ជើងឯក MPL KH Season 1 ដែលជាព្រឹត្តិការណ៍ប្រកួតកីឡាកីឡាអេឡិចត្រូនិក លីគអាជីពលំដាប់អន្តរជាតិ លើវិញ្ញាសា Mobile Legends: Bang Bang លើកដំបូងបង្អស់ នៅក្នុងប្រទេសកម្ពុជាបានរកឃើញក្រុមខ្លាំង៤ចេញពីវគ្គជម្រុះឈានឡើងទៅកាន់វគ្គ Regular ហើយ ។MPL KH រដូវកាលទី១ ដែលបានរួមចំណែកយ៉ាងសំខាន់ជួយអភិវឌ្ឍ និងជំរុញវិស័យកីឡាអេឡិចត្រូនិក ឈានដល់កម្រិតស្តង់ដារអន្តរជាតិនេះ រៀបចំដោយក្រុមហ៊ុន Moonton ដែលជាស្ថាបនិកវិញ្ញាសា Mobile Legends: Bang Bang ។ តាមការបញ្ជាក់ពីគណៈម្មការក្រុមខ្លាំងទាំង៤ ដែលឆ្លងវគ្គជម្រុះជៅគជ័យ មានក្រុម DG Quantum, FENNEC Esport, Notorious Angels និងក្រុម ABCDEF ។ ដើម្បីឈានវគ្គ Regular ជាមួយក្រុមកំពូលខ្លាំង៤ ដែលជារៀមច្បង និងមានបទពិសោធច្រើនទាំងការប្រកួតក្នុងស្រុក និងអន្តរជាតិគឺ Impunity KH, SeeYouSoon, NewBlood និង Burn Gaming…

ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំកីឡាអាស៊ីអាគ្នេយ៍ បានអះអាងថា សំណង់កីឡដ្ឋានធំមរតកតេជោ ដែលជាជំនួយឥតសំណងរបស់រដ្ឋាភិបាលចិនជូនកម្ពុជា ស្ថិតនៅក្នុងសង្កាត់ព្រែកតាសេក ខណ្ឌជ្រោចង្វា រាជធានីភ្នំពេញ បានសាងសង់សម្រេចរួចរាល់១០០%ហើយ ស្របតាមស្តង់ដាអន្តរជាតិ ដែលអាចបំរើរដល់ការប្រកួតទាំងការប្រកួតជាតិ និងអន្តរជាតិ ។ ការថ្លែងបញ្ជាក់បែបនេះ ក្នុងឱកាសឯកឧត្តម អញ្ជើញចុះពិនិត្យ និងវាយតម្លៃលើកចុងក្រោយ មុននឹងទទួលយកជាផ្លូវការ ពីភាគីចិន នាព្រឹកថ្ងៃទី១៩ ខែសីហា ឆ្នាំ២០២១នេះ ។ ឯកឧត្តម បានគូបញ្ជាក់ថា សមិទ្ធផលសំណង់កីឡដ្ឋានមរតកតតេជោ ដែលត្រៀមទទួលធ្វើជាម្ចាស់ផ្ទះស៊ីហ្គេម លើកទី៣២ ឆ្នាំ២០២៣ គឺពេលនេះការសាងសង់សម្រួចរួចរាល់ គ្រប់កន្លែងទាំងអស់ ដូចជាប្រព័ន្ធភ្លើង ប្រព័ន្ធទឹក ប្រព័ន្ធខ្សែរកាប និងបន្ទប់បំពេញការងារផ្សេងៗ ដោយនៅសេសសល់តែការបំពាក់គ្រឿងបរិក្ខារបន្ថែមបន្តិចបន្តួចប៉ុណ្ណោះ ។ ឯកឧត្តម បានបញ្ជាក់ទៀតថា សំណង់កីឡដ្ឋាននេះ ភាគីចិន នឹងប្រគល់ជូនគណៈកម្មាជាតិរៀបចំកីឡាអាស៊ីអាគ្នេយ៍នៅពាក់កណ្តាលខែតុលា ឆ្នាំ២០២១ខាងមុខនេះ ដោយមានធ្វើពិធីប្រគល់ទទួលក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្រ្តីក្រសួងការពារជាតិ និងតំណាងរដ្ឋាភិបាលចិន ។សូមបញ្ជាក់ថា សំណង់កីឡដ្ឋានមរតកតេជោ ដែលជាជំនួយឥតសំណងរបស់រដ្ឋាភិបាលចិនប្រគល់ជូនកម្ពុជានេះ…

លោកប្រធានាធិបតីអេហ្ស៊ីប Abdel Fattah El-Sisi បានប្រកាសពីគម្រោងប្រសិទ្ធនាមបណ្តាផ្លូវមួយចំនួន តាមឈ្មោះអត្តពលិកដែលណ្តើមបានមេដាយ អូឡាំពិកក្រុងតូក្យូ ក្នុងនោះមាន មេដាយមាស១ ប្រាក់១ និងសំរឹទ្ធ៤ ជាការលើកទឹកចិត្ត និងជាការដឹងគុណ ។ គួរបញ្ជាក់ថា កីឡាការិនីការ៉ាតេ Faryal Ashraf ដណ្តើមបានមេដាយមាសលើវិញ្ញាសាទម្ងន់លើស ៦១គីឡូក្រាម ខណៈកីឡាករ Almed Elgendy ដណ្តើមបានមេដាយប្រាក់ លើវិញ្ញាសា Mordern Pantathlong និងមេដាយសំរឹទ្ធ៤គ្រឿង ដោយ កីឡាការិនីតេក្វាន់ដូ Hedaya Malak, កីឡាករតេក្វាន់ដូ Seif Eissa, កីឡាករចំប៉ាប់ Mohamed Ibrahim El-Sayed និងកីឡាការិនីការ៉ាតេ Giana Farouk ។ ដូច្នេះ ។ សូមបញ្ជាក់ថា លោកប្រធានាធិបតីអេហ្ស៊ីប Abdel Fattah El-Sisi បានបញ្ជាក់ថា « យើងបានប្រឹងប្រែងខ្លាំងមួយរយៈពេលចុងក្រោយ ប៉ុន្តែមិនគ្រប់គ្រាន់នោះឡើយទេ យើងត្រូវកសាងធនធានកីឡា…

ការប្រកួតវគ្គផ្តាច់ព្រ័ត្រ ពានរង្វាន់ DFL-Super cup របស់លីគអាល្លឺម៉ង់ ដែលធ្វើឡើងនៅកីឡដ្ឋាន Westfalen stadion ក្រុម Bayern Munich បានក្លាយជាម្ចាស់ពានបើករដូវកាលក្រោយយកឈ្នះក្រុម Dortmund ក្នុងលទ្ធផល ៣-១ ។ ការប្រកួតរវាងក្រុមទាំង២ គឺជាជំនួបដ៏សំខាន់ ក្រុម Bayern Munich ធ្វើបានល្អជាង ដោយបានទទួលជ័យជម្នះលើក្រុម Dortmund ក្នុងលទ្ធផល ៣:១ ។ ៣គ្រាប់របស់ក្រុម Bayern រកបានដោយកីឡាករ Robert Lewandowski ២គ្រាប់ម្នាក់ឯង នៅនាទីទី៤១ និងនាទី៧៤, ចំណែកមួយគ្រាប់ទៀតរកបានដោយខ្សែបម្រើប្រយុទ្ធ Thomas Muller នៅនាទីទី៤៩ ។ ខណៈក្រុម Dortmund រកបានដោយកីឡាករ Marco Reus នៅនាទីទី៦៤ ។ គួរបញ្ជាក់ថា ការឈ្នះពានរង្វាន់ DFL- Super cup ឆ្នាំ២០២១ ធ្វើអោយក្រុម Bayern Munich ក្លាយជាក្រុមដែលឈ្នះពានមួយនេះច្រើនជាងគេ ចំនួន…

គណៈកម្មាធិការជាតិរៀបចំការប្រកួតអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានធ្វើសន្និបាត តាមប្រព័ន្ធ ZOOM នៅព្រឹកថ្ងៃទី១៧ ខែសីហា ឆ្នាំ២០២១ ក្រោមអធិតីភាពដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការ CAMSOC បូកសរុបលទ្ធផលឆមាសទី១ ដែលសម្រេចបាន និងបន្តលើកទិសដៅឆមាសទី២ ឆ្នាំ២០២១ ដើម្បីជាគោលគំនិត ធាតុចូលសំខាន់ៗរបស់គណៈកម្មការជំនាញជូនដល់ CAMSOC ដើម្បីទទួលបាននូវភាពគត់មត់គ្រប់ជ្រុងជ្រោយ សម្រួចគោលដៅឲ្យការទទួលធ្វើម្ចាស់ផ្ទះហ្គេមតំបន់អាស៊ីអាគ្នេយ៍ ជាលើកដំបូងជាប្រវត្តិសាស្ត្ររបស់ព្រះរាជាណាចក្រកម្ពុជាទទួលជោគជ័យ ។ ថ្លែងក្រោយបញ្ចប់សន្និបាត ឯកឧត្តម វ៉ាត់ ចំរើន អគ្គលេខាធិការ CAMSOC បានផ្តល់ខ្លឹមសារថា សន្និបាតបានលើកឡើងអំពីចំណុចសំខាន់ៗ ដែលត្រូវបន្តធ្វើដំណើរឆ្ពោះទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដោយសម្តេចប្រធានបានវាយតម្លៃខ្ពស់ចំពោះសមិទ្ធផល នៅក្នុងឆមាសទី១ ដែលយើងខិតខំប្រឹងប្រែង នៅក្នុងដំណាក់កាលកូវីដ-១៩ ដែលជាសក្ខីកម្ម នៃការរុញឲ្យឆ្នាំដំណើរការពីឆ្នាំ២០២២-២០២៣ អាចប្រព្រឹត្តទៅដោយរលូន លើចំណុចសំខាន់ៗចំនួន១២ ដោយធ្វើកិច្ចសហប្រតិបត្តិការរវាងក្រសួង-ស្ថាប័ន អាជ្ញាធររាជធានី-ខេត្ត សហព័ន្ធកីឡាជាតិទាំងអស់ ដើម្បីរួមកម្លាំងគ្នាអនុវត្តផែនការមេឆ្ពោះទៅស៊ីហ្គេម-អាស៊ានប៉ារ៉ាហ្គេម…

ថ្មីៗនេះ គណៈកម្មការគ្រប់គ្រងទូក របស់ ក្លឹបប្រណាំងទូកភូមិពោធិ៍មង្គល ឃុំព្រែកតាទែន ស្រុកពញាឮ បានរៀបចំពិធីក្រុងពាលី ដើម្បីសុំសេចក្ដីសុខសេចក្ដីចំរើន ពិសេសសូមឲ្យទទួលបានជ័យជំនះ សម្រាប់ការចូលរួមប្រកួតប្រជែងក្នុងព្រឹត្តិការណ៍ ប្រណាំងផ្សេងៗ ដោយមានការចូលរួមពី លោក ពៅ វណ្ណា ប្រធានការិយាល័យកីឡា នៃមន្ទីអប់រំយុវជន និងកីឡាខេត្តកណ្ដាល លោកស្រី ប្រាក់ សោភា និង លោក សែម សឿន ប្រធានគណៈកម្មការដឹកនាំនិងគ្រប់គ្រង ទូក និង មានការចូលរួមពីលោក ជំទប់ទី២ ឃុំព្រែកតាទែន ដែលជាអាជ្ញាធរមូលដ្ឋានផងដែរ ។ លោកស្រី ប្រាក់ សោភា បានឲ្យដឹងទៀតថា បច្ចុប្បន្ន កីឡាករ ក្នុងក្លឹបនៅបន្ដការហ្វឹកហាត់ តាមផ្ទះរៀងៗខ្លួន ហើយក៏មានការប្រមូលផ្ដុំគ្នាហ្វឹកហាត់ខ្លះៗ ដែរជាទ្រង់ទ្រាយតូច ដោយផ្លាស់វេនគ្នា ទូកចំណុះ១២នាក់គឺឲ្យហ្វឹកហាតតែ៦នាក់ ប៉ុណ្ណោះក្នុង១ទូក ដើម្បីរក្សាគម្លាត រួមជាមួយនិងវិធានការផ្សេងៗទៀតរបស់ក្រសួងសុខាភិបាល ដោយហ្វឹកហាត់ពេលល្ងាច អុំ១ជើងឬ២ជើងក្នុងចំងាយ១ពាន់ម៉ែត្រ ចំណែកកីឡាករ ទូករ៉ូអ៊ីងដែលអុំតែម្នាក់ឯងពុំមានបញ្ហាអ្វីឡើយ ក្រៅពីការហ្វឹកហាត់អុំជាក់ស្ដែង ក៏មានការហ្វឹកហាត់រក្សាកម្លាំងអំណត់ ដោយការជិះកង់…

លោក អ៊ិន សុភិន ប្រធានក្លិបបាល់ទាត់ តារាមហាហង្ស (Mohahang All Star FC) គូសបញ្ជាក់ថា បន្ទាប់ពីទទួលបានលិខិតផ្លូវការស្តីពីការប្រកួតប្រជែងជើងឯកបាល់ទាត់ ក្នុងសាល ប្រចាំតំបន់អាស៊ាន «AFF Futsal Cup» ឬហៅថា «AFF Futsal Club Championship» នាខែកញ្ញា ឆ្នាំ២០២១» ក្លិបបានត្រៀមខ្លួនរួចជាស្រេច និងប្តេជ្ញាថា នឹងប្រឹងប្រឹងឲ្យអស់ពីសមត្ថភាព ដើម្បីដណ្តើមបាននូវកិត្តិយសជូនជាតិកម្ពុជារបស់យើង ។ ប្រធានក្លិបរូបនេះ បានបង្ហាញឆន្ទៈដ៏មុះមុតថា «បើទោះបីជាការប្រកួតអន្តរជាតិលើកនេះទទួលបានលទ្ធផលបែបណាក៏ដោយ ក៏យើងប្រឹងប្រែងហ្វឹកហាត់ និងការប្រកួតឲ្យអស់ពីសមត្ថភាពដែរ ដើម្បីដណ្តើមបាននូវកិត្តិយសប្រកបដោយសេចក្តីថ្លៃថ្នូជូនជាតិរបស់យើង ។ អ្វីដែលសំខាន់បំផុត គឺក្លិបបាល់ទាត់តារាមហាហង្សចង់បានស្នាដៃជូនប្រទេសកម្ពុជាយើង ក៏ដូចជាការលើកមុខមាត់ប្រទេសជាតិយើងពីលើឆាកអន្តរជាតិ និយាយរួមគឺប្រឹងប្រែងឲ្យបានជាដាច់ខាត ដើម្បីដណ្តើមនូវលទ្ធផលដ៏គាប់ប្រសើរជូនជាតិ» ។ លោក អ៊ិន សុភិន បន្ថែមទៀថា នេះជាឆ្នាំទី១ ដែលក្រុម តារាមហាហង្ស បានខិតខំយ៉ាងខ្លាំង ហើយទម្រំាក្លាយជាម្ចាស់ជើងឯកពានរង្វាន់បាល់ទាត់ក្នុងសាលថ្នាក់ជាតិ សម្រេចឆន្ទៈរបស់លោក ក៏ដូចជាគ្រូបង្វឹក និងកីឡាករ ។ ជាមួយនឹងជ័យជម្នះថ្នាក់ជាតិនេះ…