កីឡាការិនីទូកក្តោងកម្ពុជា ទិត្យ សំសូរិយា ដែលចូលរួមការប្រកួតកីឡាទូកក្តោងជ្រើសរើសជើងឯកអាស៊ីអាគ្នេយ៍ កម្ពុជាធ្វើជាម្ចាស់ផ្ទះ លើកដំបូង នៅក្រុងព្រះសីហនុ ខេត្តព្រះសីហនុ លើវិញ្ញាសាទូកក្តោង ILCA 6 ទទួលស្គាល់ថា ខ្លួននៅមានចំណុចខ្វះខាតជាច្រើនត្រូវពង្រឹងសមត្ថភាពបន្ថែម បន្ទាប់ពីឆ្លងកាត់ការប្រកួតកម្រិតអន្តរជាតិក្នុងទឹកដីកំណើតរបស់ខ្លួនអស់រយៈពេល៥ថ្ងៃ។

ខេត្តព្រះសីហនុ៖ ការប្រកួតកីឡាទូកក្តោងជើងឯកអាស៊ីអាគ្នេយ៍ ដែលកម្ពុជាធ្វើជាម្ចាស់ផ្ទះ រៀបចំនៅខេត្ត ព្រះសីហនុ គិតមកដល់ថ្ងៃទី១៦ ខែធ្នូ ឆ្នាំ២០២១នេះ បានដំណើរការរយៈពេល៤ថ្ងៃ ខណៈថ្ងៃទី៤នេះ ត្រូវបានគណៈកម្មការបច្ចេកទេសសម្រេចលប់ចោល ដោយមិនគិតលទ្ធផល ព្រោះតែខ្យល់មិនគ្រប់ស្តង់ដាបច្ចេកទេស ទើបតម្រូវលើកពេលទៅប្រកួតនៅថ្ងៃទី១៧វិញ ដើម្បីសរុបលទ្ធផលឈ្នះចាញ់គ្រប់វិញ្ញាសា ។

ខេត្តកណ្តាល ៖ សហព័ន្ធកីឡាទូកកានូ និងរ៉ូអ៉ីងកម្ពុជាបានរៀបចំពិធី “បិទ” វគ្គបណ្ដុះបណ្ដាលមន្ត្រីបច្ចេកទេស និងមន្ត្រីរៀបចំការប្រកួតកីឡាទូកប្រពៃណីខ្នាតអន្តរជាតិ “ទូកនាគ” ទូកកានូ-ទូកកាយ៉ាក់ និងទូករ៉ូអ៉ីង ក្រោមអធិបតីភាពឯកឧត្តម បណ្ឌិត មាស សារិន អនុប្រធានអចិន្ត្រៃយ៍ ឯកឧត្តមឧត្តមសេនីយ៍ឯក បណ្ឌិត ជា ប៊ុនហេង អគ្គលេខាធិការក្រុមប្រឹក្សាកីឡាក្រសួងមហាផ្ទៃ នៅវិទ្យាល័យ ហ៊ុនសែន តាខ្មៅ ខេត្តកណ្តាល នាព្រឹកថ្ងៃទី១៦ ខែធ្នូ ឆ្នាំ២០២១ ។