ភ្នំពេញ៖ នៅថ្ងៃពុធ ១៣កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែកុម្ភៈ ឆ្នាំ២០២១នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទូលថ្វាយនូវសារលិខិត ថ្លែងអំណរព្រះរាជគុណថ្វាយចំពោះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គសព្វព្រះរាជហឫទ័យ ប្រោសព្រះរាជូបត្ថម្ភនូវព្រះរាជទ្រព្យចំនួន ១ពាន់ដុល្លារ ចំពោះកាកបាទក្រហមកម្ពុជា សម្រាប់ខែកុម្ភៈ ឆ្នាំ២០២១។ ក្នុងសារលិខិតនោះមានខ្លឹមសារថា «ខ្ញុំម្ចាស់ និងថ្នាក់ដឹកនាំ សមាជិក សមាជិកា មន្ត្រី និងបុគ្គលិកទាំងអស់ នៃកាកបាទក្រហមកម្ពុជា មានសេចក្ដីរីករាយឥតឧបមាដោយបានទទួលនូវព្រះរាជទ្រព្យចំនួន ១,០០០ដុល្លារ (មួយពាន់ដុល្លារអាមេរិក) អំពី ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជូបត្ថម្ភ ចំពោះកាកបាទក្រហមកម្ពុជា សម្រាប់ខែកុម្ភៈ ឆ្នាំ២០២១ តាមរយៈ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង។ ក្នុងនាមថ្នាក់ដឹកនាំ…

ភ្នំពេញ៖ នារសៀលថ្ងៃទី២៤ ខែកុម្ភៈ ឆ្នាំ២០២១ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានចេញបទបញ្ជាដល់អភិបាលខេត្តនៅជាប់ព្រំដែន និងក្រសួង-ស្ថាប័នដែលពាក់ព័ន្ធ ត្រូវបង្កលភាពងាយស្រួលដល់ពលរដ្ឋ ក្នុងការធ្វើពាណិជ្ជកម្មជាមួយប្រទេសជិតខាង នៅតាមព្រំដែនកម្ពុជា-ថៃ,កម្ពុជា-វៀតណាម-និងកម្ពុជា-ឡាវ។ សម្ដេចតេជោ ហ៊ុន សែន បានថ្លែងថា កន្លងមក គឺរាជរដ្ឋាភិបាល បានដាក់ចេញនូវវិធានការគ្រប់គ្រងការចេញ-ចូល របស់ប្រជាពលរដ្ឋនៅតាមព្រំដែន ហើយបានដាក់គោលដៅច្បាស់លាស់ គឺពង្រឹងការធ្វើចត្តាឡីស័កនៅតាមព្រំដែន ដើម្បីចៀសវាងការនាំចូលនូវជំងឺកូវីដ-១៩ពីក្រៅប្រទេស ចូលមកក្នុងប្រទេស។ ក៏ប៉ុន្តែការដឹកជញ្ជូនទំនិញ និងការរកស៊ីរបស់ប្រជាពលរដ្ឋ នៅតាមព្រំដែនរវាងប្រទេសជិតខាង ជាមួយ កម្ពុជា គឺនៅតែដំណើរការជាធម្មតា។ តាមរយៈសារជាសំឡេងនេះ សម្ដេចតេជោនាយរកដ្ឋមន្ត្រី បានទទួលព័ត៌មានថា មានការដាក់បទបញ្ជាដល់អាជ្ញាធរខេត្តនៅជាប់ព្រំដែនកម្ពុជា-ថៃ ថា មិនឲ្យប្រជាពលរដ្ឋខ្មែរដឹកជញ្ជូនកសិផលនាំចេញដូចពីមុនទៀតទេ ដោយចាប់ផ្ដើមអនុវត្តចាប់ពីស្អែកតទៅ តែសម្រាប់រថយន្តរបស់ប្រទេសថៃ អាចចូលមកកម្ពុជាបាន។ ប្រសិនបើមានករណីបែបនេះមែន សម្ដេចតេជោ ហ៊ុន សែន ស្នើឲ្យដកនូវបទបញ្ជានេះចេញវិញ ដើម្បីសម្រួលដល់ប្រជាពលរដ្ឋនៅតាមព្រំដែន អាចរកស៊ីបានជាធម្មតា ហើយជាពិសេសត្រូវសម្រួលដល់ការនាំចេញរបស់ប្រជាពលរដ្ឋឲ្យបានកាន់តែច្រើន ស្របពេលដែលរដូវនេះជារដូវប្រមូលផល។ សម្ដេចតេជោ ហ៊ុន សែន បញ្ជាក់ថា «អ្វីជាគោលបំណងរបស់យើង…

យោងតាមសេចក្តីជូនដំណឹងរបស់ ប៊ែលធីគ្រុប បានអោយដឹងថា សាលាគ្រប់ទីតាំង និង សាកលវិទ្យាល័យ ប៊ែលធី អន្តរជាតិ​ទាំងអស់ ធ្វើការផ្អាកដំណើរការ​បង្រៀន និងរៀនក្នុងថ្នាក់ ប៉ុន្តែបន្តការសិក្សាតាម​ប្រព័ន្ធអេឡិចត្រូនិក ជាបណ្តោះអាសន្ន ២សប្តាហ៍។ ការជូនដំណឹងនេះ យោងតាមសេចក្តីប្រកាសរបស់ក្រសួងអប់រំយុវជន និងកីឡា ដែលបានផ្សព្វផ្សាយ ពីវិធានការទប់ស្កាត់ ការរីករាលដាលជំងឺកូវីដ-១៩ នៃព្រឹត្តិការណ៍សហគមន៍ ២០កុម្ភៈ។ ក្នុងសេចក្តីជូនដំណឹងដែលចុះថ្ងៃទី២២ ខែកុម្ភៈ ឆ្នាំ២០២១ ក៏បានបញ្ជាក់ថា រហូតដល់មានសេចក្តីជូនដំណឹងថ្មីពីក្រសួង អប់រំយុវជន និង កីឡា ទើបសាលា ជូនដំណឹងបន្តទៀត។

កំពង់ចាម៖ ដោយមើលឃើញទុក្ខលំបាករបស់បងប្អូនប្រជាពលរដ្ឋដែលជួបការលំបាក និងមានជីវ ភាពខ្វះខាតនោះតាមរយៈ លោក សោ សាវឿន មេបញ្ជាការកងរាជអាវុធហត្ថខេត្តកំពង់ចាម និងជាប្រធានក្រុមការងារចុះជួយឃុំព្រែកកក់ គឺបាននាំយក​អំណោយរបស់ឯកឧត្តម ហ៊ុន ណេង អនុប្រធានទី១ក្រុមការងារគណៈបក្សប្រជាជនកម្ពុជាចុះជួយខេត្តកំពង់ចាម និងជាតំណាង​​រាស្ត្រមណ្ឌលកំពង់ចាមគឺបាននាំយកអំណោយជា អង្ករ មី ថវិកា ដើម្បីធ្វើការប្រគល់ ជូនផ្ទាល់ដៃ​ដល់ប្រជាពលរដ្ឋ​ក្រីក្រ​ចំនួន៣០គ្រួសារ ស្ថិតនៅក្នុងឃុំព្រែកកក់ ស្រុកស្ទឹងត្រង់ ខេត្តកំពង់ចាម​នាថ្ងៃទី២០ ខែកុម្ភៈ ឆ្នាំ២០២១។ អំណោយដែលធ្វើការប្រគល់ជូននា ពេលនេះគឺធ្វើការផ្តល់ជូនគ្រួសារក្រីក្រ ដោយមិនមានការបែងចែកបក្សពួក ឫនិន្នាកាលនយោ បាយ សាសនានោះទេ ចំពោះអំណោយដែលប្រជាពលរដ្ឋក្រីក្រទាំង៣០គ្រួសារដែលទទួល បានគឺក្នុង១គ្រួសារៗទទួលបានមី១កេស អង្ករ១បេ និងថវិកា១០ម៉ឺនរៀល៕ ដោយ លី ពៅ

សៀមរាប៖ នៅទីស្នាក់ការគណបក្សប្រជាជនកម្ពុជាឃុំពាក់ស្នែង ស្រុកអង្គរធំខេត្តសៀមរាប បានបើកពិធីផ្សព្វផ្សាយ​របាយការណ៍ ស្តីពីសភាពការណ៏ទូទៅ និងការងារគណបក្សឆ្នាំ២០២០ និងទិសដៅភារកិច្ចបន្តឆ្នាំ២០២១» របស់គណៈកម្មាធិការកណ្តាល នៃគណបក្សប្រជាជនកម្ពុជា នារសៀលថ្ងៃទី២០ ខែកុម្ភៈ ឆ្នាំ២០២១នេះ។ ដោយមានវត្តមានឯកឧត្តម ផៃ សុខខេង អនុប្រធានក្រុមការងារគណបក្សថ្នាក់កណ្តាលចុះជួយឃុំពាក់ស្នែង សមាសភាពចូលរួមមាន លោក លោកស្រី សមាជិក សមាជិកាបក្ស ភូមិ ឃុំ ស្រុក បានអញ្ជើញចូលរួមជាច្រើននាក់។  ឯកឧត្តម ផៃ សុខខេង អនុប្រធានក្រុមការងារគណបក្សថ្នាក់កណ្តាលចុះជួយឃុំពាក់ស្នែងបានលើកឡើងថា ពិធីផ្សព្វផ្សាយ​របស់​យើងនាពេលនេះ គឺប្រារព្ធឡើងផ្អែកតាមសំណូមពរនៃការងារគណបក្ស ដែលគណៈអចិន្ត្រៃយ៍ គណៈកម្មាធិការកណ្តាល បានរៀបចំ និងសម្រេចនូវ “ របាយការណ៍ ស្តីពី សភាពការណ៏ទូទៅ និងការងារគណបក្សឆ្នាំ២០២០ និងទិសដៅភារកិច្ចឆ្នាំ២០២១ ដើម្បីគណបក្សគ្រប់ថ្នាក់ធ្វើការផ្សព្វផ្សាយ រៀនសូត្រ ឱ្យបានទូលំទូលាយក្នុងផ្ទៃគណបក្ស បានជ្រួតជ្រាបច្បាស់លាស់ នឹងបន្តរៀបចំផែនការចាត់តាំងអនុវត្តប្រកបដោយប្រសិទ្ធភាពធានា​រក្សាឱ្យបាននូវភាពរឹងមាំរបស់គណបក្ស ជានិរន្តន៍តទៅមុខទៀត។ យើងឈរលើមូលដ្ឋាននៃជ័យជម្នះដែលយើងទទួលបាន ក្រោមការដឹកនាំប្រកបដោយគតិបណ្ឌិត និងភាពក្លាហានរបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជា ក្នុងការការពារនូវសមិទ្ធផលនៃសង្គមជាតិ…