ឯកអគ្គរាជទូតកម្ពុជាប្រចាំប្រទេសថៃ លោក អ៊ូក សោភ័ណ ត្រូវបានក្រុមប្រឹក្សាអង្គទូតសាកល (DC) ដែលប្រមូលផ្តុំដោយឥស្សរជនឆ្នើម និងធុរជនល្បីៗលើពិភពលោក បានផ្ដល់ជូននសមាជិកភាពពេញមួយជីវិត សម្រាប់បេសកកម្មដ៏ពិសិដ្ឋ ក្នុងបុព្វហេតុពង្រឹងទំនាក់ទំនងអន្តរជាតិ ជាពិសេសការទូតសេដ្ឋកិច្ច។ ពិធីប្រគល់ និងទទួលប័ណ្ណសមាជិកភាព បានធ្វើឡើងនៅរសៀលថ្ងៃទី២៩មិថុនាឆ្នាំ២០២១ ដោយលោកបណ្ឌិត Dato’ Steve Cheah ទីប្រឹក្សាជាន់ខ្ពស់ក្រុមហ៊ុន Berli Jucker PCL ដែលប្រតិបត្តិករផ្សារទំនើប Big C និងជាប្រមុខបេសកកម្ម DC ប្រចាំប្រទេស CLMTV (កម្ពុជា-ឡាវ-មីយ៉ាន់ម៉ា-ថៃឡង់ដ៏-វៀតណាម)។ នៅក្នុងឱកាសនោះ លោក អ៊ូក សោភ័ណ បានថ្លែងអំណរគុណដល់លោកបណ្ឌិត Dato’ Steve Cheah និងបានចាត់ទុកសមាជិកភាព DC គឺជាមោទកភាពរួមរបស់មន្ត្រីការទូតកម្ពុជា ដែលកំពុងបំពេញភារកិច្ចជូនប្រទេសជាតិ ប្រកបដោយស្មារតីទទួលខុសត្រូវខ្ពស់។ ទាក់ទងនឹងការជំរុញសេដ្ឋកិច្ចការទូត លោកឯកអគ្គរាជទូតកម្ពុជា និងលោកបណ្ឌិត Dato’ Steve Cheah បានឯកភាពគ្នាថា នឹងរៀបចំជំនួបធុរកិច្ច និងទស្សនកិច្ចសិក្សាសម្រាប់អង្គទូត និងធុរជននៅថៃ ទៅកាន់ខេត្តតំបន់ឆ្នេរសមុទ្រនៃប្រទេសកម្ពុជា…

ភ្នំពេញ៖ នាព្រឹកអង្គារ ៥រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៩ ខែមិថុនា ឆ្នាំ២០២១ ឯកឧត្តម ឯកឧត្តម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ អញ្ជើញដឹកនាំកិច្ចប្រជុំពិនិត្យឡើងវិញ នូវប្រព័ន្ធព័ត៌មានវិទ្យាទាំងអស់ ទាំងប្រព័ន្ធដែលកំពុងដំណើរការ និងប្រព័ន្ធរៀបចំតំឡើងថ្មី របស់អគ្គនាយកដ្ឋានអន្តោប្រវេសន៍។ អញ្ជើញចូលរួមក្នុងកិច្ចប្រជុំ ដែលបានធ្វើឡើងនៅអគ្គនាយកដ្ឋានអន្តោប្រវេសន៍រួមមាន ឯកឧត្តម នាយឧត្តមសេនីយ៍ អគ្គនាយក, ឧត្តមសេនីយ៍ឯក អគ្គនាយករង, ប្រធាននាយកដ្ឋាន, អនុប្រធាននាយកដ្ឋាន និងមន្ត្រីជំនាញមួយចំនួនទៀត។ ក្នុងកិច្ចប្រជុំនេះដែរ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ បានលើកឡើង និងរាយការណ៍ជូនឯកឧត្តម សន្តិបណ្ឌិត ពីការអភិវឌ្ឍន៍លើប្រព័ន្ធព័ត៌មានវិទ្យា របស់អគ្គនាយកដ្ឋានអន្តោប្រវេសន៍ ក្នុងការសម្រួលការងារតាមរយៈប្រព័ន្ធបច្ចេកវិទ្យាទំនើប និងស្របតាមរបៀបរបបការងារថ្មីក្នុងកិច្ចការពារជំងឺកូវីដ-១៩។ ឯកឧត្តម នាយឧត្តមសេនីយ៍ អគ្គនាយកដ្ឋានអន្តោប្រវេសន៍ បានលើកឡើងអំពីសមិទ្ធិផលជាច្រើន ដែលអគ្គនាយកដ្ឋានអន្តោប្រវេសន៍សម្រេចបាន ផ្នែកប្រព័ន្ធព័ត៌មានវិទ្យាដែលកំពុងដំណើរការប្រើប្រាស់ និងប្រព័ន្ធដែលកំពុងកសាង ដែលដំណើរការប្រើប្រាស់នៅពេលខាងមុខនេះ ប្រព័ន្ធប្រើប្រាស់សម្រាប់ជនបរទេសស្នាក់នៅប្រទេសកម្ពុជា, ប្រព័ន្ធប្រើប្រាស់សម្រាប់មុនពេលអ្នកដំណើរមកប្រទេសកម្ពុជា, ប្រព័ន្ធសម្រាប់អ្នកដំណើរមកដល់តាមច្រកទ្វារព្រំដែនអន្តរជាតិ, ប្រព័ន្ធគ្រប់គ្រងជនបរទេសអន្តោប្រវេសន្ត,…

ភ្នំពេញ៖ ឯកឧត្តម ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន នៅថ្ងៃព្រហស្បតិ៍ ថ្ងៃទី២៤ ខែមិថុនា ឆ្នាំ២០២១នេះ បានចុះហត្ថលេខាលើអនុស្សរណៈនៃការយោគយល់គ្នា (MOU) រវាងវិទ្យាស្ថានតេជោ សែន សាធារណការ និងដឹកជញ្ជូន(TSIPWT) និង វិទ្យាស្ថាន Zhejiang Institute of Communication (ZJIC) នៃសាធារណរដ្ឋប្រជាមានិតចិន តាមរយៈប្រព័ន្ធវីដេអូពីចម្ងាយ (Video Conference)។ វិទ្យាស្ថាន Zhejiang Institute of Communication (ZJIC) ត្រូវបានបង្កើតឡើងតាំងពីឆ្នាំ១៩៥៨ នៃសាកលវិទ្យាល័យ Zhejiang University និងបានបណ្តុះបណ្តាលសិស្ស និស្សិត លើជំនាញបច្ចេកទេសសរុបជាង ៤០ជំនាញ ក្នុងដេប៉ាតឺម៉ង់ចំនួន៩ រួមមាន៖ ដេប៉ាតឺម៉ង់ផ្លូវថ្នល់និងស្ពាន ដេប៉ាតឺម៉ង់ផ្លូវទឹក ដេប៉ាតឺម៉ង់គ្រប់គ្រងដឹកជញ្ជូន ដេប៉ាតឺម៉ង់ដឹកជញ្ជូនឆ្លាតវៃ និងដេប៉ាតឺម៉ង់ Rail Transit។ ជាមួយការទំនាក់ទំនង និងភាពជាដៃគូនេះ វិទ្យាស្ថានទាំងពីរ (TSIPWT…

 ថ្ងៃសុក្រ ៤រោច ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣០ ខែមេសា ឆ្នាំ២០២១នេះ ជាថ្ងៃដែលព្រះរាជាណាចក្រកម្ពុជាប្រារព្ធនូវព្រះរាជពិធីបុណ្យ«ច្រត់ព្រះនង្គ័ល»ដែលត្រូវបានធ្វើឡើងជារៀងរាល់ឆ្នាំក្នុងខែពិសាខ។ ព្រះរាជពិធីនេះ គឺសំខាន់បំផុត បន្ទាប់ពីព្រះរាជាអភិសេក ដែលជាពិធីមួយស្ថិតក្នុងចំណោមពិធីផ្សេងៗ ជាច្រើនទៀតប្រចាំឆ្នាំ។ ព្រះរាជពិធីច្រត់ព្រះនង្គ័ល គឺត្រូវបានធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ព្រះរាជពិធីបុណ្យនេះ ក៏ជាការដាស់តឿនក្រើនរម្លឹក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ។ សូមជូនពរបងប្អូនប្រជាពលរដ្ឋខ្មែរទូទាំងប្រទេស ជួបតែសេចក្តីសុខ សេចក្តីចម្រើនគ្រប់ៗគ្នា៕