ភ្នំពេញ៖ សមាគមគ្រឹះស្ថានឧត្តមសិក្សាកម្ពុជា នៅថ្ងៃទី១៧ ខែធ្នូ ឆ្នាំ២០២០នេះ បានចេញសេចក្ដីថ្លែងការណ៍ គាំទ្រការសម្រេចរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលអនុញ្ញាតឲ្យសិស្សថ្នាក់ទី១២ ឆ្នាំសិក្សា២០១៩-២០២០ ជាប់ដោយមិនបាច់ឆ្លងកាត់ការប្រឡង សញ្ញាបត្រមធ្យមសិក្សាទុតិយភូមិ (បាក់ឌុប) ដោយសារវិបត្តិជំងឺកូវីដ-១៩។ សេចក្ដីថ្លែងការណ៍ដដែល សមាគមគ្រឹះស្ថានឧត្តមសិក្សាកម្ពុជា ដែលមានសមាជិក ១១៤គ្រឹះស្ថានសិក្សា សូមប្រកាសគាំទ្រទាំងស្រុង និងសូមអនុវត្តឲ្យមានប្រសិទ្ធភាពតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសេចក្តីជូនដំណឹងរបស់ក្រសួងអប់រំ យុវជន និងកីឡា ស្តីពីលទ្ធផល នៃការប្រឡងសញ្ញាបត្រមធ្យមសិក្សាបឋមភូមិ និងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៩-២០២០ ដែលកំណត់ឲ្យជាប់ជាស្ថាពរ ចំពោះ បេក្ខជនទាំងអស់ដែលបានចុះឈ្មោះប្រឡង ដោយគ្មានការកំណត់និទ្ទេស។ សមាគមគ្រឹះស្ថានឧត្តមសិក្សាកម្ពុជា សូមថ្លែងអំណរគុណ និងដឹងគុណដ៏ជ្រាលជ្រៅក្រៃលែងឥតឧបមា ចំពោះដំណោះស្រាយជាតិប្រកបដោយបញ្ញាញាណ គំនិតឆ្នៃប្រឌិត និងនវានុវត្តន៍ប្រកបដោយការទទួលខុសត្រូវខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ ក្រសួងអប់រំ យុវជន និងកីឡា នៅថ្ងៃទី១៦ ខែធ្នូ ឆ្នាំ២០២០ បានចេញសេចក្ដីជូនដំណឹងមួយ ដោយសម្រេចឲ្យបេក្ខជនចុះឈ្មោះប្រលងសញ្ញាបត្រមធ្យមសិក្សាបឋមភូមិ (ឌីប្លូម) និងសញ្ញាបត្រមធ្យសិក្សាទុតិយភូមិ…

កំពង់ធំ៖ ដើម្បីចូលរួមចំណែកជាមួយនឹងរាជរដ្ឋាភិបាលកម្ពុជា ក្នុងការកាត់បន្ថយភាពក្រីក្រ និងលើកកម្ពស់ជីវភាពគ្រួសារ ដល់ប្រជាពលរដ្ឋក្នុងការរីករាដាលនៃជំងឺកូវីដ១៩ លោក ខាន់ ខុន សមាជិកអចិន្ត្រៃយ៍សហភាពសហព័ន្ធយុវជនកម្ពុជា ខេត្តកំពង់ធំ សហការជាមួយក្រុមហ៊ុនប៊ីម៉ារៀលអ៊ីស្ទេត (BemaReal Estate co.Ltd) បាននាំយក គ្រឿងឧបភោគ បរិភោគ ផ្តល់ជូនប្រជាពលរដ្ឋងាយរងគ្រោះ ជនចាស់ជរា ស្រ្ដីមេម៉ាយ ជនពិការ និងប្រជាពលរដ្ឋជួបបញ្ហាលំបាក​ខ្វះ ស្បៀងអាហារ ចំនួន ៣៥០គ្រួសារ ដែលការចែកអំណោយចាប់ពីថ្ងៃទី១៦ ដល់ថ្ងៃទី១៧ ខែធ្នូ ឆ្នាំ២០២០ ចំនួនបួនទីតាំង ផ្សេងគ្នា។ លោក ខាន់ ខុន​ អំណរគុណដល់ក្រុមហ៊ុនប៊ីម៉ារៀលអ៊ីស្ទេត (BemaReal Estate co.Ltd) និង សហភាពសហព័ន្ធ យុវជនកម្ពុជាខេត្តកំពង់ធំ ដែលតែងតែជួយដល់ ប្រជាពលរដ្ឋងាយរងគ្រោះ ដើម្បីចូលរួមក្នុងការដោះស្រាយជាមួយ នឹង រដ្ឋរាជរដ្ឋាភិបាល ដូចជាអាជ្ញាធរខេត្ត ។ និងជំរុញដល់ប្រជាពលរដ្ឋ និងអ្នកចូលរួមទាំងអស់ត្រូវមានការប្រុងប្រយ័ត្នខ្ពស់ ដោយចូលរួមអនុវត្តវិធានការពារ និង កាត់បន្ថយហានិភ័យពីការឆ្លង ជំងឺកូវីដ១៩ ដោយអនុវត្តឱ្យបានត្រឹមត្រូវតាមសារ…

ភ្នំពេញ៖  នៅថ្ងៃទី១៦ ខែធ្នូ ឆ្នាំ២០២០ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា បន្ទាប់ពីភាគីកម្ពុជា បានធ្វើដាក់សំណើរស្នើសុំទៅមិត្តចិន ជួយផ្តល់ថ្នាំការពារជំងឺឆ្លងអុតក្តាមសត្វគោ/ក្របី ដែលប្រទេសកម្ពុជាកំពុងប្រឈមនោះ, ភាគីមិត្តចិន បានសម្រេចផ្តល់នូវវ៉ាក់សាំងការពារជំងឺក្តាមគោ/ក្របី ចំនួន២០ម៉ឺនដូស (Doses) ដល់កម្ពុជា ។ ឯកឧត្តមរដ្ឋមន្ត្រីក្រៅពីផ្តល់ជូន វ៉ាក់សាំងការពារជំងឺអុតក្តាមហើយនោះ មិត្តចិនក៏ផ្តល់ជូនភាគីកម្ពុជា នូវកិច្ចសហប្រតិបត្តិការផ្នែកបច្ចេកទេស និងបង្កើនសមត្ថភាពក្នុងការឃ្លាំមើល ការបង្ការ និងការគ្រប់គ្រងការរាលដាលជំងឺឆ្លងសត្វផងដែរ។ ឯកឧត្តម បន្តថា ចំពោះការផលិតថ្នាំការពារជំងឺឆ្លងសត្វ នាយកដ្ឋានសហប្រតិបត្តិការអន្តរជាតិ នៃក្រសួងទាំងពីរ បាននិងកំពុងធ្វើការសម្របសម្រួលផ្នែកលិខិតបទដ្ឋានគតិយុត្តនានា ធ្វើយ៉ាងណាបង្កើតភាពងាយស្រួល ជូនដល់ក្រុមហ៊ុនវិនិយោគិនចិន ដែលមានបំណងធ្វើការវិនិយោគ ដើម្បីសិក្សាស្រាវជ្រាវ និងផលិតនៅកម្ពុជានាពេលខាងមុខ។ ឯកឧត្តម វេង សាខុន ក្នុងនាមរាជរដ្ឋាភិបាលកម្ពុជា បានថ្លែងអំណរគុណយ៉ាងជ្រាលជ្រៅ ចំពោះប្រជាជន និងរដ្ឋាភិបាលចិន ដែលបាន និងកំពុងបន្តផ្តល់កិច្ចសហប្រតិបត្តិការ គ្រប់ជ្រុងជ្រោយជាមួយរដ្ឋាភិបាលកម្ពុជា។ លទ្ធផលនៃកិច្ចសហប្រតិបត្តិការនេះ បានចូលរួមជាចំណែកយ៉ាងមានប្រសិទ្ធភាព ក្នុងការជួយរុញកំណើនសេដ្ឋកិច្ច តាមរយ:ការអភិវឌ្ឍលើគ្រប់វិស័យ រួមទាំងវិស័យកសិកម្ម៕

ភ្នំពេញ៖ បើតាមប្រកាសអន្តរក្រសួង នាថ្ងៃទី១៦ ខែធ្នូ ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានចេញប្រកាសអន្តរក្រសួងស្ដីពី ការកែសម្រួល និងបន្ថែមសមាសភាពក្រុមការងារដើម្បីពិនិត្យ និងដាក់បញ្ចូលវិធានការអនាម័យ និងបរិស្ថាននៅក្នុងលក្ខណៈសម្បត្តិនៃគោលនយោបាយភូមិឃុំមានសុវត្ថិភាព៕

រតនគិរី៖ នារសៀលថ្ងៃពុធ ២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៦ ខែធ្នូ ឆ្នាំ2020លោក ធូ ឃឿ អភិបាលស្រុកអូជុំ បានចុះពិនិត្យ និងធ្វើការសម្របសម្រួល ការពង្រីកផ្លូវពីឃុំ ពី៥ម៉ែត្រទៅ១៤ម៉ែត្រ តាមការស្នើរសុំរបស់ក្រុមប្រឹក្សាឃុំល្អក់ ដោយឈូសឆាយកាយប្រឡាយសងខាងផ្លូវដែលប៉ះពាល់លើ របងចំការ ប្រជាពលរដ្ឋមួយចំនួនដែលស្ថិតនៅភូមិគោកទៅភូមិល្អក់ ឃុំល្អក់ស្រុកអូរជុំ ជាគម្រោងជួសជុលផ្លូវលំក្រាលគ្រួសក្រហមមានប្រវែង២៨៥០ម៉ែត្រប្រើប្រាស់ថវិកាឃុំ។ ក្រុមការងារថ្នាក់ស្រុក ប្រជាពលរដ្ឋបានយល់ព្រមចូលរួមសហការបរិច្ចាគការខូចខាត និង អោយមានការអនុវត្តគម្រោងជួសជុល និងកាយប្រឡាយបន្តរតាមផែនការមេជាគោល។ ក្រុមការងាររួមមាន៖ -លោក គិ ប៊ុនសូម អភិបាលរងស្រុកអូជុំ -លោក សុំ សមប្រាថ្នា នាយករដ្ឋបាល -លោក ព្រឺ ប៊ុនធឿន ប្រធានការិយាល័យរដ្ឋបាលស្រុក -លោកស្រី នុន សុគន្ឋីតា អនុប្រធានអង្គភាពលទ្ធកម្មស្រុក ក្នុងពេលវេលាដដែលនោះ ក្រុមការងារបានចុះតាមដាន និង ត្រួតពិនិត្យ គម្រោងជួសជុលផ្លូវមេតុងអាមេប្រវែង៤២៤ម៉ែត្រស្ថិតនៅភូមិគោក ឃុំល្អក់ ស្រុកអូរជុំ ដែលប្រើប្រាស់ថវិការស្រុក។ បច្ចុប្បន្ន អនុវត្តបានសម្រេច៤៥%ហើយ៕…

រតនគិរី៖ ឯកឧត្តម ថង សាវុន អភិបាលខេត្តរតនគិរី អមដោយអភិបាលរងខេត្ត នាយករដ្ឋបាលសាលាខេត្ត និងប្រធានមន្ទីរ អង្គភាពមួយចំនួន បានអនុញ្ញាតឲ្យលោក អួន បឋម ឬហៅ សាយ ដែលជាអ្នកផ្តើមគំនិតរត់ ដើម្បីរៃអង្គាសថវិកាជូនមន្ទីរពេទ្យកុមារអង្គរ នៅខេត្តសៀមរាប និងក្រុមការងារបានចូលជួបសម្តែងការគួរសម និងជម្រាបជូនអំពីបេសកកម្មមនុស្សធម៌របស់សាយ។ ឯកឧត្តម ថង សាវុន កោតសរសើរនូវឆន្ទៈរបស់ សាយ ដែលបានផ្តួចផ្តើមគំនិតបង្កើតកម្មវិធី រត់​ដើម្បីសប្បុរសធម៌ជាមួយសាយ ដើម្បីគៀគរមូនិធិជួយដល់មន្ទីរពេទ្យកុមារអង្គរ ដែលកំពុងជួយសង្គ្រោះ កុមារកម្ពុជារាប់លាននាក់។ ឯកឧត្តម សម្តែងនូវក្តីមោទកភាពដោយសារសាយ គឺជាយុវជនម្នាក់ ដែលមានដើមកំណើតនៅខេត្តរតនគិរី និងជាយុវជនគំរូម្នាក់ ដែលបានផ្តើមគំនិត និងលះបង់ខ្ពង់ ក្នុងការងារមនុស្សធម៌។ ឯកឧត្តម សូមគាំទ្រជាមួយបេសកកម្មរបស់សាយ ក្នុងការរត់ជុំវិញប្រទេស ព្រមទាំងបានប្រគល់ថវិកាជាមូនិធិ ដែលទទួលបានពីការបរិច្ចាកធនធានផ្ទាល់ខ្លួន ពីសំណាក់ថ្នាក់ដឹកនាំ មន្ត្រីរាជការ ប្រជាពលរដ្ឋនៅទូទាំងខេត្ត ដើម្បីឧបត្ថម្ភដល់បេសកកម្មរបស់សាយ ជួយដល់មន្ទីរពេទ្យកុមារអង្គរ នូវថវិកាបឋមប្រមាណជិត២០លានរៀល។ លោក អួន បឋម ហៅសាយ នាពេលថ្មីៗកន្លងមកនេះ បានផ្តើមគំនិតរ៉ៃអង្គាសថវិកា ជូនរាជរដ្ឋាភិបាល…