បន្លែសុវត្ថិភាពសំដៅដល់បន្លែដែលឆ្លងកាត់ការដាំដុះតាមបច្ចេកទេសត្រឹមត្រូវ និងមានសុវត្ថិភាព​ក្នុងការបរិភោគ ខុសប្លែកពីការដាំដុះតាមប្រពៃណី ប្រើប្រាស់ជាតិគីមី។ តាមរយៈការដាំដុះបន្លែសុវត្ថិភាព បានធ្វើឲ្យកសិករមួយចំនួននៅខេត្តពោធិ៍សាត់ អាចរកចំណូលកាន់តែប្រសើរជាងមុន ដោយមិនចំបាច់​ចំណាកស្រុក ដែលអាចប្រឈមនឹងគ្រោះថ្នាក់ផ្សេងៗ៕

ក្រសួងសុខាភិបាល នៅថ្ងៃទី២៩ ខែមីនា ឆ្នាំ២០២១នេះ បានចេញមកច្រានចោលព័ត៌មានបំភ្លៃថា លោកស្រីឧកញ៉ា ស៊ុយ សុផាន អគ្គនាយិកាក្រុមហ៊ុន ផាន អ៊ីម៉ិច បានស្លាប់ដោយសារចាក់វ៉ាក់សាំងការពារជំងឺកូវីដ១៩ ឈ្មោះស៉ីណូហ្វាម។ ការចេញមកច្រានចោលបែបនេះ បន្ទាប់ពីមានការបំភ្លៃលើ Facebook ដោយយករូបសពលោកស្រីឧកញ៉ា ស៊ុយ សុផាន និងរូបដទៃទៀតដែលបានចាក់វ៉ាក់សាំងមកដាក់ក្បែរគ្នា ដោយសរសេរខ្លឹមសារថាជាមនុស្សតែមួយ និងបានស្លាប់ដោយសារការចាក់វ៉ាក់សាំងស៉ីណូហ្វាម។ លោកស្រី ឱ វណ្ណឌីន រដ្ឋលេខាធិការ និងជាអ្នកនាំក្រសួងសុខាភិបាល ក្រៅពីច្រានចោលព័ត៌មានខាងលើ ក៏បានអំពាវនាវដល់សមត្ថកិច្ច ជួយស្រាវជ្រាវដើម្បីយកអ្នកបំភ្លៃព័ត៌មាននោះ ទៅចាត់ការតាមច្បាប់ផងដែរ។ លោកស្រី ឱ វណ្ណឌីន បញ្ជាក់យ៉ាងដូច្នេះថា៖ «ក្រសួងសុខាភិបាល សូមច្រានចោលទាំងស្រុងនូវការផ្សាយប្រឌិតបែបនេះ។ រូបភាពអ្នកចាក់វ៉ាក់សាំងនេះ មិនមែនជារូបរបស់សពទេ សូមអ្នកប្រឌិតរឿងទាំងឡាយមានសីលធម៌ និងគុណធម៌ខ្លះផងបានទេ? សូមមើលឱ្យច្បាស់មើល តើរូបអ្នកចាក់វ៉ាក់សាំងនេះជានរណា? សូមគោរពសិទ្ធិ លោកជំទាវដែលជាម្ចាស់រូបថតចាក់វ៉ាក់សាំងពិតប្រាកដផងបានដែរទេ អស់អ្នកអគតិទាំងឡាយអើយ ល្មមឈប់បោកប្រាស់បែបនេះទៀតទៅ។ គេរកវ៉ាក់សាំងចាក់មិនបានផង ឥឡូវមានវ៉ាក់សាំងចាក់ហើយ អស់អ្នកអគតិទាំងឡាយដែលមិនចង់ចាក់ទេក៏មិនអីដែរ ទុកវ៉ាក់សាំងចាក់ជូនអ្នកដែលគេត្រូវការ ដ៏ច្រើនសន្ធឹកសន្ធាប់វិញល្អជាង។ សូមអាជ្ញាធរមានសមត្ថកិច្ច ចាត់ការតាមផ្លូវច្បាប់ផង»។ សូមជម្រាបថា…

កំពត÷នៅថ្ងៃទី២៩ ខែមីនា ឆ្នាំ២០២១ ឯកឧត្តម ជាវ តាយ អភិបាលខេត្តកំពត បានចុះពិនិត្យស្ថានភាព និងសួរសុខទុក្ខ ប្រជាពលរដ្ឋ និងកងកម្លាំងសមត្ថកិច្ចឈរជើងប្រចាំការ នៅប៉ុស្តិ៍ត្រួតពិនិត្យផ្លូវជាតិ លេខ៣ ចំនុចផ្សារត្រពាំងរពៅស្ថិតក្នុងឃុំព្រែកត្នោត ស្រុកទឹកឈូ ជាប់ព្រំប្រទល់រវាងស្រុកព្រៃនប់ ខេត្តព្រះសីហនុ និងខេត្តកំពត។ តាមរយៈរបាយការណ៍ របស់លោក នាក់ សុវណ្ណរី អភិបាលស្រុកទឹកឈូ បានឲ្យដឹងថា ចាប់ពីថ្ងៃដាក់ប៉ុស្តិ៍ត្រួតពិនិត្យនៅថ្ងៃទី ៥ ខែមីនា រហូតដល់ថ្ងៃទី ២៨ខែមីនា ឆ្នាំ២០២១នេះ ។ ប្រជាពលរដ្ឋធ្វើដំណើរពីខេត្តព្រះសីហនុ មានចំនួន១២៩០នាក់ ស្រី៥០១នាក់ ប៉ុណ្ណោះ ហើយតាមការសាកសួរពួកគាត់បានត្រឡប់មកលំនៅដ្ឋានវិញ ហើយមិនមានករណីអ្វីគួរឲ្យកត់សំគាល់ទេ ។ឯកឧត្តមជាវ តាយអភិបាលខេត្ត បានកោតសរសើរដល់ក្រុមការងារត្រួតពិនិត្យនៅប៉ុស្តិ៍ត្រពាំងរពៅ និងគណៈបញ្ជាការឯកភាពរដ្ឋបាលស្រុកទឹកឈូ ដែលបានយកចិត្តទុកដាក់អនុវត្ត បំពេញតួនាទីភារកិច្ច ក្នុងការត្រួតពិនិត្យប្រជាពលរដ្ឋធ្វើដំណើរឆ្លងកាត់ពីខេត្តព្រះសីហនុមកកាន់ខេត្តកំពតមានលក្ខណៈល្អប្រសើរ តាមការណែនាំរបស់ប្រមុខរាជរដ្ឋាភិបាលសម្ដេចតេជោហ៊ុនសែន ក៏ដូចជាវិធានការណែនាំរបស់ក្រសួងសុខាភិបាលនិងក្រសួងមហាផ្ទៃ ដើម្បីរួមគ្នា បង្ការទប់ស្កាត់ជំងឺកូវីដ១៩ ដែលបច្ចុប្បន្នខេត្តព្រះសីហនុបាននិងកំពុងបន្តឆ្លងជាបន្តបន្ទាប់នូវជំងឺកាចសាហាវនេះនេះ ។ឯកឧត្តមជាវតាយក៏បានធ្វើការណែនាំដល់អាជ្ញាធរឃុំស្រុកនិងកងកម្លាំង ទាំងអស់ ត្រូវបន្តយកចិត្តទុកដាក់ពង្រឹងការត្រួតពិនិត្យនៅតាមចំណុចផ្សេងទៀត រវាងព្រំប្រទល់ ខេត្តព្រះសីហនុ និងខេត្តកំពតឲ្យបានកាន់តែប្រសើរ…