រដ្ឋបាលខេត្តស្ទឹងត្រែង បានចេញសេចក្តីជូនដំណឹងនៅថ្ងៃទី២៩ ខែមេសា ឆ្នាំ២០២១ ដល់ប្រជានេសាទនៅទូទាំងខេត្ត ស្តីពីការបិទនេសាទ ដោយអនុវត្តចាប់ផ្ដើមបិទរដូវនេសាទ ពីថ្ងៃទី១ ខែឧសភា ដល់ថ្ងៃទី៣០ ខែកញ្ញា ឆ្នាំ២០២១ ទើបបើកឲ្យធ្វើការនេសាទឡើងវិញ ។ យោងតាមសេចក្តីជូនដំណឹង បានបញ្ជាក់ថា៖ រដ្ឋបាលខេត្តស្ទឹងត្រែង សូមជម្រាបជូនដំណឹងដល់   សាធារណៈជនទាំងអស់ ឲ្យបានជ្រាបថា៖ រដូវបិទនេសាទក្នុងដែននេសាទខេត្តស្ទឹងត្រែង គឺនឹងចាប់ផ្ដើមអនុវត្តពីថ្ងៃទី១ ខែឧសភា រហូតដល់ថ្ងៃទី៣០ ខែកញ្ញា ជារៀងរាល់ឆ្នាំ ។ នៅក្នុងកំឡុងពេលបិទនេសាទនេះ គឺមិនអនុញ្ញាតឲ្យធ្វើការនេសាទ ដោយប្រើប្រាស់ឧបករណ៍ មងគ្រប់ប្រភេទ សំដៅដើម្បីការពារត្រីមេពូជកំឡុងពេលបង្កកំណើត ។ ទទឹមជាមួយគ្នានេះដែរក្នុងរដូវបិទនេសាទ សូមឲ្យបងប្អូន មេត្តាបញ្ឈប់ជាបន្ទាន់ នូវការប្រើឧបករណ៍ខុសច្បាប់ ដូចជា៖ ឆក់ ប្រើថ្នាំបំពុល និងគ្រឿងផ្ទុះ ដែលនាំឲ្យវិនាសអន្តរាយ ដល់ធនធានជលផល និងមច្ឆាជាតិយ៉ាងធ្ងន់ធ្ង ។ គួរបញ្ជាក់ថា៖ ទោះបីនៅក្នុងកំឡុងពេល បិទរដូវនេសាទក៏ដោយ បងប្អូនប្រជានេសាទនៅតែអាចធ្វើការនេសាទបានដោយប្រើនូវឧបករណ៍នេសាទជាលក្ខណៈគ្រួសារ មានដូចជា សៃយឺន លប សំណាញ់ សន្ទូចផ្លែមួយ អង្រុត…

ជនជាតិឡាវម្នាក់លួចឆ្លងដែន ដោយគ្មានលិខិតអនុញ្ញាត្ត ចូលមកក្នុងទឹកដីកម្ពុជា ត្រង់ចំនុចភូមិ    សាស្ត្រឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ។ ជនជាតិឡាវខាងលើ ត្រូវបានអាជ្ញាធរឈរជើងនៅព្រំដែនកម្ពុជា-ឡាវ បញ្ជូនខ្លួនឲ្យវិលត្រឡប់ទៅប្រទេសកំណើតរបស់ខ្លួនវិញ កាលពីថ្ងៃទី ២៨ ខែមេសា ឆ្នាំ២០២១ ម្សិលម៉ិញ ។ លោកឧត្តមសេនីយ៍ទោ ស្វាយ  ញ៉ន មេបញ្ជាការតំបន់ប្រតិបត្តិការសឹករងខេត្តស្ទឹងត្រែង បានប្រាប់ឲ្យដឹងថា អាជ្ញាធរ និងយោធាព្រំដែន បានបញ្ជូនជនជាតិឡាវម្នាក់ដែលឃាត់ខ្លួនពាក់ព័ន្ធករណីលួចឆ្លងដែនចូលមកប្រព្រឹត្តបទល្មើសខុសច្បាប់ក្នុងទឹកដីកម្ពុជា ទៅឲ្យភាគីប្រទេសឡាវវិញហើយ ។ លោកឧត្តមសេនីយ៍ទោ មេបញ្ជាការក៏បានឲ្យទៀតថា នៅរយៈពេលប៉ុន្មានខែចុងក្រោយនេះ មានការឃាត់ខ្លួនជនជាតិឡាវដែលលួចឆ្លងដែនមកប្រព្រឹត្តបទល្មើសក្នុងទឹកដីខេត្តស្ទឹងត្រែង ដូចជាចាប់សត្វព្រៃ កាប់ឈើខុសច្បាប់ ហើយត្រូវសមត្ថកិច្ចការពារព្រំដែនឃាត់ខ្លួន និងបានបញ្ជូនទៅប្រទេសកំណើតវិញដោយរក្សាទំនាក់ទំនងល្អជាមួយគ្នារវាងអាជ្ញាធរ និងអាជ្ញាធរ ។ ចំណែកភាគីឡាវក៏ធ្លាប់ឃាត់ខ្លួនជនជាតិខ្មែរយើងដែរ ហើយក៏បានបញ្ជូនមកឲ្យកម្ពុជាវិញផងដែរ ។ករណីបែបនេះ កើតមានរាប់មិនអស់ ហើយក៏មិនមានការផ្ទុះអាវុធណាមួយកើតឡើងដែរ គឺការរក្សាទំនាក់ទំនងមិត្តភាពរវាងប្រទេសទាំងពីរបានយ៉ាងល្អ ៕

ឈើគ្រឿងផ្ទះប្រភេទលេខ១ និងលេខ២ ប្រមាណជា១០០ម៉ែត្រគូបត្រីគុណ ត្រូវបានបង្ក្រាប និងរឹបអូសដោយកម្លាំងអាវុធហត្ថខេត្តស្ទឹងត្រែង ដែលគេលាក់ទុកនៅក្នុងភូមិរិទ្ធីសែនជយ័១ ឃុំអូរស្វាយ ស្រុកបូរីអូរស្វាយសែនជ័យ ខេត្តស្ទឹងត្រែង ។ យោងតាមប្រភពបានឲ្យដឹងថាៈឈើទាំងនេះ ត្រូវបានឈ្មួញបញ្ជាទិញពីប្រជាពលរដ្ឋ ហើយដឹកយកមកស្តុកទុក ហើយធ្វើការកែច្នៃជាគ្រឿងផ្ទះត្រៀមនឹងដឹកជញ្ជូនចេញទៅកាន់គោលដៅ ។ លោកវរៈសេនីយ៍ឯក ដួង វិចិត្រ មេបញ្ជាការរងអាវុធហត្ថខេត្តបានឲ្យដឹងថា  ក្រោមការបញ្ជាផ្ទាល់ពីមេបញ្ជាការអាវុធហត្ថខេត្ត លោកក៏បានសហការជាមួយកម្លាំងជំនាញរដ្ឋបាលព្រៃឈើ ក្រោមការសម្របសម្រួលពីស្ថាប័នតុលាការ ចុះទៅធ្វើការត្រួតពិនិត្យ តែពុំមានឯកសារពាក់ព័ន្ធ ទើបឈានទៅដល់ការបង្រ្កាប និងយកមករក្សាទុកនៅខណ្ឌរដ្ឋបាលព្រៃឈើខេត្ត ជាលទ្ធផល នៅរសៀលថ្ងៃទី២៥ មេសា បន្ទាប់ពីបង្រ្កាប និងរឹបអូសជាក់ស្តែងឈើទាំងនោះមានចំនួន៤រថយន្តយីឌុប និងរថយន្តវ៉េអង ទើបធ្វើការជញ្ជូនអស់ ។ បើតាមមន្រ្តីជំនាញនៃខណ្ឌរដ្ឋបាលព្រៃឈើ បានឲ្យដឹងថា ឈើទាំងនេះ ជាប្រភេទឈើគ្រឿងផ្ទះ ។   ក្នុងនោះឈើប្រភេទលេខ១ មានដូចជា.ឈើស្រឡៅ និងឈើខ្វាវ ។ រីឯឈើប្រភេទលេខ២ ជាឈើខ្លុង ។ ចំណែកម្ចាស់ឈើមិនត្រូវបានស្គាល់នោះឡើយ ហើយឈើទាំងអស់នោះ ជំនាញមិនទាន់បានធ្វើការវាស់វែងនៅឡើយដែរ។ តែមន្រ្តីជំនាញបានប៉ាន់ស្មានថា អាចមានចំនួនប្រហាក់ប្រហែល១០០ម៉ែត្រគូបត្រីគុណ ។ បច្ចុប្បន្ន វត្ថុតាងឈើត្រូវបានជំនាញរក្សាទុកនៅខណ្ឌ ហើយត្រៀមបញ្ជូនឯកសារទៅកាន់តុលាការ…

លោកវិរសេនិយ៍ឯក រិទ្ឋ សូណា អធិការនគរបាលស្រុកត្បែងមានជ័យ  ទទួលបានកោតសរសើរពីថ្នាក់ដឹកនាំ តាមរយៈប្រជាពលរដ្ឋក្នុងមូលដ្ឋានស្រុក​ត្បែងមាន​ជយ័ ខេត្តព្រះវិហារ   ក្នុងការដឹកនាំរក្សាសន្តិសុខ  សណ្តាប់ធ្នាប់  ក្នុងអំឡុងពេលចុះអនុវត្តបិទបំរាមគោចរ  ក្នុងកំឡុងពេលនៃ​ការឆ្លងរីករាលដាល​ជំងឺកូវីដ១៩  ចូលក្នុងសហគមន៍។ លោកវិរសេនិយ៍ឯករិទ្ឋ សូណា អធិការនគរបាលស្រុកត្បែងមានជ័យបាន អោយដឹងថា  លទ្ធផល ទាំង នេះគឺស្តែងចេញពីការណែនាំបង្ហាញរបស់ លោក ស៊ូ សិរី អភិបាលរងខេត្ត លោក នុត សោភណ្ឌ័ អភិបាលស្រុកត្បែងមានជ័យ ពិសេសជាពីសំណាក់ ឯកឧត្តម ឧត្តមសេនិយ៍ទោ សួស សុខដ៉ារ៉ា ស្នងការនគរបាលខេត្ត​ព្រះវិហារ ក្នុងគ្រប់គ្រងធនធានមនុស្សបានល្អ  ។ លោកវិរសេនិយ៍ឯក  ប្តេជ្ញាចិត្តថា  នឹងទទួលរាល់បទបញ្ជារបស់ថ្នាក់លើយកមកអនុវត្តន៍  ទោះបីហត់នឿយភ្លៀងផ្គរយ៉ាងណាក៍ដោយ  ត្រូវតែអនុវត្ត​បំពេញភារកិច្ចជូនថ្នាក់ដឹកនាំអោយបានល្អ ព្រោះថានេះជាតួនាទីនឹងភារកិច្ចត្រូវបំរើប្រជាពលរដ្ឋនឹងអង្គភាព ៕ ឈឿន ចាន់