សហព័ន្ធបាល់ឱបកម្ពុជា បានចាប់ដៃនៃភាពជាដៃគូរសហការជាមួយ ChildFund Rugby ដើម្បីដាក់ដំណើរការនូវគម្រោងអភិវឌ្ឍវិស័យកីឡាបាល់ឱបនៅកម្ពុជា នាថ្ងៃទី២១ ខែមករា ឆ្នាំ២០២២នេះ នៅសណ្ឋាគារ Sunway រាធានីភ្នំពេញ ។

លោក ហេង សុខឃន ប្រធានសហព័ន្ធកីឡាឃីតបុកស៊ីងកម្ពុជា បានបញ្ជាក់ថា ក្នុងឆ្នាំ២០២១ សហព័ន្ធកីឡាឃីតបុកស៊ីងកម្ពុជា បានជ្រើសរើសកីឡាករកីឡាការិនីហ្វឹកហាត់សម្រាប់ឆ្នាំ២០២២ ដើម្បីត្រៀមបញ្ជូនទៅចូលរួមការប្រកួតកីឡាស៊ីហ្គេម លើកទី៣១ នៅប្រទេសវៀតណាម ដោយយកសង្វៀនគុនខ្មែរដែលមាននៅតាមស្ថានីយ៍ទូរទស្សន៍ក្នុងស្រុកនានា វាយតម្លៃវាស់ស្ទង់កម្រិតសមត្ថភាពកីឡាករ កីឡាការិនីជ្រើសរើសជាជម្រើសជាតិ ដ្បិតកញ្ចប់ថវិកាសម្រាប់រៀបចំការប្រកួតជ្រើសរើសជើងឯកថ្នាក់ជាតិឆ្នាំ២០២១ ដែលជាប្រាក់ឧបត្ថម្ភរបស់ក្រសួងអប់រំយុវជន និងកីឡា លើកម្មវិធីបណ្តុះបណ្តាល ការងាររដ្ឋបាល និងការរៀបចំការប្រកួតថ្នាក់ជាតិ សហព័ន្ធមិនទាន់ទទួលបានឡើយ ព្រោះតែសហព័ន្ធទើបតែបង្កើតឡើង ក្រោយស៊ីហ្គេម នៅប្រទេសហ្វីលីពីន។

សហព័ន្ធកីឡាបាល់ឱបកម្ពុជាបាននឹងរៀបចំការប្រកួតកីឡាបាល់ឱបជ្រើសរើសជើងឯកថ្នាក់ជាតិ ប្រចាំឆ្នាំ២០២១ នាថ្ងៃទី២៣ ខែមករា ឆ្នាំ២០២២ នៅទីលានបាល់ទាត់វិទ្យាល័យ ជា ស៊ីម បឹងកេងកង រាជធានីភ្នំពេញ។

ការប្រកួតកីឡាវាយសីដណ្តើមពានរង្វាន់៧មករា ឆ្នាំ២០២២ ដើម្បីចូលរួមអបអរសាទរខួបអនុស្សាវរីយ៍លើកទី៤៣ ដែលរៀបចំដោយសហព័ន្ធកីឡាវាយសីកម្ពុជា នឹងរៀបចំនៅខេត្តសៀមរា រយៈពេល២ថ្ងៃចាប់ពីថ្ងៃទី២៨បញ្ចប់ថ្ងៃទី២៩ ខែ មករា ឆ្នាំ២០២២។

ការប្រកួតបាល់ទាត់ពាន់រង្វាន់ ឯកឧត្តម គង់ សោភ័ណ្ឌ អភិបាលគណៈអភិបាលខេត្តកណ្តាល បានកំណត់យកត្រឹម១៦ក្រុមប៉ុណ្ណោះឲ្យប្រកួតប្រជែង នៅក្នុងកីឡដ្ឋាន ក្រុងតាខ្មៅ ខេត្ត កណ្តាល ចាប់ពីថ្ងៃទី០២កុម្ភៈ។

បេសកម្មដឹកវ៉ាក់សាំងដូសទី៣ ចាក់ជូនប្រជាពលរដ្ឋ៥ស្រុក ក្នុងខេត្តកោះកុង ដែលចំណាយអស់ពេល១០ថ្ងៃ របស់ក្រុមមហាគ្រួសារថយន្ត OFF ROAD កម្ពុជា បានសហការជាមួយក្រសួងការពារជាតិ បានបញ្ចប់ហើយ ប្រកបដោយភាពជោគជ័យ ។

ក្រសួងសង្គមកិច្ចអតីតយុទ្ធជន និងយុវនិតិសម្បទា ដែលទទួលខុសត្រូវសម្របសម្រួលលើការងារជនពិការ បានកោះហៅអង្គការ និងភាគីពាក់ព័ន្ធនានា មកធ្វើសិក្ខាសាលាផ្សព្វផ្សាយលើសេចក្តីសម្រេចស្តីពីការបង្កើតគណៈកម្មការ ដើម្បីចូលរួមគាំទ្រ និងអនុវត្តការងាររៀបចំការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។

ការប្រកួតកីឡាការ៉ាត់តេជ្រើសរើសជើងឯកថ្នាក់ឆ្នាំ២០២១បានដំណើរការប្រកួតហើយ នៅអាគារសហព័ន្ធកីឡាការ៉ាតេកម្ពុជា ដែលស្ថិតនៅក្នុងសកលវិទ្យាល័យភូមិន្ទភ្នំពេញ នាព្រឹកថ្ងៃទី១៤ ខែ មករា ឆ្នាំ២០២២។

អគ្គលេខាធិការ ក្លិបកីឡាហែលទឹកក្រសួងព័ត៌មានបានបង្ហាញនូវក្តីមោទនភាព ដែលក្លិបអាចដំណើរបានអស់រយៈពេលជាច្រើនឆ្នាំមកនេះ អាស្រ័យដោយទទួលបានការឧបត្ថម្ភគាំទ្រដ៏ខ្ពង់ខ្ពស់ ក្នុងការការគាំទ្រ ទាំងថវិកា ស្មារតី និងសម្ភារពីសំណាក់ឯកឧត្តម ខៀវ កាញរីទ្ធ រដ្ឋមន្ត្រីក្រសួងព័ត៌មាន និងជាប្រធានកិត្តិយសក្លិបហែលទឹកក្រសួងព័ត៌មាន ដែលឯកឧត្តមគឺជាអ្នកផ្តួចផ្តើមគំនិតក្នុងការបង្កើតក្លិបនេះឡើង។

កីឡាករទោចក្រយានវ័យ២២ឆ្នាំមកពីក្លិបកង់រិទ្ធិសែន ខេត្ត កំពង់ឆ្នាំ លឹម តិចហ៊ុយ ដណ្តើមបានចំណាត់លេខ១ លើប្រភេទកង់គក់ លើវិញ្ញាសា១០៥គីឡូម៉ែត្រ ការប្រកួតកីឡាទោចក្រយានជ្រើសរើសជើងឯកថ្នាក់ជាតិឆ្នាំ២០២១។