ភ្នំពេញ៖អភិបាលរងខេត្តព្រៃវែងចំនួនបួនរូបនិងនាយករដ្ឋបាលសាលាខេត្តមួយរូបត្រូវបាន ប្រកាសចូលកាន់តំណែង ជា ផ្លូវការកាលពីព្រឹកថ្ងៃទី២៩ខែសីហាឆ្នាំ២០២២នៅសាលា ខេត្តក្រោមអធិបតីភាព ឯកឧត្តម លេង វី រដ្ឋលេខា ធិការ ក្រសួងមហាផ្ទៃ តំណាងសម្តេច ក្រឡា ហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង ឯកឧត្តម ជា សុមេធី អភិបាលខេត្តព្រៃវែង ព្រមទាំងមន្រ្តី ជា ថ្នាក់ដឹកនាំជាច្រើនរូប។ អភិបាលរងខេត្តព្រៃវែងថ្មីទាំងបួនរូប និងនាយករដ្ឋបាល សាលាខេត្តមួយរូប រួមមាន៖ ១-លោក ឈាង សុវណ្ណារ៉ា ,ទី២-លោក ហ៊ី ធួក ,ទី៣-លោក លាត ភារុន,ទី៤-លោកស្រី ហ៊ន់ សុធារី និងទី៥-លោក ឡាច ភារ៉ាត់ ជានាយករដ្ឋបាលសាលាខេត្ត។ នាឱកាសនោះ ឯកឧត្តម លេង វី បានធ្វើការផ្តាំផ្ញើដល់ អភិបាលរងទាំងបួនរូបនូវការងារសំខាន់ៗមួយចំនួន៕ ដោយ៖រ៉ាវុធ

កៀវ៖ ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី បាននិយាយនៅក្នុងសុន្ទរកថាប្រចាំថ្ងៃរបស់ខ្លួន ក្នុងថ្ងៃអាទិត្យសប្តាហ៍មុនថា អ៊ុយក្រែននឹងដណ្តើមយកតំបន់ ដុនបាស ដែលឥឡូវនេះត្រូវបានដណ្តើមកាន់កាប់ស្ទើរតែទាំងស្រុងដោយកងកម្លាំងរុស្ស៊ី។ លោក ហ្សេលេនស្គី បានបញ្ជាក់យ៉ាងដូច្នេះថា យើងមិនភ្លេចទេ ហើយក៏មិនបំភ្លេចទីក្រុងណាមួយ និងប្រជាជនរបស់យើងដែរ។ ឥឡូវនេះ តំបន់ ដុនបាស ស្ទើរតែត្រូវបានបំផ្លាញដោយការវាយប្រហាររបស់រុស្ស៊ី។ តំបន់ ដូណេតស្ក៍ របស់អ៊ុយក្រែនដែលមានមោទនភាព និងភាពរុងរឿងត្រូវបានអាម៉ាស់ដោយការកាន់កាប់ និងប្លន់យករបស់រុស្ស៊ី។ ប៉ុន្តែអ៊ុយក្រែននឹងដណ្តើមត្រឡប់មកវិញ។ ប្រាកដណាស់ ជីវិតប្រជាជននឹងត្រលប់មកវិញ… សេចក្តីថ្លៃថ្នូររបស់ប្រជាជនដុនបាសនឹងត្រលប់មកវិញ…. ឱកាសដើម្បីរស់នៅដោយសុវត្ថិភាព និងមានសុភមង្គល ក៏នឹងត្រឡប់មកវិញផងដែរ។ សូមរម្លឹកផងដែរថា កាលពីខែមុន មន្ត្រីអ៊ុយក្រែនកំពូលមួយចំនួនបានស្នើថា យោធារបស់ប្រទេសអ៊ុយក្រែននឹងបើកការវាយលុកនៅភាគខាងត្បូងប្រទេសក្នុងខែសីហានេះ ដើម្បីដណ្តើមយកទីក្រុងខើសុន មកវិញ៕ ប្រភព៖ RT ប្រែសម្រួល៖ ទីណា និងបុត្រា

ភ្នំពេញ ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី៣ បានធ្វើការឃាត់ខ្លួនជនសង្ស័យម្នាក់ ក្នុងចំណោមបក្សពួក ៤នាក់ បន្ទាប់ពីបានធ្វើសកម្មភាពគាស់ផ្ទះរបស់ប្រជាពលរដ្ឋលួចយកទ្រព្យសម្បត្តិ ខណៈបក្ខពួក ៣នាក់ផ្សេងទៀត កំពុងតែរត់គេចខ្លួន។ ការឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង១ និង៣០នាទីរសៀល ថ្ងៃទី២៨ខែសីហាឆ្នាំ ២០២២ នៅចំណុចផ្លូវបេតុងភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។ ជនសង្ស័យម្នាក់ ដែលសមត្ថកិច្ចឃាត់ខ្លួនបាន មានឈ្មោះ សេង ឆៃអាយុ ៣៦ឆ្នាំ មុខរបរ និងទីលំនៅមិនពិតប្រាកដ។ ចំណែកបក្សពួក៣នាក់ទៀត បានរត់គេចខ្លួន។ ចំណែកឯ ជនរងគ្រោះ មានឈ្មោះរ៉េត ដារ៉ូ អាយុ ២០ឆ្នាំ មានមុខរបរ ជាងជួសជុលទូរស័ព្ទ ស្នាក់នៅផ្ទះជួលភូមិដំណាក់ធំ ២សង្កាត់ស្ទឹងមានជ័យទី ៣ខណ្ឌមានជ័យ។ យោងតាមសម្ដីលោកវរសេនីយ៍ត្រី ឯម ភារី នាប៉ុស្តិ៍នគរបាលរដ្ឋបាលស្ទឹងមានជ័យទី៣ បានឱ្យដឹងថា កាលល្ងាចថ្ងៃទី២៧ ខែសីហា ឆ្នាំ២០២២ ជនរងគ្រោះបានជិះម៉ូតូ ម៉ាកហុងដាឌ្រីមសង់ ពណ៌ខ្មៅ ពាក់ផ្លាកលេខ ព្រៃវែង 1Q-4170…

ភ្នំពេញ៖ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានធ្វើការណែនាំអោយមន្ត្រីជំនាញនិងអាជ្ញាធរដែលដី រៀបចំសណ្តាប់ធ្នាប់សាធារណៈនិងជួសជុលមើលថែផ្លូវអោយបានល្អ ដើម្បីអោយបងប្អូនប្រជាពលរដ្ឋអាចធ្វើដំណើរបានស្រួល។ ការណែនាំបែបនេះបានធ្វើឡើងនាព្រឹកថ្ងៃទី២៩ សីហា ២០២២នេះ ខណៈដឹកនាំមន្ត្រីជំនាញនិងអាជ្ញាធរដែលដី ចុះរៀបចំសណ្តាប់ធ្នាប់សាធារណៈនិងមើលការជួសជុលផ្លូវជាតិលេខ២ ក្នុងសង្កាត់ចាក់សង្រែលើនិងអង្រែក្រោមខណ្ឌមានន័យ។ ក្នុងឱកាសនោះ ឯកឧត្តម ឃួង ស្រេង បានជម្រុញឱ្យមន្ត្រីជំនាញ់ និងអាជ្ញាធរខណ្ឌមានន័យ ជួសជុល ក្រលុកសំបុកមាន់ រៀបចំសណ្តាប់ធ្នាក់ឱ្យបានល្អប្រសើរ ពិសេសកុំមានការលក់ដូររំលោភ យកចិញ្ចើមផ្លូវសាធារណៈ។ គួរបញ្ជាក់ថា៖ រដ្ឋបាលរាជធានីភ្នំពេញបានសម្រេចបិទកំណាត់មហាវិថីសម្តេចតេជោ ហ៊ុន សែន ហៅ (ផ្លូវ៦០ម៉ែត្រ) នៅសង្កាត់ចាក់អង្រែលើ ខណ្ឌមានជ័យ ក្នុងរយៈពេល៣ថ្ងៃ ដោយគិតចាប់ពីថ្ងៃទី២៩ ដល់ថ្ងៃទី៣១ សីហា ឆ្នាំ២០២២ ដើម្បីរៀបចំពិធីបើកការដ្ឋាន សាងសង់ស្ពានអាកាសនៅចំណុចប្រសព្វមហាវិថីសម្ដេចតេជោ ហ៊ុន សែន មហាវិថីព្រះមុនីវង្សជាមួយនឹងវិថី កងយោធពលខេមរភូមិន្ទ (ផ្លូវលេខ២៧១) និងសាងសង់ស្ពានអាកាសនៅចំណុចប្រសព្វមហាវិថីសហព័ន្ធរុស្ស៊ី ជាមួយនឹងមហាវិថីសម្តេចចៅហ្វាវាំងវរវៀងជ័យអធិបតីស្រឹង្គារ គង់ សំបុល (ផ្លូវលេខ២០០៤) ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី…

ភ្នំពេញ ៖ ជនសង្ស័យ ចំនួន ២៩ នាក់ ( ស្រី ៤ នាក់ ) ត្រូវបានសមត្ថកិច្ចឃាត់ខ្លួនក្នុង ប្រតិបត្តិការប ង្ក្រាទបទល្មើសគ្រឿងញៀន ចំនួន ១០ករណីនៅទូទាំងប្រទេសកាលថ្ងៃទី ២៨ ខែសីហាម្សិលមិញនេះ ។ ដូច្នេះសូមនិយាយថាទេចំពោះគ្រឿងញៀនគ្រឿងញៀន បំផ្លាញ់អនាគត់អ្នកនិងក្រុមគ្រួសារអ្នក.! ក្នុងចំណោមជនសង្ស័យទាំងចំនួន២៩ នាក់រួមមាន ៖ ជួញដូរ៤ ករណីឃាត់៨ នាក់,ដឹក ជញ្ជូនរក្សាទុក២ករណីឃាត់២នាក់, បើកបរក្រោមឥទ្ធិពល១ ករណីឃាត់១ នាក់ , ប្រើប្រាស់ ៣ ករណីឃាត់១៨ នាក់( ស្រី ៤ នាក់ ) ។ វត្ថុតាងដែលចាប់យកសរុបក្នុងថ្ងៃទី ២៨ ខែសីហា រួមមាន ៖ មេតំហ្វេតាមីន (Ice) = ៣៥,១៥ ក្រាមនិង ៦កញ្ចប់តូច ។ ជាលទ្ធផលខាងលើ៨ អង្គភាពបានចូលរួមបង្ក្រាប…

ភ្នំពេញ ៖ រដ្ឋបាលរាជធានីភ្នំពេញ បានជូនដំណឹងទៅ ប្រជាពល រដ្ឋស្ដីពីការបញ្ចៀសចរាចរណ៍ យានយន្ត គ្រប់ប្រភេទជាបណ្ដោះអាសន្ន នៅកំណាត់មហាវិថី សម្ដេចតេជោ ហ៊ុន សែន (ផ្លូវ៦០ម៉ែត្រ) ក្នុងពិធីបើក ការដ្ឋានសាងសង់ស្ពានអាកាស។ សេចក្តីជូនដំណឹងបានបញ្ជាក់ថា បងប្អូនប្រជា ពលរដ្ឋ ទាំងអស់ ដែលធ្វើដំណើរឆ្លងកាត់មហាវិថី សម្តេច តេជោ ហ៊ុន សែន(ផ្លូវ៦០ម៉ែត្រ) នៅថ្ងៃពុធទី៣១ ខែសីហា រដ្ឋបាលរាជធានីភ្នំពេញ នឹងរៀបចំពិធីបើកការដ្ឋាន សាង សង់ស្ពានអាកាស នៅចំណុចប្រសព្វមហាវិថី សម្ដេច តេជោ ប៊ុន សែន មហាវិថីព្រះមុនីវង្សជាមួយនឹងវិថី កងយោធពលខេមរភូមិន្ទ (ផ្លូវលេខ២៧១) និងសាង សង់ស្ពានអាកាសនៅចំណុចប្រសព្វមហាវិថីសហព័ន្ធរុស្ស៊ីជាមួយនឹងមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល (ផ្លូវលេខ២០០៤) ក្រោមអធិបតី ភាព ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅសង្កាត់ចាក់អង្រែលើ ខណ្ឌមានជ័យ រាជធានី ភ្នំពេញ។ ដើម្បីឱ្យកម្មវិធីខាងលើប្រព្រឹត្តទៅដោយរលូន…