ភ្នំពេញ៖ យោងតាមរបាយការណ៍របស់លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ២០ ខែវិច្ឆិកា ឆ្នាំ ២០២០នេះថា កាលពីម្សិលមិញកម្លាំងប៉ុស្តិ៍នគរបាលភ្នំពេញថ្មី បានឃាត់ខ្លួនជនសង្ស័យ០២នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។ ជនសង្ស័យ០២នាក់ខាងលេីរួមមាន ៖ ទី១-ឈ្មោះ សុខ លី ភេទប្រុស អាយុ៣១ឆ្នាំ ជនជាតិខ្មែរ មុខរបរជាងឈើ ស្នាក់នៅបន្ទប់ជួល សង្កាត់បឹងទំពន់ ខណ្ឌមានជ័យ , ទី២-ឈ្មោះ យ៉ាន នីតា ភេទស្រី អាយុ៣០ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់បឹងសាឡាង ខណ្ឌទួលគោក (ពិនិត្យទឹកនោម) ។ បច្ចុប្បន្ននេះ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕ ដោយ ៖ ភារ៉ា និងប៊ុនធី

ភ្នំពេញ៖ កម្លាំងនគរបាលប៉ុស្តិ៍ឃ្មួញ នៃអធិការដ្ឋាននគរបាលខណ្ឌសែនសុខ បានស្រាវជ្រាវឃាត់ខ្លួនជនសង្ស័យម្នាក់ ពាក់ព័ន្ធ ករណីលួចម៉ូតូ កាលពីវេលាម៉ោង១៤ និង១០នាទីថ្ងៃទី១៩ ខែវិច្ឆិកា ឆ្នាំ២០២០ នៅចំណុចក្នុងការាសលក់រថយន្តអូតូម៉ល ផ្លូវបេតុង ភូមិឃ្មួញ សង្កាត់ឃ្មួញ ខណ្ឌសែនសុខ។ យោងតាមរបាយការណ៍របស់លោក ញាណ នន នាយប៉ុស្ដិ៍នគរបាល ឃ្មួញ បានឲ្យដឹងថា៖ ជនសង្ស័យខាងលេីមាន ឈ្មោះ គឹម រតនា ភេទប្រុស អាយុ៣៧ឆ្នាំ ជនជាតិខ្មែរ មុខរបរសន្តិសុខក្រុមហ៊ុនឯកជន ស្នាក់នៅបន្ទប់ជួល ផ្លូវបេតុង ភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ (មានសារធាតុញៀន)។ ចំណែកជនរងគ្រោះឈ្មោះ ចយ សំអូន ភេទប្រុស អាយុ២៩ឆ្នាំ ជនជាតិខ្មែរ មុខរបរបុគ្គលិកលក់រថយន្តអូតូម៉ល ស្នាក់នៅបន្ទប់ជួល ផ្លូវបេតុង ក្នុងសង្កាត់ជ្រោយចង្វា ខណ្ឌជ្រោយចង្វា ។ ក្នុងរបាយការណ៍របស់លោកនាយប៉ុស្តិ៍បានបន្តថា កាលពីថ្ងៃទី១៧-១១-២០២០ វេលាម៉ោង៥ និង៥០នាទី ជនសង្ស័យបានដើរមកចំណុចកើតហេតុខាងលើហើយបានធ្វើសកម្មភាពលួចយកម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ផលិតឆ្នាំ២០១១…

ភ្នំពេញ៖ យុវជន២នាក់បានដាច់ ក ស្លាប់ជាប់គ្នាលេីម៉ូតូមួយគ្រឿង និងម្នាក់ទៀតរងរបួសធ្ងន់ត្រូវបានបញ្ចូនទៅកាន់មន្ទីពេទ្យ បន្ទាប់ពីពួកគេជិះម៉ូតូឌុបគ្នាចេញពីផឹកស្រាក្រឡុកក្នុងល្បឿនលឿនជ្រុលទៅបុករថយន្តហ៊ីយ៉ាន់ដាយសណ្ដោងរុឺម៉កពីក្រោយ ពេញទំហឹង ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង២និង៣០នាទីរំលងអធ្រាត្រ ឈានចូលថ្ងៃទី២០ ខែវិឆ្ឆិកា ឆ្នាំ២០២០ ស្ថិតតាមបណ្ដោយផ្លូវបេតុង ត្រង់ចំណុចខាងក្រោយមន្ទីរពេទ្យឯករាជ្យ ប្រមាណ៣០០ម៉ែត្រ ក្នុងសង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។ សពជនរងគ្រោះទី១៖ មានឈ្មោះ តេង អាយុប្រហែល២០ឆ្នាំ មុខរបដឹកទឹកសុទ្ធ ស្នាក់នៅម្ដុំផ្សារទួលពង្រ សង្កាត់ចោមចៅ១ ខណ្ឌពោធិ៍សែនជ័យ និងមានស្រុកកំនើតនៅខេត្តព្រៃវែង និង ទី២៖ មិនទាន់ស្គាល់អត្តសញ្ញាណនៅឡើយទេ ។ បេីតាមសម្ដីមិត្តភ័ក្ត្ររបស់សពបានឲ្យថា មុនពេលកើតហេតុ យុវជនទាំង៣នាក់ខាងលេីបានជិះម៉ូតូមួយគ្រឿង ម៉ាកឌ្រីម០៧ ពណ៌ខ្មៅ ពាក់ស្លាកលេខតាកែវ 1C 3687 ជិះចេញពីផឹកស្រាក្រឡុកម្តុំកាណាឌីយ៉ា គោលបំណងត្រលប់ទៅកន្លែងស្នាក់នៅវិញ ដោយធ្វើដំណើរតាមបណ្ដោយផ្លូវបេតុពីជើងទៅត្បូងខណៈមកដល់ចំណុចកើតហេតុខាងលើបានជ្រុលទៅបុករថយន្តហ៊ីយ៉ាន់ដាយសណ្ដោងរុឺម៉ក ក្បាលពណ៌ស ពាក់ស្លាកលេខកំពង់ស្ពឺ 3A 1534 ដែលចតលើចំណីផ្លូវមុខរោងចក្រពីក្រោយពេញទំហឹងបណ្ដាលឲ្យជនរងគ្រោះដាច់ ក ស្លាប់២នាក់គរគ្នាលើម៉ូតូ និងម្នាក់ទៀតរងរបួសធ្ងន់ត្រូវបញ្ជូនទៅមន្ទីរពេទ្យ។ ភ្លាមៗនោះដែរតៃកុងរថយន្តហុីយ៉ាន់ដាយ ឃើញសភាពការណ៍មិនស្រួលបានបើករថយន្តចេញពីកន្លែងកើតហេតុបាន៣០០ម៉ែត្រ សង្ងំដេកក្នុងកាបីនរថយន្តធ្វើដូចជាមិនដឹងអ្វីកេីតឡេីង ។…

ភ្នំពេញ៖ កម្លាំងអន្តរាគមន៍ នៃអធិការដ្ឋាននគរបាលខណ្ឌដង្កោ បានដេញចាប់ខ្លួនជនសង្ស័យម្នាក់ភ្លាមៗ បន្ទាប់ពីជនសង្ស័យរូបនេះ ឆក់កាបូបលុយ ពីស្ត្រីម្នាក់កំពុងធ្វេីដំណេីរតាមផ្លូវ បានសម្រេច កាលពីវេលាម៉ោង១៣ និង៣០នាទី ថ្ងៃទី១៩ ខែវិច្ឆិកា ឆ្នាំ២០២០ នៅត្រង់ចំណុចក្បែរស្តុបការ៉េប្រាំបី ផ្លូវ២១៧ ស្ថិតក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ ។ សមត្ថកិច្ចបានឲ្យដឹងថា ជនរងគ្រោះឈ្មោះ ហាក់ ដានីន ភេទស្រី អាយុ៣៨ឆ្នាំ ជនជាតិខ្មែរ មុខរបរលក់ដូរ ទីលំនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ ។ ចំណែកជនសង្ស័យម្នាក់ដែលឃាត់ខ្លួនបាន មាន ឈ្មោះ ក្រួច តារាវិសាល ហៅ ហ៊ីម ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះលេខ៣៦៣ ផ្លូវលំ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ ក្នុងនោះដែរ សមត្ថកិច្ចបានចាប់យកវត្ថុតាងរួមមាន ៖ ១/ម៉ូតូ០១គ្រឿងម៉ាកហុងដាឃ្លីក…

ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញបានលើកឡើងថាសកម្មភាពសួរសុខទុក្ខ និងចែកអំណោយដល់បងប្អូនសន្តិសុខសណ្ដាប់ធ្នាប់ខណ្ឌទាំងនេះធ្វើឡើងដើម្បីជាការលើកទឹកចិត្តផង និងដូចជាការតបស្នងចំពោះកងកម្លាំងសន្តិសុខសណ្ដាប់ធ្នាប់ខណ្ឌទាំងអស់ដែលបានយកអស់កម្លាំងកាយចិត្តទាំងការថែរក្សាសណ្ដាប់ធ្នាប់ សន្តិសុខ សុវត្ថិភាពជូនប្រជាពលរដ្ឋក្នុងមូលដ្ឋានពិសេសក្នុងពេលមានបញ្ហាកម្មករប្រមូលសំរាមក្រុមហ៊ុន ស៊ិនទ្រី ធ្វើកូដកម្មមិនចេញប្រមូលសំរាមមួយរយៈនោះគឺបានកងកម្លំាងសន្តិសុខសណ្ដាប់ធ្នាប់ខណ្ឌនេះហើយដែលចេញជួយធ្វើការប្រមូលសំរាមក្នុងមូលដ្ឋានជាមួយអាជ្ញាធរមូលដ្ឋាន។ ប៉ុន្តែទោះបីជាយ៉ាងណាក្តីក្នុងឱកាសនោះដែរ ឯកឧត្តមឃួង ស្រេង ក៏បានសូមឱ្យកម្លាំងមានសមត្ថកិច្ចផ្សេងទៀតកុំច្រណែនជាមួយកងកម្លាំងសណ្ដាប់ធ្នាប់ខណ្ឌ ដោយសារតែកម្លាំងប្រជាការពារ ប្រាក់ខែឬបៀវត្សមិនដូចកងកម្លាំងប៉ូលិសនិងកងរាជអាវុធហត្ថនោះទេប្រាក់ឧបត្ថម្ភរបស់គាត់នៅមានកំរិត ពោលគឺប្រាក់ខែមន្ត្រីជាប់កិច្ចសន្យាបានប្រាក់ឧបត្ថម្ភតែ៦៧ម៉ឺនប៉ុណ្ណោះក្នុង១ខែ។ នេះបើតាមការលើកឡើងរបស់ឯកឧត្តម ឃួង ស្រេង អភិបាលរាជធានីភ្នំពេញ ខណៈដែលលោកដឹកនាំមន្ត្រីក្រោមឱវាទចុះសំណេសំណាលនិងផ្ដល់អំណោយជូនកម្លាំងសណ្តាប់ធ្នាប់ខណ្ឌចំនួន២ នោះគឺខណ្ឌព្រែកព្នៅនិងខណ្ឌឫស្សីកែវ នាព្រឹកថ្ងៃទី១៩ វិច្ឆិកា២០២០ ដើម្បីជាការលើកទឹកចិត្ត ដែលកងកម្លាំងសណ្ដាប់ធ្នាប់របស់យើងបានចូលរួមយ៉ាងសកម្ម ក្នុងការទប់ស្កាត់នូវបញ្ហាប្រឈមទាំងបីខាងលើនេះ ទទួលបានជោគជ័យ ។ ក្នុងឱកាសនោះដែរឯកឧត្តមអភិបាលរាជធានីភ្នំពេញក៏បានលើកឡើងថា៖ ក្នុងឆ្នំា២០២០នេះ រាជធានីភ្នំពេញមានបញ្ហាប្រឈមធំៗចំនួនបី ប៉ុន្តែយើងអាចជំនៈ ដោះស្រាយទទួលបានជោគជ័យ។ ប៉ុន្តែទោះបីជាយ៉ាងណាក្តី ក្រោមការដឹកនាំរបស់សម្ដេចអគ្គមហាសេនាបតីតេជោហ៊ុន សែន យើងបានជំនះនិងដោះស្រាយទទួលបានជោគជ័យ នោះគឺបញ្ហាសំរាម បញ្ហាទឹកជំនន់ នឹងបញ្ហាប្រឈមនិងជម្ងឺកូវីដ-១៩។ ចំពោះបញ្ហាប្រឈម៣ដែលបានលើកឡើងនេះឯ.ឧ ឃួង ស្រេង បានមានប្រសាសន៍បញ្ជាក់ថា៖ បញ្ហាទី១ គឺបញ្ហាសំរាម ដោយសារតែកម្មករក្រុមហ៊ុនស៊ីន ទ្រីធ្វើកូដកម្ម មិនព្រមប្រមូលសំរាមនៅក្នុងរាជធានីភ្នំពេញ ហើយក្នុងខណៈនោះ ក្រោមការដឹកនាំរបស់សម្ដេចតេជោ ក្រសួងមហាផ្ទៃបានសម្រេច…

ភ្នំពេញ៖ មនុស្ស៤នាក់ត្រូវបានបញ្ចូនទៅកាន់មន្ទីពេទ្យ ភ្លាមៗ បន្ទាប់ពីត្រូវរថយន្តស្តារិចក្រុមហ៊ុន កាពីតូល ដឹកអ្នកដំណើរបើបោះពួយយ៉ាងលឿនមិនប្រយ័ត្នជ្រុលទៅបុករថយន្តស្ទូចពីក្រោយពេញទំហឹង កាលវេលាម៉ោង១១និង៥០នាទីយប់ថ្ងៃទី១៨ខែវិឆ្ឆិកាឆ្នាំ២០២០ ស្ថិតតាមបណ្ដោយផ្លូវជាតិលេខ៦A ត្រង់ចំណុចបុរីបេងហួតក្នុងសង្កាត់ព្រែកលៀប ខណ្ឌជ្រោយចង្វារ ។ យោងតាមប្រភពពីកន្លែងកើតហេតុបានឲ្យដឹងថាមុនពេលកើតហេតុ គេឃើញរថយន្តស្តារិចពណ៌សពាក់ស្លាកលេខភ្នំពេញ2AC 0590 របស់ហ៊ុនកាពីតូលដឹកអ្នកដំណើរក្នុងទិសដៅពីកើតទៅលិចខណៈមកដល់ចំណុចកើតហេតុខាងលើបានជ្រុលទៅបុករថយន្តស្ទូចមិនមានស្លាកលេខមានតែលេខរៀង G20 បើកស្របគ្នាបានបត់ស្ដាំចូលបុរីប៉េងហួតពេញទំហឹងបណ្ដាលឲ្យតៃ និងភ្ញៀវអ្នករួមដំណើរគៀបជាប់រងរបួសធ្ងន់ត្រូវសមត្ថកិច្ច ក៏ដូចជាប្រជាពរដ្ឋនាំគ្នាជួយគាស់ចេញពីរថយន្តបញ្ជូនទៅសង្គោះជីវិតភ្លាមៗ។ ក្រោយកើតហេតុសមត្ថកិច្ចមូលដ្ឋានទាក់ទងជំនាញមកវាស់វែងយករថយន្តទាំងពីរគ្រឿងទៅរក្សាទុកនៅស្នងការាជធានីភ្នំពេញរងចាំដោះស្រាយគ្នាតាមច្បាប់នាពេលក្រោយ ៕ដោយ៖ ជីម ភារ៉ា