សន្តិសុខមាតុភូមិ៖ របាយការណ៍ទូទាំងប្រទេស ប្រចាំថ្ងៃទី២០ ឧសភា ឆ្នាំ២០២១៖

ភ្នំពេញ៖ ឯកឧត្តម វ៉ី សំណាង អភិបាលខេត្តកំពង់ស្ពឺបានចុះទៅជួបនិងសុំទោសក្មេងស្រីម្នាក់ដែលត្រូវសន្តិសុខផ្សារកំពង់ស្ពឺទាត់កញ្ចែ្រងលក់ព្រីងបណ្ដាលឲ្យកំពប់ទៅលើដី នាថ្ងៃទី១៩ ខែឧសភា ឆ្នាំ២០២១។ “ក្រោយបានឃើញហ្វេសប៊ុករបស់បងប្អូនដែលបានបង្ហោះរឿងសន្តិសុខផ្សារកំពង់ស្ពឺទាត់កញ្ច្រែងក្មួយស្រីលក់ព្រីងបណ្ដាលឲ្យកំពប់ទៅលើដី ខ្ញុំពិតជាមានការរន្ធត់ និងសោកស្ដាយយ៉ាងខ្លាំងចំពោះទង្វើអសីលធម៌បែបនេះ។ ក្នុងនាមក្រុមប្រឹក្សាខេត្ត គណៈអភិបាលខេត្ត និងខ្លួនខ្ញុំផ្ទាល់ ខ្ញុំសូមអភ័យទោសចំពោះទង្វើមិនគប្បីរបស់សន្តិសុខផ្សារកំពង់ស្ពឺបានប្រព្រឹត្តបែបនេះ ។ នេះជាប្រសាសន៍លោកអភិបាលខេត្តកំពង់ស្ពឺតាមរយៈបណ្តាញសង្គមហ្វេសប៊ុកនៅថ្ងៃទី២០ ខែឧសភា ឆ្នាំ២០២១ ។ ឯកឧត្តមថា ទង្វើអសីលធម៌របស់សន្តិសុខផ្សារកំពង់ស្ពឺបែបនេះ គឺមិនអាចលើកលែងបានឡើយ។ ជាមួយគ្នានេះ ឯកឧត្តមក៏បានសំណូមពរយ៉ាងទទូចដល់អាជីវករក៏ដូចជាប្រជាពលរដ្ឋទាំងអស់ត្រូវរក្សាឲ្យបាននូវសណ្ដាប់ធ្នាប់សាធារណៈ ជៀសវាងគិតតែប្រយោជន៍ខ្លួន ភ្លេចអំពីផលប៉ះពាល់ដល់ប្រយោជន៍អ្នកដទៃដែលត្រូវការប្រើប្រាស់ផ្លូវ។ ក្នុងឱកាសជួបផ្ទាល់ជាមួយក្មេងស្រី ឯកឧត្តមបានផ្តល់សម្ភារៈមួយចំនួនផងដែរ ដល់ក្មេងស្រីនេះ ៕ ដោយ -រ៉ាវុធ

ភ្នំពេញ ៖ បុរសម្នាក់ បើកម៉ូតូធំ ក្នុងល្បឿនលឿន ខ្វះការប្រុងប្រយ័ត្ន បុកម៉ូតូមួយគ្រឿងកំពុងតែឆ្លងផ្លូវពេញទំហឹង បណ្តាលឱ្យស្រ្តីម្នាក់ស្លាប់ភ្លាមៗ។ ក្នុងហេតុការណ៍ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៦ និង២០នាទីព្រឹក ថ្ងៃទី២០ ខែឧសភា ឆ្នាំ២០២១ នៅចំណុចខាងមុខច្រកចូលក្រសួងព័ត៌មាន ស្ថិតនៅតាមបណ្ដោយផ្លូវ ព្រះមុនីវង្ស ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។ សពមានឈ្មោះ ទ្រី ស្រីលីន ភេទស្រី អាយុ ២៥ឆ្នាំ មានមុខរបរលក់កាហ្វេ ស្នាក់នៅផ្ទះជួល ម្តុំឫស្សីកែវ។ បើតាមប្រភពព័ត៌មានពីប្រជាពលរដ្ឋ នៅកន្លែងកើតហេតុ បានឱ្យដឹងថា ជារៀងរាល់ថ្ងៃ ស្ត្រីរងគ្រោះតែងជិះម៉ូតូមួយគ្រឿង ម៉ាកហុងដាស្គូពីរ ពណ៌ស ពាក់ស្លាកលេខ ភ្នំពេញ 1GQ-2244 ដឹកកាហ្វេឱ្យភ្ញៀវ ដែលកម្មង់តាមរយៈប្រព័ន្ធទូរស័ព្ទ នៅម្តុំមន្ទីរពេទ្យជប៉ុន ដោយបានធ្វើដំណើរតាមបណ្ដោយផ្លូវ ព្រះមុនីវង្ស ហើយបានឆ្លងផ្លូវព្រះមុនីវង្ស បានពាក់កណ្តាលផ្លូវហើយ ក៏ស្រាប់តែមានបុរសម្នាក់ បើកម៉ូតូធំមួយគ្រឿង ម៉ាកកាវ៉ាសាគី Z1000 ពណ៌បៃតង ពាក់ស្លាកលេខ ភ្នំពេញ 1HW-0909 ធ្វើដំណើរតាមបណ្ដោយផ្លូវព្រះមុនីវង្ស…

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃ១៩ ឧសភា ឆ្នាំ២០២១៖

ក្រុមគ្រូពេទ្យ នៃមន្ទីរសុខាភិបាលខេត្តរតនគិរី ព្រឹកថ្ងៃទី១៨ ខែឧសភា ឆ្នាំ២០២១ បានធ្វើតេស្ដរហ័សលើកទី២  ទៅលើបុគ្គលិកស្រាបៀរហ្គេនស្បឺក(Gang Zber)ចំនួន២៧នាក់ ដែលបានដាក់អោយនៅធ្វើចត្តាឡីស័ក    រយៈពេល១៤ថ្ងៃ ដើម្បីធ្វើការតាមដានរោគសញ្ញាកូវិដ១៩ ដោយសារតែបុគ្គលឈ្មោះ នឹម អេង បានដឹកស្រាបៀរមកទំលាក់នៅដេប៉ូ កាលពីថ្ងៃទី០៤ ខែឧសភា ឆ្នាំ២០២១ (មានវិជ្ជមានកូវីដ១៩)។ តាមការអះអាងបញ្ជាក់ពីមន្ទីរសុខាភិបាលបានអោយដឹងថា ក្រុមគ្រូពេទ្យ នៃមន្ទីរសុខាភិបាលខេត្តរតនគិរី បានចុះយកសំណាកធ្វើតេស្តរហ័ស Rapid test (លើកទី២) ទៅលើក្រុមគ្រួសារ និងបុគ្គលិក កម្មករ ចំនួន ២៥នាក់ ដែលជាប់ពាក់ព័ន្ធជាមួយបុគ្គលឈ្មោះ នឹម អេង ( វិជ្ជមានកូវីដ-១៩ ) នៅចំនុចឃ្លាំងស្តុកស្រាបៀរហ្គេនស្បឺក សរុបចំនួន ២៥នាក់ ស្រី ០៤នាក់ ដោយលទ្ធផលធ្វើតេស្តគឺអវិជ្ជមាន ( – ) ទាំងអស់៕គតិ្ត យុទ្ធ

នាយប់ថ្ងៃទី១៧ ខែឧសភា ឆ្នាំ២០២១ មានបុរសម្នាក់ប្រើប្រាស់គ្រឿងញៀនលើសកម្រិតរហូតបាត់បង់ស្មារតី (បែកថ្នាំ) បានសម្រុកផ្លោះរបងចូលក្នុងមណ្ឌលសម្រាកព្យាបាលជំងឺកូវីដ-១៩ វិទ្យាល័យ ជា ស៊ីម សាមគ្គី នៅតាមបណ្តោយផ្លូវ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ បង្កការភ្ញាក់ផ្អើលដល់ក្រុមគ្រូពេទ្យដែលប្រចាំការ ក្នុងមណ្ឌល រហូតដល់ កម្លាំង គ-អន្តរាគមន៍ អាវុធហត្ថរាជធានីភ្នំពេញ ដែលឈរជើងការពារនៅទីតាំងនោះផ្ទាល់ នាំគ្នាដេញចាប់បុរសរូបនោះ រហូតបានសម្រេច។ ប្រតិបត្តិការ ឃាត់ខ្លួនជនសង្ស័យរបស់សមត្ថកិច្ចអាវុធហត្ថរាជធានីភ្នំពេញ ក្នុងសម័យកូវីដ-១៩ ពិតជាមានការលំបាកណាស់ ព្រោះសមត្ថកិច្ចមិនអាចស្មានដឹងថា ជនណាម្នាក់មានផ្ទុកជំងឺកូវីដនោះឡើយ ហេតុដូច្នេះហើយដើម្បីសុវត្ថិភាពដល់កងកម្លាំង ដែលអាចប្រឈមជាមួយការឆ្លងមេរោគគ្រប់ជំហាន មុនពេលចូលចាប់ជនណាម្នាក់ អាវុធហត្ថរាជធានីភ្នំពេញត្រូវស្លៀកសម្លៀកបំពាក់ការពារមេរោគផង ពាក់កំបាំងមុខផង ពាក់ម៉ាសផង ពាក់ស្រោមដៃផង និងត្រូវប្រើសម្ភារៈជំនួយក្នុងការចាប់ផងទើបហ៊ានចូលចាប់ជនទាំងនោះ។ ចំណែកសម្លៀកបំពាក់ការពារមេរោគដែលបានប្រើរួចហើយ មិនអាចប្រើម្តងទៀតបានទេគឺត្រូវតែបោះចោល ដែលជាផលវិបាក មួយផ្នែកបន្ថែមទៀត។ ជាក់ស្តែងដូចបុរសបែកថ្នាំខាងលើ ដែលមានឈ្មោះ វ៉ា អាយុ៣១ឆ្នាំ អាស័យដ្ឋានរស់នៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ ត្រូវបានកម្លាំងគ-អន្តរាគមន៍ អាវុធហត្ថរាជធានីភ្នំពេញ ដេញចាប់ដោយប្រុងប្រយ័ត្ន និងបានពិនិត្យ សំណាកឃើញថា ពុំមានសញ្ញាណវិជ្ជមានកូវីដ-១៩ ក៏បានបញ្ជូនទៅមជ្ឈមណ្ឌលកែប្រែផ្តាច់សារធាតុញៀន…

នៅក្នុងព្រឹត្តិការ សហគមន៍២០កុម្ភៈ បានបណ្តាលឲ្យជំងឺកូវីដ-១៩ ឆ្លងរាលដាលជាបន្តបន្ទាប់ អូសបន្លាយពេល មកដល់បច្ចុប្បន្ន ដែលនាំឲ្យមានមនុស្សឆ្លងជំងឺ ជាង២ម៉ឺននាក់ និងស្លាប់១៥៤នាក់ គិតត្រឹមថ្ងៃទី១៧ ខែឧសភា ឆ្នាំ២០២១នេះ។ ដោយអនុវត្តតាមការដឹកនាំចង្អុលបង្ហាញ ពីលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅក្នុងកាលៈទេសៈនេះ អាវុធហត្ថរាជធានី ភ្នំពេញ បានបញ្ចេញកម្លាំង ទៅចូលរួមយ៉ាងសកម្មទាំងយប់ទាំងថ្ងៃ ក្នុងប្រតិបត្តិការ បង្ការទប់ស្កាត់ ប្រយុទ្ធប្រឆាំង ការរីករាលដាលនៃជំងឺកូវីដ-១៩ គ្រប់រូបភាព ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ។ នារសៀលថ្ងៃទី១៧ ខែឧសភា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់នូវអំណោយដ៏ថ្លៃថ្លា រួមមានអង្ករនិងមី ចំនួន ១,៤៤៧…