ភ្នំពេញ៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រខ្មែរ និងព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ជាទីគោរពសក្តារៈដ៏ខ្ពង់ខ្ពស់ នៅព្រឹកថ្ងៃចន្ទ ទី០១ ខែមីនា ឆ្នាំ២០២១ យាងទៅកាន់រដ្ឋធានីប៉េកាំង ប្រទេសចិន ដើម្បីពិនិត្យព្រះរាជសុខភាព តាមវេជ្ជបញ្ជារបស់ក្រុមគ្រូពេទ្យចិន។ តាមការគ្រោងទុកថ្នាក់ដឹកនាំកំពូលៗរបស់ជាតិ រួមមានសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា សម្តេចតេជោ ហ៊ុន សែន នាយករដ្ឋមន្ត្រី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងថ្នាក់ដឹកនាំជាន់ខ្ពស់រាជរដ្ឋាភិបាលកម្ពុជា មន្ត្រីព្រះបរមរាជវាំង និងព្រះញាតិវង្សជាច្រើនអង្គទៀត នឹងអញ្ជើញយាង ថ្វាយព្រះរាជដំណើរព្រះមហាក្សត្រ និងព្រះមហាក្សត្រី។ សូមបញ្ជាក់ថា ព្រះមហាក្សត្រ និងព្រះមហាក្សត្រី តែងតែយាងទៅពិនិត្យរាជសុខភាពមួយឆ្នាំពីរដងនៅប្រទេសចិន តាមការយាងរបស់ក្រុមគ្រូពេទ្យចិន។ កំលុងពេលព្រះអវត្តមានរបស់ព្រះមាហក្សត្រនេះ រាល់ព្រះរាជកិច្ចត្រូវបានប្រគល់ជូនសម្តេចវិបុលសេនាភក្តី សាយ ឈុំ ដែលជាប្រមុខរដ្ឋស្តីទី៕

កំពង់ស្ពឺ៖ នៅថ្ងៃទី២៧ ខែកុម្ភៈ ឆ្នាំ២០២០ឯកឧត្តម សេង ឈួន រដ្ឋលេខាធិការក្រសួង និងជាប្រធានគណៈ​កម្មាធិការ​សម្របសម្រួល បានដឹកនាំក្រុមការងារត្រួតពិនិត្យ និងទប់ស្កាត់យានយន្តដឹកជញ្ជូនលើសទម្ងន់កម្រិតកំណត់ ដោយមានការចូលរួមពីមន្ត្រីជាន់ខ្ពស់ក្រសួង ក្រុមការងារជញ្ជីងចល័ត មន្ទីរសាធារណការ និងដឹកជញ្ជូនខេត្តកំពង់ស្ពឺ និងអាជ្ញាធរដែនដីពាក់ព័ន្ធ បានចុះតាមបណ្តោយផ្លូវជាតិលេខ៤៤ ក្នុងភូមិសាស្ត្រភូមិសន្តិភាព ឃុំតាំងក្រូច ស្រុកសំរោងទង ខេត្តកំពង់ស្ពឺ សកម្មភាពនេះធ្វើឡើង ក្រោមការចង្អុលបង្ហាញដោយឯកឧត្តមទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន។ ក្នុងកិច្ចប្រតិបត្តិការនេះ ក្រុមការងារបានត្រួតពិនិត្យរថយន្តខ្សាច់ និងចំណីសត្វចំនួន១៥គ្រឿង ដោយបានរកឃើញរថយន្ត​ចំនួន​ ១២គ្រឿង ផ្ទុកលើសទម្ងន់កម្រិតកំណត់ ដោយក្នុងរថយន្ត១គ្រឿង ដឹកលើសទម្ងន់កម្រិតកំណត់៦តោន និង១១គ្រឿង ដឹកលើសទម្ងន់កម្រិតកំណត់លើសពី ២០តោន ដល់ ៣០តោន ដែលផ្ទុយពីច្បាប់បានកំណត់។ ឯកឧត្តម សេង ឈួន បានឱ្យដឹងថា ក្នុងចំណោមរថយន្តដែលដឹកលើសទម្ងន់កម្រិតកំណត់ទាំង ១២គ្រឿងនោះ មានរថយន្ត ដែលដឹកលើសទម្ងន់កម្រិតកំណត់ចន្លោះពី ៥% ទៅ ២០% នឹងត្រូវរើឥវ៉ាន់ចេញ ហើយត្រូវផាកពិន័យ ទៅតាមច្បាប់​កំណត់។ ដោយឡែកចំពោះរថយន្ត ដែលដឹកលើសទម្ងន់លើសពី២០% នឹងត្រូវបង់ពិន័យ…

ភ្នំពេញ៖ បើតាមសេចក្ដីជូនដំណឹងរបស់គណៈមេធាវីកម្ពុជា នៅថ្ងៃទី២៦ ខែកុម្ភៈ ឆ្នាំ២០២១ បញ្ជាក់ថា  គណៈមេធាវីកម្ពុជា ទទួលបានមេធាវីស្ម័គ្រចិត្តចូលរួមចំនួន ២២២រូបហើយ ដើម្បីផ្តល់ការពិគ្រោះយោបល់ផ្នែកច្បាប់ និងការការពារក្ដីជូនជន ក្រីក្រ ដោយឥតគិតកម្រៃ ដែលក្នុងនោះ មានមេធាវីចំនួន ១៣៧រូប ស្ម័ត្រចិត្តផ្តល់ការពិគ្រោះយោបល់ដោយឥតគិតកម្រៃ និងមានមេធាវីចំនួន ៨៥រូប ស្ម័គ្រចិត្តការពារក្ដីដោយឥតគិតកម្រៃ គិតត្រឹមថ្ងៃទី២៥ ខែកុម្ភៈ ឆ្នាំ២០២១។ បន្ទាប់ពីគណៈមេធាវី នៃព្រះរាជាណាចក្រកម្ពុជា បានធ្វើការអំពាវនាវតាមរយៈលិខិតលេខ ១៨៦/គម/២១ ចុះថ្ងៃទី៥ ខែកុម្ភៈ ឆ្នាំ២០២១ គណៈមេធាវីនៃព្រះរាជាណាចក្រកម្ពុជា ទទួលបានមេធាវីស្ម័គ្រចិត្តចូលរួម ផ្តល់​ ការពិគ្រោះ៖ យោបល់ផ្នែកច្បាប់ និងការពារក្ដីជូនជនក្រីក្រដោយឥតគិតកម្រៃ យ៉ាងផុសផុល ។ គណៈមេធាវី ក៏បានថ្លែងអំណរគុណយ៉ាងជ្រាលជ្រៅជូន ចំពោះសមាជិក-សមាជិកា ដែលជាមេធាវីស្ម័គ្រចិត្តចូលរួមចំនួន ២២២រូប។ ជាមួយគ្នានេះ គណៈមេធាវី ក៏បានបញ្ជាក់ដែរថា សម្រាប់សាធារណជនដែលមានបំណងពិគ្រោះយោបល់ ផ្នែកច្បាប់ សូមអញ្ជើញទៅទទួល សេវានេះ៖ ដោយឥតគិតកម្រៃ តាមតារាងពេលវេលា និងអាសយដ្ឋានដែលភ្ជាប់ជួនជាមួយ នេះ។ គណៈមេធាវី…

នៅថ្ងៃទី២៤ ខែកុម្ភៈ ឆ្នាំ២០២១  ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប  ចូលរួមជាមួយ  ឯកឧត្តម នាយឧត្តមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក និងជាអគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ  ចូលរួមជាគណៈអធិបតី  ក្នុងពីធីសម្ពោធដាក់ឲ្យប្រើប្រាស់ជាផ្លូវការនូវទីស្នាក់ការសង្កេតការណ៍កោះពោធិ៍ ខេត្តកែប  ។ សូមបញ្ជាក់ថា  ទីស្នាក់ការសង្កេតការណ៍កោះពោធិ៍ ដែលស្ថិតក្នុងកោះ  ជាទីតាំងជួរមុខរបស់ភូមិសាស្ត្រ ដែនទឹក របស់ខេត្តកែប  បានកសាងឡេីងដើម្បីជាប្រយោជន៍  ក្នុងគោលបំណងការពារសន្តិសុខសណ្តាប់ធ្នាប់ ដូចជាការរត់ពន្ធលើទំនិញខុសច្បាប់ផ្សេងៗ ជាពិសេសគ្រឿងញៀន ការឆក់ប្លន់តាមដែនសមុទ្រ និងការឆ្លងដែន ចូលប្រទេស ឬចូលមកនេសាទដោយខុសច្បាប់ជាដើម។  ម្យ៉ាងទៀត  ដើម្បីបង្កភាពងាយស្រួលក្នុងការសហការណ៍គ្នា  ជួយសង្គ្រោះ  ប្រជានេសាទ  ឬទូក នេសាទ ពេលកើតមានឧបទវហេតុផ្សេងៗ ដែលតែងតែកើតឡើង។   ទីស្នាក់ការណ៍នេះ មិនត្រឹមតែសម្រាប់រក្សាសន្តិសុខលើផ្ទៃទឹកទេ នេះក៏ដើម្បីរក្សាសន្តិសុខលើផ្ទៃគោក  កោះទាំង១២  និងថ្មប៉ប្រះទឹក១  ដែលមានប្រជាពលរដ្ឋកំពុងរស់នៅ  ហើយប៉ុស្តិ៍នេះជាខ្សែត្រៀមជួរមុខ ក្នុងការថែរក្សាអធិបតេយ្យភាពទឹកដីប្រវត្តិសាស្រ្តយើងផងដែរ៕ Sila Sarin

ភ្នំពេញ៖ បើយោងតាមផែនការនៅក្នុងឆ្នាំ២០២២ខាងមុខនេះ ខេត្ដព្រះសីហនុ ដែលខេត្ដមួយកំពុងតែមានអភិវឌ្ឍន៍ខ្លាំងនោះ នឹងទទួលបាននូវសមទ្ធិផលថ្មីធំៗចំនួន២បន្ថែមទៀត រួមមាន៖ ផ្លូវរត់ព្រលានយន្ដហោះកងកេង ដែលជាផ្លូវរត់វែងជាង ក្នុងប្រទេសកម្ពជា និងផ្លូវល្បឿនលឿន ភ្នំពេញ-ក្រុងព្រះសីហនុ។ ផ្លូវល្បឿនលឿន ភ្នំពេញ-ក្រុងព្រះសីហនុ មានប្រវែងសរុប ជាង១៩០គីឡូម៉ែត្រ ដែលចំណាយថវិកា សាងសង់សរុប ប្រមាណ២,០០០លានដុល្លារអាមេរិក ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway Co., Ltd។ ផ្លូវនេះ ឆ្លងកាត់រាជធានីភ្នំពេញ ប្រវែង៨.៣០គីឡូម៉ែត្រ ខេត្តកណ្តាល ប្រវែង ៩.១០គីឡូម៉ែត្រ ខេត្តកំពង់ស្ពឺ ប្រវែង ៨០.៨០គីឡូម៉ែត្រ ខេត្តកោះកុង ប្រវែង ១.៩២គីឡូម៉ែត្រ និងខេត្តព្រះសីហនុ ប្រវែង៨៩.៨៩គីឡូម៉ែត្រ។ ដោយឡែកផ្លូវរត់ព្រលានយន្ដហោះកងកេង ខេត្ដព្រះសីហនុ ដែលជាផ្លូវរត់វែងជាង ក្នុងប្រទេសកម្ពជានោះ ត្រូវបានរាជរដ្ឋាភិបាល ផ្ដល់សិទ្ធឲ្យក្រុមហ៊ុនវ៉ាងស៊ី របស់ប្រទេសបារាំង ជាអ្នកសាងសង់។ បើតាមក្រុមហ៊ុនវ៉ាងស៊ី បានធានារ៉ាប់រងថា នឹងធ្វើឲ្យរួចរាល់ នៅក្នុងរង្វង់ឆ្នាំ២០២១ ឬដើមឆ្នាំ២០២២ ដូច្នេះយន្ដហោះធំៗ…