ភ្នំពេញ៖ ឯកឧត្តម តែម ម៉ឺន នាយកមជ្ឈមណ្ឌលកីឡាកងយោធពលខេមរភូមិន្ទ និងអគ្គលេខាធិការរងនៃគណៈកម្មាធិការជាតិអូឡាំពិកកម្ពុជា និងលោកស្រី ស៊ុ សុខា ប្រធានសហព័ន្ធកីឡាបាល់ឱបកម្ពុជាបានអញ្ជើញចូលរួមប្រកាសបិទព្រឹត្តិការណ៍ការប្រកួតកីឡាបាល់ឱប 7s ជើងឯកថ្នាក់ជាតិឆ្នាំ២០២២ នៅពហុកីឡដ្ឋានស្តាតចាស់ ក្រោមការសហការរវាងក្រសួងអប់ររំ យុវជន និងកីឡា និងសហព័ន្ធកីឡាបាល់ឱបកម្ពុជា។ លោក ពេជ្រ រតនា អគ្គលេខាធិការសហព័ន្ធបានប្រាប់ឲ្យដឹងថា សម្រាប់ការប្រកួតជើងឯកឆ្នាំនេះមានក្រុមកីឡាករ-កីឡាការិនីចូលរួមចំនួន ១០ ក្រុមក្នុងនោះក្រុមឈុតធំបុរសចំនួន ៥ក្រុម និងក្រុមនារី ចំនួន ៥ក្រុម ចំណែកក្រុមនារីចែកចេញជា ២ក្រុមទៀត គឺក្រុមកីឡាបាល់ឱបក្រសួងការពារជាតិ នារី ក្រុមកីឡាបាល់ឱបស្រ្តីផ្កាឈូក (មកពីក្លិបក្របីព្រៃ) និងក្រុមកីឡាបាល់ឱប អនន្ត នារី (មកពីក្លិប អនន្ត) និង២ក្រុមទៀត គឺក្រុមកីឡាបាល់ឱបស្រ្តីផ្កាឈូក ស៊ីសុវត្ថិអាយុក្រោម ១៦ឆ្នាំ និងក្រុមកីឡាបាល់ឱបបាត់ដំបងនារីអាយុក្រោម១៦ឆ្នាំ។ រីឯក្រុមឈុតធំបុរសចំនួន ៥ក្រុម រួមមានក្រុមកីឡាបាល់ឱបសមាគមន៍កីឡាកងយោធាពលខេមភូមិន្ទនៃក្រសួងការពារជាតិ ក្រុមកីឡាបាល់ឱបក្លិបក្របីព្រៃ ក្រុមកីឡាបាល់ឱបគោជល់ ក្រុមកីឡាបាល់ឱបអនន្ត និងក្រុមកីឡាបាល់ឱបស៊ីសុវត្ថិ។វិញ្ញាសាក្រុមកីឡាបាល់ឱប (ប្រុសឈុតធំ) មេដាយមាសបានទៅលើសមាគមន៍កងយោធពលខេមរភូមិន្ទ មេដាយប្រាក់បានទៅលើក្រុមកីឡាបាល់ឱបក្របីព្រៃ និងមេដាយសំរិទ្ធបានទៅលើក្រុមកីឡាបាល់ឱបព្រះស៊ីសុវត្ថិ។…

ក្រុមកីឡាអេឡិចត្រូនិកតំណាងកម្ពុជា Burn X Flash នឹងចូលរួមកីឡាអេឡិចត្រូនិកកម្រិតពិភពលោក M4 World Championship ហៅកាត់ M4 សម្រាប់វិញ្ញាសា Mobile Legends: Bang Bang រៀបចំឡើងដោយក្រុមហ៊ុន Moonton នៅប្រទេសឥណ្ឌូនេស៊ី ដោយមាន១៦ក្រុមចូលរួម មកពី១៣ប្រទេសជុំវិញពិភពលោក បែងចែកជា៤ពូល ក្នុង១ពូលមាន៤ក្រុម។ ដោយឡែកក្រុមកម្ពុជា Burn X Flash ស្ថិតនៅក្នុង A មានក្រុមខ្លាំងៗដូចជា Blacklist International របស់ប្រទេសហ្វីលីពីន ជាក្រុមការពារតំណែងជើងឯកឆ្នាំចាស់ ក្រុម Falcon Esports មកពីមីយ៉ាន់ម៉ា និងក្រុម Incendio Supremacy របស់តួកគី។ ការប្រកួតត្រូវបានបែងចែកជាពីរដំណាក់កាល គឺវគ្គសន្សំពិន្ទុក្នុងពូល ចាប់ពីថ្ងៃទី១ ដល់ទី៤ ខែមករា និងវគ្គចាញ់ធ្លាក់ ឈ្នះឡើងរហូតដល់វគ្គផ្តាច់ព្រ័ត្រ ចាប់ពីថ្ងៃទី៧ ដល់ទី១៧ ខែមករា ឆ្នាំ២០២៣។ សម្រាប់ប្រាក់រង្វាន់សរុបចំនួន៨០ម៉ឺនដុល្លារអាមេរិក ដែលមានការបែងចែកប្រាក់រង្វាន់ទាំងនេះទៅតាមចំណាត់ថ្នាក់ចាប់ពីលេខ១ ដល់លេខ១៦។…

ភ្នំពេញ៖ លោក សំ សុខយី អគ្គលេខាធិការសហព័ន្ធកីឡាលើកទម្ងន់កម្ពុជា បានលើកទឹកចិត្តដល់សិក្ខាកាមជាគ្រូបង្វឹកទាំងអស់ ជម្រុញអោយសិក្ខាកាម ផ្តោតសំខាន់លើ៤ចំនុច និងរក្សាទំនាក់ទំនងល្អជាមួយជំនាញការអន្ដរជាតិ ដើម្បីទទួលបាននូវចំណេះដឹងថ្មីៗ ក៏ដូចជាស្វែងយល់បន្ថែមពីចំណុចខ្វះខាត ឆ្ពោះទៅស៊ីហ្គេម ឆ្នាំ២០២៣។ ការជម្រុញនេះ បន្ទាប់ពីវគ្គបណ្ដុះបណ្ដាល ក្រោមគម្រោងសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា (NOCC) ខាងលើ បានបញ្ចប់ដោយជោគជ័យ ក្រោយដំណើរការរយៈពេល ៥ថ្ងៃ ចាប់ពីថ្ងៃទី១៣-១៧ ខែធ្នូ នៅទីស្នាក់ការ NOCC ដោយមានសិក្ខាកាមចូលរួម ២៧នាក់ និងបង្រៀនដោយគ្រូឧទ្ទេសលោក Aveenash Pandoo មកពីសហព័ន្ធកីឡាលើកទម្ងន់អន្ដរជាតិ។ អគ្គលេខាធិការសហព័ន្ធខាងលើ បានបញ្ជាក់ថា ក្នុងវគ្គនេះ គ្រូឧទ្ទេសបានធ្វើបទបង្ហាញផ្ដោតសំខាន់លើការអភិវឌ្ឍ សមត្ថភាពបច្ចេកទេស ៤ចំណុច រួមមាន៖ ១-គ្រូបង្វឹកកីឡាលើកទម្ងន់ ត្រូវមានចំណេះដឹងលើការគ្រប់គ្រងក្លឹប យល់ដឹងពីសមត្ថភាពកីឡាករ កីឡាការិនី ត្រួតពិនិត្យតាមដានលើការហ្វឹកហាត់របស់គាត់គ្រប់វិនាទី គ្រប់សកម្មភាព មានការកែតម្រូបច្ចេកទេសភ្លាមៗ និងលើកទឹកចិត្តដល់ពួកគាត់ ឲ្យមានការចូលរួម និងមានឆន្ទៈឆ្ពោះទៅរកគោលដៅនៃផែនការ ការប្រកួតជាបន្តបន្ទាប់។ ២- គ្រូបង្វឹក ត្រូវចេះរៀបចំកម្មវិធីហ្វឹកហាត់ ផែនការប្រចាំសប្តាហ៍ ប្រចាំខែ…

ភ្នំពេញ៖ ការប្រកួតកីឡាម៉ូតូទឹកកម្រិតពិភពលោក (World Cup) ឆ្នាំ២០២២ នៅទីក្រុងប៉ាតាយា ប្រទេសថៃ បានបញ្ចប់ដោយជោគជ័យ ខណៈកម្ពុជា ទទួលបានបទពិសោធន៍ល្អៗច្រើន ដើម្បីត្រៀមរៀបចំព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ នៅកម្ពុជា។ នេះជាការបញ្ជាក់របស់ឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជា នាថ្ងៃទី១៨ ខែធ្នូ ឆ្នាំ២០២២។ ឯកឧត្តមប្រធានសហព័ន្ធ បានបញ្ជាក់ថា កីឡាករ៧នាក់ បានចូលរួមប្រកួតវគ្គជម្រុះ តែមានតែកីឡាករ៥នាក់ប៉ុណ្ណោះបានបន្តប្រកួតនៅជុំផ្តាច់ព្រ័ត្រ គឺមានកីឡាករ សាលី អូម៉ើត មីន ម៉ូស្តាន់ សាលី ហ្វីលីន កៃ វ៉ាន់សីដេន និងមីន អូស្មាន់។ រីឯលទ្ធផលវិញកីឡាករ សាលី អូម៉ើត ទទួលបានចំណាត់ថ្នាក់លេខ៣ ខណៈ៤រូបទៀតមិនទទួលបានចំណាត់ទេ ដោយសារមានបញ្ហាបច្ចេកទេស ខូចម៉ូតូទឹកពេលប្រណាំង នៅជុំចុងក្រោយ ទទួលបានត្រឹមចំណាត់ថ្នាក់ទី៤ និងទី៥។ ជាមួយគ្នានេះ ឯកឧត្តម ណុះ ស្លេះ បានវាយតម្លៃខ្ពស់ចំពោះការរៀបចំព្រឹត្តាការណ៍កម្រិតពិភពលោកនេះ គឺល្អប្រសើរ ដោយអ្នករៀបចំបានជួលអ្នកជំនាញតាមផ្នែកនីមួយៗ ដូចជា…

ភ្នំពេញ៖ កីឡាករគុនខ្មែរជម្រើសជាតិកម្ពុជាលំដាប់កំពូលលើប្រភេទទម្ងន់៥១គីឡូក្រាម ខាំ ខ្លានាង បានប្តេជ្ញាចិត្ត នឹងពង្រឹងចំណុចខ្វះបន្ថែមទៀត បន្ទាប់ពីឆ្លងកាត់ពីរប្រកួតក្នុងការប្រកួតប្រដាល់គុនខ្មែរជ្រើសរើសជើងឯកអាស៊ីអាគ្នេយ៍ ឆ្នាំ២០២២ ក្នុងពិធីបុណ្យសមុទ្រ នៅខេត្តព្រះសីហនុ កាលពីពេលថ្មីៗនេះ។ ខាំ ខ្លានាង លើកឡើងថា បើទោះបីពេលនេះរូបគាត់ទទួលបានមេដាយមាសពីការប្រកួតគុនខ្មែរជ្រើសរើសជើងឯកអាស៊ីអាគ្នេយ៍ជូនកម្ពុជា ប៉ុន្តែការឈ្នះសមិទ្ធផលមួយនេះមិនទាន់មានភាពពេញលេញសម្រាប់គាត់ឡើយ។ដ្បិតការប្រកួតរយៈពេល២ថ្ងៃនេះគឺការឈ្នះគូប្រជែងទាំងប្រភិតប្រផើយ ដោយសារតែគុណកម្លាំងកាយ និង ការតាំងអារម្មណ៍មិនបានល្អ។ ខាំ ខ្លានាង អះអាងថា ឆ្លងកាត់បទពិសោធ២ប្រកួតក្នុងការប្រកួតអន្តរជាតិនេះ រូបគេបានប្តេជ្ញាចិត្តថា នឹងខិតខំហ្វឹកហាត់ពង្រឹងសមត្ថភាពបន្ថែមទៀត ដើម្បីបំពេញនូវចន្លោះខ្វះខាតឆ្ពោះទៅប្រជែងដណ្តើមមេដាយមាសឲ្យបានជូនកម្ពុជាពីព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ដែលកម្ពុជាធ្វើជាម្ចាស់ផ្ទះ។ សូមបញ្ជាក់ថា កីឡាករគុនខ្មែរ ខាំ ខ្លានាង បានជាប់ជម្រើសជាតិគុនខ្មែរក្នុងប្រភេទទម្ងន់៥១គីឡូក្រាមហ្វឹកហាត់ជាមួយលោកគ្រូបង្វឹក លោក សេន ប៊ុនថេន អតីតអ្នកប្រដាល់គុនខ្មែរល្បីឈ្មោះ ត្រៀមប្រកួតក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ៕ អត្ថបទ៖ ជាវ ចន្ធូ

ភ្នំពេញ៖ គណៈកម្មាធិការជាតិស្ប៉េស្យាល់អូឡាំពិកកម្ពុជា សហការជាមួយវិទ្យាស្ថានជាតិអប់រំកាយ និងកីឡា បានបើកវគ្គអប់រំសុខភាព និងកីឡាសម្រាប់ជនបញ្ញាខ្សោយ ដល់សិក្ខាកាមចំនួន៤០នាក់ ស្រី១៤នាក់ ដែលជាគរុសិស្សនៃវិទ្យាស្ថានជាតិអប់រំកាយ និងកីឡា កម្មវិធីនេះធ្វើឡើងនៅក្នុងវិទ្យាស្ថានជាតិអប់រំកាយ និងកីឡា។ លោក ឃ្លាំង ចន្ធូ អគ្គលេខាធិការ គណៈកម្មាធិការជាតិស្ប៉េស្យាល់អូឡាំពិកកម្ពុជា បានអោយដឹងថា ក្នុងវគ្គអប់រំសុខភាព និងកីឡាសម្រាប់ជនបញ្ញាខ្សោយ គណៈកម្មាធិការជាតិស្ប៉េស្យាល់អូឡាំពិកកម្ពុជា ជានិច្ចកាលតែងតែយកចិត្តទុកដាក់ដល់ការពង្រឹង និងពង្រីក ចលនាកីឡា ល្បែងកំសាន្ត កម្មវិធីត្រួតពិនិត្យសុខភាព និងកម្មវិធីអប់រំផ្សេងៗទៀត ជារៀងរាល់ឆ្នាំទៅដល់សហគមន៍ និងអ្នកគ្រប់គ្រងមើលថែជនពិការខ្សោយសតិបញ្ញា នៅតាមបណ្តាខេត្តនានា។ លោក អគ្គលេខាធិការ បន្តថា វគ្គនេះ មានគោលបំណងអប់សុខភាព និងកីឡាសម្រាប់ជនបញ្ញាខ្សោយ ដល់អ្នកទទួលបន្ទុក និងគ្រូអប់រំកាយ និងកីឡាឱ្យមានការយល់ដឹងអំពីការថែរក្សាសុខភាព និងវិធីសាស្ត្របង្ហាត់បង្រៀន បានត្រឹមត្រូវដល់ជនបញ្ញាខ្សោយ ដើម្បីបម្រើសុខុមាលភាព និងភាពសប្បាយយរីករាយដល់ពួកគាត់ដែលជាការពង្រឹង នូវសមត្ថភាព កម្លាំងកាយ កម្លាំងចិត្ត និងបញ្ញា ស្មារតី មានសាមគ្គីភាព មានទំនាក់ទំនងរវាងប្អូនៗជនមានពិការភាព។ នេះជាការឆ្លុះបញ្ចាំងនូវការយកចិត្តទុកដាក់របស់រាជរដ្ឋា ភិបាលកម្ពុជាដល់ជនមានពិការភាព និងជាការរួមចំណែកក្នុងការអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនមានពិការភាពនៅកម្ពុជា។ នេះជាគោលនយោបាយ…

ខេត្តព្រះហនុ៖ អត្តពលិកចំនួន៦០០នាក់បានចូលរួមរត់អបអរសាទរពិធីបុណ្យសមុទ្រលើកទី៩ជុំទី៣នៅខេត្តព្រះហនុ នាព្រឹកថ្ងៃ ទី៩ ខែ ធ្នូ ឆ្នាំ២០២២។ តាមការបញ្ជាក់ពី លោក សែម ផល្លា នាយកប្រតិបត្តិម៉ារ៉ាតុងបានអោយដឹងថា វិញ្ញសារត់កម្សាន្ត៣គីឡូម៉ែត្រ៣៥០ និងវិញ្ញសា៥គីឡូម៉ែត្រ២៥០នាក់។ រត់កម្សាន្ត៣គីឡូនិង៥គីឡូម៉ែត្រ បានរៀមចំនៅខេត្តព្រះសីហនុ បានធ្វើឡើង ដើម្បីអបអរសាទរពីធីបុណ្យសមុទ្រលើកទី៩ជុំទី៣ ជាពិសេស ក្នុងគោលដៅបំផុសដល់ប្រជាពលរដ្ឋអោយចូលរួមក្នុងការលេងកីឡា ដើម្បីសុខភាព និងចូលរួមបំផុសយុទ្ធនាការប្រជាពលដ្ឋម្នាក់ត្រូវចេះលេងកីឡាមុខ ស្របតាមយុទ្ធរបស់រាជរដ្ឋាភិបាល ។ សម្រាប់ថ្ងៃបើកពីធីបុណ្យនៅថ្ងៃទី៩ ខែធ្នូ មានកម្មវិធីកីឡារត់ប្រណាំងកម្សាន្ត៣គីឡូម៉ែត្រ និង៥គីឡូម៉ែត្រ នៅឆ្នេរអូរត្រេះ, កីឡាទូកក្ដោង នៅឆ្នេរអូរត្រេះ និងប្រដាល់គុនខ្មែរជើងឯកអាសុីអាគ្នេយ៍។ សូមបញ្ជាក់ថា ពិធីបុណ្យសមុទ្រលើកទី៩នេះនឹងត្រូវរៀបចំឡើងចាប់ពីថ្ងៃទី៩-១១ ខែធ្នូ ឆ្នាំ២០២២ អមជាមួយនឹងការធ្វើជាម្ចាស់ផ្ទះរៀបចំមហាសន្និបាត ក្លិបឆ្នេរសមុទ្រដែលស្អាតបំផុតលើសកលលោក ចាប់ពីថ្ងៃទី៩-១៤ ខែធ្នូ ក្រោមប្រធានបទ «ឆ្នេរនៃសន្តិភាព ឆ្នេរនៃក្ដីសង្ឃឹម»៕ជាវ ចន្ធូ