ភ្នំពេញ៖ នៅថ្ងៃទី១៨ ខែមីនា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចូលរួមថ្លែងសារ ដើម្បីអបអរសាទរការប្រារព្ធខួបកំណើត ១០០ឆ្នាំ របស់បិតាជាតិ បង់ក្លាដែស បង់ហ្កាបាន់ឌូ សេក្ខ មូជីប៊ួ រ៉ាម៉ាន់ និងទិវាបុណ្យឯករាជ្យជាតិបង់ក្លាដែស ខួបលើកទី៥០ បើទោះបីជា សម្ដេច មិនអាចទៅចូលរួមព្រឹត្តិការណ៍ ជាប្រវត្តិសាស្ត្រនេះដោយផ្ទាល់នៅទីក្រុងដាក្កា ដោយសារការរីករាលដាល នៃជំងឺកូវីដ-១៩ ក៏ដោយ ។ ក្នុងឱកាសនេះ សម្ដេចតេជោ ហ៊ុន សែន បានសម្ដែងនូវអំណរសាទរ និងសូមប្រសិទ្ធពរបវរមហាប្រសើរជូនចំពោះ ឯកឧត្តម ប្រធានាធិបតី អាប់ឌុល ហាមីត, លោកជំទាវ នាយករដ្ឋមន្ត្រី សេក្ខ ហាស៊ីណា និងប្រជាជនបង់ក្លាដែស ជាមិត្ត ទាំងអស់ សូមប្រកបដោយសុខភាពមាំមួន, សុភមង្គល និងវិបុលភាព។ សម្ដេចក៏បានថ្លែងនូវការអបអរសាទរ និងកោត សរសើរចំពោះរដ្ឋាភិបាល និងប្រជាជនបង់ក្លាដែស ដែលសម្រេចបាននូវសមិទ្ធផលដ៏គួរឱ្យកត់សម្គាល់ជាច្រើនក្នុង ទសវត្សរ៍កន្លងមក តាមមាគ៌ាដឹកនាំដ៏ប្រាកដនិយមប្រកបដោយចក្ខុវិស័យវែងឆ្ងាយរបស់ឯកឧត្តមបិតាជាតិ បង់ហ្កាបាន់ឌូ…

ភ្នំពេញ៖ នៅថ្ងៃទី១៨ ខែមីនា ឆ្នាំ២០២១នេះ បណ្ដាអគ្គមេបញ្ជាការកងទ័ពអាស៊ាន បានបើកកិច្ចប្រជុំលើកទី១៨ (ACDFM-18) តាមប្រព័ន្ធវីដេអូ ដោយភាគីកងទ័ពកម្ពុជា ដឹកនាំដោយ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ចូលរួមកិច្ចប្រជុំ ACDFM-18 ក្រោមប្រធានបទ “យើងយកចិត្តទុកដាក់ យើងត្រៀមលក្ខណៈ យើងរីកចម្រើន” ។ ថ្លែងក្នុងពិធីបើកកិច្ចប្រជុំនាឱកាសនោះ ឧត្តមសេនីយ៍ទោ ដាតុសេរី ផាឡាវ៉ាន់ ហាជី ហាំហ្សា ប៊ីន ហាជី អគ្គមេបញ្ជាការកងទ័ពភូមិន្ទប្រ៊ុយណេបានគូសបញ្ជាក់ថា ការលើកយកទិសស្លោកនៃកិច្ចប្រជុំ ACDFM-18 ឆ្នាំនេះ មានអត្ថន័យសំដៅទៅលើសមាហរណកម្មកិច្ចសហប្រតិបត្តិការយោធា ដោយគូសបង្ហាញទៅលើកិច្ចខិតខំប្រឹងប្រែងរួមរបស់កងទ័ពអាស៊ានទាំងអស់ ក្នុងការប្រយុទ្ធប្រឆាំងបញ្ហាប្រឈមផ្សេងៗ និងការគំរាមកំហែងរួមក្នុងតំបន់។ អគ្គមេបញ្ជាការកងទ័ពភូមិន្ទប្រ៊ុយណេ បានសង្កត់ធ្ងន់ថា ដើម្បីធ្វើឲ្យមានការយល់ពីគ្នាកាន់តែស៊ីជម្រៅក្នុងការដោះស្រាយនាពេលបច្ចុប្បន្ន និងទៅថ្ងៃអនាគត កងទ័ពអាស៊ានត្រូវតែបន្តពង្រីកកិច្ចសហប្រតិបត្តិការថែមទៀត ក្នុងការដោះស្រាយបញ្ហាប្រឈមរួម ជាពិសេសលើបញ្ហាជំងឺកូវីដដែលយើងមិនធ្លាប់ជួបប្រទះពីមុនមក និងរួមបញ្ចូលបញ្ហាដទៃទៀតដូចជា សន្តិសុខលំហរសមុទ្រ ភេរវកម្ម ឧក្រិដ្ឋកម្មឆ្លងដែន និងការកសាងលំហរប្រព័ន្ធព័ត៌មានវិទ្យាដែលមានភាពអត់ធន់ និងមានសុវត្ថិភាព។ ថ្លែងនៅក្នុងបទអន្តរាគមន៍ផ្លាស់ប្ដូរទស្សនៈ នាយឧត្តមសេនីយ៍ វង្ស ពិសេន បានវាយតំលៃខ្ពស់ចំពោះប្រធានបទ…

លទ្ធផលនៃជំនួបតាមប្រព័ន្ធវីដេអូរវាងឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងលោកជំទាវ Louise Mushikiwabo អគ្គលេខាធិការនៃអង្គការអន្តរជាតិហ្រ្វង់កូហ្វូនី នៅថ្ងៃទី១៦ ខែមីនា ឆ្នាំ២០២១។

ភ្នំពេញ ៖ ព្រឹទ្ធសភានៃព្រះរាជាណាចក្រកម្ពុជា សូមសម្តែងនូវការខកចិត្តនិងសោកស្តាយបំផុតចំពោះសេចក្តីសម្រេចរបស់សភាអឺរ៉ុប នៅថ្ងៃទី១១ ខែមីនា ឆ្នាំ២០២១ ស្តីពីការជំនុំជម្រះក្តីប្រឆាំងនិងជនល្មើសច្បាប់នៅកម្ពុជា (២០២១/២៥៧៩(RSP)) ។ សេចក្តីសម្រេចនេះ ធ្វើឡើងដោយគ្មានមូលដ្ឋានច្បាប់ មានចរិតលំអៀង និងក្រោមហេតុផលនយោបាយ និងលើកទឹកចិត្តឱ្យក្រុមឧក្រិដ្ឋជនប្រឆាំងជាមួយរាជរដ្ឋាភិបាលស្របច្បាប់ តាមរយៈការបម្រើ របៀបវារៈនយោបាយរបស់បរទេសប្រឆាំងជាតិឯង។ ការទាមទារឱ្យទម្លាក់ការចោទប្រកាន់លើជនជាប់ចោទ និងលុបចោលការផ្តន្ទាទោស និងការកាត់ទោសជនល្មើសដោយតុលាការកម្ពុជា គឺជាការជ្រៀតជ្រែកចូលកិច្ចការផ្ទៃក្នុងរបស់កម្ពុជាដែលជារដ្ឋអធិបតេយ្យ និងជាការរំលោភលើឯករាជ្យភាពរបស់តុលាការកម្ពុជា ដែលមិនអាចជ្រៀតជ្រែកបានជាដាច់ខាត។ ការជំនុំជម្រះក្តីលើបុគ្គលដែលជាអតីតមេដឹកនាំ និងសកម្មជនប្រឆាំង ព្រមទាំងមន្រ្តីសង្គមស៊ីវិលដែលបានរំលោភបំពានច្បាប់កន្លងមក ត្រូវបានធ្វើឡើងដោយផ្អែកលើមូលដ្ឋានអង្គហេតុ(ភស្តុតាងរឹងមាំ) និងស្របតាមច្បាប់ជាធរមានរបស់កម្ពុជា។ សិទ្ធិរបស់ជនជាប់ចោទក្នុងការការពារខ្លួន នីតិវិធីសវនាការប្រព្រឹត្តទៅត្រឹមត្រូវ ធានាយ៉ាងពេញលេញដោយច្បាប់ ហើយការជំនុំជម្រះត្រូវបានធ្វើឡើងជាសាធារណៈ ដោយមានវត្តមានមេធាវីការពារចុងចោទ អង្គទូត និងអង្គការសង្គមស៊ីវិល នៅក្នុងបន្ទប់សវនាការ។ ដូចគ្នាទៅនឹងប្រទេសប្រជាធិបតេយ្យដទៃទៀតដែរ ការអនុវត្តច្បាប់ទៅលើបុគ្គលដែលប្រើប្រាស់សិទ្ធិសេរីភាពហួសដែនកំណត់ដោយច្បាប់ ដែលធ្វើឱ្យប៉ះពាល់ធ្ងន់ធ្ងរដល់សណ្តាប់ធ្នាប់សាធារណៈ និងសន្តិសុខជាតិ មិនត្រូវចាត់ទុកជាការរឹតត្បិតខាងនយោបាយ ឬលំហប្រជាធិបតេយ្យនោះទេ។ ព្រះរាជាណាចក្រកម្ពុជា ប្តេជ្ញាបន្តគោរពគោលការណ៍នីតិរដ្ឋ ប្រជាធិបតេយ្យ សេរីពហុបក្ស និងធានានូវការអនុវត្តសិទ្ធិសេរីភាពទាំងឡាយ ស្របតាមរដ្ឋធម្មនុញ្ញ និងច្បាប់ជាធរមាន ដើម្បីរក្សាសន្តិភាព ស្ថិរភាព និងសុខុមាលភាពរបស់ប្រជាជន ៕ ដោយ /…

សេចក្តីថ្លែងការណ៍របស់រដ្ឋសភានៃព្រះរាជាណាចក្រកម្ពុជា សម្តែងនូវការខកចិត្តយ៉ាងខ្លាំងចំពោះសេចក្តីសម្រេចចិត្តរបស់ សភាអឺរ៉ុប នៅថ្ងៃទី១១ ខែមីនា ឆ្នាំ២០២១ ស្តីពីការជំនុំជម្រះក្តីប្រឆាំងនឹងជនល្មើសច្បាប់ នៅព្រះរាជាណាចក្រ កម្ពុជា (២០២១/២៥៧៩(RSP)។