ភ្នំពេញ៖ អ្នកនាំពាក្យ នៃអយ្យការអមសាលាដំបូងរាជធានីភ្នំពេញ នៅល្ងាចថ្ងៃទី០៨ ខែមេសា ឆ្នាំ២០២១នេះ បានចេញសេចក្ដីប្រកាសព័ត៌មានផ្លូវការ ពីការដោះលែងមន្ដ្រីនគរបាលឈ្មោះ ភឿន ភិរៈ ឲ្យមានសេរីភាពឡើងវិញ ពាក់ព័ន្ធការផ្ទុះអាវុធបណ្ដាលឲ្យជនញៀនថ្នាំម្នាក់ស្លាប់ ដើម្បីការពារខ្លួន។ សេចក្តីប្រកាសព័ត៌មាន បានបញ្ជាក់ថា នៅព្រឹកថ្ងៃទី០៨ ខែមេសា ឆ្នាំ២០២១ អយ្យការអមសាលាដំបូងរាជធានីភ្នំពេញ បានទទួលសំណុំរឿងពី មន្ត្រីនគរបាលយុត្តិធម៌ នៃស្នងការដ្ឋាននគរបាលរាជធានីភ្នំពេញ ពាក់ព័ន្ធនឹងឈ្មោះ ភឿង ភិរៈ បានបាញ់ទៅលើឈ្មោះ អ៊ូ សុផារ៉ាត់ បណ្តាលឲ្យស្លាប់នៅកន្លែងកើតហេតុ នៅចំណុចខាងមុខធនាគារ ABA មហាវិថីសហព័ន្ធរុស្សី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី០៦ ខែមេសា ឆ្នាំ២០២១។ ក្រោយពីបានសាកសួរលើឈ្មោះ សឿង ភិរៈ និងបានពិនិត្យភស្តុតាងជាវីដេអូ និងឯកសារពាក់ព័ន្ធនានាក្នុងសំណុំរឿង ព្រះរាជអាជ្ញាបានដោះលែងឈ្មោះភឿង ភិរៈ ឲ្យមានសេរីភាព ហើយបន្តការស៊ើបអង្កេតលើករណីនេះជាបន្តទៀត។ គួរជម្រាបថា មន្ដ្រីនគរបាលដែលបាញ់ជនបែកថ្នាំម្នាក់ ដើម្បីការពារខ្លួនពីការចាក់ប្រហារនោះ ត្រូវបានគេស្គាល់មានឈ្មោះ ភឿន ភិរៈ អាយុ៣៦ឆ្នាំ…

រតនគិរី៖ គិតត្រឹមរសៀលថ្ងៃទី០៨ ខែមេសា ឆ្នាំ២០២១នេះ ការបិទការធ្វើដំណើរចេញ-ចូលខេត្តរតនគិរី នៅស្រុកលំផាត់ជាប់ព្រំប្រទល់ខេត្តមណ្ឌលគិរី និងស្រុកកូនមុំជាប់ព្រំប្រទល់​ខេត្តស្ទឹងត្រែង គឺស្ថានភាពមានលក្ខណៈស្ងប់ស្ងាត់ មិនមានការចរាចរណ៍ចេញចូលនោះទេ។ ហេីយការបិទការធ្វើដំណើរចេញចូលខេត្តរតនគិរីនេះ ត្រូវបានធ្វើឡើងប្រកបដោយ​ការយកចិត្តទុកដាក់ពីកងកម្លាំងទាំង៣ប្រភេទ មន្រ្ដីជំនាញផ្នែកសុខាភិបាល និងមន្រ្ដីជំនាញស្រុក ប្រចាំការពេញ២៤ម៉ោងលើ២៤ម៉ោង ដើម្បីធានាអោយការអនុវត្តវិធាន​ការនេះមាន​ប្រសិទ្ធភាព។ ការរឹតបន្ដឹងការចេញចូលខេត្ត រតនគិរីនេះ ធ្វើឡើងក្រោមបទបញ្ជារបស់ឯកឧត្តម ថង សាវុន អភិបាល នៃគណៈអភិបាលខេត្តរតនគិរី និងជាប្រធានគណៈបញ្ជាការឯកភាពខេត្ត បានដាក់បទបញ្ជា អោយបិទការធ្វើដំណើរចេញ-ចូលខេត្តរតនគិរី តាមរយៈព្រំប្រទល់សំខាន់ៗពីរ ជាបណ្តោះអាសន្នសម្រាប់រយៈពេល១៤ថ្ងៃ ដោយគិតចាប់ពីម៉ោងសូន្យ​នៃយប់ថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ ក្នុងគោលបំណងប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ ពីភូមិសាស្ត្រ នៃខេត្តមួយ​ទៅខេត្តមួយទៀត ដើម្បីអនុវត្តតាមសេចក្តីសម្រេច របស់រាជរដ្ឋាភិបាលកម្ពុជាចុះលេខ ៤៤សសរ ចុះថ្ងៃទី០៦ ខែមេសា ឆ្នាំ២០២១។ ការហាមឃាត់មិន​អោយមានការ​ចេញចូលខេត្តនោះ គឺធ្វើឡើងនៅស្រុកចំនួន២ គឺស្រុកលំផាត់ ត្រង់ចំណុចអូរវាក់ ជាប់ព្រំប្រទល់ស្រុកកោះញែក ខេត្តមណ្ឌលគិរី និងស្រុកកូនមុំ ត្រង់ចំណុច​គល់ស្ពានស្រែពក ដែលជាប់ព្រំប្រទល់ជាមួយខេត្តស្ទឹងត្រែង ចំពោះការហាមឃាត់ខាងលើនេះត្រូវបានលើកលែងចំពោះ៖ -ការដឹកជញ្ជូនទំនិញគ្រប់ប្រភេទ ផ្លូវគោក…

កំពត៖ ក្មេងប្រុសស្រីចំនួន៣នាក់ត្រូវបានលង់ទឹកស្លាប់នៅក្នុងរណ្ដៅដីជម្រៅ៧ម៉ែត្រកាលពីវេលាម៉ោង3រសៀលថ្ងៃទី៨ខែ មេសាស្ថិតនៅក្នុងភូមិដើមចំរៀកឃុំស្ដេចគង់ខាងលិច​ស្រុកបន្ទាយមាសខេត្តកំពត។បើតាមការអោយដឹងពីមន្ត្រីនគរបាលប៉ុស្លិស្ដេចគង់ខាងលិចបាននិយាយប្រាប់អោយដឹងថាជនរងគ្រោះទាំង3នាក់ដែលបានលង់ទឹកស្លាប់នេះម្នាក់ឈ្មោះហង់ស្រីតីភេទស្រីអាយុ១៣ឆ្នាំ។ ហង់ទីភេទប្រុសអាយុ៩ឆ្នាំ ពីរនាក់នេះបងប្អូននិងគ្នាបង្កើត។និងជនរងគ្រោះទី៣ឈ្មោះ សុង រតនា ភេទស្រីអាយុ១៣ឆ្នាំ ជនរងគ្រោះទាំង៣នាក់នេះផ្ទះនៅជិតគ្នារស់នៅភូមិ ជ្រោះតាសោម​ឃុំប្រាសាទ​ភ្នំខ្យងស្រុកកំពង់ត្រាចខេត្តកំពត។ តាមតាមការអោយដឹងពីក្មេងស្រីម្នាក់ជាសាក្សីនៅភូមិដើមចំរៀកឃុំស្ដេចគង់ខាងលិចបាននិយាយប្រាប់អោយដឹងថាពួកគេទាំង3នាក់បានជិះទូកត្នោតតូចមួយលេងក្រោយមកពួកគេបានហក់ចុះទាំងបីនាក់លិចបាត់អស់។ ក្រោយមកសាក្សីក្មេងស្រីនោះបានរត់ហៅអោយគេជួយដែរតែកន្លែងរណ្ដៅដីជនរងគ្រោះជិះទូក​នោះនៅដាច់ពីភូមិនិងទីប្រជុំជន​តែទំរាំដឹង​ប្រមូលគ្នាមកចុះរាវ​រកជនរងគ្រោះវាហួសពេលបាត់ទៅហើយៗម្នាក់ៗបានត្រឹមតែស្រែកត្រហួយយំស្ដាយស្រណោះ៕

ស្វាយរៀង៖យោងតាមចំណាត់ការរបស់បទបញ្ជារាជរដ្ឋាភិបាលកម្ពុជាបន្ទាន់ ដើម្បីសុវត្ថិភាពរបស់ជាតិ និងជីវិតរបស់ប្រជាជនកម្ពុជា កម្លាំងចម្រុះក្នុងមូលដ្ឋានខេត្តស្វាយរៀង​បានចាត់វិធានការណ៍ដាក់ប៉ារ៉ាស់ព្រំប្រទល់រវាងខេត្ត និងខេត្ត មិនអោយធ្វើចរាចរណ៍ឆ្លងកាត់ច្រកជាបណ្តោះអាសន្នគិតចាប់ពីថ្ងៃទី៧ ដល់ថ្ងៃទី២០មេសាឆ្នាំ២០២១ ក្នុងគោលបំណង​ប្រយុទ្ធ​និងទប់ស្កាត់ការឆ្លងរាលដាលនៃជំងឺកូវិដ -១៩ ពីភូមិសាស្ត្រនៃខេត្តមួយ ទៅភូមិសាស្ត្រនៃខេត្តមួយទៀត ក្នុងនោះរមណីយដ្ឋានទេសចរណ៍​នៅទូទាំងប្រទេសក៏ត្រូវបិទ​ជាបណ្តោះអាសន្នផងដែរ។ យោងតាមរបាយការណ៍របស់ស្នងការដ្ឋាននគរបាលខេត្តស្វាយរៀងបានឲ្យដឹងថាការរៀបចំកម្លាំងចម្រុះហាមឃាត់ការធ្វើដំណើរឆ្លងកាត់រវាង ខេត្តស្វាយរៀង និងខេត្តព្រៃវែង មានចំនួន ២៦ គោលដៅ ដោយប្រើប្រាស់កម្លាំងចម្រុះសរុបរួម: ១៧៩ នាក់ក្នុងនោះកម្លាំងនគរបាលស្រុកចំនួន ៧១នាក់និងកងរាជអាវុធហត្ថស្រុក៩នាក់ យោធាស្រុកចំនួន ១៦ នាក់ ព្រមទាំងកម្លាំងប្រជាការពារចំនួន ៨៣ នាក់។*ស្រុករមាសហែក៖ មានព្រំប្រទល់ជាប់ ស្រុកមេសាង ស្រុកកំចាយមារ ខេត្តព្រៃវែង មានចំនួន ១៩ គោលដៅ ដោយប្រើប្រាស់កម្លាំងចម្រុះសរុបរួម: ១១៦ នាក់ ដឹកនាំដោយវរសេនីយ៍ឯក យិន សុខ ស្នងការរងនគរបាលខេត្ត ក្នុងនោះ១-កម្លាំងនគរបាលស្រុកចំនួន ៣២នាក់។២-កម្លាំងកងរាជអាវុធហត្ថស្រុក ០៤នាក់។៣-កម្លាំងយោធាស្រុកចំនួន ០៦ នាក់។៤-កម្លាំងប្រជាការពារចំនួន ៧៤ នាក់។ *ស្រុកស្វាយជ្រំ៖ មានព្រំប្រទល់ជាប់ ស្រុកកំពង់ត្របែក ស្រុកមេសាង ខេត្តព្រៃវែង មានចំនួន…