ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងលោកជំទាវ ញ៉ឹក ស៉ីម បរិច្ចាគថវិកាចំនួន១ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។ ការចូលរួមបរិច្ចាគនេះ បានធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។ សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់៕

ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញ និងលោកជំទាវ បរិច្ចាគថវិកា ១០០លានរៀល ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ១៩។ ការបរិច្ចាគនេះធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ១៩ មកចាក់ជូនប្រជាពលរដ្ឋដោយឥតគិតថ្លៃ។ សូមបញ្ជាក់ថា ៖សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់៕

ភ្នំពេញ៖ លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនង​ជាមួយ​រដ្ឋសភា-ព្រឹទ្ធសភា និងអធិការកិច្ច បានបរិច្ចាគថវិកា៥ពាន់ដុល្លារ ជូនរាជរដ្ឋាភិបាលកម្ពុជា ដើម្បីទិញវ៉ាក់សាំង​ប្រឆាំងវីរុសកូវីដ-១៩។ ការបរិច្ចាគនេះ ធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកា​ទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ។ សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាស និងបញ្ជាអោយក្រសួង​សុខាភិបាល និងក្រសួងពាក់ព័ន្ធ ត្រៀមបម្រុងថវិកា ដើម្បីបញ្ជាទិញវ៉ាក់សាំង ជំហានដំបូងចំនួន ១លានដូស ប៉ុន្តែមិនទាន់​កំណត់ថា​ទិញពីប្រទេសណានៅឡើយទេ៕

ភ្នំពេញ៖ សម្តេចតេជោ ហ៊ុន សែន ណែនាំក្រសួងជំនាញ​ទាក់ទងវ៉ាក់សុាំងកូវីដ១៩ ចំពោះការផ្តល់ជាអាទិភាព នៅពេលទិញវ៉ាក់សុាំងមកហើយ ចាំបាច់ត្រូវចាក់​អោយអ្នកណាមុន ជាពិសេស នឹងផ្តល់ការចាក់វ៉ាក់សុាំង​ជា​អាទិភាពដល់កងទ័ពអាវសមុនគេ។ នេះបើតាមសារសម្លេងរបស់សម្តេចអគ្គមហាសេនាបតី តេជោ ហ៊ុន សែន នៅយប់ថ្ងៃទី៧ ខែធ្នូ ឆ្នាំ២០២០នេះ។ សម្តេចតេជោ ហ៊ុន សែន នាយករដ្ឋមន្ត្រី តាមរយៈសារជាសម្លេង នាយប់ថ្ងៃទី៧ ខែធ្នូនេះ បានបញ្ជាក់ថា រាជរដ្ឋាភិបាលកម្ពុជា នឹងទិញវ៉ាក់សាំងចំនួន១លានដូស។ ប៉ុន្តែមិនទាន់ដឹងថា ទិញពីប្រទេសណានៅឡើយនោះទេ។សម្តេចតេជោ បន្ថែមថា ដោយ១លានដូសនេះ ចាក់បានត្រឹម៥០ម៉ឺននាក់ប៉ុណ្ណោះ ហើយអ្នកដែលត្រូវបានចាក់មុនគេ គឺ គ្រូពេទ្យ, គ្រូបង្រៀន, កម្លាំងប្រដាប់អាវុធ, មន្ត្រីយុត្តិធម៌ ជាអ្នកដែលត្រូវបានទទួល ក្នុងរង្វង់៥០ម៉ឺននាក់ដំបូង ព្រោះជាអ្នកប្រឈមខ្លាំង និងប្រឈមនឹងហានិភ័យ។ដោយឡែក ដំណាក់កាលទី២ ដែលសម្តេចតេជោបានបញ្ជាក់ថា អាចជាការស្នើសុំជំនួយ ឬក៏ការទិញបន្ថែមនោះ, អាចចាក់លើនិស្សិត ឬសិក្ខាកាម , កម្មករសំណង់ និងកម្មករដទៃទៀត នៅតាមទីក្រុង ឬទីប្រជុំជន។ចំពោះទីតាំងស្តុកទុកវ៉ាក់សាំងវិញ, សម្តេចតេជោ បានលើកឡើងថា…

សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាល្ងាចថ្ងៃទី០៧ ធ្នូនេះ បានបង្ហោះក្នុងហ្វេស​បុកផ្លូវការ​ជូន​ជនរួមជាតិថា កន្លងមកជាមួយនឹងការតាមដាននូវដំណើរការផលិតវ៉ាក់សាំងប្រឆាំងកូវីដ១៩ របស់ប្រទេសនានា ខ្ញុំបាន​ណែនាំ​រ​ដ្ឋមន្ត្រីក្រសួងសុខាភិបាល និងរដ្ឋមន្ត្រីក្រសួងសេដ្ឋកិច្ចហិរញ្ញវត្ថុអោយត្រៀម​បំរុងថវិកាសម្រាប់ទិញ​វ៉ាក់សាំងនេះ​យកមកចាក់ជូនប្រជាជនយើងដោយឥតគិតថ្លៃជាជំហានដំបូងផងដែរ។ ពេលនេះប្រទេសមួយចំនួនផលិតបាននិងដាក់អោយប្រើប្រាស់ហើយនឹងកំពុងបញ្ចេញលក់អោយប្រទេសនានាផងដែរ។ ល្ងាចនេះខ្ញុំបានណែនាំអោយរដ្ឋមន្ត្រីក្រសួងសុខាភិបាលពិភាក្សាជាមួយដៃគូអភិវឌ្ឍន៍ ពិសេសអង្គការសុខភាពពិភពលោក ដើម្បីកំណត់ថា តើយើងគួរទិញវ៉ាក់សាំងពីប្រទេសណា?។ សម្តេចតេជោបន្តថា ខ្ញុំក៏បានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ការទិញ១លានដូស (មួយលានដូស) ក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមានហានិភ័យខ្ពស់ និងអ្នកដែលមានហានិភ័យ។ មួយលានដូសចាក់បានត្រឹមតែមនុស្ស៥០ម៉ឺននាក់ប៉ុណ្ណោះ (ព្រោះម្នាក់ត្រូវការចាក់២ដង) ក្នុងពេលយើងមានប្រជាជន​១៦លាននាក់ ទាំងចាស់ទាំងក្មេង ដែលក្នុងនោះអាចមានមនុស្សប្រមាណ១០លាននាក់ត្រូវការចាក់វ៉ាក់សាំង។ ក្នុងស្ថានភាពដែលប្រទេសយើងនៅក្រខ្វះថវិកាសម្រាប់ទិញបន្ថែម ខ្ញុំបានណែនាំរដ្ឋមន្ត្រីទាំង២រូបអោយពិភាក្សា​ជាមួយដៃគូ​អភិវឌ្ឍន៍ទាំងទ្វេភាគី ទាំងពហុភាគី ដើម្បីស្វែងរកជំនួយបន្ថែមមកជួយដល់ប្រជាជនយើង។ យើងសង្ឃឹមថាដៃគូអភិវឌ្ឍន៍របស់យើងនឹងផ្តល់ជំនួយដល់ប្រជាជនយើងឬយ៉ាងហោចលក់ក្នុងតម្លៃថោកសមរម្យអោយយើង។ ខ្ញុំក៏បានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ទិញ២ទៅ៣លានដូស​ថែមទៀតផងដែរ​សម្រាប់​ដំណាក់​កាលបន្ទាប់៕