ខណៈកំពុងជួបប្រទះយបញ្ហាកូវីដ-១៩មិនទាន់ធូរស្បើយផង គឺត្រូវបិទខ្ទប់ ហើយប្លុកខ្លះត្រូវកំណត់ជាតំបន់ក្រហមផង ឥឡូវបន្ថែមបន្ទុកធ្ងន់ដល់អាជ្ញាធរ មានសមត្ថកិច្ចទៀត ។ នៅយប់ថ្ងៃទី៥ ឧសភា ឆ្នាំ២០២១ ក្នុងភូមិសាស្រ្តក្រុងប៉ោយប៉ែត មានភ្លៀង និងខ្យល់កន្រ្តាក់ខ្លាំង បានធ្វើឱ្យប៉ះពាល់ខូចខាត រំលំផ្ទះប្រជាពលរដ្ឋ សរុប៧៣ខ្នង និងផ្សារ១កន្លែង។ នេះបើតាមលោកអធិការនគរបាលក្រុងប៉ោយប៉ែត អោយដឹងនៅ ថ្ងៃទី៦ ខែឧសភា ឆ្នាំ២០២១ ។ អាជ្ញាធរ និងកម្លាំងសមត្តកិច្ច ក៍ត្រូវរងផលប៉ះពាល់ រលំជម្រកស្នាក់ប្រចាំការក្នុងបេសកម្មបិទខ្ទប់តំបន់ក្រហម និងតាមបន្ទាត់ព្រំដែនជាច្រើនកន្លែងផងដែរ។ លោកបានបន្តថា ៖ តួលេខបឋម ក្នុងនោះ ៖  សង្កាត់មិនិត្ត ៣៤ ខ្នងផ្ទះ+ សង្កាត់ផ្សារកណ្តាល ២៣ ខ្នងផ្ទះ សង្កាត់ប៉ោយប៉ែត១៦ខ្នងផ្ទះ និងផ្សារមង្គលប៉ោយប៉ែត របស់លោកឧកញ៉ាហង្ស ស៊ីផា ចំនួន០១ ខ្នងធំ ៕ដោយ៖ ឃិន គន្ធា

អាជ្ញាធរខេត្តក្រចេះ  បានចេញសេចក្ដីសម្រេចបិទការចេញ-ចូលជាបណ្ដោះ អាសន្ននូវទីតាំងចំនួន៤ កន្លែង នៅព្រឹកថ្ងៃទី០៦ ខែឧសភា ឆ្នាំ២០២១ បន្ទាប់ពីរកឃើញអ្នកវិជ្ជមានកូវីដ១៩ថ្មីម្នាក់ទៀត ។ ការសម្រេចបិទទីតាំងទាំង៤កន្លែងនេះ គឺធ្វើឡើងបន្ទាប់ពីទីតាំងខាងលើនេះ មានការពាក់ព័ន្ធជាមួយអ្នកជំងឺកូវីដ១៩ម្នាក់ កាលពីពេលថ្មីៗនេះ និងដើម្បីចូលរួមទប់ស្កាត់ការឆ្លងរាលដាល នៃជំងឺកូវីដ១៩។ ទីតាំងសំខាន់ៗទាំង៤កន្លែងរួមមាន ទី១.បន្ទប់ពិគ្រោះព្យាបាលជំងឺ(យីហោ) ទាវ ប៊ូ  ទី២.ឱសថស្ថានរង សុខ ខេង ទី៣. ហាង លីកាម៉ាត២៥០០ និងទី៤ ហាងមីហិរ សេអ៊ូល ៧កំរិត ដែលទីតាំងទាំងនេះស្ថិតនៅសង្កាត់ក្រចេះ និងសង្កាត់អូរឫស្សី ក្រុងក្រចេះ។ ពាក់ព័ន្ធ ការចេញសេចក្តីប្រកាសបិទទីតាំងខាងលើ គឺ រដ្ឋបាលខេត្តក្រចេះ បានប្រកាសព័ត៌មានស្តីពីការរកឃើញអ្នកជំងឺកូវីដ១៩ម្នាក់ទៀតឈ្មោះ ប៉ូវ សុនិកា ភេទស្រី អាយុ២៣ឆ្នាំ មានស្រុក កំណើតនៅភូមិអូរត្រូន ឃុំក្បាលដំរី ស្រុកសំបូរ។ នៅក្នុងសេចក្តីប្រកាសព័ត៌មាន កាលពីថ្ងៃទី០៥ ខែឧសភា ឆ្នាំ២០២១ របស់រដ្ឋបាលខេត្តក្រចេះ បានបញ្ជាក់ថា ស្ត្រីដែលមានវិជ្ជមានកូវីដ១៩ បានធ្វើដំណើរតាមរថយន្តជាមួយឈ្មោះ តាំន វេងម៉េង…

ផ្សាយផ្ទាល់​ ៖​ មេឃភ្លៀងមួយមេធំ​ លាយឡំនិងខ្យល់កន្ត្រាក់​ ធ្វេីឲ្យដេីមឈេីមួយចំនួនត្រូវបានបាក់​ ។ ​ លោក​ ជីម​ ភារ៉ា​ អ្នករាយការណ៍

          ស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី០៤ ខែឧសភា ឆ្នាំ២០២១ បានចាប់បញ្ជូនជនសង្ស័យម្នាក់ ទៀតហើយ រស់នៅខណ្ឌដង្កោ រាជធានីភ្នំពេញ ទៅតុលាការចាត់ការតាមផ្លូវច្បាប់ ខណៈមិនអនុវត្តវិធានតាមវិធានការរបស់ក្រសួងសុខាភិបាល ដោយមិនបានធ្វើចត្តាឡីស័កត្រឹមត្រូវហើយធ្វើដំណើរទៅខេត្តតាកែវ បង្កការឆ្លងរាលដាលជំងឺកូវីដ១៩ ទៅលើមនុស្ស០៥នាក់ និងមនុស្សជាប់ពាក់ព័ន្ធដោយផ្ទាល់ និងប្រយោលជាង១០០នាក់ថែមទៀត។           លោកឧត្តមសេនីយ៍ទោ ប៊ុន ​សុសិក្ខា ស្នងការរងទទួលផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញ ប្រាប់ឱ្យដឹងថា ការស្រាវជ្រាវស៊ើបបអង្កេតក្នុងសំណុំរឿងបុគ្គលមិនអនុវត្តតាមវិធានក្រសួងសុខាភិបាល បង្កឱ្យឆ្លងរាលដាលជំងឺដ៏កាចសាហាវនេះទៅអ្នកដទៃ គឺក្រុមការងារគណៈកម្មាការអន្តរក្រសួង ដើម្បីប្រយុទ្ធកូវីដ១៩ សហការជាមួយស្នងការដ្ឋាននគរបាលរាជធានីភ្នំពេញ ជាម្ចាស់ករណីនៃការអនុវត្តចាប់បញ្ជូនជនសង្ស័យយកទៅអនុវត្តតាមនីវិធី។           លោកបានអោយដឹងទៀតថា ដំណើររឿង​​កាលពីថ្ងៃទី២១ ខែមីនា ឆ្នាំ២០២១ ជនសង្ស័យបានជិះម៉ូតូទៅជួបមិត្តភក្តិម្នាក់ ដែលបំរើការងារទូរទស្សន៍ខ្សែកាបផ្ទុកជំងឺកូវីដ១៩ នៅម្តុំផ្សារអូរប្ញស្សី  និងបានបើកគម្របមួកសុវត្ថិភាព និយាយជាមួយគ្នា។ បន្ទាប់មកនៅថ្ងៃទី២២ ខែមីនា ក្រោយពីដឹងព័ត៌មានថា មិត្តភក្តិដែលបានជួបនិយាយគ្នានោះ វិជ្ជមានកូវីដ១៩  ជនសង្ស័យក៏បានទៅផ្តល់វត្ថុសំណាកវិភាគរកកូវីដ១៩លើកទី១ នៅមន្ទីរពេទ្យមិត្តភាពខ្មែរ-សូវៀត ហើយគ្រូពេទ្យណែនាំឱ្យធ្វើចត្តាឡីស័កនៅផ្ទះ ដោយដាក់ខ្លួនដាច់ដោយឡែកពីគ្រួសារ។ បន្ទាប់មកលទ្ធផលលើកទី១ អវិជ្ជមាន ។នៅថ្ងៃទី២៧ ខែមីនា បានបន្តធ្វើតេស្ថលើកទី២ នៅវិទ្យាល័យបឹងត្របែក លទ្ធផល…

ស្ត្រីម្នាក់ដែលប្ដីមានវិជ្ជមានកូវិដ១៩  ហើយចចេសរឹងរូស ជេរដៀលប្រមាថ ដល់មន្ត្រីអាជ្ញាធរមានសមត្ថកិច្ច កងកម្លាំង និងអ្នកកាសែតផងនោះ នៅព្រឹកថ្ងៃទី៣០ ខែមេសា ឆ្នាំ២០២១ ត្រូវបានមន្ត្រីនាំខ្លួន ទៅយកសំណាក និងដាក់អោយធ្វើចត្តាឡីស័កហើយ ។ ស្ត្រីខាងលើមានឈ្មោះ លាង យុភីន អាយុ៣១ឆ្នាំ ជាប្រពន្ធរបស់ឈ្មោះ ហង្ស សុបាន អាយុ២៩ឆ្នាំ ដែលមានវិជ្ជមានកូវីត១៩ និងកូនឈ្មោះហង្ស កន្និកា អាយុ១ឆ្នាំ ១ខែ ។ ពួកគាត់មានលំនៅស្ថិត ក្នុងបូរីហ្គូដឡាក់  សង្កាត់/ក្រុងប៉ោយប៉ែត ខេត្តបន្ទាយមានជ័យ ។ សូមបញ្ជាក់ថា កាលពីព្រឹកថ្ងៃទី៣០ ខែមេសា ឆ្នំា២០២១ មានរឿងប្រទូស្តរាយមួយកើតឡើងមុខនៅផ្ទះរបស់ស្ត្រីនោះ ហើយស្ត្រីនោះបានប្រកែកក្រាញ មិនព្រម ចេញទៅអោយគ្រូពេទ្យធ្វើការយកសំណាករកមេរោគកូវីត១៩ ។ ប៉ុន្តែគាត់បានព្រមចេញមកត្រឹមមាត់ទ្វាររបងច្រកតូចនៃផ្ទះ  ហើយក៏ជេរបញ្ចោរ ដៀលប្រមាថ ដល់មន្ត្រីអាជ្ញាធរ កងកម្លាំងមានសមត្ថិកិច្ច និងអ្នកកាសែតផងដែរ គ្រាដែរក្រុមគ្រូពេទ្យ បានអញ្ជើញគាត់ទៅផ្តល់សំណាក និងធ្វើចត្តាឡីស័ក ៕ ដោយ៖ឃិន គន្ធា