ភ្នំពេញ ៖ យោងតាម របាយការណ៍ ពីនាយកដ្ឋាន នគរបាល ចរាចរណ៍និង សណ្តាប់ធ្នាប់ សាធារណៈ ស្តីពីការរឹតបន្ដឹងច្បាប់ស្ដី ពីចរាចរណ៍ផ្លូវគោកនៅរសៀលថ្ងៃទី ៣០ ខែសីហា ឆ្នាំ ២០២២នេះឱ្យដឹងថាមានចំនួនគោលដៅសរុប ១៥៦ គោលដៅមានយានយន្តចូល គោលដៅចំនួន ២.៤០១ គ្រឿងម៉ូតូចំនួន ២.១៩៦ គ្រឿងក្នុងនោះរកឃើញយានយន្ត ល្មើស សរុបចំនួន ៤៤០ គ្រឿងមាន ម៉ូតូចំនួន ៣៩០ គ្រឿងត្រូវ បានផាកពិន័យតាម អនុក្រឹត្យ លេខ ៣៩. អន ក្រ . បកនៅទូទាំងប្រទេស ។ ដោយឡែកក្នុង រយៈពេល ៣០ថ្ងៃ ( ថ្ងៃ ទី ០១-៣០ខែសីហា ) ការរឹតបន្ដឹងការអនុវត្តច្បាប់ ស្ដី ពីចរាចរណ៍ផ្លូវគោកយានយន្តចូលគោលដៅមាន ចំនួន៨៣.១៦៧ គ្រឿងក្នុងនោះរក ឃើញយានយន្តល្មើស សរុបចំនួន ១០.១៣០ គ្រឿងម៉ូតូមានចំនួន…

ភ្នំពេញ៖ នៅព្រឹកថ្ងៃអង្គារ ទី៣០ ខែសីហា ឆ្នាំ២០២២ លោក អាំង សិរីពិសិដ្ឋ អភិបាលរងខណ្ឌចំការមន បានដឹកនាំមន្ត្រីនៃរដ្ឋបាលខណ្ឌ ចុះត្រួតពិនិត្យការវាស់វែងសំណង់ផ្ទះល្វែង ដែលមានទីតាំងនៅដីឡូត៍លេខ១៥៩ ផ្លូវ៤៣២ ភូមិ៣ សង្កាត់ទួលទំពូងទី១ ខណ្ឌចំការមន រាជធានីភ្នំពេញ ដោយមានការចូលរួមពីលោកអនុប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌ, លោកអនុប្រធានការិយាល័យនីតិកម្ម និងសម្រុះសម្រួលវិវាទមូលដ្ឋានខណ្ឌ, រដ្ឋបាលសង្កាត់ទួលទំពូងទី១ និងមន្ត្រីពាក់ព័ន្ធ។ លោក អាំង សិរីពិសិដ្ឋ បានឲ្យដឹងថា ក្រុមការងារ បានពិនិត្យឃើញថា សំណង់បានសាងសង់ជាន់ទី១ ចាក់ប្លង់សេចំណីដីឡូត៍លយមកខាងមុខទំហំ ២ម៉ែត្រគុណ៥,៥ម៉ែត្រ។ ក្រុមការងារបានណែនាំឲ្យម្ចាស់សំណង់ឲ្យរុះរើប្លង់សេដែលលយមកខាងមុខ និងសាងសង់តាមច្បាប់អនុញ្ញាត ដោយទុករយៈពេល១០ថ្ងៃ។ ក្នុងករណីម្ចាស់សំណង់ មិនគោរពតាមការណែនាំរបស់អាជ្ញាធរទេ អាជ្ញាធរនឹងចាត់វិធានការ ដកហូតសម្ភារៈនិងឧបករណ៍សំណង់យកមករក្សាទុកជាបណ្តោះអាសន្នដោយមិនទទួលខុសត្រូវលើការខូចខាតឬបាត់បង់សម្ភារៈនោះទេ ៕ ដោយ: ស៊ូ ប៊ុនធី

ខេត្តព្រះវិហារ៖ ដំណើរបន្តចុះពិនិត្យស្ថានភាពជំនន់ទឹកភ្លៀង ការចុះសួរសុខទុក្ខប្រជាពលរដ្ឋ ដែលរងផលប៉ះពាល់ពីទឹកជំនន់ នៅតំបន់ព្រំដែនរបស់ អភិបាលខេត្តព្រះវិហារ ឯកឧត្តម គីម រិទ្ធី កាលពីរសៀល ថ្ងៃទី២៩ សីហា ម្សិលមិញនោះ ក៏មានការចូលរួមពី អភិបាលរងខេត្ត លោក យ៉ុង គឹមហាន ,ប្រធានមន្ទីរសាធារណការ និងដឹកជញ្ជូនខេត្ត លោក សំ លាងទ្រី ,ប្រធានមន្ទីរធនធានទឹក និងឧតុនិយមខេត្ត លោក ចាប កុយ និង អភិបាលក្រុងព្រះវិហារ លោក ប៉ុក ងួន ផងនោះដែរ។ មន្ត្រីខេត្តព្រះវិហារ បានឲ្យដឹងថា ក្រោយការចុះពិនិត្យស្ថានភាពទឹកជំនន់ និងការជួបសួរសុខទុក្ខប្រជាពលរដ្ឋជាច្រើនគ្រួសារ ដែលរងផលប៉ះពាល់ដោយជំនន់ទឹកភ្លៀង នៅក្នុងក្រុងព្រះវិហារ និងនៅតំបន់ព្រំដែន នៃស្រុកជាំក្សាន្តនោះមក លោកអភិបាលខេត្ត ក៏បានបន្តដំណើរឆ្ពោះទៅកាន់តំបន់ចាក់ច្រែង ដែលស្ថិតនៅលើខ្នងភ្នំដងរ៉ែក ដើម្បីពិនិត្យហេដ្ឋារចនាសម្ព័ន្ធផ្លូវថ្នល់ ដែលបានរងការខូចខាត និងវាយកាត់ផ្តាច់ដោយទឹកភ្លៀង នាច្រើនថ្ងៃកន្លងមកនេះ ដើម្បីរកវិធានការជួសជុល កែរសម្រួលឡើងវិញ ។ មន្ត្រីខេត្តដដែលបានបញ្ជាក់ថា ក្នុងរយៈពេល នៃការកើតឡើង…

ភ្នំពេញ ៖ ជនសង្ស័យចំនួន ០៤នាក់ ជាជនជាតិចិន ដោយសង្ស័យពាក់ព័ន្ធទៅនឹងករណីជួញដូរមនុស្ស ខណៈដែលកំពុងធ្វើដំណើរតាមរថយន្តតាក់សុីព្យាយាមរត់គេចតាំងពីក្រុងព្រះសីហនុ ត្រូវបានសមត្ថកិច្ចតាមស្ទាក់ចាប់ឃាត់ខ្លួនបាន នៅត្រង់ចំណុចភ្លើងស្តុបផ្លូវជាតិ លេខ៤ នៅភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោងជាង៥ល្ងាច ថ្ងៃទី២៩ ខែសីហា ឆ្នាំ២០២២ ម្សិលមិញនេះ។ បើយោងតាមប្រភពព័ត៌មានពីសមត្ថកិច្ច បានឱ្យដឹងថា មានរថយន្តតាក់សុី ០១គ្រឿង ម៉ាកឡិចសុីស RX300 ពណ៌ខ្មៅ ពាក់ស្លាកលេខ ភ្នំពេញ 2Q-3009 អ្នកបើកបរ ជនជាតិខ្មែរ បានដឹកជនជាតិចិនចំនួន ០៤នាក់ដោយសង្ស័យពាក់ព័ន្ធករណីជួញដូរមនុស្ស នៅក្រុងព្រះសីហនុ បានបើកចេញពីក្រុងព្រះសីហនុ ឆ្ពោះចូលរាជធានីភ្នំពេញ ហើយបានប្រកាសផ្សព្វផ្សាយឱ្យកងកម្លាំងសមត្ថកិច្ច បណ្តាខេត្ត-ក្រុង ស្ទាក់ចាប់ឃាត់ខ្លួន។ សមត្ថកិច្ចបានឱ្យដឹងទៀតថា រថយន្តភិនភាគខាងលើនេះ ត្រូវបានកម្លាំងស្នងការខេត្តកំពង់ស្ពឺ ហៅឃាត់ដែរតែមិនឈប់ ហើយបានព្យាយាមបន្តបើកគេចរហូត។ លុះមកដល់ចំណុចភ្លើងស្តុបជម្ពូវ័ន តាមផ្លូវជាតិលេខ៤ ទើបកម្លាំងនគរបាលចរាចរក្រុងភ្នំពេញ សហការជាមួយកម្លាំងនគរបាលខណ្ឌពោធិ៍សែនជ័យស្ទាក់ចាប់ឃាត់បានរថយន្តមួយគ្រឿងខាងលើ មានដឹកជនជាតិចិន ចំនួន ០៤នាក់។ ក្រោយពីកម្លាំងសមត្ថកិច្ចធ្វើការឃាត់ខ្លួនបាន រថយន្តតាក់សុីមួយគ្រឿងខាងលើ រួមជាមួយហ្នឹងជនជាតិចិន ចំនួន…

ភ្នំពេញ ៖ ឧត្តមសេនីយ៍ឯក រ័ត្ន ស្រ៊ាង មេបញ្ជការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះមូលដ្ឋាន ខណ្ឌដង្កោ នាព្រឹកថ្ងៃអង្គារ ទី៣០ ខែសីហា ឆ្នាំ២០២២ បានចាត់ក្រុមការងារជាតំណាង នាំយកថវិកាចំនួន ប្រាំលាន មួយសែនរៀល (៥,១០០,០០០រៀល) អង្ករចំនួន ២៥ការ៉ុង ទៅប្រគល់ជូនដល់ពលរដ្ឋទីទាល់ក្រ ចំនួន ១៧គ្រួសារ និង ក្រុមការងារមូលដ្ឋាន ចំនួន ១៣គោលដៅ ដែលអំណោយទាំងនេះត្រូវបានលោកឧត្ដមសេនីយ៍ឯក រ័ត្ន ស្រ៊ាង ប្រគល់ជូនជារៀងរាល់ខែ អស់រយៈពេលជាច្រើនឆ្នាំមកហើយ ៕ ដោយ ៖ ភារ៉ា និងប៊ុនធី

ភ្នំពេញ ៖ នៅថ្ងៃទី៣០ ខែសីហា ឆ្នាំ២០២២នេះ លោកឧត្តមសេនីយ៍ទោ សុង លី ស្នងការរងទទួលផែនការងារព្រហ្មទណ្ឌ បានអញ្ជើញដឹកនាំកិច្ចប្រជុំស្តីពីការបង្ការទប់ស្កាត់បទល្មើស ជាមួយអធិការដ្ឋាននគរបាលខណ្ឌចំនួន០៣ (ខណ្ឌពោធិ៍សែនជ័យ ខណ្ឌសែនសុខ និងខណ្ឌមានជ័យ) ដោយមានការចូលរួមពីលោកវរសេនីយ៍ឯក សាន សុខសីហា ជំនួយការ ឯកឧត្តមឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងជាអ្នកនាំពាក្យនៃស្នងការដ្ឋាននគរបាលរាជធានីភ្នំពេញ លោកនាយការិយាល័យនគរបាលព្រហ្មទណ្ឌកំរិតស្រាល លោកនាយរងការិយាល័យនគរបាលព្រហ្មទណ្ឌកំរិតធ្ងន់ លោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ លោកវរសេនីយ៍ឯក ហួរ ម៉េងវ៉ាង អធិការ នគរបាលខណ្ឌសែនសុខ លោកនាយប៉ុស្តិ៍ និងមន្ត្រីពាក់ព័ន្ធជាច្រេីនរូបទៀត ។ ក្នុងកិច្ចប្រជុំនេះដែរ ក៏មានការចូលរួមមតិជាច្រើនទាក់ទងទៅនឹងបញ្ហាប្រឈម ដំណោះស្រាយ វិធានការក្នុងការ ការពារ ទប់ស្កាត់ ស្រាវជ្រាវ បង្ក្រាបបទល្មេីស ជាពិសេសបទពិសោធន៍នៃការទប់ស្កាត់បទល្មើសតាមបណ្តាខណ្ឌនីមួយៗ ។ លោកឧត្តមសេនីយ៍ទោ សុង លី ស្នងការរងទទួលផែនការព្រហ្មទណ្ឌ ប្រធានអង្គប្រជុំ បានធ្វេីការកោតសរសេីរដល់ការខិតខំប្រឹងប្រែងរបស់កងកម្លាំងទាំងអស់ ដែលបានបំពេញតួនាទីភារកិច្ចបានយ៉ាងល្អនាពេលកន្លងមក…

ភ្នំពេញ ៖ មន្ត្រីណាដែលគោរពវិន័យ ខិតខំបំពេញការងារ ដោយភាពទទួលខុសត្រូវ ឧស្សាហ៍ព្យាយាម គោរពពេលវេលា ត្រូវបានលើកទឹកចិត្ត…..មិនមែនលើកទឹកចិត្តជាលុយ ឬជាសម្ភារៈនោះទេ គឺលើកទឹកចិត្តទៅលើការផ្តល់តួនាទីការងារ ព្រោះមន្ត្រីនោះហើយដែលធ្វើឱ្យអង្គភាពទទួលបានផ្លែផ្កា…! នេះជាប្រសាសន៍លើកឡើងរបស់លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ នៅក្នុងកិច្ចប្រជុំសាមញ្ញ លើកទី៣៩ អាណត្តិទី៣ របស់ ក្រុមប្រឹក្សាខណ្ឌច្បារអំពៅ កាលពីព្រឹកថ្ងៃទី២៩ ខែសីហា ឆ្នាំ២០២២ នៅសាលប្រជុំសាលាខណ្ឌ ក្រោមវត្តមានលោក អ៊ំ ម៉ារ៉េច ប្រធានក្រុមប្រឹក្សាខណ្ឌ និងសមាជិកក្រុមប្រឹក្សារាជធានី២រូប ។ នៅក្នុងកិច្ចប្រជុំនេះដែរលោកអភិបាលក៍បានជម្រាបជូនដល់ក្រុមប្រឹក្សានូវផែនការសម្រាប់អនុវត្តបន្តទៀតទី១-ជំរុញអោយគណៈបញ្ជាការឯកភាពរដ្ឋបាលខណ្ឌនិងសង្កាត់ត្រូវអនុវត្តគោលនយោបាយ “ ឃុំ-សង្កាត់ មានសុវត្ថិភាព “ ដែលមាន៧ចំនុចអោយមានប្រសិទ្ធ ដើម្បីផ្តល់ក្តីសុខសុវត្ថិភាពដល់ប្រជាពលរដ្ឋនៅក្នុងមូលដ្ឋាន ។ទី២-ស្នើអោយកម្លាំងគណៈបញ្ជាការឯកភាពរដ្ឋបាលខណ្ឌនិងសង្កាត់តាមដានជាប្រចាំទៅស្ថានភាពអាកាសធាតុនិងស្ថានភាពទឹកទន្លេ ទឹកភ្លៀង ព្រោះតំបន់មួយចំនួនងាយរងគ្រោះដោយជំនន់ទឹកភ្លៀងដូចជានៅសង្កាតព្រែកឯង សង្កាត់វាលស្បូវ សង្កាត់ព្រែកប្រា និងសង្កាត់ព្រែកថ្មី ជាដើម ។ទី៣-ស្នើអោយលោក-លោកស្រី ជាចៅសង្កាត់ទាំង៨ ត្រូវធ្វើការផ្សព្វផ្សាយអោយបានទូលំទូលាយដល់ប្រជាពលរដ្ឋអោយមកចាក់វ៉ាក់សាំងការពារជំងឺកូវីដ-១៩ ទាំងដុសមូលដ្ឋាន និងដុសជម្រុញអោយបានគ្រប់ៗគ្នា នៅតាមមណ្ឌលសុខភាពឬមន្ទីរពេទ្យបង្អែក. ព្រោះវ៉ាក់សាំងនេះមានសារៈសំខាន់ណាស់ក្នុងការការពារសុខភាពបងប្អូនប្រជាពលរដ្ឋជៀសពីជំងឺកូវីដ-១៩ មួយផ្នែកទៀតត្រូវអនុវត្តនូវវិធានការ ៣ការពារ ៣កុំ ជាប្រចាំទើបជៀសផុតពីជំងឺកូវីដ-១៩…