ខេត្តបន្ទាយមានជ័យ៖ បុរសជនជាតិចិនតៃវ៉ាន់ម្នាក់ សង្ស័យបែកថ្នាំញៀន ប្រុងលោតសម្លាប់ខ្លួនពីអាគារ     កំខ្ពស់មួយជាន់ នៅ កាស៊ីណូនាគទិព្វ ស្ថិតនៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីរសៀលថ្ងៃទី១៤ ខែធ្នូ  ឆ្នាំ២០២០ កន្លងមក  ប៉ុន្តែត្រូវបានពលរដ្ឋ និងសមត្ថកិច្ច រារាំងសង្គ្រោះទាន់។     ប្រជាពលរដ្ឋ និងសមត្ថកិច្ច ដែលបានជួយធ្វើការសង្គ្រោះជនជាតិចិននោះ បានប្រាប់អ្នកយក​ព័ត៍មានឲ្យដឹងថា នៅពេលកើតហេតុនោះគេបានឃើញបុរសជាជនជាតិចនជាតិចិនតៃវ៉ាន់ម្នាក់ ទំនងជាបែកថ្នាំញៀន  ស្រាប់ឃើញរត់ចុះឡើងនៅអាគារកាស៊ីណូនាគទិព្វ ប្រុងលោតពីលើកាស៊ីណូសម្លាប់ខ្លួន ក្រោយពីឃើញដូច្នេះមានប្រជាពលរដ្ឋ និងសម្ថកិច្ច ព្រមទំាងបុគ្គលិកកាស៊ីណូ បានជួយធ្វើអន្តរាគមន៍​ឡើងទៅឃាត់ចុះមកដល់ដីវិញ។      សមត្ថកិច្ចបានបញ្ជាក់បន្តទៀតថា ជនជាតិចិននោះមាន ឈ្មោះ ហ្វូ ហ្វាំ ង ហ្វី អាយុ ៣៦ ឆ្នាំ ជាជនជាតិ​តៃវ៉ាន់ មកស្នាក់នៅក្រុងប៉ោយប៉ែត មកទល់ពេលនេះបុរសនេះនៅមិនទាន់មានសតិគ្រប់គ្រាន់ និងនិយាយ​អាចស្តាប់បាននៅឡើយទេ ៕ ដោយ:ឃិន គន្ធា

ភ្នំពេញ៖ ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅថ្ងៃទី១៤ ខែធ្នូ ឆ្នាំ២០២០នេះ បានអញ្ជើញចូលរួមវេទិកាអន្តរជាតិ ស្តីពីការចែករំលែក បទពិសោធន៍ក្នុងការកាត់បន្ថយភាពក្រីក្រ ដែលរៀបចំឡើង ដោយការិយាល័យដឹកនាំនៃក្រុមប្រឹក្សារដ្ឋចិន និងការិយាល័យព័ត៌មានក្រុមប្រឹក្សារដ្ឋនៃប្រទេសចិន ក្រោមប្រធានបទ «ការលើកកម្ពស់ការកាត់បន្ថយ ភាពក្រីក្រជាសកល និងការកសាងសហគមន៍អនាគតរួមគ្នាជាសកល»។ បើតាមសេចក្ដីប្រកាសព័ត៌មាន របស់ក្រសួងអភិវឌ្ឍន៍ជនបទ នៅយប់ថ្ងៃទី១៤ ខែធ្នូ ឆ្នាំ២០២០ បានឲ្យដឹងថា វេទិកានេះ មានការចូលរួមពីសំណាក់ថ្នាក់ដឹកនាំ ថ្នាក់រដ្ឋមន្ត្រីពីបណ្តាប្រទេសនានា ស្ថាប័នរបស់អង្គការ សហប្រជាជាតិ ដៃគូអភិវឌ្ឍន៍ អង្គការសង្គមស៊ីវិល ស្ថាប័នសារព័ត៌មាន និងស្ថាប័នស្រាវជ្រាវ ។ គោលបំណងសំខាន់នៃវេទិកានេះ គឺដើម្បីកៀរគរគ្រប់ភាគីពាក់ព័ន្ធទាំងអស់ រួមគ្នាពង្រឹងនូវទំនុកចិត្តរវាងគ្នានិងគ្នា ក្នុងការកាត់បន្ថយភាពក្រីក្រជាសកល ដែលជាការរួមចំណែកយ៉ាងសំខាន់ ក្នុងការសម្រេចឲ្យបាននូវគោលដៅនៃការអភិវឌ្ឍប្រកបដោយចីរភាពឆ្នាំ២០៣០ ជាពិសេស ឆ្លើយតបផងដែរទៅនឹងស្ថានភាពបន្ទាន់ និងតម្រូវការរបស់សហគមន៍អន្តរជាតិ ដោយប្រកាន់ខ្ជាប់នូវគោលការណ៍ពហុភាគី ការពារសន្តិភាព និងស្ថិរភាពក្នុងការលុបបំបាត់ជំងឺរាតត្បាតកូវីដ-១៩ ក៏ដូចជាពនឿនដំណើរការនៃការកាត់បន្ថយភាពក្រីក្រជាសកល។ ឯកឧត្តម Lu Youngfu រដ្ឋមន្ត្រីនៃការិយាល័យដឹកនាំនៃក្រុមប្រឹក្សារដ្ឋចិន បានសម្តែងការចាប់អារម្មណ៍ និងស្វាគមន៍ដល់អ្នកចូលរួម និងគ្រប់ភាគីពាក់ព័ន្ធ ដែលបានចូលរួមចែករំលែកបទពិសោធន៍…

ខេត្តកែប៖ នៅថ្ងៃ ទី១៤ ខែធ្នូ ឆ្នាំ២០២០ លោកស្រី អ៊ុល ភីរុណ អនុប្រធានអចិន្ទ្រៃយ៍ គណៈកម្មា​ធិការ​សាខា​កាកបាទក្រហម ខេត្តកែប តំណាងឯកឧត្តម សោម ពិសិដ្ឋ ប្រធានគណៈកម្មាធិការសាខាកាកបាទក្រហមកម្ពុជាខេត្តកែប បានចុះសួរសុខទុក្ខ និងនាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ចែកជូនដល់ប្រជាពលរដ្ឋរងគ្រោះ ដោយសារខ្យល់ព្យុះ និងខ្យល់កន្ទ្រាក់នៅឃុំអង្កោល ស្រុកដំណាក់ចង្អើរចំនួន ។ លោកស្រីអនុប្រធាន បានពាំនាំនូវ ប្រសាសន៍ផ្តាំផ្ញើ និងសួរសុខទុក្ខពីសំណាក សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម សោម ពិសិដ្ឋ ប្រធានគណៈកម្មាធិការសាខា កាកបាទក្រហមកម្ពុជាខេត្ត ដែល​ជានិច្ចកាលតែងតែយកចិត្តទុកដាក់ សុខទុក្ខ និងការលំបាករបស់បងប្អូនប្រជាពលរដ្ឋនៅគ្រប់ទិសទី ជាពិសេសនៅពេលដែលបងប្អូនជួបប្រទះនូវគ្រោះ មហន្តរាយផ្សេងៗ ។ ក្នុងឱកាសនោះលោកស្រី អនុប្រធាន បានអំពាវនាវដល់បង ប្អូន ប្រជាពលរដ្ឋទាំងអស់ ត្រូវមានការប្រុងប្រយ័ត្នខ្ពស់ ចំពោះបាតុភូតខ្យល់កន្ត្រាក់ ផ្គរ…

ភ្នំពេញ៖ ឯកឧត្តម វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំបន្ទាន់មួយ ដើម្បីពិភាក្សាអំពីតួនាទី របស់សមាគមវារីវប្បករកម្ពុជា ក្នុងការចូលរួមបង្កើនផលិតភាពផលិតកម្មវារីវប្បកម្មកម្ពុជា ឲ្យមានការរីកចម្រើនទាំងបរិមាណ និងគុណភាព។ ដើម្បីឆ្លើយតបតាមតម្រូវការទីផ្សារ កាត់បន្ថយការនាំចូល ក្នុងខណៈជំងឺឆ្លងកូវីដ-១៩ កំពុងរីករាលដាលជាសកល ជាពិសេសអនុវត្ត ប្រសាសន៍ណែនាំ របស់សម្តេចតេជោ ហ៊ុន សែន នាយករដ្ឋមន្រ្តីដែលថា «វិស័យកសិកម្មជាជីពចររបស់ពលរដ្ឋកម្ពុជា»។ ក្នុងកិច្ចប្រជុំមានការអញ្ជើញចូលរួមពីលោក ស្រី វុឌ្ឍី អគ្គលេខាធិការក្រសួង, លោក អេង ជាសាន ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានរដ្ឋបាល ជលផល, លោក សុខ រ៉ាដែន ប្រធានសមាគមវារីវប្បករកម្ពុជា សមាជិក និងសមាជិកាជាច្រើនរូប។ បានពិភាក្សាគ្នាយ៉ាងល្អិតល្អន់ និងក្តាប់បានអំពីស្ថានភាពជាក់ស្តែង របស់សមាគមវារីវប្បករកម្ពុជារួចមក រដ្ឋមន្ត្រី វេង សាខុន បានធ្វើការណែនាំ ដល់រដ្ឋបាលជលផល នូវចំណុចគន្លឹះសំខាន់ៗមួយចំនួន ដូចខាងក្រោម៖ * ទី១៖ ត្រូវសហការជាមួយសមាគម ដើម្បីវាយតម្លៃឲ្យបានច្បាស់លាស់អំពីសមត្ថភាពផលិត ផ្គត់ផ្គង់ក្នុងស្រុក…