្រោះត្រូវបានសមត្ថកិច្ចពិនិត្យ និងធ្វើឯកសារប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅស្រុកកំណើត ខេត្តពោធិ៍សាត់៕ ដោយ/ ឆៃហួត និងប៊ុនធី