ភ្នំពេញ ៖ យោងតាមរបាយការណ៍របស់នគរបាលព្រហ្មទណ្ឌខណ្ឌចំការមន បានឲ្យដឹងនៅថ្ងៃទី២៨ ខែកក្កដា ឆ្នាំ ២០២១នេះ មានជនសង្ស័យម្នាក់ត្រូវបានសមត្ថកិច្ចជំនាញព្រហ្មទណ្ឌខណ្ឌចំការមន សហការជាមួយនគរបាលប៉ុស្តិ៍ផ្សារដើមថ្កូវ ចុះឃាត់ ខ្លួន រួមនឹងថ្នាំញៀនចំនួន១កញ្ចប់ធំល្មមដែលកិបនឹងលុយក្រដាសមួយរយរៀលទុកចែកចាយកាលពីវេលាម៉ោង៣និ៥០នាទីទៀបភ្លឺ ថ្ងៃទី២៧ ខែកក្កដា ឆ្នាំ២០២១នៅចំណុចខាងមុខផ្ទះលេខ៩ ផ្លូវលេខ៥០៨ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ សមត្ថកិច្ចបានឲ្យដឹងថា ជនសង្ស័យឈ្មោះ គង់ ឌីម៉ង់ ភេទ ប្រុស អាយុ៣៥ឆ្នាំ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។ លោក ផន អូន អធិការរងខណ្ឌចំការមន បានឱ្យដឹងថា ដោយមានប្រជាពលរដ្ឋល្អរាយការណ៍ថាមានមនុស្សប្រុសម្នាក់អង្គុយនៅលើម៉ូតូធ្វើឱ្យមានការសង្ស័យ ក៏បានរាយការណ៍មកសមត្ថកិច្ចហើយសមត្ថកិច្ចខណ្ឌក៏បានសហការជាមួយមេភូមិ នគរបាលប៉ុស្តិ៍តាមបទបញ្ជារបស់លោក យិន សាន អធិការ ខណ្ឌចំការមន រហូតឃាត់បានជនសង្ស័យរួមនឹងថ្នាំញៀនចំនួន១កញ្ចប់ធំល្មមកិបនឹងលុយក្រដាសមួយរយរៀលនាំមកផ្នែកជំនាញនៃអធិការដ្ឋានខណ្ឌ។ បច្ចុប្បន្ននេះ ជនសង្ស័យខាងលើត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕ដោយ ៖ ភារ៉ា និងប៊ុនធី

ភ្នំពេញ ៖ បុរសម្នាក់បើករថយន្តកូរ៉ូឡាមួយគ្រឿងមិនប្រយ័ត្នបានរេចង្កូតទៅកៀរនឹងរថយន្តហុីយ៉ាន់ដាយស្តារិច មួយគ្រឿងទៀតដែលម្ចាស់ចតនៅមុខផ្ទះបណ្តាលឲ្យរងការខូចខាតបន្តិចបន្តួច កាលពីវេលាម៉ោង០៩ និង១០ នាទីយប់ថ្ងៃទី ២៧ ខែកក្កដាឆ្នាំ ២០២១ នៅខាងកើតមន្ទីរពេទ្យកុមារជាតិតាមបណ្ដោយផ្លូវ ២៥៣ ក្នុងសង្កាត់ទឹកល្អក់ទី១ ខណ្ឌទួលគោក ហើយរថយន្តបង្កមិនឈប់ទទួលខុសត្រូវនោះទេបានព្យាយាមបើករត់រហូតដល់ផ្លូវ៥៩៨កែងនិងផ្លូវរថភ្លើងត្រឡោកបែក ក្នុងសង្កាត់បឹងកក់ទី២ ខណ្ឌទួលគោក ត្រូវជនរងគ្រោះនិងបងប្អូនប្រជាពលរដ្ឋដេញឃាត់ជាប់។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តទំនើបម៉ាកហ៊ីយ៉ាន់ដាយស្តារិច ពណ៌ស ពាក់ស្លាកលេខភ្នំពេញ2BJ-1865ចតនៅមុខផ្ទះ ខណៈនោះក៏មានរថយន្តកូរ៉ូឡា មួយគ្រឿង ពណ៌ស្ករ ពាក់ស្លាកលេខភ្នំពេញ2AX-4864ធ្វើដំណើរតាមបណ្តោយផ្លូវ ២៥៣ទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុខាងលើ ដោយមិនប្រយ័ត្នបានរេចង្កូតមកខាងស្ដាំកៀរផ្នែករថយន្តខាងមុខបណ្តាលឲ្យរងការខូចខាតបន្តិចបន្តួច ។ ភ្លាមនោះរថយន្តបង្កមិនបានឈប់ដោះស្រាយនោះទេបានព្យាយាមបើករត់ ត្រូវបានជនរងគ្រោះជិះដេញពីក្រោយទើបបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋឃើញហេតុការណ៍នេះនាំគ្នាជួយដេញរហូតដល់ចំណុចផ្លូវ៥៩៨ កែងនឹងផ្លូវរថភ្លើងត្រឡោកបែក ក្នុងសង្កាត់បឹងកក់ទី២ ខណ្ឌទួលគោក បាននាំគ្នាឃាត់ជាប់ ។ ក្រោយកើតហេតុសមត្ថកិច្ចមូលដ្ឋានបានចុះមកដល់ហើយបានធ្វើការឃាត់អ្នកបើកបរនិងរថយន្ត រួចឱ្យភាគីទាំងពីរធ្វើការសម្រុះសម្រួលគ្នាអស់រយៈពេលជិតមួយម៉ោងទើបខាងភាគីបង្កបានចេញសំណងចំនួន១៥០ដុល្លារទៅឲ្យភាគីខាងរងគ្រោះដើម្បីបញ្ចប់រឿងនៅកន្លែងកើតហេតុ៕ដោយ ៖ ជីម ភារ៉ា

ភ្នំពេញ ៖ បេីយោងតាម របាយការណ៍ របស់ លោកវរសេនីយ៍ឯក ជឹម សុីថា អធិការនគរបាលខណ្ឌដង្កោ បានឲ្យដឹងនៅថ្ងៃទី២៧ ខែកក្កដា ឆ្នាំ ២០២១នេះ មានករណីហិង្សាដោយចេតនាមានស្ថានទម្ងន់ទោស (ប្រើកាំបិតចាក់) បង្កឡេីងកាលពីថ្ងៃទី២៦ ខែកក្កដា ឆ្នាំ២០២១ វេលាម៉ោង០៦និង៣០នាទីព្រឹក ត្រង់ចំណុចសិប្បកម្មធ្វើប្រហិត ស្ថិតនៅភូមិត្រពាំងទា សង្កាត់ពងទឹក ខណ្ឌដង្កោ រាជធានីភ្នំពេញ ដោយសមត្ថកិច្ចឃាត់ខ្លួនជនសង្ស័យម្នាក់យកមកសួរនាំ ។ លោកវរសេនីយ៍ឯក ជឹម សុីថា អធិការនគរបាលខណ្ឌដង្កោ បានឲ្យដឹងទៀតថា ជនរងគ្រោះឈ្មោះ ស្រ៊ឺ ម៉េងហៀង ភេទប្រុស អាយុ១៧ឆ្នាំ ជនជាតិខ្មែរ មុខរបរកម្មករធ្វើប្រហិត ស្នាក់នៅភូមិត្រពាំងទា សង្កាត់ពងទឹក ខណ្ឌដង្កោ រាជធានីភ្នំពេញ ។ រីឯជនសង្ស័យម្នាក់ឈ្មោះ លី ហុង ភេទប្រុស អាយុ២៧ឆ្នាំ ជនជាតិខ្មែរ មុខរបរកម្មករធ្វើប្រហិត ស្នាក់នៅក្នុងសិប្បកម្ម ស្ថិតនៅភូមិត្រពាំងទា សង្កាត់ពងទឹក ខណ្ឌដង្កោ រាជធានីភ្នំពេញ…

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី២៧ កក្កដា​ ២០២១

ភ្នំពេញ៖ បុរសម្នាក់ជាជនជាតិចិន បានបេីករថយន្តម៉ាក Lexus RX300 មកចូលដកលុយនៅទូអេធីអឹមដោយមិនបានពន្លត់ម៉ាស៊ី លុះចេញមកវិញស្រាប់តែបាត់រថយន្តទេីបបង្កការភ្ញាក់ផ្អេីលកាលពីវេលាម៉ោង៩យប់ថ្ងៃទី២៦ ខែកក្កដា ឆ្នាំ២០២១ ស្ថិតនៅតាមបណ្តោយផ្លូវជាតិលេខ១ ស្ថិតនៅក្នុងសង្កាត់ ច្បារអំពៅ២ ខណ្ឌច្បារអំពៅ រាជធានីភ្នំពេញ។ ម្ចាស់រថយន្តរងគ្រោះមានឈ្មោះ Wei Shuangma អាយុ៧៩ឆ្នាំ។ យោងតាមប្រភពព័ត៌មានពីអ្នកបកប្រែបានប្រាប់ឲ្យដឹងថា នៅមុនពេលកើតហេតុ ម្ចាស់រថយន្តខាងលេី បានបេីករថយន្តមួយគ្រឿងម៉ាក Lexus RX300 ពាក់ស្លាកលេខ 2S-6160 ពណ៌ប្រផេះ បានចតរថយន្តបញ្ឆេះចោល នៅមុខធនាគារ ឈីហ្វ គោលបំណងចូលទៅដកលុយ។ ក្រោយពេលដកលុយរួច ចេញមកវិញស្រាប់តែបាត់រថយន្តតែម្តង។ ក្រោយពេលកើតហេតុ ម្ចាស់រថយន្ត បានទៅដាក់ពាក្យបណ្តឹងនៅ ប៉ុស្តិ៍នគរបាលរដ្ឋបាលខណ្ឌច្បារអំពៅ២ ដេីម្បីសុំការអន្តរាគមន៍តាមរកផងដែរ៕ដោយ៖ ជីម ភារ៉ា

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី២៦ កក្កដា​ ២០២១