មជ្ឈមណ្ឌលកីឡានគរបាលជាតិកម្ពុជា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ស្ថិតក្នុងនាយកដ្ឋានភស្តុភា ខាងក្រោយព្រះបរមរាជ្យវាំង បានសាងសង់សម្រេចបាន១០០%ហើយ ក្នុងទំហំទឹកប្រាក់សរុបជាង៣០ម៉ឺនដុល្លា ។ ឯកឧត្តមបណ្ឌិត ជា ប៊ុនហេង អគ្គលេធិការក្រុមប្រឹក្សាកីឡាក្រសួងមហាផ្ទៃ បានមានប្រសាន៍ថា មជ្ឈមណ្ឌលកីឡានគរបាលជាតិកម្ពុជា ដែលសាងសង់សម្រេចរួចរាល់នេះ គឺមានកន្លែងរដ្ឋបាល ទីលានហ្វឹកហាត់ និងទីលានប្រកួត លើគ្រប់ប្រភេទកីឡារបស់អង្គភាពកីឡាក្រសួងមហាផ្ទៃ ដើម្បីត្រៀមការប្រកួតនានា ជាពិសេសព្រឹត្តការណ៍ប្រកួតកីឡាប៉ូលីស នាឆ្នាំ២០២២ខាងមុខ ដែលកម្ពុជាធ្វើជាម្ចាស់ផ្ទះ ។ សូមបញ្ជាក់ថា មជ្ឈមណ្ឌលកីឡានគរបាលជាតិកម្ពុជា ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ស្ថិតនៅក្នុងនាយកដ្ឋានភស្តភា ខាងក្រោយព្រះបរមរាជ្យវាំងនេះ សាងសាង់ដោយចំណាយទឹកប្រាក់សរុបជាង៣០ម៉ឺនដុល្លារអាមេរិក ៕

ក្រុម Barcelona បានយកឈ្នះ Real Sociedad ក្នុងលទ្ធផល៤ទល់២ នៃការប្រកួតបើកឆាក La Liga ដោយគ្មាន Lionel Messi ជាលើកដំបូង ។ Gerard Pique បានបើកការរកគ្រាប់បាល់អោយ Barca ដោយការតែតបាល់បញ្ចូលទីយ៉ាងល្អពីការទាត់បាល់ហ្វ្រីឃីករបស់ Memphis Depay នៅនាទី១៩។ខណៈ Martin Braithwaite បានរកគ្រាប់បាល់បញ្ចូលទីនៅពាក់កណ្តាលម៉ោង២គ្រាប់ម្នាក់ឯង ក្លាយជាកីឡាករដាណឺម៉ាកដំបូងគេដែលរកបានគ្រាប់បាល់នាំមុខនៅ La Liga ។ ចំណែក Real Sociedad រកបាន២វិញ ដោយកីឡាករ Julen Lobete និង Mikel Oyarzabal ប៉ុន្តែ Sergi Roberto បានបន្ថែមគ្រាប់ទី ៤ សម្រាប់ Barcelona នៅម៉ោងបន្ថែម ៩០+២។ចប់ការប្រកួតក្រុម Barcelona បានយកឈ្នះ Real Sociedad ក្នុងលទ្ធផល ៤ទល់២ នៃការប្រកួតបើកឆាក…

ការប្រើប្រាស់កីឡាករជាយុវជនខ្មែរ ដែលជាគោលការណ៍អភិវឌ្ឍយុវជនខ្មែររបស់ថ្នាក់ដឹកនាំ គឺមានការលំបាក ក្នុងការប្រកួតប្រជែង នៅលីគកំពូលកម្ពុជា ហើយក៏ពិបាកក្នុងការស្វែងរកចំណាត់ថ្នាក់ល្អ នៃតារាងពិន្ទុដែរ ខណៈបណ្តាក្លិបទូទៅមានកីឡាករបរទេសល្អៗ និងប្រើប្រាស់ នៅតំបន់ប្រយុទ្ធតែម្តង នេះជាការបញ្ជាក់របស់លោក មាស សំអឿន គ្រូបង្វឹកក្រុមអគ្គីសនីកម្ពុជា ។ គ្រូបង្គោលក្រុមអគ្គីសនីកម្ពុជា រូបនេះ នៅតែដាក់គោលដៅថា ត្រូវតែប្រឹងប្រែងហ្វឹកហាត់បង្កើនបច្ចេកទេស និងការប្រកួតជាបន្តទៀត ដើម្បីរក្សាខ្លួននៅលីគកំពូលកម្ពុជា មិនឲ្យធ្លាក់ចូលក្នុងតំបន់កាត់ចោល ទៅលេងនៅលីគលំដាប់ទី២នោះទេ ។ លោក មាស សំអឿន បន្ថែមថា សម្រាប់ការនាំចូលកីឡាករយុវជនខ្មែរថ្មីៗ ឬដោះដូរមកពីក្លិបអាជីពនានា សម្រាប់ជើងទី២ មិនមានគម្រោងអ្វីនោះទេ ។ ក្នុងនោះមានយុវជនថ្មីៗទើបនឹងចូលរួមហ្វឹកហាត់ខ្លះៗដែរ នៅក្នុងក្លិបអគ្គិសនីកម្ពុជា ប៉ុន្តែវាមានការលំបាកក្នុងការសម្រេចដាក់ពួកគាត់ចូលប្រកួតលំដាប់លីគ ដែលកំពុងប្រកួតប្រជែងខ្ពស់ៗ ដោយសារក្រុមផ្សេងទៀតនៅលីគកំពូលមានកីឡាករបរទេសច្រើន សិតសឹងតែមានបទពិសោធន៍ខ្ពស់ និងផ្លាស់ប្តូររៀងរាល់ទីផ្សារដោះដូរបើក ការនាំចូលកីឡាករបរទេសបែបនេះធ្វើកីឡាករវ័យក្មេងទទួលបានបច្ចេកទេស និងបទពិសោធន៍ដើម្បីអភិវឌ្ឍឈានទៅជោគជ័យ ។ សូមបញ្ជាក់ថា អគ្គិសនីកម្ពុជា គឺជាក្លិបបាល់ទាត់ដែលប្រើប្រាស់យុវជនខ្មែរសុទ្ធសាធតែ១គត់ ក្នុងលីគកំពូលកម្ពុជា ២០២១នេះ ហើយក្រោយឆ្លងកាត់១០ប្រកួត ឈ្នះ២ ស្មើ១ និងចាញ់៧ប្រកួត ឈរនៅលេខរៀងទី១០ ក្នុងចំណោម១៣ក្រុមនៃក្របខ័ណ្ឌលីគកំពូលកម្ពុជា ៕

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងនាយកវិទ្យាស្ថាន CamED Business School នាព្រឹកថ្ងៃទី១៣ ខែសីហា ឆ្នាំ២០២១នេះ បានប្រគល់រថយន្តជូនគ្រូចំបាប់ជនជាតិអឺរ៉ង់ ដើម្បីជាមធ្យោបាយធ្វើដំណើរទៅមកបង្ហាត់កីឡាករ កីឡាការិនីចំបាប់ជម្រើសជាតិ ក្នុងអំឡុងបំពេញបេសកម្មបង្វឹក នៅកម្ពុជា ។ លោក ខេស៊ី បាណេត ជឿជាក់ថា ការនាំយកគ្រូបង្វឹកជនជាតិអ៊ីរ៉ង់មកកម្ពុជា ថ្វីដ្បិតរយៈពេល ខ្លីបន្តិចមែន ប៉ុន្តែក្រុមជម្រើសជាតិចំបាប់ធ្លាប់មានបទពិសោធន៍ចូលរួមប្រកួតជាលក្ខណអន្តរជាតិ ។ ម្យ៉ាងទៀតតាមបទពិសោធន៍លោក Komeil Ghasemi ដែលជាម្ចាស់មេដាយមាស អូឡាំពិក ទីក្រុងឡុងដ៏ និងម្ចាស់មេដាយសំរឹទ្ធ អូឡាំពិក ទីក្រុងរីយ៉ូ រួមទាំងមេដាយមាស ប្រាក់ និងសំរឹទ្ធ កីឡាអាស៊ី និងពិភពលោកជាច្រើន នឹងអាចជួយឲ្យកីឡាករ កីឡាការិនីចំបាប់ ដណ្តើមបានជោគជ័យ ជូនកម្ពុជា ពីការប្រកួតស៊ីហ្គេម ជាក់ជាមិនខាន ។ លោក អនុប្រធានសហព័ន្ធ បានបញ្ជាក់ទៀតថា ក្រៅពីកាតព្វកិច្ចជាគ្រូបង្វឹកជម្រើសជាតិ លោកក៏បានពឹងឲ្យលោក Komeil Ghasemi ជួយជ្រើសរើសរកកីឡាករ…

ឯ ឧ ស សុខា បានប្តេជ្ញាចិត្តបំពេញកិច្ចការងារសម្រាប់អាណត្តិថ្មី សំដៅបម្រើផលប្រយោជន៍សហព័ន្ធ និងដើម្បីតបស្នងចំពោះការលះបង់របស់ថ្នាក់ដឹកនាំជំនាន់មុន ដើម្បីស្វែងរកលទ្ធផលល្អៗ ជោគជ័យថ្មីៗ ជូនកម្ពុជា បន្ទាប់ពីត្រូវបានគណៈកម្មាធិការប្រតិបត្តិ ផ្តល់សេចក្តីទុកចិត្តបោះឆ្នោតជ្រើសរើសឲ្យបន្តដឹកនាំ ជាប្រធានសហព័ន្ធកីឡាប៊ូល និងប៉េតង់កម្ពុជា សម្រាប់អាណត្តិថ្មី ទី៧ ឆ្នាំ២០២១ដល់២០២៥ តាមរយៈមហាសន្និបាត តាមប្រព័ន្ធ Zoom នៅព្រឹកថ្ងៃទី១៣ ខែសីហា ឆ្នាំ២០២១នេះ ។ យោងតាមសេចក្តីប្រកាសក្រោយបញ្ចប់អង្គមហាសន្និបាតនេះបានបង្ហាញសកម្មភាព និងសមិទ្ធផលដែលសម្រេចបានក្នុងអាណត្តិចាស់ថា សហព័ន្ធកីឡាប៊ូល និងប៉េតង់កម្ពុជា ដែលបោះឆ្នោតគាំទ្រពីអង្គមហាសន្និបាត ជ្រើសរើស ឯ ឧ ស សុខា ជាប្រធានសហព័ន្ធកីឡាប៊ូល និងប៉េតង់កម្ពុជា អាណត្តិទី៧ ឆ្នាំ២០២១-២០២៥ ដើម្បីបន្តនូវចក្ខុវិស័យពីថ្នាក់ដឹកនាំពង្រីកវិសាលភាព និងការអភិវឌ្ឍវិស័យកីឡាប៊ូល និងប៉េតង់កម្ពុជាទៅគ្រប់បណ្តារាជធានី-ខេត្ត នឹងបន្តអនុវត្តផែនការមេឆ្ពោះទៅការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣។ គួររម្លឹកថា សហព័ន្ធកីឡាប៊ូល និងប៉េតង់កម្ពុជា បានបង្កើតឡើងក្នុងឆ្នាំ១៩៩២ ក្រោមការផ្តួចផ្តើមរបស់ថ្នាក់ដឹកនាំជំនាន់មុនដែលមាន សម្តេចវិបុលបញ្ញា សុខ អាន ជាប្រធាន និង សម្តេចក្រឡាហោម ស…

សហព័ន្ធកីឡាប៊ូល និងប៉េតង់កម្ពុជាបានប្រកាសពីការរៀបចំ មហាសន្និបាតបញ្ចប់អាណត្តិទី៦ និងការបោះឆ្នោតជ្រើសរើសគណៈកម្មាធិការប្រតិបត្តិ អាណត្តិថ្មីទី៧ ពីឆ្នាំ២០២១ដល់ ឆ្នាំ២០២៥ ដែលនឹងត្រូវប្រារព្ធធ្វើឡើង នាព្រឹកថ្ងៃទី១៣ ខែសីហា ឆ្នាំ២០២១ ។ មហាសន្និបាតរបស់សហព័ន្ធកីឡាប៊ូល និងប៉េតង់កម្ពុជានឹងប្រព្រឹត្តទៅ ក្រោមអធិបតីភាព ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានសហព័ន្ធកីឡាប៊ូល និងប៉េតង់កម្ពុជា នៅថ្ងៃទី១៣ ខែសីហា ឆ្នាំ២០២១ វេលាម៉ោង ៨ព្រឹក តាមរយៈប្រព័ន្ធ Zoom ។ ចំពោះសមាសភាព ដែលនឹងចូលរួម មានដូចជាសមាជិកគណៈកម្មាធិការប្រតិបត្តិ-ទីប្រឹក្សាសហព័ន្ធ តំណាងក្រសួងអប់រំ យុវជន និងកីឡា តំណាងគណៈកម្មាធិការជាតិអូឡាំពិកកម្ពុជា (NOCC) ក្លិបកីឡាប៊ូល និងប៉េតង់រាជធានី-ខេត្ត ។ គួរបញ្ជាក់ថា សហព័ន្ធកីឡាប៊ូល និងប៉េតង់កម្ពុជា មហាសន្និបាត បញ្ចប់អាណត្តិទី៦ និងផែនការទិសដៅបន្តអាណត្តិទី៧ នឹងអនុម័តលើរបាយការណ៍ ដោយឯកឧត្តមប្រធានអង្គមហាសន្និបាត ។ ជាមយយនឹងបោះឆ្នោតជ្រើសរើសសមាជិកគណៈកម្មាធិការប្រតិបត្តិអាណត្តិទី៧ ឆ្នាំ២០២១-២០២៥ ៕

លោក ប៊ុយ សុភ័ណ្ឌ អគ្គលេខាធិការសហព័ន្ធកីឡាប្រដាល់សកលកម្ពុជា បានបង្ហើបប្រាប់អ្នកព័ត៌មាន នាព្រឹកនេះថា សហព័ន្ធកីឡាប្រដាល់សកលកម្ពុជានឹងបញ្ជូនកីឡាករ៣រូប ទៅហ្វឹកហាត់ពង្រឹងសមត្ថភាព នៅបារាំង ដើម្បីត្រៀមប្រជែងមេដាយនៅស៊ីហ្គេម លើកទី៣១ ឆ្នាំ២០២២ នៅវៀតណាម ។ លោក ប៊ុយ សុភ័ណ្ឌ អះអាងថា អត្តពលិក៣រូប ដែលសហព័ន្ធគ្រោងនឹងបញ្ជូនទៅ មានកីឡាករ សៅ រង្សី អាយុ២១ ទម្ងន់៥២គីឡូក្រាម , កីឡាករ សែត សារឹទ្ធ អាយុ២៣ ទម្ងន់៦៤គីឡូក្រាម និងកីឡាករ វី សម្ភស្ស អាយុ២១ ទម្ងន់៦៩គីឡូក្រាម ។ អគ្គលេខាធិការខាងលើ បញ្ជាក់ថា តាមគម្រោងកីឡាករទាំង៣រូប ត្រូវចេញទៅបារាំងថ្ងៃទី១៣ ខែសីហាសែ្អកនេះ ប៉ុន្តែដោយសារសុំទិដ្ឋាការពីស្ថានទូតមិនទាន់បានទើបពន្យាទៅចុងខែនេះ ឬដើមខែក្រោយវិញ ។ ក្រៅតែពីការហ្វឹកហាត់ កីឡាករកម្ពុជាក៏មានឱកាសប្រកួតលក្ខណៈអាជីព ក្នុងកម្មវិធីផ្សេងៗ ដើម្បីពង្រឹងសមត្ថភាពបន្ថែមទៀតដែរ ជាទុនត្រៀមប្រជែងយកមេដាយ នៅស៊ីហ្គេម នៅវៀតណាម និងស៊ីហ្គេម ឆ្នាំ២០២៣ នៅកម្ពុជា…

កញ្ញា ផល សុវណ្ណតារា អំពាវនាវរកសប្បុរសជនជួយសាងសង់ក្លិបថ្មី នៅស្រុកអង្គស្នួល ខេត្តកណ្តាល ឈ្មោះក្លិបប្រដាល់គុនខ្មែរថ្មគោលខណ្ឌពោធិសែនជ័យ ឬនិរោធមានជ័យ ដើម្បីមានកន្លែងសម្រាប់កីឡាករ ហ្វឹកហាត់ ស្នាក់នៅត្រឹមត្រូវ ស្ថិតនៅភូមិទួលត្នោត ឃុំពក ស្រុកអង្គស្នួល ខេត្តកណ្តាលបន្ទាប់ពីឪពុកលោកគ្រូ ឯម ចាន់សុផល បានទទួលមរណភាព ។ កញ្ញា សុវណ្ណតារា បានបន្តថា បន្ទាប់ពីឪពុកទទួលមរណភាព ក្លិបប្រដាល់នេះ នាងជាអ្នកទទួលខុសត្រូវទាំងស្រុង ហើយក៏បានប្តូរទីតាំងចាស់ ពីភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មកស្រុកអង្គស្នួល ។ បច្ចុប្បន្នទីតាំងថ្មីនេះ បានសាងសង់បានប្រមាណជា២០% ហើយ ដោយ៨០%ទៀតកំពុងជួបនូវបញ្ហាខ្វះខាត ត្រូវការសប្បុរសជនជួយឧបត្ថម្ភជាថវិកាបង្ហើយការសាងសង់ ដើម្បីដឹកនាំបន្តវេនពីឪពុក លោកគ្រូ ឯម ចាន់សុផល ដែលទទួលមរណៈ កាលពីឆ្នាំ២០១៩ ។ ផល សុវណ្ណតារា ជាស្រ្តី និងជាកូនទី៧ ក្នុងគ្រួសារ បញ្ជាក់ទៀតថា ទោះបីខ្វះខាតថវិកាសាងសង់ក្តីក៏ត្រូវពុះពារគ្រប់ឧបសគ្គស្វះស្វែងរកសប្បុរសជនឲ្យជួយឧបត្ថម្ភ ដើម្បីសាងសងក្លិបឲ្យរួចរាល់ ពីព្រោះក្លឹបនេះជាកេរ្តិ៍របស់ឱពុក និងបណ្តាំចុងក្រោយ អោយជួយក្លឹបនេះមានការរីកចំរើន…

បន្ទាប់ពីនាំយកខ្សែបំរើ Jadon Sancho និង Raphael Varane ក្លិបបិសាចក្រហម Manchester United កំពុងពិភាក្សានាំយកខ្សែប្រយុទ្ធ Luka Jovic របស់ក្រុម Real Madrid ម្នាក់ទៀត ។ លោក Ole Gunnar Solskjaer កំពុងដាក់កោលដៅ នាំយកកីឡាករសញ្ជាតិស៊ែប៊ី វ័យ ២៣ឆ្នាំ Luka Jovic ម្នាក់ទៀតមកកាន់ទឹកដី Old Trafford ដើម្បីចាប់ដៃគូជាមួយ Raphael Varane កីឡាករវ័យក្មេងអង់គ្លេស Jadon Sancho ដើម្បីពង្រឹងតំបន់ប្រយុទ្ធ សម្រាប់រដូវកាលថ្មី២០២១/២០២២ ។គួរបញ្ជាក់ថា កីឡាករ Luka Jovic បានខិតជិតឈានដល់កិច្ចព្រមព្រៀងជាមួយក្លិប Manchester United ដែលជាក្លឹបខកខានឈ្នះពាន Premier League ចាប់តាំងពីឆ្នាំ២០១៣មកម្លេះ ៕

ម្ចាស់ខ្សែក្រវ៉ាត់៣គ្រឿង ផាន់ គ្រាន់ បានតាំងចិត្តពង្រឹងសមត្ថភាព ត្រៀមឡើងសង្វៀនគុនខ្មែរជាថ្មី ក្រោយបាត់វត្តមានមួយរយៈ ដោយសារការធ្លាក់ចុះសមត្ថភាព ។ផាន់ គ្រាន់ អះអាងថា ការធ្លាក់ចុះសមត្ថភាពខ្លាំង ធ្វើឲ្យបាត់មុខពីសង្វៀនគុនខ្មែរមួយរយៈ ដោយសារឡើងគីឡូខ្លាំង ធ្វើឲ្យការប្រកួតមិនទទួលបានជោគជ័យ ។ ដូច្នោះត្រូវបង្ខំចិត្តផ្អាកការប្រកួតមួយរយៈសិន ងាកមកជួយលក់សាច់កាប់ប្រពន្ធ ដើម្បីជួយលើកកម្ពស់ជីវិភាពក្នុងគ្រួសារ ។ម្ចាស់ខ្សែក្រវ៉ាត់៣គ្រឿងខាងលើ បញ្ជាក់ទៀតថា ការវិលត្រឡប់មកកាន់សង្វៀនគុនខ្មែរជាថ្មីនេះ រំពឹងជឿជាក់ថា នឹងស្តារភាពល្បីល្បាញមកវិញ ដោយត្រូវពង្រឹងការហ្វឹកហាត់អោយខ្លាំងជាងមុន និងសម្រកគីឡូឲ្យនៅសល់ត្រឹម៦៣កន្លះប៉ុណ្ណោះ ។ គួររំលឹកថា ផាន់ គ្រាន់ ជាកីឡាករជើងខ្លាំងគុនខ្មែរមួយរូប ធ្លាប់គ្រងខ្សែក្រវ៉ាត់ចំនួន៣គ្រឿង ការបាត់មុខពីសង្វៀនដោយសារធ្លាក់ចុះសមត្ថភាពខ្លាំង នៅចុងឆ្នាំ២០១៨ ការហ្វឹកហាត់មិនគ្រប់គ្រាន់ ធ្វើឲ្យគីឡូឡើងខ្លាំង ការប្រកួតមិនទទួលបានជោគជ័យ បង្ខំចិត្តឲ្យឃ្លាតឆ្ងាញពីសង្វៀនគុនខ្មែរមួយរយៈ ៕