ភ្នំពេញ៖ ការប្រកួត កីឡាវាយសីដណ្ដើមពានរង្វាន់៧មករា លើកទី២២ឆ្នាំ២០២៣ ដែលរៀបចំធ្វើ នៅខេត្តត្បូងឃ្មុំ បានបញ្ចប់ដោយជោគជ័យ ជាមួយនឹងការរីករាយអបអរសាទរ ពីប្រតិភូនិង កីឡាករកីឡាការិនីគ្រូបង្វឹក ដែលបានចូលរួម ។ ឯកឧត្តម ជាម ចាន់សោភ័ណ អភិបាលខេត្តត្បូងឃ្មុំ ដែលជាម្ចាស់ផ្ទះ មានប្រសាសន៍ថា ព្រឹត្តិការណ៍នេះ បានរៀបចំឡើងចំនួន២២ លើកមកហើយ ក្នុងបំណង ប្រមូលផ្ដុំកីឡាករកីឡាការិនី ចាស់ ក្មេង មកចូលរួម ដើម្បីផ្លាស់ប្ដូបទពិសោធន៍គ្នាទៅវិញទៅមក បង្កើន មិត្តភាព សាមគ្គីភាព ទំនាក់ទំនងល្អជាមួយគ្នា និង ដើម្បី បង្កនូវភាពសប្បាយរីករាយ អបអរដល់ថ្ងៃជ័យជំជំនះ៧មករា រំលឹកដល់ថ្ងៃជាប្រវត្តិសាស្ដ្រ ដែលបានរំដោះប្រជាជនកម្ពុជាឲ្យរួចផុតពីរបបសាហាវយង់ឃ្នងប្រល័យពូជសាសន៍ប៉ុលពតឲ្យរស់ឡើងវិញ ព្រមទាំងជាការរំលឹក ដល់ប្រជាជន មហាជន ពិសេសយុវជន ជំនាន់ក្រោយដែលមិនបានឆ្លងកាត់ របបប៉ុពត ៣ឆ្នាំ ៨ខែនិង ២០ថ្ងៃ បានយល់ដឹង និង ចូលរួមទប់ស្កាត់របបដ៏កាចសាហាវនេះ មិន ឲ្យវិល ត្រឡប់មកវិញជាលើកទី២ទៀត ។ ជាមួយនេះក៏ដើម្បីបំផុស ប្រភេទេកីឡាវាយសី…

ត្បូងឃ្មុំ៖ ការប្រកួតកីឡាបាលទាត់ទទួលពាន់រង្វាន់ ឯកឧត្តម កែវ ពិសិដ្ឋ តំណាងរាស្រ្តមណ្ឌលខេត្តត្បូងឃ្មុំ និងជាប្រធានក្រុមការងារចុះជួយឃុំពពេល ស្រុកពញាក្រែក ខេត្តត្បូងឃ្មុំបានឈានដល់ការបិទបញ្ចប់ដោយជោគជ័យ។ ពិធីបិទការប្រកួត និងប្រគល់រង្វាន់ដល់ក្រុមកីឡាករ បានប្រារព្ធធ្វើឡើង កាលរសៀលថ្ងៃអាទិត្យ ទី៥ ខែកុម្ភៈ ឆ្នាំ២០២៣នេះ នៅទីលានកីឡាបាល់ទាត់ ក្នុងឃុំពពេលខេត្តត្បូងឃ្មុំ ក្រោមអធិបតីភាព ឯកឧត្តម កែវ ពិសិដ្ឋ តំណាងរាស្រ្តខេត្តត្បូងឃ្មុំ និងជាប្រធានក្រុមការងារចុះជួយឃុំពពេល។ ឯកឧត្តមបានលើកទឹកចិត្តយុវជនឱ្យមានទម្លាប់លេងកីឡា ដើម្បីថែរក្សាសុខភាព និងរឹតចំណងមិត្តភាព សាមគ្គីភាពរវាងយុវជនពីភូមិមួយ ទៅភូមិមួយ។ ជាមួយគ្នានេះ ឯកឧត្តមបានណែនាំឱ្យយុវជនខិតខំសិក្សារៀន ពិសេសជៀសឱ្យឆ្ងាយពីគ្រឿងញៀននិងគ្រឿងស្រវឹងនានា។ ឯកឧត្តមបញ្ជាក់ថា គណបក្សប្រជាជនកម្ពុជា បានយកចិត្តទុកដាក់ក្នុងការអភិវឌ្ឍធនធានមនុស្ស ជាទិភាពដើម្បីជាសសរទ្រូងប្រទេសជាតិទៅថ្ងៃអនាគត។ ជាងនេះទៅទៀត ឯកឧត្តមថានឹងខិតខំស្វែងរកអាហារូបករណ៍ ផ្តល់ជូនយុវជននៅក្នុងឃុំបានសិក្សានៅថ្នាក់ឧត្តមសិក្សាឱ្យបានច្រើន ដើម្បីចូលរួមអភិវឌ្ឍន៍មូលដ្ឋាន ឱ្យកាន់តែរីកចម្រើនបន្តទៀត ។ សូមជម្រាបថាការបើកការប្រកួតកីឡាបាល់ទាត់យុវជន ដណ្តើមពានរង្វាន់ “ឯកឧត្តម កែវ ពិសិដ្ឋ “បានចាប់ផ្តើមប្រកួតតាំងពីទី១៤ ខែមករា ឆ្នាំ២០២៣ ដោយរៀបចំការប្រកួតនៅរៀងរាល់ចុងសប្តាហ៍។ ព្រឹត្តិការណ៍នេះ មានកីឡាករយុវជនចំនួន៩ក្រុម មកពីភូមិនានា នៅក្នុងឃុំពពេលហើយការចំណាយសម្រាប់ការរៀបចំព្រឹត្តិការណ៍កីឡានេះបានចំណាយអស់ទឹកប្រាក់ប្រមាណ…

រាជធានីភ្នំពេញ៖ ថ្ងៃទី២៩ ខែមករា ឆ្នាំ២០២៣ លោកខេសី បាណេត អនុប្រធានសហព័ន្ធកីឡាចំបាប់កម្ពុជា បានអញ្ចើញជាអធិបតីភាពបិទការប្រកួតកីឡាចំបាប់ជ្រើសរើសជើងឯកប្រចាំឆ្នាំ២០២២ និងចាត់ទុកការប្រកួតកីឡាចំបាប់ជ្រើសរើសជើងឯកថ្នាក់ជាតិ ឆ្នាំ២០២២ គឺជាជំហានថ្មីមួយទៀត នៃដំណើរឆ្ពោះទៅកាន់ការប្រកួតកីឡាស៊ីហ្គេម លើកទី៣២ នៅកម្ពុជា នាខែឧសភា ឆ្នាំ២០២៣ ខាងមុខ។ លោក ខេស៊ី បាណេត បានកោតសរសើរ និងវាយតម្លៃខ្ពស់ ចំពោះការខិតខំរៀបចំរបស់គណៈកម្មការ និងមន្ដ្រីបច្ចេកទេស ពិសេសការខិតខំប្រឹងប្រែងរបស់កីឡាករ កីឡាការិនី ដែលជំរុញឱ្យការប្រកួតនេះ បញ្ចប់ដោយជោគជ័យ និងជាសញ្ញាណមួយដ៏ល្អ សម្រាប់ការត្រៀមធ្វើម្ចាស់ផ្ទះស៊ីហ្គេម ឆ្នាំ២០២៣ បន្ទាប់ពីសហព័ន្ធកីឡាចំបាប់កម្ពុជា បានទទួលបទពិសោធន៍ល្អៗជាច្រើន ក្នុងការប្រកួតជើងឯកអាស៊ីអាគ្នេយ៍ កាលពីថ្មីៗនេះ។ សូមបញ្ជាក់៖ ការប្រកួតបានបញ្ចប់នៅថ្ងៃទី២៩ ខែមករានេះ ក្រោយដំណើរការប្រកួតរយៈពេល ៥ថ្ងៃ នៅសាលដំបូលទូក នៃពហុកីឡដ្ឋានជាតិ ការប្រកួតនេះ មានប្រតិភូ និងកីឡាករ កីឡាការិនីចូលរួមសរុប ៩៦នាក់ មកពី១០សមាគម ក្លិប និងក្រសួង ប្រកួតលើ ១៦ប្រភេទ វិញ្ញាសារ។ ចាន់ វិចិត្រ

ខេត្តកណ្តាល៖ ការប្រកួតបាល់ទាត់ដែលប្រសិទ្ធិនាមថា រង្វាន់យុវជនអាយុក្រោម២២ឆ្នាំ ដើម្បីចូលរួមអបអរសាទរដល់ទិវាជ័យជំនះ៧មករា ឆ្នាំដែលរៀបចំដោយរដ្ឋបាលស្រុកល្វាឯម បានបញ្ចប់ការប្រកួតជាផ្លូវការហើយ ដោយក្រុមជើងឯកផ្នែកបុរសបានទៅលើក្រុមបាល់ទាត់យុវជនភូមទឹកឃ្លាំង ខណៈក្រុមបាល់ទាត់ផ្នែកនារីបានទៅលើក្រុមបាល់ទាត់នារីវិទ្យាល័យហ៊ុន សែន ទឹកឃ្លាំង។ លោក កន សុខកាយ អភិបាលនៃគណៈអភិបាលស្រុកល្វាឯម បានថ្លែងថា ការប្រកួតបាល់ទាត់ ដែលរដ្ឋបាលស្រុកល្វាឯមបង្កើតឡើងនេះ គឺរៀបចំក្នុងន័យមួយជាពានរង្វាន់បាល់ទាត់យុវជនក្រោមអាយុ២២ឆ្នាំប្រចាំឆ្នាំសម្រាប់ស្រុកល្វាឯម ហើយក៏ជាការចូលរួមអបអរសាទខួបលើកទី៤៤នៃទិវាជ័យជំនះ៧មករាឆ្នាំ១៩៧៩-៧មករា ឆ្នាំ២០២៣។ លោក អភិបាលស្រុកល្វាឯម អះអាទៀតថា ការបង្កើតពានរង្វាន់បាល់ទាត់នេះ គោលដៅចម្បងរបស់ស្រុក គឺចង់រំលឹកដល់យុវជនក្នុងស្រុកល្វាឯម ក៏ដូជាយុវជននៅទូទាំងប្រទេសកម្ពុជាឲ្យបានចងចាំថា ថ្ងៃ៧មករា ជាថ្ងៃជ័យជំនះ និងជាថ្ងៃផ្តល់ជូននូវអាយុជីវិតទី២ជូនយើងទាំងអស់គ្នា ដែលយើងជាយុវជនត្រូវតែចងចាំ ហើយរួមគ្នាថែរក្សានូវតម្លៃសុខសន្តិភាពមិនអាចកាត់ថ្លៃបានក្រោមការដឹកនាំរបស់សម្តេចតេជោហ៊ុនសែន នាយករដ្ឋមន្រ្តីនៃព្រះរាជាណាចក្រកម្ពុជា ។ ការប្រកួតបាល់ទាត់យុវជនក្រោមអាយុ២២ឆ្នាំ មានក្រុមបាល់ទាត់បុរស ១៥ក្រុម និងមានបាល់ទាត់នារី ៤ក្រុម មកពី ១៤ឃុំក្នុងស្រុកល្វាឯម ដោយធ្វើការប្រកួតបែងចែកជា ៤ពូល ប្រកួតតាមរូបមន្តវិលជុំ សន្សំពិន្ទុ ជ្រើសរើសយកណាត់លេខ១និងលេខ២ក្នុងពូលនីមួយៗទៅប្រកួតខ្វែងពូល ដើម្បីជ្រើសរើស៤ក្រុមឡើងទៅប្រកួតវគ្គពាក់កណ្តាលផ្តាច់ព្រ័ត្រ និងប្រកួតវគ្គផ្តាច់ព្រ័ត្រដណ្តើមតំណែងជើងឯក។ សម្រាប់លទ្ធផលនៃការប្រកួតបាល់ទាត់ផ្នែកបុរសក្រុមជើងឯកបានទៅលើក្រុមបាល់ទាត់យុវជនភូមទឹកឃ្លាំង និងក្រុមជើងឯករងបានទៅលើក្រុមយុវជនអធិរាជជ្រោយពិសី។រីឯផ្នែកនារីក្រុមចំណាត់លេខ១បានទៅលើក្រុមបាល់ទាត់នារីវិទ្យាល័យហ៊ុន សែន ទឹកឃ្លាំងនិងក្រុមជើងឯករងបានទៅលើក្រុមបាល់ទាត់វិទ្យា័យហ៊ុនសែនល្វាសរ៕រូបភាព និង អត្ថបទ៖ ជាវ…