ខេត្តព្រះវិហារ៖ ជនសង្ស័យ ៤នាក់ ដែលជាប់ពាក់ព័ន្ធនឹងករណីធ្វើដំណើរឆ្លងខេត្ត និងការផ្ទុកនូវសារធាតុញៀន ក្នុងកាលៈទេសៈ ដែលរដ្ឋបាលខេត្តព្រះវិហារ ដាក់ចេញនូវវិធានាការហាមឃាត់ និងការដាក់ចេញ នូវសេចក្តីសម្រេចរបស់រាជរដ្ឋាភិបាល ដើម្បីរកវិធានការទប់ស្កាត់ឲ្យមានប្រសិទ្ធភាព ពីការឆ្លងរាលដាលជំងឺកូវីដ ១៩ ចូលក្នុងសហគមន៍នោះ នៅល្ងាចថ្ងៃទី២០មេសាឆ្នាំ២០២១ ជនសង្ស័យទាំង ៤នាក់ ត្រូវបានចៅក្រមស៊ើបសួរ នៃសាលាដំបូងខេត្តព្រះវិហារ បានចេញដីកាបង្គាប់ឲ្យឃុំខ្លួនជាបណ្តោះអាសន្ននោះហើយ នៅក្នុងពន្ធនាគាខេត្ត ក្រោយកម្លាំងកងរាជអាវុធហត្ថខេត្ត ប្រចាំការនៅព្រំប្រទល់ខេត្តព្រះវិហារ និងខេត្តឧត្តរមានជ័យ ឃាត់ខ្លួនកាលពីថ្ងៃទី១៨មេសាកន្លងមកនេះ។   ព្រះរាជអាជ្ញារង នៃអយ្យការអមសាលាដំបូងខេត្តព្រះវិហារ លោក វុធ សាវី បានថ្លែងប្រាប់អ្នកសារព័ត៌មានថា ជនសង្ស័យទាំង ៤នាក់ ដែលត្រូវបានតុលាការខេត្ត សម្រេចឃុំខ្លួនជាបណ្តោះអាសន្ននៅក្នុងថ្ងៃនេះ គឺជាប់ពាក់ព័ន្ធនឹងបទល្មើសពីរករណី គឺ ១.ជាប់ពាក់ព័ន្ធនឹងការលួចធ្វើដំណើរឆ្លងទៅមកចូលខេត្ត គឺឆ្លងពីខេត្តព្រះវិហារ ទៅកាន់ខេត្តឧត្តរមានជ័យ ល្មើសនឹងវិធានការដ្ឋបាលខេត្តព្រះវិហារ និងសេចក្តីសម្រេចរបស់ រាជរដ្ឋាភិបាល ក្នុងមាត្រា១១ ច្បាប់ ស្តីពី វិធានការទប់ស្កាត់ការឆ្លងរីករាលដាលជំងឺកូវី១៩ និង២.មានផ្ទុកទៅដោយសារធាតុញៀនខុសច្បាប់។   លោកព្រះរាជអាជ្ញារងខេត្តព្រះវិហារ បានបញ្ជាក់ថា ដើម្បីអនុវត្តសេចក្តីសម្រេចរបស់ រាជរដ្ឋាភិបាល…

ខេត្តកណ្តាល៖ នៅព្រឹកថ្ងៃច័ន្ទ ទី១៩ ខែមេសា ឆ្នាំ២០២១នេះ ឯកឧត្តម ឧត្តមសេនីយ៍ត្រី នៃ និយម មេបញ្ចាការតំបន់ប្រតិបត្តិការសឹករងកណ្តាល បានដឹកនាំកងកំលាំងក្រោមបង្គាប់ គោរពទង់ជាតិនៃព្រះរាជាណាចក្រកម្ពុជា រៀងរាល់ថ្ងៃចន្ទ័ ។ បន្ទាប់ពីពិធីគោរពទង់ជាតិបញ្ចប់ ឯកឧត្តម មេបញ្ជាការ បានណែនាំការងារទាក់ទងទៅនិងបញ្ហានៃជំងឺកូវីដ១៩ដែលកំពុងរីកររាលដាលយ៉ាងខ្លាំងនៅក្នុងរាជធានីភ្នំពេញ និងក្រុងតាខ្មៅនេះ សំរាប់កងកំលាំងដែលមិនមានបេសកកម្ម ទៅខាងក្រៅ ត្រូវត្រៀមប្រចាំការ ដើម្បីចូលរួមទប់ស្កាត់ ក៏ដូចជាដើម្បីសំអាតអនាម័យនៅតាមមណ្ឌលផ្សេងៗ ទៅតាមបទបញ្ជាររបស់ថ្នាក់លើ។ ជាមួយគ្នានេះ ឯកឧត្តម មេបញ្ជាករក៏បានធ្វើការផ្សព្វផ្សាយរបៀបវរៈនៃការចាក់វ៉ាក់សាំង លើកទី២របស់គ្រួសារយោធិន និងគ្រួសារអតីតយុទ្ធជន ទៅតាមការកំណត់របស់ ក្រុមការងារចាក់វ៉ាក់សាំងយោធភូមិភាគពិសេស ហេតុដូច្នេះកងកម្លាំងទាំងអស់ត្រូវប្រាប់ទៅក្រុមគ្រួសារត្រៀមខ្លួនទៅតាមពេលវេលាកំណត់។ ឯកឧត្តម នៃ និយម មេបញ្ជាការតំបន់ប្រតិបត្តិការសឹករងកណ្តាល បានធ្វើការចែកម៉ាស់ម្នាក់១ដុំ និងអាកុលមួយដបទុកសំរាប់ប្រើប្រាស់ និងត្រូវប្រកាន់ខ្ជាប់ជានិច្ចនូវវិធានការណែនាំនានារបស់ក្រសួងសុខាភិបាល ពិសេសវិធានការណ៍ដាក់ចេញដោយសម្តេចអគ្គមហាសេនាបតីតេជោ ហ៊ុន សែន គឺ ៣ការពារ និង៣កុំជាប់ជានិច្ច គ្រប់ពេលវេលា និងគ្រប់ទីកន្លែង៕

ខេត្តបន្ទាយមានជ័យ៖ រថយន្ត១គ្រឿង លួចដឹកសត្វមាន់រស់រាប់​ពាន់ក្បាលពីប្រទេសថៃ ឆ្លងដែននាំចូលមកខេត្តបន្ទាយមានជ័យ ដោយអត់ច្បាប់ ត្រូវសមត្ថកិច្ចចាប់ឃាត់បាននៅថ្ងៃទី១៨ មន្ត្រីការិយាល័យបសុពេទ្យយកសំណាកផ្ញើទៅពិនិត្យហើយនាថ្ងៃទី១៩ មេសា២០២១។លោក ហ៊ុយ ទូច ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្មខេត្តបន្ទាយមានជ័យ បានឲ្យដឹងថា ដោយអនុវត្តតាមវិធានការបង្កាបង្ក្រាប ការចរាចរណ៍សត្វ ពីក្រៅប្រទេស របស់នាយកដ្ឋាន និងមន្ទីរកសិកម្មខេត្តបន្ទាយមានជ័យ លោកបានដាក់មន្ត្រីតាមគោលដៅស្ទាក់ចាប់ឈ្មួញលួចដឹកសត្វរស់ចូលពីប្រទេសជិតខាង ។ លុះនៅវេលាម៉ោង១យប់រំលងអាធ្រាត្រមានរថយន្តមួយគ្រឿង ពាក់ស្លាកលេខ ភ្នំពេញ 2F-3428 ដែលលួចដឹកមាន់រស់ជិត២០០០ក្បាលយកចូលមកខេត្តបន្ទាយមានជ័យត្រូវបានសមត្ថកិច្ចចំរុះឃាត់ក្នុងនោះមានមន្ត្រីការិយាល័យបសុពេទ្យផង ដើម្បីត្រួតពិនិត្យ នៅចំណុចស្រុកអូរជ្រៅ។ លោក ហ៊ុយ ទូច បាននិយាយបន្តថា តាមនីតិវិធីនៃជំនាញ នឹងយកសំណាកផ្ញើទៅពិនិត្យនៅរាជធានីភ្នំពេញ ដើម្បីឲ្យដឹងថា តើសត្វមាន់ទាំងនោះមានជំងឺផ្តាសាយបក្សី ឬមិនមាន ។ តែចំពោះមុខនេះ មន្ត្រីជំនាញនឹងធ្វើការតាមដាន សុខភាពសត្វនេះក្នុងអំឡុង ពេល២ ទៅ៣ថ្ងៃសិន បើមិនមានអ្វីគួឲ្យកត់សម្គាល់ នៃជំងឺផ្តាសាបក្សីទេនោះ មន្ត្រីជំនាញនឹងអនុវត្តតាមនីតិវិធីច្បាប់ ដោយធ្វើការផាកពិន័យ ។លោកបន្ថែមថា ការបង្កា និងបង្ក្រាប នេះធ្វើឡើងក្នុងគោលបំណង បង្កាការរាលដាលនូវជំងឺផ្តាសាយបក្សី និងជំងឺឆ្លងនានា ដែលអាចកើតមានលើសត្វ និងជាការចូលរួម…