ភ្នំពេញ ៖ រថយន្តអ្នកធ្វើដំណើរមួយគ្រឿង ត្រូវបានធ្លាក់ដែកនិងឥដ្ឋ ពីទីតាំងការដ្ឋានមួយកន្លែង ត្រូវរថយន្តម៉ាកព្រូស បណ្ដាលឱ្យរងការខូចខាត ប៉ុន្តែសំណាងល្អ មិនបណ្តាលឱ្យមានមនុស្សរងរបួសនោះទេ។ ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៤ និង២៥នាទីល្ងាច ថ្ងៃទី១៤ ខែកក្កដា ឆ្នាំ២០២១ នៅចំណុចស្តុបវត្តនាគវ័ន ស្ថិតតាមបណ្ដោយផ្លូវលេខ២២១ កែងមហាវិថីសហព័ន្ធរុស្សី សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ។ បើតាមប្រភពព័ត៌មាននៅកន្លែងកើតហេតុ បានឱ្យដឹងថា មុនពេលកើតហេតុ មាននារីម្នាក់ បើកបររថយន្តម៉ាកតូយ៉ូតាព្រូស ពណ៌ស ពាក់ស្លាកលេខ ភ្នំពេញ 2BA-7751 ធ្វើដំណើរចុះមកពីផ្លូវកម្ពុជាក្រោម តាមបណ្ដោយផ្លូវលេខ២២១ បើកបរខុសផ្លាកសញ្ញាចរាចរណ៍ ត្រូវបាននគរបាលចរាចរណ៍ប្រចាំការនៅគោលដៅអនុវត្តន៍ច្បាប់ ឃាត់រថយន្ត ខណៈពេលនោះ ម្ចាស់រថយន្តបានចតរថយន្តនៅចិញ្ជើមផ្លូវក្បែរទីតាំងការដ្ឋាន ដើម្បីចុះទៅធ្វើការផាកពិន័យ ក៏ស្រាប់តែទីតាំងការដ្ឋានខុនដូរបានធ្លាក់ដែកនិងឥដ្ឋត្រូវរថយន្តព្រូស បណ្ដាលឱ្យរងការខូចខាតធ្លុះដំបូលគម្របម៉ាស៉ីន ដំបូលខាងលើ និងបែកចង្ក្រៀងធំមុខខាងឆ្វេង ប៉ុន្តែសំណាងល្អ ក្នុងគ្រោះថ្នាក់ខាងលើនេះ មិនបណ្តាលឱ្យមានមនុស្សរងរបួសនោះទេ។ ក្រោយពេលកើតហេតុ តំណាងម្ចាស់ម៉ៅការសំណង់នៃការដ្ឋានខាងលើ បានចេញមុខមកដោះស្រាយសម្របសម្រួលគ្នា ជាមួយម្ចាស់រថយន្តព្រូស ដោយព្រមសងសំណងទៅខាងម្ចាស់រថយន្តព្រូសជួសជុលឱ្យដូចដើមវិញ ដើម្បីបញ្ជប់រឿងនៅកន្លែងហេតុតែម្តង៕ ដោយ/ ឆៃហួត

ភ្នំពេញ ៖ ជនសង្ស័យ២នាក់ ត្រូវបានកម្លាំងសមត្ថកិច្ចឃាត់ខ្លួន បន្ទាប់ពីធ្វើសកម្មភាពលួចរនាំងដែករបស់សមត្ថកិច្ចសម្រាប់ដាក់បិទផ្លូវ នូវតំបន់ត្រូវបិទខ្ទប់។ ហេតុការណ៍នេះ បានកើតឡើងកាលពីវេលាម៉ោង១១ និង ៥៥នាទីព្រឹក ថ្ងៃទី១៤ ខែកក្កដា ឆ្នាំ២០២១ ស្ថិតតាមបណ្តោយមហាវិថីសហព័ន្ធរុស្សី ត្រង់ចំណុចក្រោមស្ពានអាកាស ៧មករា ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ បើតាមប្រភពព័ត៌មាននៅកន្លែងកើតហេតុ បានប្រាប់ឱ្យដឹងថា នៅមុនពេលកើតហេតុ គេឃើញជនសង្ស័យទាំង២នាក់ បានជិះម៉ូតូសណ្តោងរុឺម៉កមួួយគ្រឿង គ្មានស្លាកលេខ មកដល់ចំណុចក្រោមស្ពានអាកាស៧មករា រួចបានធ្វើសកម្មភាពលួចលើកយករនាំងដែករបស់សមត្ថកិច្ចសម្រាប់ដាក់បិទផ្លូវ នូវតំបន់ត្រូវបិទខ្ទប់ ចំនួន២ផ្ទាំងដាក់លើរុឺម៉កបម្រុងបើកដឹកគេចចេញ តែត្រូវបានកម្លាំងសមត្ថកិច្ចឃើញទាន់ក៏ធ្វើការឃាត់ខ្លួនបានភ្លាមៗ។ គួររំលឹកផងដែរថា ជនសង្ស័យទាំង២នាក់នេះ កន្លងមកធ្លាប់ធ្វើសកម្មភាពបន្លំធ្វើទិញម៉ូតូ ពីបុរសម្នាក់ តែឱ្យលុយមិនទាន់គ្រប់ បែជាយកម៉ូតូរបស់ជនរងគ្រោះ ជិះរត់គេចខ្លួនបាត់ស្រមោល ទើបមកដល់ថ្ងៃទី១៤ ខែកក្កដា ឆ្នាំ២០២១ ស្រប់ពេលកម្លាំងសមត្ថកិច្ចឃាត់ខ្លួនជនសង្ស័យទាំង២នាក់នេះភ្លាម ជនរងគ្រោះ ក៏ឃើញជនសង្ស័យនិងម៉ូតូរបស់គាត់ដោយចៃដន្យ។ ក្រោយពេលកើតហេតុ កម្លាំងសមត្ថកិច្ចបាននាំខ្លួនជនសង្ស័យទាំង២នាក់ យកទៅប៉ុស្តិ៍នគរបាលរដ្ឋបាលទឹកល្អក់ទី១ ដើម្បីសួរនាំរួចបញ្ជួនខ្លួនទៅប៉ុស្តិ៍នគរបាលរដ្ឋបាលទឹកថ្លា ដើម្បីចាត់ការទៅតាមនីតិវីធីច្បាប់៕ ដោយ/ ឆៃហួត និងភារ៉ា

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី១៤ កក្កដា​ ២០២១

ភ្នំពេញ ៖ បុរសម្នាក់បេីករថយន្តសាំយ៉ុងដឹកផ្លែឈេី ក្នុងល្បឿនលឿន បានរេចង្កូតទៅបុកក្បាលព្រួចពុះចែកទ្រូងផ្លូវ បណ្ដាលឲ្យបាក់អស់បីកង់ ចំណែករថយន្តបានក្រឡាប់ផ្ងារជេីងរងការខូចខាតយ៉ាងដំណំ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង២ និង១០នាទី រំលងអធ្រាតឈានចូលថ្ងៃទី១៤ ខែកក្កដាឆ្នាំ២០២១ នៅតាមបណ្ដោយផ្លូវ២៨៩ កែងនិងផ្លូវ ៥២៨ ត្រង់ចំណុចស្តុបកងរាជអាវុធហត្ថលេីផ្ទៃប្រទេស ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ បើតាមប្រភពព័ត៌មានពីកន្លែងេីតហេតុបានឲ្យដឹងថា ដំបូងឡេីយមានបុរសម្នាក់បើករថយន្តមួយគ្រឿងម៉ាក សាំយ៉ុង ពណ៍ស ពាក់ស្លាកលេខ ភ្នំពេញ 2O-9743 ដឹកផ្លែឈេី ធ្វេីដំណេីរក្នុងល្បឿនលឿន ទិសដៅពីជេីងទៅត្បូង ខណះមកដល់ចំណុចកេីតហេតុខាងលេី ទំនងជាងងុយដេក បានរេចង្កូតទៅបុកក្បាលព្រួចពុះចែកទ្រូងផ្លូវ បណ្ដាលឲ្យបាក់អស់បីកង់ ចំណែករថយន្តក្រឡាប់ផ្ងារជេីងឡេីងលេីរងការខូចខាតយ៉ាងដំណំ តែសំណាងល្អមិនបណ្ដាលឲ្យអ្នកបេីករថយន្តនិងនរណាម្នាក់រងរបួសនោះទេ។ ក្រោយពេលកេីតហេតុ សមត្ថកិច្ចមូលដ្ឋាន បានចុះមកដល់ ក៏បានទាក់ទងទៅខាងជំនាញចរាចរណ៍ ឲ្យចុះមកធ្វេីការវាស់វែង ស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រង់ចាំដោះស្រាយតាមច្បាប់ ៕ ដោយ ៖ ភារ៉ា និងប៊ុនធី

ភ្នំពេញ ៖ បុរសម្នាក់ត្រូវបានរថយន្តសាមុយដឹកបញ្ចូនទៅកាន់មន្ទីរពេទ្យភ្លាមៗ បន្ទាប់ពីជិះម៉ូតូហុងដាឌ្រីមមួយគ្រឿងយ៉ាងលឿនមិនប្រយ័ត្នជ្រុលទៅបុករថយន្តFordពីចំហៀងខាងឆ្វេងពេញទំហឹង កាលវេលាម៉ោង៩ និង៤០នាទីយប់ថ្ងៃអង្គារ ទី១៣ ខែកក្កដា ឆ្នាំ២០២១ ស្ថិតនៅតាមបណ្ដោយផ្លូវ៤៣២កែងនិងផ្លូវ១០៥ ក្នុងសង្កាត់បឹងត្របែក ខណ្ឌចំការមន។ តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតគេឃើញបុរសម្នាក់ជិះម៉ូតូហុងដាឌ្រីម ស៊េរី២០២១ ពណ៌ខ្មៅ ពាក់ស្លាកលេខភ្នំពេញ1IR-7035 ធ្វើដំណើរតាមបណ្ដោយផ្លូវ១០៥ ទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចផ្លូវបំបែកជាបួនបានជ្រុលទៅបុករថយន្ត Ford ពណ៌ស ពាក់ស្លាកលេខភ្នំពេញ2BJ -7911 បើកបរដោយបុរសម្នាក់ តាមបណ្ដោយផ្លូវ៤៣២ ទិសដៅពីលិចទៅកើត ចំពីចំហៀងខាងឆ្វេងពេញទំហឹងបណ្ដាលឲ្យភាគីខាងម៉ូតូដួលរងរបួសធ្ងន់ចំណែករថយន្តFordបានរងការខូចខាត តែភ្លាមៗមិនបានឈប់នៅកន្លែងកើតហេតុនោះទេ ដោតបើកទៅមុខប្រហែល៣០ម៉ែត្រទេីបឈប់ ។ ក្រោយកើតហេតុ ជនរងគ្រោះជាម្ចាស់ម៉ូតូត្រូវបានរថយន្តសាម៉ុយដឹកយកទៅព្យាបាលរបួស ។ បន្ទាប់មកសមត្ថកិច្ចមូលដ្ឋានបានចុះមកដល់ចំណុចកើតហេតុហេីយបានទាក់ទងបន្តទៅសមត្ថកិច្ចជំនាញមកធ្វេីការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយគ្នានៅពេលក្រោយ៕ ដោយ ៖ ភារ៉ា និងប៊ុនធី

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី១៣ កក្កដា​ ២០២១

ថ្ងៃ អង្គារ ៤កេីត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវ នឹង ថ្ងៃ ទី១៣ ខែកក្ដដា ឆ្នាំ២០២១ នាយកដ្ឋាន នគរបាល ចរាចរណ៍ និងសណ្ដាប់ ធ្នាប់ សាធារណៈ ដោយបានការណែនាំ ដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នគរបាលជាតិ បានបេីកវគ្គបណ្ដុះបណ្ដាល តាម ប្រព័ន្ធ វីឌីអូ ស្តី ពីការប្រើប្រាស់ ឧបករណ៍តេស្តសំឡេង យាន យន្ត ដល់ សិក្ខាកាម ជា មន្ត្រី នគរបាល ចរាចរណ៍ ផ្លូវ គោក និង សណ្ដាប់ ធ្នាប់ ចំនួន ២៣៦នាក់ មកពី តាមបណ្តា ស្នងការ…